رواية قمر الزين الفصل السادس
قمر :خالتو
ياسمين : عيون خالتو
قمر : انا عايزه اشتغل
ياسمين : تشتغلي
قمر : اه اشتغل
يارا : مش انتي بتشتغلي
قمر : اه بس انا عايزه اشتغل هنا مش عايزه ارجع البنك
ياسمين : طب هتشتغلي اي
قمر : اي حاجه
ياسمين : طب ما تحولي تجيبي ورقك من البنك وتقدمي هنا في اي بنك
قمر : هعمل كده بس لحد ما اخلص عايزه اشغل وقتي في اي حاجه
ياسمين : مش عارفه اقولك اي
قمر : متقوليش غير انك موافقه وبس عشان خاطري
ياسمين : ماشي بس دوري علي حاجه مناسبه
قمر : حاضر يا خالتو
يارا : طب انا ممكن اشوفلك شغل معايا في الشركه
قمر : بجد
يارا : اه انا سمعت انهم عايزين حد في الحسابات
قمر : ياريت
يارا : طب خلاص هشوف واقولك
قمر : اوك
يارا : انا همشي بقي عشان متأخرش
ياسمين : خلي بالك من نفسك
يارا : حاضر
ياسمين : في حفظ الله
يارا : امين وحفظكم الله
مشيت يارا وقالت
ياسمين : قمر انا مرضتش اتكلم قدام يارا
قمر : عايزه تقولي اي يا خالتو
ياسمين : عايزه اقول ان اللي انتي عايزه ده غلط
قمر : غلط ازاي
ياسمين : غلط عشان مينفعش بين يوم وليله تنقلي حياتك هنا ومن غير انك ما تعرف
قمر : يا خالتو
قاطعتها ياسمين : عارفه انك هتقولي مش هتقدري تقعدي هناك وكرامتهم والكلام ده وفهماكي بس مينفعش تبعدي كده مره واحده
قمر : فهماكي يا خالتو بس انا حقيقي مش هقدر اقعد في مكان هو فيه
ياسمين : طب هسألك سؤال وتجاوبيني بصراحه
قمر : اتفضلي
ياسمين : انتي لسه بتحبيه
قمر : مش عارفه يا خالتو ساعات بحس اني بحبه وعايزه ارجعله وساعات ببقي مش طايقه حتي التفكير فيه بسبب اللي حصل
ياسمين : طب انا عندي حل
قمر : اي هو
ياسمين : كملي اجازه من البنك ومتمشيش خالص
قمر : وبعدين
ياسمين : شوف شغل هنا في اي مكان لفتره مؤقته ورتبي افكارك في الفتره دي وبعدها يحلها حلال
قمر : حاضر يا خالتو
ياسمين : يحضر لك الخير يا روح خالتو
قمر : طب انا هنزل اتمشي ع البحر شويه
ياسمين : ماشي بس خلي بالك من نفسك
قمر : حاضر يا حبيبتي
ياسمين : في حفظ الله
قمر : وحفظكِ الله
مشيت قمر ودعت لها ياسمين بأن الله يرشدها للصالح ويريح قلبها
في الشركه عند يارا
يارا : صباح الخير يا عم مسعد
مسعد : صباح النور يا بنتي عامله اي
يارا : الحمدلله وانت عامل يا راجل طيب
مسعد : نحمد الله
يارا : يارب دايما
مسعد : يارب
يارا : ممكن فنجان قهوتي بقي
مسعد : عيوني روحي مكتبك وانا هجبهولك
يارا : تسلم عيونك يا عم مسعد
دخلت يارا مكتبها
يارا : صباح الفل يا زهرتي
زهره : صباح الورد كل ده تأخير يا هانم
يارا : معلش بقي بنت خالتي عندنا وكنا قاعدين ع البحر امبارح ورجعنا متأخر
زهره : ايوه يا عم ناس تقعد ع البحر وتتفسح وناس تطبخ وتغسل
يارا بمرح : الله اكبر
زهره بابتسامه : متخافيش مش هحسدك
يارا : ولا تحسدي مش فارقه المهم مستر كريم وصل
زهره : اه وصل من نص ساعه وكل شويه يسأل عليكي
يارا : طب انا هدخله
زهره : ماشي
خبطت يارا علي مكتب كريم
كريم من الداخل : اتفضل
دخلت يارا وألقت الصباح علي كريم والموظف الذي يجلس معه
يارا : صباح الخير
كريم وابراهيم : صباح النور
كريم : اي التأخير ده كله يا يارا
يارا : معلش يا مستر مش هتتكرر تاني
كريم : طب جهزي ورق الاجتماع
يارا : جهزته ومعايا اهو يا مستر
كريم : تمم
كريم لابراهيم خلاص خد الأوراق وروح انت ولو في ورق تاني عايز يتمضي أجله لبعد الاجتماع
ابراهيم : حاضر تؤمر بحاجه تانيه
كريم : شكرا
ابراهيم : عن اذنك
كريم : اتفضل
مشي ابراهيم وتبقي يارا وكريم ثم جلست يارا وقال
كريم : اتأخرتي كده لي يا حبيبتي قلقتيني عليكي وبكلمك مبترديش
يارا : معلش والله مسمعتهوش
كريم : ولا يهمك بس بعد كده تاخدي بالك عشان بقلق عليكي
يارا : حاضر يا كيمو
كريم : بحبك وانتي بتقوليلي يا كيمو كده
يارا : يعني مبحبنيش وانا بقولك يا حبيبي
كريم : لا بموت فيكي
ابتسمت يارا بخجل ثم قال
كريم : طب اي اللي حصل بقي امبارح عشان قلقتيني
يارا قصت عليه كل الحكايه
يارا : وبس هو ده اللي حصل
كريم : ياااه كل ده
يارا : اه
كريم : يارب يصلحلها الحال
يارا : يارب ......... كيمو
كريم : عايزه اي
يارا : اي ده يعني عشان بدلعك يبقي عايزه حاجه
كريم : اه
يارا : طب ما انا لسه قايلالك من شويه يا كيمو
كريم : اه قوليتها بس لما بتقوليها بدلع وصوت واطي شويه بيبقي عايزه حاجه
يارا : اممممم طب الصراحه اه عايزه
كريم : عيب انا فاهمك اطلبي
يارا : عايزاك تشوف شغل لقمر معانا هنا في الحسابات
كريم : بس انا مش عايز حد يشتغل
يارا : هي عايزه تشتغل وانا قولتلها اني هشوفلها هنا في الشركه
كريم : بس انا بجد مش عايز
يارا : طب عشان خاطري
كريم : خلاص هحاول اظبطلها حاجه واقولك
يارا : لا انا هقولها انك هتشغلها هنا واخليها تيجي تقابلك يتبع ..........
بدل ماتدور وتبحث علي الروايات خليها علي تليفونك وحمل تطبيقنا
