رواية حب بعد عناء الفصل الخامس
رنيم طلعت هي وبينيامين وانصدمت لما شافت رؤوف ووهو نازل مالعربيه
رنيم بلعت ريقها وقالت بخوف:ر رر رؤوف
بينيامين بطمأنينه:انتي خايفه ليه متخافيش انا معاكي
رنيم بحزن:مش عايزه اروحله تاني يا بينيامين
بينيامين:متخافيش خير انشاء الله تعالي بي نخش جوه ونشوف اي هيحصل
رنيم هزت راسها ودخلوا جوه
اميره باستغراب:رجعتوا تاني لي
بينيامين:رؤوف بره
اميره بصدمه:ايه وجيه ليه
بينيامين:معرفش اكيد هنعرف
اميره:طب هو فين
بينيامين:كان نازل مالعربيه واكيد رايح لعمو سعيد
اميره:ربنا يستر تعالي يا رنيم يا حبيبتي متخافيش
رنيم راحت واعدت جنب اميره واميره خدتها فحضنها ورنيم كانت خايفه جدااا ومش متخيله انها ممكن ترجع للراجل ده تاني وبينيامين وقف عند الشباك اللي بيطل علي جزء من صاله رنيم لان البيتين جنب بعض وبقي بيبص براحه
رؤوف قفل باب العربيه وراح وقف ادام البيت واستغرب ان الباب مفتوح ضرب الجرس ومحدش رد فتح ودخل وقال:احم عم سعيد
سعيد كان اعد وحاطط دماغه بين ايده وحزين ومهموم وبص واول ما شاف رؤوف الد*م غلي فعروقه وقال بغضب و بصوت حاد:ايه اللي جابك هنا
رؤوف ببرود: جاي عشان ارجع مراتي
سعيد قام وقف وقال باستهزاء:هه مراتك ولا طليقتك
رؤوف بنفس البرود:وايه يعني هرجعها
سعيد وهي عينه محدده علي رؤوف وبيبصله بنظره حاده:وياتري حضرتك هترجعها لي مش هي قت*لت ابنك
رؤوف رفع حاجبه وقال:مانت عارف اهو ده تحمد ربنا اني هسامحها اصلا
سعيد اتجنن وراح مسكه من هدومه وقال بصوت جهوري:ت إيه يا اخويا تحمد ربنا دانت اللي تحمد ربنا اني مبلغتش عنك انت متخيل انتو عملتوا ايه فبنتي يناس يا زبا*له بقا انا مديكوا بنتي ورده مفتحه مرجعينها بطه مكسحه(انا عارفه ان الرد مش لايق عالموقف بس لايقين غلي بعض الجملتين 😂)دالبت اتغيرت ١٨٠ درجه بقا انا مديك بنتي زوجه ليك ومخلتهاش تكمل تعليمها مع انها كانت هتبقي دكتوره اد الدنيا والنتيجه ايه خلتوها خدامه وسبتها لامك تهين فيها وتتآمر عليه وتؤمرها كانها عبده عندها حتي جبرتها تنام فؤضه لوحدها مع انها المفروض عروسه جديده والمفروض انت كراجل متسمحش مراتك تتهان كده واصلا هي مش مجبوره تخدم امك ده تكرما منها أنها تخدمها مش اجباري ايه انتو معندكوش د*م وبعد كل ده تيجي امك تديها دوي وتسقطها وتضحك عليك بكلمتين وتقولك ان بنتي اللي سقطط نفسها وانت يا سيد الرجاله طلقتها وجاي تقولي تحمد ربنا أنت ايه شيطان وبعدين بالعقل في واحده هتق*تل ابنها ايه مفيش مخ يفكر (بصراحه سعيد كان مغلول وطلع كل غله فيه 😂)
رؤوف بصدمه:انت انت انت بتقول ايه مستحيل امي تعمل كده انت بتقول ايه
سعيد بحرقه قلب:بقول الحقيقه يا سبع البرومبه روح اسال امك ومالاخر ملكش بنات عندي وحقها هجيبه تالت ومتلت ويلا براااا
رؤوف بعدم تصديق:انت اكيد بتكدب
سعيد اضايق وزقه بره وقال:بكدب مش بكدب دي الحقيقه شئت ام أبيت روح بقا يا حبيبي عند الدكتوره واسالها يلا من هنا امشي وطلعه وقفل الباب
رؤوف كان تايه ومكنش مستوعب وقال:أنا لازم اعرف الحقيقه وركب العربيه وكان ماشي بس لمح رنيم واقفه وبصاله من ورا الباب مشي براحه بالعربيه وهي عينه عليها وهي انطربت لما لقته شافها وقفلت الباب وهي بصلها نظره هي مش فهمتها ومشي
رنيم بارتياح:هوووف الحمد لله مشي
بينيامين بفرح:عم سعيد فش غله فيه
اميره بتأكيد:دي حقيقه وقاله كل حاجه يك يحس علي د*مه ويعرف اللي الحربايه امه عملته فيكي
رنيم بتنهيده:مش قادره اسامح بابا برضو ومش فهمه عمل كده ليه
اميره بحب:متزعليش يا بنتي كله خير والله متقلقيش ومسير الايام تفهمك كل اللي انتي عايزاه
رنيم وهي بتهز دماغها:عندك حق
بينيامين عشان يغير الأجواء:مش هنروح البحر ولا ايه
رنيم بضحك:فصيل اقسم بالله يلا
بينيامين بضحك:مبقاش انا لو مفصلتش يلا نروح ومشيوا عالبحر،،،،
