رواية ريم والحب الفصل الخامس 5 بقلم منصور سيد

 

وكل يوم والتانى على كده بس سيف كان لا يكل ودايما من الوقوف لولدته والوقوف مع ريم 

حتى جاء اليوم الذي كانت تخطط له سلوى هو ان كيف تزوج ريم لأحمد ابنها ما كفاهاش انهم شاركوها فى ورث ابوها لا كمان عاوزه تميل بختها وتزوجها ابنها المعاق وتكوش على الباقي 

ودخلت  لحسام زوجها وقالت له فكر معايا ازاى نزوج ريم لأحمد

حسام:انتى بتتكلمى فى ايه وهى ايه اللى هيخليها توافق على حاجه زى كده شيلى الموضوع ده من دماغك سيبي البنت فى حاله كفايه اللى جرالها 

سلوى:ايه هو انا كل ما اكلم حد عليها يقولى سبيها فى حالها مالها ما هى عيشه فى وسطينه اهى واكله وشاريه ونايمه ايه عشان يعنى بتقوم بشغل البيت وفيها ايه يعنى اى بنت بتشتغل فى بيتها 

حسام:خلاص بقى ياسلوى مالوش لازمه الكلام ده 

سلوى:خلاص اسمع كلامى وفكر معايا ازاى نزوجها لأحمد ايه هو عشان تعبان شويه مالوش نفس يعيش زى باقى الشباب وبعدين ما هى واخده جزء كبير من الورث وهى بطولها هتعمل ايه بالفلوس اللى خدتها دى كلها 

وكان سيف رايح يخبط عليهم سمع امه وهى بتتكلم عن زواج ريم من احمد وسمعهم وهما لسه بيتكلموا ووالدته بتقول وبعدين ما ينفعش اسبها كده أمام سيف لحسن يغلط معاها دا هو شاب وهى بنت برضو وقعدتها فى البيت معاه كده غلط 

حسام:ساعتها نبقى نزوجها لسيف واهى برضو مننا وعلينا ويبقى مخرجتش بره

سلوى:لا بس انا عاوزه ازوجها لأحمد اهو يبقى احنا لينا التحكم فيها وفى احمد إنما سيف مش هيبقى فى طوعنا ودماغه ناشفه وبعدين انا عاوزه افرح بأحمد ومافيش واحده هتوافق عليه من بره إنما سيف اى واحده تتمناه طاوعني انت بس وفكر معايا

دخل سيف فجأه وهو مش مصدق اللى سمعه من امه وقال لأمه ايه اللى انا سمعتك بتقوليه ده انتى قاعده تخططى ازى تاخدى فلوس البنت اليتيمه دى لا وايه عاوزه تفرحي ببنك على حساب حياتها انا مش مصدق انى سمعتك بتقولى الكلام ده اقولك على حاجه انا زعلان انك امى 

سلوى ضربت سيف بالكف على وجهه 

سلوى:انت عيل قليل الادب وماتربتش انك تقول لأمك كده ايه وفيها ايه يعنى لما اخطط لانى الغلبان ده انه يعيش مبسوط ويبقى زيه زى غيره هو ده مش اخوك والمفروض تتمنى ليه الخير تقدر تقول لى مين هيرعاه بعد موتنا وياخد باله منه 

سيف:ويبقى على حساب بنت يتيمه غلبانه ربنا جعلكم مسؤلين عنها انا مش عارف انتى بتتكلمى فى ايه وانا عاوز اقولك حاجه لازم تعرفيها انا اللى هتزوج ريم وانا اللى هقف ليكى لو حولتى تمسي شعره منها ايه يابابا انت ازاى راضي على اللى بيتقال ده دى بنت اخوك 

حسام:يا ابنى ومين قال ليك أن راضي احنا بنفكر نعرض عليها واهو زواج يابنى هو احنا هنعمل فيها ايه 

سيف:انا مش مصدقكم بجد انا كأنى معرفكوش 

سلوى:انت اللى انانى وكل اللى يهمك نفسك ومصلحتك إنما اخوك الغلبان إللى مالوش اى حظ فى الدنيا ده ما فكرتش فيه ولو للحظه

سيف:انتى مصدقه الكلام اللى بتحولى تقنعيني بيه ده اخويا ده اشيلو فى عينى اخلى بالى منه ماسبوش ولا لحظه اراعيه احافظ عليه إنما اميل مستقبل بنت عمى عشانه لا والف لا 

