 |
رواية حبيبة ابوها الفصل الخامس بقلم سلطان زماني |
👑👑#البارت_الخامس👑👑
#بقلم_الكاتب ✍️ Mohamed Youssef Sultan
زعلت جدا من الي عمله وكلمته قالي أنه مش عايزني يبقا ليا
علاقة بيهم نهائي قولتله ليه رفض يقولي السبب وقالي أنا
مضحكتش عليكي وعرفتك اني في بيني وبينهم مشاكل
وبمنعك منهم علشان أنا شايف اني دخلهم في حياتنا هيسبب
مشاكل بيني وبينك واني المفروض اسمع كلامه
قولتله لا أنا مش مقتنعه بكلامك ياعمرو وكان نفسي اني
علاقتك بيهم ترجع زاي الاول قعد يلف ويدور وعايز يعرف
أنا عرفت من مين وفي الاخر قالي ماهو لو مش امي يبقا
اختي قولتله لو كلمتها وعملت زاي مامتك أنا هزعل وهاخد
موقف منك ياعمرو قالي هتعملي اي يعني سكت وقلبي
اتقبض لساني مش مطاوعني اقوله اني هبعد أو كل واحد
يروح لحاله ...مش هقدر ابعد ده انا يومين بيجننوني وبكون
متعصبه وحالتي حاله والبيت كله بياخد باله وصحابي واي
حد بيتعامل معايا قولتله علشان خاطري حاول تكسبهم
وقعدت اشكر في مامته وأنها قد ايه ست طيبة جدا
ومتستهلش منك المعاملة دي ..قالي مقولتليش برضو
هتعملي ايه ..اتعصبت وقولتله خلاص برحتك انت حر اعمل
الي يريحك وقفلت بعدها خرجني وقعد يلطف الجو ويقولي
كلام حب قعدت حوالي اسبوع مكلمش ريم انشغلت بيه
مكنش بيسبني بيكلمني حتي واحنا في الشغل كلمت ريم
وقعدت تقولي ياوطية مبتساليش قولتلها حقك عليا قالتلي
أنا قولت أنه منعك مني قولتلها هو ميعرفش اصلا اني بكلمك
قالي أنه كلامها وقالها لو شوفت رقمك ع موبيلها هيخرب
الدنيا وهيقول لجوزي قولتله عمرو قال كده حلفتلي بعيالها
مصدقتهاش حكتلي كمان علي الي عمله في مامته قولتلها أنا
مش راضيه احكي لبابا حاجه بسبب اني عارفه رده هيكون
اي
قالتلي ايه
قولتلها هيقولي ابعدي وأنه مكنش موافق من الاول لا هو ولا
ماما وانا الي صممت عليه
قالتلي اني لو علاقتها بيا هتبوظ الجوازة هي تبعد وأنها
نفسها ربنا يصلح حاله ونفسها تفرح بيه ويتجوز علي امل أنه
يعقل ويحس بقيمة مامته قولتلها نفسي افهم ايه سبب
الخلاص نفسي أنا عاملة زاي الهبلة ومش فاهمه اي حاجه
في اي حاجه
قالتلي والله الاحسن تخليكي كده ربنا يهديه بقا ادعيله
قولت استفزها وتزعل تزعل عادي بس هموت وافهم واعرف
السبب
قولتلها ماهو بصراحة مينفعش ام تفرق في المعاملة
المفروض تعامل الكل واحد والفلوس الي باباه سبها ليه ليه
كلكم اخدتوها كلكم
قالتلي هو حكالك كده قولتله اه قالتلي اولا أنا واخويا الكبير
كنا بنغير من معاملة امي ل عمرو محدش فينا شاف دلع زاي
عمرو وبابا عايش وكمان بعد ما مات العيلة كلها عارفه أنه هو
الي علي الحجر ..امي كانت عايشة معاه في شقتها الي هو
قاعد فيها حاليا
قولتلها شقتها قالتلي اصبري أنا جيالك في الكلام
قعد يزهقها ويقرفها في عيشتها لحد ما خالي فضلها شقة
عنده في العمارة وفرشلها وقاعده فيها حاليا وهي كده كده
اصلا كانت هتسبهاله يتجوز فيها وموصيه اخويا وانا أنها بعد
ما تموت محدش يخدها منه ولا يطلب حقه فيها وقالتلنا
شوفو حقكم فيها كام وانا ادفعه ليكم وطبعا لا أنا ولا اخويا
طلبنا حاجه وقولنا ده مالك وانتي حره فيه وربما يديكي
طولة العمر ويخليكي لينا
استلف منها فلوس كتير اوي ومكنش بيرجعها ليها ولما
تطالبه بيهم يخرب الدنيا ويتلكك علشان يتخانق معها
وتمشي العربية الي معاه دي كذا مره تتخبط ويعمل حادثة
بيها وماما تصلحها لحد ما خالي في مشكلة من المشاكل دي
حلف عليها انها متسلفهوش فلوس تاني وهزق عمرو وقاله
