مازن واسماء الفصل الاول
الو
ايوه ، معلش يا انسه مش دا رقم الحج محمد بتاع السيراميك ؟!
لأ
انا اسف النمره غ...
كلكم كدا على فكره
كلنا مين ؟!
انتو ، كرجاله
احنا !! ايوه مالنا بقى
تحبو تعلقو البنات بيكم وبعدين تخلعو
ااااا ، تمام الي تشوفيه ، مع الس
طبعا مش فارقه معاك الانسانه الي انت جرحتها دي حست ب ايه ؟!
يعني فارقه على خفيف كدا , استأذن انا...
ولا فارقه معاك كانت بتحبك اد ايه ، ولا اتعذبت اد ايه ، تعرف اني كنت ف مره هموت نفسي ؟!
لا اله الا الله ، بصي سندوتشات حلاوه طحينيه ، وهتبقي زي الفل ، تصبحي على...
سواء كان انت او احمد ، قولي هستفتاد ايه لما تجرح قلبها
مقدرش
قولي هتستفاد ايه لما تعذبها
مستحملش
" بنبره صوت حزينه ممزوجه بالدموع "
قولي هو انا وحشه ؟!
" تأثر من الطرف الاخر "
تؤ
طب اومال سابني ليه ، بعد ما وعدني انه عمره ما هيسبني ، عارف حتى سابني من غير مايودعني , استخسر انه يودعني ، انا بس عاوزه اعرف ، انا عملت ايه لدا كله , يقولي انا قصرت ف ايه ، والله وهتغير ، عارف انا " بتاخد نفسها من الدموع " انا...انا مش عارفه عملت ايه غلط عشان يسبني...
هششش اهدي يا...انتي اسمك ايه ؟!
" بتمسح دموعها "
انا اسماء وانت ؟!
انا مازن...بصي يا اسماء كلنا بنقابل ف حياتنا ناس زي كدا " نبره صوته بتتحول لحزن " تحب واحده ، وتعمل عشانها كل حاجه ، كل حاجه وفي الاخر تسيبك وماتبقاش عارف هيا سابتك ليه ، عارفه يا اسماء ، انا كنت بتحايل عليها اني اقعد معاها دقيقه ،دقيقه والله لوحدنا ، بس كانت شايفه ان الدقيقه دي كتيره عليا
يعني انت كمان انجرحت ؟!
يوووه ، انا فاضلي مره كمان ارتبطت فيها وانجرح واخد كاس العالم للمجروحين !!
ليه كل دا ؟!
عشان مش وسيم ، شكلا مش حلو...
بس الشكل مش كل حاجه ؟!
مش عارف والله ،انا كل ما ارتبط بواحده ياما تتخطب تاني يوم ، ياما تقلب معاها ب اكتئاب وتنعزل عن الدنيا ، مش عارف سوء حظ ولا غباء من الاخرين
" صوت ضحك من اسماء "
ايوه كدا اضحكي وروقي ، وبكره تلاقي الي يحبك بجد ويعوضك عن كل دا
طب ولو مجاش ؟!
ازاي يعني ، دا انتي تتحبي من صوتك بس ، اومال لو شافك قدامه هيعمل ايه ؟!
" بتبتسم وهيا بتمسح دموعها "
شكرا يعني على المجامله دي ،واسفه لو ازعجتك يعني
ولا يهمك ، خدي بالك من نفسك ، تصبح..
بس عارف انا اتبسطت وانا بكلمك
وانا كمان مع الس
انت بتشتغل ولا بتدرس
ااااا ، لا انا شغال في شركه المواردي للانتاج الفني
اه عارفها مش دي الي بتعمل المسلسلات والافلام وكدا
ايوه هيا دي...مع الس
طب انت يعني ، يعني هتنام دلوقت ؟!
اه تصبحي على خير...
هتسبني لوحدي ؟!
اسماء انتي ليه محسساني اننا نعرف بعض بقالنا خمس سنين !!
