رواية انتي ملاكي الفصل الخامس
ادم كان جالس بمكتبه منشغل وفجاءه استمع لصوت شى ما انكسر فنهض من على الكرسى مستغربا يعلم ان الجميع نائم فخرج من المكتب يبحث عن مصدر الصوت ولكنه لم يرى شيئا كاد يعودد الى مكتبه ولكنه استمع لصوت بكاء فالتف وانصدم ان هذا الصوت اتى من غرفة ملك فوقف امام الغرفه ودق ثلاث مرات ولكنه لم يسمع سوى بكاءها فقلق عليها وفتح الباب ببطء حتى راها واقعه على الارض وتبكى شعر بالخوف عليها فركض اليها ونزل الى مستواها
ادم \ مالك ايه الى وقعك كده
ملك بطوت متقطع \ كنت عايــ....زه ادخـ..ل الحمـ...ام
ادم نهض وامسك يدها وما ان امسك يدها شعر بحررتها مرتفعه فقال بقلق \ ملك انتى كويسه
ملك \ الحمـ......ام
ادم ساعدها على الوقوف وساعدها للدخول الى الحمام وما ان وصلت خرج هو من الغرفه ونزل بسرعه الى المطبخ فتح الثلاجه اخرج زجاجه ماء مثلج وصب الماء فى طبق غويط وجلب فوطه صغيره وصعد بسرعه الى غرفتها ولكن صدم بانه رائها وقعه على الارض وفقده الوعي فوضع الطبق على المكتب وذهب اليها بخوف وحملها ووضعها على الفراش وصفع وجهها برقه \ ملك ملك يارب اعمل ايه دلوقتى
نظر لها وامسك يدها \ حرارتك مرتفعه اوى
امسك الطبق وضع به الفوطه وعصرها وبعدها وضعها على راسها \ يارب استر
ادم بتفكير \ اعمل ايه
امسك هاتفه
ادم \ ايوه ياعمو اسامه معلش بتصل متاخر بس ملك حرارتها مرتفعه والكل نايم وانا مش عارف اعمل ايه
اسامه \ طيب انا جايلك على طول
بعد قلبل وصل اسامه وتفحصها
ادم \ ها ياعمو مالها
اسامه \ متخفش ده شوية برد انا اددتلها حقنه تنزل السخنيه بس هو مفيش غيرك صاحى
ادم \ حولت اصحى جدو لقيته فى سابع نومه
اسامه \انت بس تابعها وحاول تعملها كمدات وعلى الصبح هتبقى كويسه
رحل اسامه وعاد ادم الى الداخل ليراها نائمه فتنهد براحه \ دايما قلقانى عليكى لو تعرفى انا بخاف عليكى قد ايه
ادم جلب كرسى ووضعه جانبها وعمل لها كمدات ظل مستيقظ بجانبها حتى زالت الحراره فجلس على الكرسى ظل يتامل وجهها وابتسم براحه واغمض عيناه
فى الصباح ملك فتحت عيناها ببطء لتلاحظ ادم فجلست لتراه نائم على الكرسى فحاولت ان تنهض لم تستطيع حاولت مجددا ولكنها رات يد تساعده لترفع نظرها لتتقابل بعينان عسليتان ظلت تبحلق به فابتسم لها وقال لها \ حمد الله على السلامه
ملك \ هو ايه الى حصل
ادم \ حرارتك ارتفعت شويه بس الحمد الله انتى كويسه دلوقتى
ملك نظرت له \ شكرا يا ادم بس هى ماما فين
ادم ضاحكا \ كلهم كانو نايمين بيشخرو حاولت اصحيهم ولا عبرونى
ملك \ اه فعلا نومهم تقيل
ادم وهو يتمطع \ اه طيب اطمنت عليكى احاول بقى انام شويه
ملك \ انت منمتش خالص
ادم وهو ينظر لها بحب \ ازاى انام من غير مطمن عليكى
ملك نظرت له وابتسمت \ مش عارفه يا ادم من غيرك كنت عملت ايه
ادم \ يابت ده انتى الى فى القلب
ملك نظرت له مستغربه \ قصدك ايه
ابتسم ادم \ لما تكبرى هتفهمى
ملك بضيق \ ليه يعنى شايفنى عيله
ادم غامزا \ واجمل عيله شافتها عينى
ملك توردت وجنتيها من الخجل \ادم بقا
ادم ابتسم \ ها تحبى اعملك حاجه تاكليها
ملك هزت راسها بايجاب فابتسم لها وساعدها لتنهض وخرجت معه ونزلو الى الاسفل دلفو الى المطبخ هى جلست تشاهده وهو يحضر لها الفطار
ادم \ بتبصيلى ليه
ملك بعدم وعى\ مش يمكن معجبه
ادم انصدم من ردها ظل واقف يفكر فى تلك الكلمه لايصدق هل ما سمعه صحيح هل قالت معجبه فالتفت لها ليراها تبتسم فقال \ هو انتى قولتى ايه
مالك بتوتر \ ولا حاجه انا بس .....
