رواية قصه ريم والحب (كاملة جميع الفصول) بقلم منصور سيد
قصة (ريم والحب)
الحقنى ياعمى احنا عملنا حادثه وبابا وماما بين الحياه والموت وانا واخويا راكبين مع الإسعاف اللى واخدين بابا وماما الحقنا
العم:طب اهدي يا ريم ياحبيبتى الإسعاف هتوديكم أنهى مستشفى ادينى سواق الإسعاف او اى حد معاه
عامل الاسعاف:ايوه يافندم احنا رايحين مستشفى الشفاء العام
العم:طب شكرا ممكن بعد اذنك تدينى بنت اخويا تانى
ايوه ياريم خلاص انا هحصلكم على هناك وان شاء الله يكونوا بخير سلام
زوجت العم:فى ايه مالك حصل ايه
العم:اخويا عمل حادثه وهما رجعين من السفر وشكله حالته خطيره هو وزوجته
زوجت العم :لا حول ولا قوه الا بالله
دخل عم ريم يلبس بسرعه ونزل وراح على المستشفى واول ما وصل جريت عليه ريم واخوها الصغير واترمت فى حضنه
ريم:ماما ماتت ياعمى ماما ماتت وهى تبكي وتصرخ ومش قادره تقف على رجليها
العم:الله يرحمها معلشي ياريم يابنتي شدى حالك
(واخدها وقعدها وفضل يحاول يهديها )
واخويا عامل ايه
ريم وهى تبكي :بابا تعبان اوى هو فى الغرفه دى ومنعنا من الدخول واخويا من وقتها عمال يعيض ويقول عاوز ماما وبابا وانا مش عارفه اعمل ايه والنبي ياعمو حسام قولهم يدخلونا لبابا انا قلقانه عليه وعاوزه اشوفه وخايفه ليسبنا زى ما ماما سابتنا
العم:حاضر ياريم بس اهدى ياحبيبتي شويه ومتبكيش
اتجه عمها حسام إلى غرفة الدكتور المسؤل ودخل وقال له اخويا اللى فى غرفه ٥ حالته ايه يادكتور وكنا عاوزين ندخلوه عشان أولاده عاوزين يشفوه
الدكتور:للأسف اخوك حالته خطيره جدا وممنوع الدخول ليه دلوقتى
العم:معلش يادكتور هندخل نبص عليه وأولاده يشفوه معلش
الدكتور استدعى الممرضه وقال ليها خدى الاستاذ دخليه غرفه ٥ خليهم يشفوه وخرجيهم
الممرضه:حاضر يادكتور اتفضل يا استاذ
وراحوا على الغرفه ودخلوا واول ما ريم واخوها الصغير دخلوا جريوا على السرير اللى عليه والدهم وفضلوا مسكين ايده ويبكوا وعمهم واقف عينه دمعت من منظر اخوه وبكاء ولاده
الممرضه:ماينفعش كده انا التعليمات عندى انكم تشفوه من غير الكلام معاه كده خطر عليه يالا اتفضلوا
العم:معلشي اصبري عليهم شويه هما هيسكتوا
ريم:اه احنا خلاص هنسكت تعالا يا حازم فى حضنى واسكت عشان نفضل جنب بابا
حازم اخوها :حاضر
لسه الممرضه هتتكلم وتقولهم لا معلش كفايه كده
والد ريم فاق وقال ريم
قربت ريم وهى تقول بابا بابا
والدها :انتوا كويسين ياريم امك فين
ريم فضلت تبكي ومش قادره ترد
عمها حسام قرب من والدها وقال له ألف سلامه عليك يا اخويا ان شاء الله تقوم ليهم بالسلامه
والدها:فين امهم ياحسام هي ريم بتبكى ليه هى امهم ماتت
مادام مابتردوش عليا يبقى ماتت
ريم قربت منه وهى تبكي وما بتتكلمش
مسك والدها ايدها وقال ليهم خلى بالك من نفسك انتى واخوكى ياريم
الممرضه :ياجماعه بعد اذنكم اتفضلوا معايا بره غلط عليه الكلام
والد:ريم حسام ريم وحازم امانه خلى بالك منهم دول ولاد اخوك يعنى ولادك يا حسام يا اخويا سمعنى
حسام:ما تفكرش فى حاجه انت يا اخويا ان شاءالله هتقوم ليهم بالسلامه
والد ريم :اوعدني انك تخلى بالك منهم وترعاهم كأنى معاهم ياحسام وريحنى
حسام:اوعدك يا اخويا ماتقلقش عليهم
الممرضه :اتفضل بقى يا استاذ حسام انت كده هتسبب لى فى جزاء
حسام:حاضر هنخرج اهو ولسه هيقول لريم يالا
كان والد ريم لفظ أنفاسه الاخيره بصت الممرضه للاجهزه وأسرعت للدكتور تبلغه حضر الدكتور وقال ليهم البقاء لله فضلت ريم تحضن فى والدها وهى تبكي بصراح واخوها عمال يبكي وماسك فيهم وعمهم راح عليهم واخدهم فى حضنه وريم عماله تبكي ومش راضيه تسيب والدها وهى بتقول ليه تسبونا انتوا الاثنين مره واحده ليه يابابا ماخلتكش معانا شويه ما انت عرفت ان ماما ماتت هى كمان تسبنا ليه انت كمان
عمها:ياريم ياحبيبتى وحدى الله هو الموت بأيد حد امسكي نفسك شويه عشان اخوكي الصغير ده
فجأه ريم وقعت فى الأرض مغمى عليها ماقدرتش تتحمل الموقف
شالها عمها ووضعها على سرير بالغرفه وجريت الممرضه عليها وحاولت تفوقها الدكتور قال ليها سبيهالى وهاتى لى حقنه مهدئه عقبال ما افوقها
وفوقها الدكتور واعطاها حقنه مهدئه وقال سبوها ترتاح شويه الحقنه دى هتنيمها شويه
قعد عمها على السرير جنبها وبقى يبص ليها ولاخوها والدموع فى عنيه
وشويه اخد حازم فى ايده وراح يخلص إجراءات استلام اخوه وزوجته ويخلص إجراءات الدفن
وبعد ان قام بدفنهم وسط بكاء وصريخ من ريم وبكاء حازم أخذهم عمهم فى حضنه وعاد بهم لشقته وحينما دخل بهم من باب الشقه تفاجىء برد فعل زوجته حيث قالت له انت جبتهم هنا ليه دول هما مش ليهم شقه يقعدوا فيها ولا ايه هو يعنى من وسع الشقه اوى ولا من رزقك الواسع اللى هتقسمه عليهم هما كمان
حسام:في ايه ياسلوى ما انتى عارفه ان شقتهم ايجار وهما هيدفعوا أجرها منين وبعدين حتى لو عندهم مكان ايه هسبهم يعيشوا لوحدهم دا حتى اخويا موصينى عليهم قبل ما يموت
سلوى زوجته:وهو كان وقف معاك فى اى حاجه قبل كده عشان تقف جنب أولاده
ريم واقفه ومش مصدقه اللى سمعاه وعاوزه تاخد حازم من ايده وتنزل
حسام:مش وقته الكلام ده دلوقتى الاولاد تعبانين خليهم يدخلوا يناموا والصبح نتكلم وياريت تشوفى ليهم حاجه ياكلوها
ريم :مالناش نفس ياعمى انا عاوزه انام انا وحازم
سلوى:بقولك ايه.تابع