عندك حق انا اسفه ، شكلي زهقتك "بنبره حزينه " اتفضل اقفل حضرتك
لا اله الا الله ، لا انا مش زهقان منك خالص
" بسعاده "
بجد ، يعني مبسوط عشان بتتكلم معايا ؟!
" في سره "
وبعدين بقى في الليله دي ؟!
ايوه طبعا يا ، يا...
انت لحقت تنسى اسمي ؟!
لا طبعا يا اسماء يا خبر ، احكيلي كدا عن يومك
بص بقى انا بصحى ع الضهر يعني غالبا ، عارف بقى لما بصحى بروح الحمام اخد شاور وبعدين بحط الميكيب وابدء بالفاوندشن
بعد ساعه كامله رغي مازن نام منها وهو قاعد على الكرسي
مازن ، مازن انت نمت ؟! يوووه بقى...
بتقفل السكه
" ترررررررررررررررن "
صوت المنبه عند مازن بيرن الساعه سته الصبح
مازن بيصحى مخضوض رقبته واجعاه من نومه الكرسي
انا مال رقبتي اتعوجت كدا ليه ؟!
بيلف رقبته عشان يظبطها ، بيفتكر البنت الي كلمته ، بيقول في سره
دي كانت رغايه رغي ، انا متاكد انه لو سابها ف سابها عشان رغيها دا
بيدخل الحمام ، يظبط نفسه وشعره ، يحط برفيوم ويلبس قميص على بنطلون على بدله كحلي..ويروح شركه الموردي
وهناك وهو في قمه الشغل والتركيز ، موبيله بيرن من رقم غريب ، ولكن طبيعه شغله مع فنانين ومديرين انتاج ، ف طبيعي ارقام غريبه بتتصل بيه
بيرد
الو معاك مازن الصفتي من شركه الموردي اتفضل يافندم
كدا تروح الشركه من غير ماتقولي صباح الخير ؟!
مازن مصدوم ، ومش عارف ينطق
ليه لما صحيت مابعتش مورنيج تيكست تقولي صباح الخير يا احلى سمسمه في الدنيا مثلا ، تقولي وحشتني
مازن مبرق ، ايده بتقرب من زرار الكنسله
" نبره زعيق من اسماء ، خلته بالغلط يفتح الاسبيكر "
يعني بعد ماتوعدني ، تخلى بيا يامازن هو دا الي وعدتني بيه ؟!
كل الي في الشركه بيبصو ناحيه مازن مبرقين ناحيته ، مازن كان مبرق ليهم ومش عارف يرد عليهم ، بيكنسل عليها
بيقولهم
طيش شباب بقى
بتتصل بيه ، بيكنسل عليها وبيعمل بلوك لرقمها
بتبعتله رساله على الواتس
انت عملت لرقمي بلوك يامازن !!!
بيعملها بلوك على الواتس
بيلاقي رقم تاني على الواتس
ماشي يامازن شكرا اوي على وعودك ليا
بيقول ف سره
هو انا لما نمت وعدتها بحاجه ؟! ولا وعود ايه الي بتتكلم عليها
بيعملها بلوك على الرقم التاني...
بيعدي اليوم ، وبتيجي فتره استراحه الموظفين ، بتكون ساعتين ، مازن بيروح ناحيه الجيم الي في الشركه مع صاحبه وانتيمه محمود
ايه يابني البنت الي انت وعدتها دي ؟!
ولا حاجه يامحمود دي واحده مجنونه ، جيت اتصل ببتاع السيراميك عشان اتفق معاه يظبط الشقه ، ف اتصلت برقم غلط ، فيها حاجه دي ؟!
لا عادي بتحصل
بس يامعلم ، لقيتلك واحده مجنونه ، انتو كلكم زي بعض ، وكلكم خونه ، ومش عارف ايه ، دا انا نمت منها امبارح يامحمود من رغيها انت متخيل
يبقى دي بتحبك يامعلم
ياعم انت اخر واحد عارف اد ايه انا اتخزوقت من حوار الحب ، انا احسن حاجه هتجوز بنت خالتي ، جواز صابونات كدا
هو مش كان صالونات ؟! ما علينا بس يابني دي مش بتطيقك ؟!