ادم بحب \ علشان خاطرى قولي انتى قولتى ايه
ملك \ قولت جعانه ممكن اكل بقا
ادم \ ماشى يا مجننانى
التفت ادم وحضر لها الفطار وعندما التفت لها مره اخرى رأها سنده راسها على يدها ونامت فابتسم واقترب منها وازال شعرها من على عيناها وهمس فى اذنها \ بحبك
وابتعد عندما شعر بانها تفتح عيناها ملك نظرت له طويلا ها ماسمعته حقيقا عندما رأته ينظر لها قالت \ احم فين الاكل
ادم بغيظ \ اتفضلى الاكل اهو
ملك \ شكرا يا ادم انت احلى ادم فى الدنيا كلها
ادم بابتسامه \ طيب يابكاشه كلى انا طالع البس
صعد ادم الى غرفته اما ملك فامسكت الطبق وجلست امام التلفزيون تشاهد فيلم بعد قليل نزلت ليلى رات ملك جالسه امام التلفزيون
ليلى \ ايه ده اشمعنه النهارده صاحيه بدرى
ملك \ كنت جعانه
ليلى \ طيب احضرلك تفطرى
ملك \ ادم عملى فطار لذيذ
ليلى باستغراب\ هو ادم صحى
ملك \ هو اصلا نام
نزل ادم ونظر لهم \ يلا انا رايح الشركه عايزين حاجه
ملك \ خد بالك من نفسك
ابتسم ادم وقال \انتى خدى بالك من نفسك ومتنسيش تخدى الدوى
ملك \ طيب طيب
ليلى بعدم فهم \هو ايه الى بيحصل ممكن حد يفهمنى
ملك \ ابدا ياماما كنت تعبانه شويه
ليلى بخوف \تعبانه مالك
ملك احتضنت والدتها \متخافيش انا بقيت كويسه
ادم \ طيب انا اتأخرت لازم امشى "نظر لملك \ وانتى بلاش تروحى الجامعه النهارده
ملك بسعاده \ يس يس شكرا يا دودو
ادم بصدمه \ ايه مين دودو ده
ليلى \شكلها اتجننت
ملك \ فى ايه بدلعه ايه المشكله
ادم بغيظ \ انا ماشى عن اذنكم "وقال وهو يرحل \ دودو ملقتيش غير دودو انا عارف انك هتجننينى
مر يومان ملك استيقظت هى وساره مثل كل يوم وذهبو اى الجامعه
ملك كانت جالسه مع ساره وشذى ..ساره وملك يتحدثون وشذى جالسه بصمت
ملك \ مالك ياشذى انتى اتغيرتى اوى بقيتى سكته على طول
شذى بتنهيده \ انا بحب عمرو
ملك \ بجد وياترى هو بيحبك
شذى بابتسامه \ جدا انتو عارفين امبارح بليل عمرو جيه طلبنى من بابا وقرينا الفاتحه ولبسنا دبل
ملك \ بجد مبرووك انا لو بعرف ازغرط كنت زغرط
ساره \ مبرووك ياشذى بس مش كنتى تعزمينا
شذى \ كان مستعجل علشان مسافر
ملك \ الف مبرووك ياحبيبتى
شذى \ عقبالك بقى ياملك
ملك بابتسامه \ ان شاء الله قريب
ساره \ هو فى حاجه وانا معرفهاش
شذى \ بجد يعنى فى حد
ملك ضاحكه \ اهدو فى ايه انا بقول قريب بس
ساره بحزن \ انتى ناويه توفقى على العريس الى متقدملك
ملك \ انا رفضته اساسا هو انا اتجننت علشان اوافق على الى اسمه مصطفى
ساره \ ملك جاوبينى بصراحه انتى بتحبى حد
ملك هزت راسها بايجاب
ساره \ بجد مين قولى
شذى \ اعترفي ياملك
تفتكرو ملك بتحب مين ؟؟؟ تابعونى
.........................................................................................