انت مطالب تصرف عليها وانك كبرت وبقيت راجل وأنها مش
عيشالك العمر كله
مشكلت امي أنها قلبها بسجن وبيوجعها عليه ومهما يعمل
فيها ويقولها كلام قزر كانت ترجع اول ما يكلمها او تعرف انه
تعبان أو تنقطع أخباره كانت تبعتني ليه ارزق الشقة ليه
واعمله اكل واسبهوله تصدقي قالي ايه
قولتلها قالك ايه
قالي خلي عندك كرامة ومتجيش تاني وغير كالون الباب
وقال للبواب محدش يطلع عارفه يا نور أمي دي حنية الدنيا
كلها فيها استحملت منه كتير وكتير اوي كمان مش انا بنتها
بس قسما بربي لو ابني عمل معايا ربع الي عمرو عملوه مع
أمي اقسم بربي مش هعرفه تاني ..دي حتي الدعوة ياشيخه
مش بتدعيه عليه وسدما تدعيله في كل صلاة اني ربنا يهديه
ويحفظه ويحنن قلبه عليها
يتبع #الناس الي مش بتلتزم ب20كومنت ملهمش نهاية عندي ..أما بتوع لايك وكومنت واحد ولا اتنين دول بحظرهم ع طول 🤫#تكملة_البارت_الخامس
#بقلم_الكاتب✍️🖋️ Mohamed Youssef Sultan
الكلام وجع قلبي وقعظت تحلفني اني مقولش حاجه لعمرو
ولا اعمل مشكلة وأنها قالتلي وحكتلي بس علشان مخدش
فكرة وحشه عن مامتها وأنها بتستحمل غلطه فيها هي عادي
إنما امها مش بتقبل عليها كلمة
قعدت تحكيلي عنه وايام ولدهم ما كان عايش واني الفلوس
دي بابا مقلش أنها بتاعته ولو كان قال محدش كان هيعارضه
ولا هيقوله لا وقالتلي أني اخوها الكبير هو الي جوز نفسه
وساعد ووقف كتير مع عمرو وحل ليه مشاكل ومكنش بينوبه
في الاخر غير قلة التقدير والقيمة
قولتلها ايه السبب طيب للعداوة دي قالتلي بقا ماما بتحب
اخويا الكبير علشان هو الي شيلها ومتكفل بيها بيوديها
ويجيبها ومراته كمان حنينه علي امي اكتر مني انا شخصيا
علشان كده متعلقه بيه واتعلقت بيه اكتر بعد خناقات عمرو
معها واني حتي بابا الله يرحمه مكنش راضي عنه وكان يقول
معرفش الواد ده طالع غبي وقاسي كده لمين
قولتلها بس معايا مش قاسي ولا غبي قالتلي ماهو علشان
بيحبك يمكن إنما هو مش بيحبنا ولا عايزنا كمان احنا نحبه
أو نسأل عنه وقعدت تدعيله واكدت عليا مقولش لحد واني
احاول معاه تاني يمكن ربنا يهديه
قفلت معاها وانا مش عارفه ولا فاهمة الحقيقة فين وفي حد
منهم كداب يا عمرو يا اما أخته جيه في بالي انها بتبالغ واني
قلبها محروق ع امها واني الموضوع مش بالبشاعة دي زاي ما
بتوصفلي ..قلبي شال منه شوية وبقيت اخاف وبتعمد ادخل
معاه في صدام أو اي خلاف كنت بشوف أنه بعده بيطول
وبيتعمد يتجاهلني مبقتش يبدأ أنا الكلام وبقيت بغصب
نفسي اني اتحمل واصبر والهي نفسي ب اي حاجه
بقا بستغرب وملاحظ ده وبقا يحاول ويقرب مني ويخرجني
زاي الاول وشايفه في عينه أنه عايز يعرف اي سبب التغير ده
كلمته وقولتله هو انت تحب اني علاقتي أنا ب اهلي تبقا
خربانه ومقاطعين بعض قالي تاني يانور هو مفيش سيرة غير
الكلام في الموضوع ده
قولتله ممكن ترد عليا وتريحني
قالي وانتي اي تعبك اني مقاطع اهلي ومش بكلمهم
قولتله اه تعبانه وتعبانه جدا وبقيت بخاف منك ومش مطمنه
وانا معاك ..بصلي بزهول وقالي اي الي بتقوليه ده
قولتله دي الحقيقة وقعدت ابكي خدني في حضنه وقعد
يقولي طب اهدي ومسحلي دموعي قولتله أنا عايزة اروح
ممكن توصلني قالي مش هروحك غير لما تهدي وتضحكي
قولتله لو عايزني اهدا فعلا كلم اهلك وحتي لو هما غلطانين
في حقك سامحهم لله وابدا معاهم صفحة جديدة ..وحياتي
عندك علشان خاطري ياعمرو
قالي حاضر ياستي علشان خاطرك ممكن بقا تهدي وتضحكي
يتبع
