 |
رواية حبيبة ابوها الفصل السابع بقلم سلطان زماني |
👑👑#_البارت_السابع👑👑
بقلم_الكاتب✍️🖋️ Mohamed Youssef Sultan
عمرو بقا يتصل مره مرتين وانا عارفه أنه فكرني زعلانه
ووخده موقف منه واني كام يوم وارجع أكلمه وافتح معاه
كلام زاي الاول
علاقتي ب ريم ومامتها متغيرتش بلعكس ..عرفت ريم بس
في الاول وقولتلها متقوليش ليه حاجه وقعدت تهديني
وتقولي أنها حسه أنها السبب قولتلها والله ابدا واني أنا الي
مش مرتاحه واني حاولت كتير ارجع واكلمه بس عقلي رافض
ده جدا
فات اكتر من 10ايام لحد ما هو زهق وطلب يقابلني ورفضت
وقولتله اني مش حابه اكمل معاك
اتعصب وقالي انتي اتجننتي ايه الي بتقوله ده وأنه مش لعبة
معايا قولتله أنا لما قعدت مع نفسي لقيت أننا مش مناسبين
لبعض واني كل شي قسمة ونصيب واني دي اخر مكالمة بنا
وياريت يبقا كلامك مع بابا وقفلت معاه اتصل بيا كتير
ولقيت مامته بتكلمني رديت عليها قعدت تكلمني وتحاولي
تعقلني وتتحايل عليا اديله فرصه تانيه وتقولي طب علشان
خاطري قولتلها والله ياماما خاطرك غالي عليا بس الي
حضرتك بتطلبيه مني ده مش هقدر اعمله دي حياة وجواز
وانا مش هقدر استحمل ولا اعيش حياتي معاه
قالتلي باله عليكي يابنتي طب فكري تاني استخيري ربنا
مرضتش اكسفها واحرجها وقولتلها حاضر ياماما قعدت
تدعيلي وتقولي ربنا يهديكم علي بعض ويصلح بنكم قفلت
معها
و كلمتني ريم وقالتلي أنه شاكك اني في حد في حياتي
قولتله ربنا يسامحه ازاي ظنه فيا وحش كده ده انا عمري ما
ظنيت فيه وحش ابدا وعرفتها أني كنت بصدقه في كل
حاجه وأنه مطلعش صادق في ولا حاجه ربنا يسامحه ويهديه
بقيت بستناقصه اكتر بسبب أنه رجع تاني قاطع أهله كمان
بابا قاله كذا مره يعدي عليه في المصنع أو يقابله ويجيله هو
علشان يديله حاجته الدهب والهداية وهو كان يماطل ويقوله
علي مواعيد ويخلف فيها وكان يقعد يقوله أنه لسه عايزيني
ويتكلم في صلح وأنه مش فاهم اي سبب الخلاف وبابا مش
عايز يعرفه أنه عارف واني حكتله قصة حياته كلها مش عايز
يحرجه ولا يكشف سره
وهو فضل برضو مصمم يعرف ويقوله خلاص مش مهم عادي
بس اعرف قاله يابني هو ده الي قالته انها مش مرتاحه وأنها
مش حابه تكمل يقوله خليني اقابلها اقعد معها قاله طب هي
مش عايزة ده ايه نغصبها يعني علي كده
معني كلام بابا ليه الي هو خلي عندك دم وخد حاجتك دي
وغور بقا ..كان بيعصب بابا ببروده واستفزازه بس بابا مش
كان بيظهرلي ده ..لحد ما بابا زهق وراح لحد شقته وقابله
وخد الحاجه بتاعته وخلص الموضوع
يتبع ..#التفاعل مش مشجع اني اكتب تاني حتي كمان هرمون الابداع عندي انخفض جدا بسببكم يالي اشوف فيكم سنة مش يوم واحد😐