الحلقه الخامسه الجزء الثانى من رواية انتــــي ملاكـــــي
ساره \ ملك جاوبينى بصراحه انتى بتحبى حد
ملك هزت راسها بايجاب
ساره \ بجد مين قولى
شذى \ اعترفي ياملك
ملك بابتسامه \ حد تعرفوه
شذى بتفكير\ مفيش غيره ادم صح
ساره بابتسامه \ بجد انتى بتحبى ادم
ملك \ ممكن تهدو شويه
ساره \ قولى بقى بلاش تتعبينا معاكى
ملك بحب \ احم الصراحه ايوه بحبه جدا كمان
ساره بسعاده \ مش معقول اخيرا حسيتى بالراجل
ملك \ هتصدقينى لو قولتلك انى حبيته من زمان
ساره \ امال ليه بتعملى كده مش كان زمانكم دلوقتى متجوزين
ملك \ اعمل ايه يعنى فى اخوكى الغبى
شذى \ ليه ايه الى حصل
ملك \ بزمتك لو واحد بيحب واحده المفروض يعمل ايه
ساره بتفكير \ يعمل ايه
شذى ضاحكه \ ايه يا ساره بتفكرى فى ايه ياحبيبتى اكيد هيتقدملها
ساره \ ماهو ميعرفش والمفروض انها تقوله
ملك \ ساره هو حسام لما حبك عمل ايه
ساره بابتسامه\ جيه وقالى انه بيحبنى وانه نفسه يكمل حياته معايا بجد كان احلى يوم فى حياتى
شذى \ فهمت قصدك ياملك وهو انك مستنياه ياخد الخطوه ديه بانه يتقدملك ويعترفلك بحبه
ملك \ بالظبط كده ماهو مش انا الى هروح اتقدمله
ساره \ عارفه ليه مقالكيش لان جدو قاله انك لو رفضتى ساعتها هتخسرو بعض
ملك بتفكير \ فعلا مشكله
ساره \ طيب ايه الحل ادم بيحبك اوى يا ملك وتصرفاتك بتضايقه
ملك ضاحكه \ انا بحب اشوفه وهو متعصب بيبقى حلو خالص
شذى ضاحكه \ ياعينى ياعينى فينك يادم تسمع ملك بتقول ايه
سمر اتت وقالت \ اذيكم يا بنات اخباركم ايه
ملك \ ازيك ياسمر ايه يابنتي مش باينه من الصبح ليه
سمر \ هو انتو متعرفوش ان فى رحله طالعه الخميس الجاى للغردقه
ساره \ بجد اناعايزه اطلع
ملك \ كام يوم
سمر \ 3 ايام بس انا عن نفسى طالعه
شذى \ انا معاكي مليش دعوه
سمر \ وانتى يا ملك
ملك \ معاكم اكيد بس ده لو ادم بيه تعطف علينا ووافق
سمر ضاحكه \ صحيح ياملك ايه الى بتعمليه فى الراجل ده ادم اتجنن بسببك
ساره \ شوفتى مش انا لوحدى الى شايفه كده
سمر \ يابنتى ادم بيحبك ومستعد يعمل اى حاجه علشانك وانتى ولا معبراه بجد مفتريه
ملك \ حتى انتى قايلك انه بيحبنى طيب ليه مش بيقولى انا
شذى \ يابنتى ادم مش بيقول الى يبصى فى وشه يعرف ان بيحبك نظراته ليكى اهتمامه بيكى
سمر \ المهم اتصرفو انا مش هسافر من غيركم
ملك \ متقلقيش هنسافر معاكى
مر مصطفى قائلا \ ملك اذيك انا كنت مستنى ردك ياترى فكرتى
ملك بتافف \انا اسفه بس الجواز قسمه ونصيب
مصطفى \بمعنى
ملك \الصراحه انا بحب شخص تانى
مصطفى \ وده مين ان شاء الله
شذى بضيق \ وانت مالك اوف هى مش قالتلك الجواز قسمه ونصيب حل عنا بقا
مصطفى \ متلمى نفسك يابت انتى
ملك بغضب \ انت الى لم نفسك فى ايه اتكلم عدل معاها