ياسيدي اهو اي انثى تقولي غور ف داهيه حتى ، انا راضي ياعم ، انا شويه وهتجوز مله السرير يامحمود
لا دا انت حالتك صعبه ، هتتمرن ايه النهارده ؟!
صدر وتراي ، وانت ؟!
ضهر وكتف ، دا انا هتنفخ النهارده
ربنا معاك....
بعد فتره , وقفت عربيه BMW احدث موديل قدام الشركه
حارس الشركه جري ناحيه العربيه ، اتفضلي ياست هانم
دخلت بنت جميله ترتدي فستان بينك لحد الركبه، وجزمه بكعب عالي ، شعرها الاسود ناعم لحد نص ضهرها ، عيون خضراء ، جسم ممشوق ، بشره بيضاء ، كأنها موديل اعلانات...
وصلت لحد الاستعلامات
الموظف هناك رحب بيها وقالها
تحبي نبلغ الوالد ابراهيم بيه المواردي انك جيتي
لا لا , كان فيه موظف هنا اسمه مازن الصفتي ، هو فين ؟!
فيه مشكله يافندم معاه ؟!
لا لا انا عاوز اعرف مكانه ؟!
في الجيم يافندم ؟!
تمام شكرا ليكم...
بعد ما مشيت
الموظف بيقول ف سره
عملت مصيبه ايه بس عشان تيجي تسال عليك !!
" مشهد سلو موشن "
الفتاه تقترب ، اصوات كعب حذائها عالي يصل الى غرفه الجيم التي كان فيها مازن وصديقه محمود
محمود بيبص ناحيه البنت ، ولا يامازن بص البنت الصاروخ دي !!!
يالهوووووي...يابخته ياعم الي مرتبط بيها
ولا الحق دي جايه علينا...انت ايه مالك دوخت كدا ليه انت كويس !!
اه اه انا حاسس اني دايخ شويه بس...اول مره اشوف بنت حلوه كدا !!
البنت بتفتح باب الجيم..وبتبدء تتكلم وبتشارو ناحيه مازن
انت مازن صح ؟!
مازن سمع الصوت دا كويس قبل كدا...فاكره كويس الصوت دا ....
انت بتعملي بلوك يامازن في الواتس ؟!
مازن مبرق وبيقولها
اسماء ؟!
محمود بيبرق لمازن وييقوله
هيا دي البنت الي كانت قارقك امبارح يلا ؟! دي طلعت مزه يلا !!
اسماء برقت لمازن بعد جمله محمود
مازن لف وشه ناحيه محمود وهو بيقوله
تعرف تسكت ، عشان احنا بنروح ف داهيه دلوقت !!!
اسماء بتهز رجلها وبتقوله
والله ماكنتش اعرف اني خناقك اوي كدا يا اوستاذ مازن ؟!
صاحب شركه المواردي بيشوفهم، ومعروف عنه الصرامه والجديه في شغله ، بيدخل الجيم
محمود بيميل على مازن
تراهني انه هيطردها دلوقت وهيهزقها ؟!
لا لا انا هتدخل وهقوله الي ف بطنها دا يببقى ابني
انت بتقول ايه يامازن ؟!
البنت طلعت حلوه اوي يامحمود ، وانا الي كنت بتنك عليها !!
لكن الي حصل ، اسماء جريت عليه وحضنته ، وباسها من راسها وهيا بتقوله
جمله خلت محمود ومازن مبرقين
بابا وحشتني ، جيت اطمن عليك
مازن ميل على ودن محمود
هيا قالت بابا ولا ودني بدءت تخرف
محمود برق لمازن وميل على ودنه وهو بيقوله
دا احنا هنتف*شخ كلنا دلوقت !!
يتبع....