رؤوف كان ماشي باقصي سرعه وكلام سعيد عمال يرن فدماغه لحد ما وقف مره واحده لما افتكر جمله(امك حطط دوي للسقط)ووقف وقال:معقول تكون امي عملت كده فعلا بس ليه وافتكر كلام أبوه لما لمح أن أمه السبب وقال:أنا لازم افهم وطلع عالمستشفي بس هو مكنش عارف مين الدكتوره اللي جت الصبح وافتكر سعاد ورن عليها
سعاد:الو مين
رؤوف؛انا رؤوف يا سعاد
سعاد بلعت ريقها وقالت بخوف:سي رؤوف خير
رؤوف:مين اادكتوره اللي جبتيها الصبح لرنيم
سعاد بتردد:د د د دكتوره مين
رؤوف بعصبيه:انجزي يا سعاد مش فاضيلك
سعاد بسرعه:د د دكتوره يمني
رؤوف قفل التليفون من غير ما يكلم ودخل وسأل عليها وعرف مكتبها ودخل عندها وخبط
يمني:اتفضل
رؤوف دخل وهي قالت بابتسامه:كنت مستنياك
رؤوف باستغراب:مستنياني ليه
يمني:عشان عارفه انت عايز ايه
رؤوف:طب يرات تقولي كل حاجه بقا
يمني:تمام اتفضل اعد تشرب ايه
رؤوف؛ولا اي حاجه عايز اعرف الحقيقه بس
يمني:اممم اوكي طب بص بقا ............وحكتله نفس اللي حكتت لرنيم بالحرف
رؤوف كان مصدوم تماما ومش مصدق حاسس ان بيسمع كلام عن واحده غريبه مش عن أمه خالص حاسس أنه طول حياته كان عايش مع واحده ميعرفهاش مش مصدق أن أمه يكون ده ماضيها وتكون هي عملت كل ده للدرجادي كان مغفل للدرجه دي ظلم مراته للدرجه دي كان اعمي ومش شايف امه بتعمل ايه وهو اللي كان فاكر أن امه بتعمل كده عشان مصلحته طلع انضحك عليه واوي كمان وأمه عملت كل ده عشان هو مرضيش يجوز سوزي(بنت خالته)طب رنيم زنبها ايه فعلا طلع ظلم رنيم وجامد اوي وأبوه صدق لما قاله لو هي مسامحتكش يبقي عندها حق قام وقف ومشي من غير ما يكلم وهو تايه ومش مصدق ومش متخيل ان كل ده حصل مش قادر يستوعب ان أمه اقرب واحده ليه واكتر واحده بيحبها يطلع منها كل ده طلع بره المستشفي خالص وركب عربيته ومشي بيها وهو بحال غير الحاال تمام
الفون رن
منيره:الو مين
سعاد:الحقي يا ستي
منيره:في ايه يا بومه
سعاد بلعت ريقها وقالت:ابنك
منيره بخوف:ماله
سعاد:هو هو
منيره بزعيق:في اي انطقي
سعاد:ابنك رن عليه وسأل علي اسم الدكتوره اللي جت لمراته الصبح
منيره بصدمه:ايه اوعي تكوني قولتيله اسمها
سعاد؛احم
منيره:يلاهوي قولتيله يا بومه والله لاقت*لك وقفلت السكه
سعاد بزهق:اوووف ايه العائله دي ياربي
منيره بقت خايفه وعماله تقول:اكيد هتقوله ده الكل بيشهد بأخلاقها يالاهوي هعمل ايه دلوقتي وهودي وشي فين ابني هيعمل فيه ايه ياخراب بيتك يا منيره،،،،،،
بينيامين ورنيم راحوا عند البحر ورنيم جريت ونزلت فيه واعدت تعوم تعوم تعوم وكل ما تعوم والمايه تحتويها تحس ان همومها بتنشال
بينيامين وقف وحط ايده فجيبه واعد يتفرج عليها وهو مبتسم لانه عارف اد ايه هي بتعشق البحر واد ايه البحر هو اللي بيسكن آلامها وجروحها
رنيم رقدت عالمايه وبقت شايلاها وبدأت تاخد نفس عميق وتطلعه براحه عشان ترتاح وتنسي شويه اللي جرالها فالفتره الاخيره وبعد شويه بصت وشافت بينيامين وضحكت وقالت:تعالي
بنيامين اذاكنه كان مستني اشاره منها ونزل هو كمان وطار ووصلها
رنيم بابتسامه مش هيفهما غير بينيامين:يلا
بينيامين بنفس الابتسامه:يلا وبدؤا يعوموا ويتسابقوا الاتنين وهما بيضحكوا ويهزروا ويسترجعوا ذكرياتهم
رؤوف وقف مره واحده ونزل مالعربيه وهو حزين ومهموم وحاسس بتقل مش طبيعي جواه وخنقه وحشه ومشي واعد علي شط البحر وبقا يبص للبحر وهو دموعه بتهدد بالنزول فأي لحظه وشاف من بعيد اتنين بيلعبوا فالمايه ويضحكوا ضحك بحسره وقال:يابختهم بجد كان ممكن اكون انا ورنيمي دلوقتي زيهم كده بس أنا اللي غبي وانا اللي عملت كده فنفسي لما سبت امي تتحكم فيه أنا ومراتي ومكنتش بكلم أو بعترض علي اي حاجه بتعملها أنا السبب انا اللي دمرت حياتي ومو*ت ابني بايدي أنا وقال بصوت عالي: عااااااااااااااااااااااااااااااااااااااااااااااااااااااااااااااااا وصرخ بكل ما عنده والصرخه دي طلع معاها حاجه كبيره كانت خنقاه وبعدها اتنهد واعد ياخد نفسه ومره واحده,,,,,,,,,ستوووووب،،،،،،،حب بعد عناء،،،،،ر
يتبع...
بدل ماتدور وتبحث علي الروايات خليها علي تليفونك وحمل تطبيقنا