مصطفى \ ملك انا بحبك ومحدش هيحبك قدى
سمر \ هو انت يابنى مبتفهمش فى ايه بتقولك بتحب واحد تانى
مصطفى بغضب \ وانا عايز اعرف مين
ملك \ هيفرق معاك فى ايه
مصطفى \ اه هيفرق عاوز اعرف مين الحيوان الى حبتيه
ساره بسخريه \ طيب هى بتحب ادم عارفه ولا تحب تتعرف عليه
مصطفى ابتلع ريقه \ ادم ابن عمك
ملك ضاحكه \ ايوه هو عندك مانع
مصطفى نظر لها \ تمام عن اذنكم
رحل مصطفى من امامهم
شذى ضاحكه \ هو ايه الى حصله لما سمع اسم ادم هو للدرجادى اسمه بيخوف
ملك قامت ووضعت يدها على كتف سمر \ سمر انتى زى اختى ونصيحه منى الانسان ده مش كويس انسيه وبكره ربنا هيرزقك بشخص افضل منه
شذى بخبث \ مين قالك انها كانت بتحبه هى كانت بتحب واحد فقالت تنساه بمصطفى مش اكثر مش كده ياسموره
سمر بتوتر \ ايه الهبل ده
ملك \ اها فهمت يعنى انتى بتحبى حد تانى اعترفى مين واسمه ايه وحصل امتى
سمر توترت ذياده \ انتى هتصدقى كلام شذى
ملك بزعل \ هو مش انا صحبتك بتخبى عليا
ساره \ لو مش عايزه تقولى خلاص احنا مش هنغصبك تتكلمى
سمر بتنهيده \ خلاص هقولك انا كنت بحب شخص من زمان ساعتها كنت انا لسه صغيره هو اصلا كان شايفنى عيله وكان يقولى انى اقوله ابيه كنت بضايق انه مش حاسس بيا اتصدمت لما عرفت انه اتجوز انا كنت بحبه اوى وكان هو اول حب بس علشان كده كنت عايزه انساه لانه خلاص عاش حياتى
ساره \ ومين ده
سمر دمعت عيناها \ لو سمحتو غيرو الموضوع انا بحاول انساه
ملك بحزن \ ياه انتى بتحبيه قوى كده معلش ياسمر بكره ربنا هيعوضك بانسان يستهلك
فى شركة ادم
ادم كان جالس على مكتبه منشغل بالورق الموجود امامه ليدلف كريم
كريم بابتسامه \ المناقصه رسيت علينا ياكبير
ادم اسند ظهره على المقعد وابتسم وقال \ تمام
كريم بلوى شفاتيه \ تمام ده اخرك بقولك المناقصه رسيت علينا تقولى تمام
ادم \ خلينا فى الى بعد كده
كريم رمى نفسه على الاريكه \ تصدق الشغل معاك متعب
ادم \ صحيح فى اجتماع كمان ساعه
كريم \ يابنى انا تعبت هو مفيش اجازه من الشغل
ادم \ لما تتجوز هديك اجازه
كريم بابتسامه \ يسمع من بوقك ربنا
ادم \ يابنى اهدى شويه فى ايه
كريم بحب \ بحبها ياادم
ادم \ طيب ليه مقولتلهاش
كريم \ ما انت كمان مقولتش لملك
ادم ارجع راسه للخلف وقال بتنهيده \ ملك هتجننى معاها سعات احس انها بتحبنى وسعات احس انها بتعملنى على انى اخوها صدقنى بقيت محتار وعايز اقولها بس بخاف اخسرها انا مبقتش عارف اعمل ايه وليه هى موصره تجرحنى او تضايقنى رغم انها عارفه ومتاكده انى بحبها
كريم بحزن \ ربنا معاك انا عارف انت بتعانى قد ايه وبالزات انها قدامك علطول بس صدقنى هيجى يوم وملك هتكون ملكك انت وتتجوزو صدقنى ياصحبى لان ملك مستحيل تكون لحد غير ادم
عند ملك .....