سلوى :ملكش دعوه انت بالموضوع ده انت سامع 

سيف:انا قولتلك وبابا كمان سامع اهو لو حاولتم تنفذوا اللى بيفكروا فيه ده انا اللى هقفلكم وهاخد ريم وهمشي من البيت ده واول ما تكون قادره على زواج نفسها هتزوجها وانتم حرين بقى 

سلوى:دا حب بقى ياسي سيف 

سيف :ايوه حب وايه العيب فى كده بنت عمى وبحبها ومش هسمح لأى حد يضرها حتى لو والدى ووالدتى 

حسام:خلاص ياسيف دا كان مجرد كلام وتفكير شوفتنا يعنى جبنا المأذون 

سيف:بس لازم تعرفوا اللى هيحصل لو فكرتوا فى اى حاجه زى كده سيبوا البنت تكمل تعلمها وتعيش حياتها زى اى بنت وحتى لو هيا مش عاوزانى هى حره فى نفسها بس برضو مش هتخلى عنها دى بنت عمى وساعتها هتكون زى اختى ولو انتم مش شايفنها أنها من دمنا ولحمنا ولازم نحافظ عليها لا انا شايف ده كويس اوى أمام عينى انا قولت اللى عندى سلام وخرج سابهم

سلوى:شايف ابنك قليل الادب بيتكلم معانا ازاى 

حسام:بصراحه ياسلوى الوالد عنده حق وانا كنت واقف أمامه مكسوف منه انا عاوزك تنسي الموضوع ده خالص 

سلوى:انت كمان هتقول لى انسى دانتوا عايله خايبه قال انسى قال هو ابني العيل ده هيمشي كلامه عليه انا اللى بعوز اعمله بعمله ومافيش حد يقدر يقف أمامى

حسام:يوه انتى مافيش فايده فيكى ابدا 

سلوى:انا لما قولتلك ان اخوها حازم ده مش هيبقى عقبه أمامنا وهشوف له صرفه حصل ولا ماحصلش

حسام:ايه.. انتى بتقولى ايه هو انتى ليك يد فى موضوع حازم ده 

دا يبقى انتى اتجننتى فعلا 

سلوى:اخفض صوتك انت اللى بينك اتجننت امال كنت عاوزني اسيب المفاعيص دول يورثوا ويتنغنغوا واحنا نقف نتفرج عليهم كده 

حسام:انتى مش بنى ادمه ياشيخه دا انتى شيطانه انا مش مصدق ..اعمل ايه انا فيكى بس

سلوى:ايه هتبلغ عنى ولا ايه ولا هتروح تقول ليهم وترجع الفلوس 

تعرف ساعتها هقول ايه انك انت اللى وراء ده كله انت ناسي انك انت اللى ورثت معاها مش انا وهقول انك سبقت وبلغت عنى عشان انا هدتك ان ابلغ عنك واكيد هيصدقونى انا لان انت اللى مستفيد مش انا ولا ايه

انا بس بعرفك ان الفلوس دى اللى معاك من حقى انا

 لان انا اللى خططت ونفذت 

حسام:فلوس ايه وزفت ايه عندك الفلوس خديها انا مش عاوز حاجه منها انا بتكلم على الطفل البريء اللى مالوش ذنب فى اى حاجه تموتيه ليه حرام عليكى كل ده عشان الفلوس 

سلوى:انا مموتوش انا بعته وقبضت تمنه واديت عموله للواسطه اللى كان بينى وبين اللى اشتروه وهما اللى موتوه مش انا 

حسام:كمات بعتيه وقبضتى من وراه انتى ايه انا ابتديت اترعب منك 

سلوى:يعنى كان عجبك الفقر اللى كنت معيشنا فيه ياشيخ اتلهى يعنى دلوقتى عيشتك احسن وبتاكل وتشرب وتلبس احسن ولا الاول  

حسام:انتى الكلام معاكى مافيش منه فايده

وخرج حسام من غرفته وسبها وفضل قاعد فى الصاله يفكر اعمل ايه ياربي ياترى اتكلم وارجع للبنت فلوسها ولا اعمل ايه ماممكن فعلا تنفذ كلامها وتقلب الترابيزه على دماغى وبعدين كلامى مش هيصحى الميت طب اعمل اسكت واحط الجزمه فى فمى بس انا لو سكت بقيت شريك معاها فى كل اللى عملته وفضل قاعد محتار اعمل ايه انا خايف .تابع