فى الليل كانت ملك جالسه بغرفتها تنظر للساعه مستغربه تاخر ادم وتقطع الغرفه ذهابا وايابا وبعدها سمعت صوت السياره فركضت على الفرنده رات ادم يغلق السياره فخرجت من الغرفه بسرعه ونزلت الى الاسفل وفتحت الباب وخرجت لتصتدم بادم لتشهق شهقه خفيفه وكادت تقع لكن ادم امسك يدها ظل ينظر بعينها وعندما وعندما شعر بخجلها فابتعد عنها وقال
ادم \ انتى ايه الى مخرجك بره
ملك بغضب \ممكن اعرف انت اتاخرت ليه
ادم \ عندى شغل مهم فيها ايه
ملك \ انت اول مره تتاخر كده
ادم \ اساسا انتى ايه الى مصحيكى لحد دلوقتى
ملك \ كنت قلقانه عليك اوى ""بعدها نظرت الى الاسفل بخجل ""
ادم بارهاق\ انا كويس تقدرى تطلعى اوضتك
ملك بغضب \تصدق انا غلطانه انى قلقت عليك "ادم نظر لها وقال لنفسه \ قلقت عليا انا سمعت صح
ملك اعطته ظهرها وكادت ترحل الا انه امسك يدها
ملك التفتت \ سيب ايدى يا ادم
ادم اقترب منها وهى تراجعت للخلف حتى اصتدمت بالحائط فاقترب منها ادم
وقال \ انتى بجد قلقتى عليا
ملك توردت وجنتايها من قربه لها لاول مره يتقرب منها بتلك الطريقه
ادم \ ملك انا بكلمك ردى عليا انتى قلقلتى عليا
ملك توترت ظلت تحاول ابعاده ولكنه لم يتحرك من مكانه
ادم \ مش هسيبك غير لما تتكلمى
ملك بتوتر\ انت ابن عمى وزى اخويا اكيد لازم اقلق عليك
اشتعل ادم غضبا وامسك يدها بقوه \ ملك انا مش اخوكى بلاش تعصبينى انتى ليه بتعملى فيه كده
ملك بالم\ ادم سيب ايدى
ادم بحزن نظر لها \ انتى ليه بتعملى فيا كده ليه بتجنينى معاكى مبقتش فاهملك حاجه بتمنى انك تحسى بيا بس انتى كل مره تبعدى عنى ملك انتى بتجرحينى من غير متخدى بالك
ملك دمعت عيناها فنظر لها وابعد وجه وترك يدها
ملك نظرت له بحزن وركضت الى غرفتها
التفت ليراها ترحل \ انا اعمل ايه بس فى قلبى متمسك بيكى وهيفضل يحبك مهما حصل بتمنى يجى اليوم الى تقوليلى انك بتحبينى قد ما انا بحبك
ملك دلفت الى غرفتها واغلقت الباب خلفها وسندت على الحائط ونزلت بقدميها واحتضنتهم وقالت بدموع \ انا مش قصدى اجرحك صدقنى بس انت بتوترنى بتخلين ىاقول كلام مش عايزه اقوله ادم انا بحبك
ادم صعد الى غرفته ولكنه اقترب من غرفة ملك سمع شهقاتها فوضع راسه على الباب بحزن
فى غرفة ابراهيم كان بتحدث بالهاتف كان واضح عليه الغضب والخوف والقلق بعدها اغلق الهاتف وجلس على السرير يفكر بامر ما بعدها اتت فكره على ذهنه وقرر تنفيذها فى الحال
ياترى ايه الى هيحصل وابراهيم بيفكر فى ايه تابعونى ...فى مفجاءه الحلقه الجايه
..........................................................................
لحلقه الخامسه الجزء الثالث
يوم المفجاءات اشرقت شمس الصباح لتعلن عن بداية يوم جديد ""الجمعه ""
فى الصباح استيقظت ملك على صوت والدتها وهى تقول / ملك حبيبتى اصحى الساعه 9 يلا
انتفضت ملك وقامت مسرعه وقالت/ انا اتأخرت على الجامعه
ليلى / النهارده اجازه و جدكم عايزكم فى موضوع مهم
ملك بتفكير \ايه هو الموضوع اكيد عارفه لان جدو مبيخبيش عنك حاجه
ليلى \ والله مقليش حاجه
ملك بضيق \ يارب ميكونش عريس جديد
ليلى \ طيب يلا البسى انا هسبقك على تحت
ملك دلفت الحمام لتستحم وخرجت ارتدت بنطلون وتيشيرت ورفعة شعرها ديل حصان وفتحت الباب ونزلت الى الاسفل
ادم كان جالس بمكتبه فى المنزل يراجع بعض الاوراق منشغل حتى سمع دق على الباب
ادم \ ادخل
ملك بابتسامه \ صباح الخير
ادم وهو ينظر فى الورق امامه \ فى حاجه
ملك بضيق \ انا اسفه
ادم رفع نظره لها ليراها مرتبكه فقال بهدوء\ على ايه
ملك \ على انى ضايقتك امبارح صدقنى مكنتش اقصد
ادم نظر للورق مجددا \ خلاص ياملك
ملك بضيق \ انت مقولتش ملاكى يبقى لسه زعلان
ادم بحده \عايزه ايه ياملك مش انا اخوكى خلاص اتفضلى اخرجى ورايا شغل
ملك دمعت عيناها وقالت بحزن \صدقنى مكنش قصدى اضايقك بس انت وترتنى
ادم نظر لها ليراها تكاد تبكي فتنهد وابتسم وقال \ انا مش زعلان منك يا ملاكى
ملك ابتسمت \بجد
ادم \ بجد
ملك \صحيح يا ادم هو انت ليه بتقولى على طول ياملاكى
ادم \ ملكيش دعوه
ملك بغضب طفولى \ انت رخم على فكره
ادم \ انا عارف انتى علطول بتقوليلى كده ايه الجديد
ملك دبة على الارض بغضب ورحلة من امامه
ادم ابتسم \ طيب والله مجنونه
فالتفت له قائله \ مين ديه المجنونه
ادم \ هو انتى لسه ممشتيش
ملك \ لا علشان كنت عايزه اقولك انه جدو عايزنا كلنا فى مكتبه حالا
ادم \ اها هو قالى
ملك بابتسامه \ طيب يلا بينا
ادم قام من على المكتب واقترب من ملك فتعلقت ملك بيده كالاطفال فنظر لها وابتسم وخرجو سويا ودلفو الى مكتب ابراهيم
رات ساره ووالدتها وجدها وعمتها وحسام جالسين ورات ابراهيم ينظر لها وشاور لها بان تاتى جانب ساره فذهبت وجلست بجوار ساره
ابراهيم / طبعا انتو مش عارفين انا جمعكم ليه
الجميع /خير ياجدو / ياعمى /يابابا
ابراهيم \ انا قررت قرار مهم
الحميع \ ايه هو
ابراهيم / اولا انت ياحسام طلبت منى انى اقدم معاد الفرح صح
حسام بقلق / ايوه ياجدو خير بس ابوس ايدك متأجلهوش تانى
ابراهيم ضاحكا/ لا متخافش انا قررت ان انت وساره حبيبتى فرحكم هيكون الاسبوع الجاي يوم الاربع وطبعا هيجو يعيشو هنا عقبال اما الشقه تجهز
حسام قفز من مكانه وقال/ هو ده والله حبيبى يا جدو
ملك بسعاده/ مبروك يا ساره
ساره بعدم تصديق / انت بتتكلم جد
ابراهيم بسعاده / مبروك ياحبيبتى
ساره بخجل / الله يبارك فيك(نظرت ل ملك ) وعقبالك يا ملك
ابراهيم / ماهو ده الخبر التانى هيكون فرح ملك فى نفس يوم فرح ساره
ادم بغضب / نعععم
ملك بضيق/ جدو انا قولتلك انى رفضاه
ابراهيم بغضب \ انا قررت خلاص
ادم بحده \ انت هتجبرها تتجوزه انا اسف بس ده مش هيحصل من امتى انت بتجبرنا على حاجه
ماذا حدث جعل ابراهيم قرر هذا القرار وماذا سيفعل ادم ؟؟..
يتبع.....
بدل ماتدور وتبحث علي الروايات خليها علي تليفونك وحمل تطبيقنا
