 |
رواية أحببت ابن أمام المسجد (كامله جميع الفصول) بقلم آيه عاطف |
بسم الله الرحمن الرحيم ♡
♡روايه أحببت إبن إمام المسجد♡
الحلقه 1
تعريف الشخصيات
(البطل بلال 28 سنه شاب حنون طيب القلب متدين يحب امه وابيه مريض بهاق بيشتغل محاسب في شركه)
(عم محمد ابو البطل 60 سنه متدين وامام المسجد رجل طيب وحنون ويعلم الاطفال والشباب القران الكريم وقواعد الدين)
(فاطمه ام البطل 45 سنه طيبه القلب حنونا تحب ابنها وزوجها معلمه قران للبنات)
(البطله اسيل 20 سنه فتاه شقيه دلوعه مختمره تحب ابيها وامها وتعشق عبد الرحمن لانه ابيها الثاني صديقها ودفتر اسرارها مريضة سكر في 2 كليه تجاره)
(عبد الرحمن اخو البطله 28 سنه مدرس عربي يحب أمه وابيه ويعشق اسيل جدا ويعتبرها ابنته)
(عم احمد ابو البطله 60سنه راجل طيب وحنون يحب زوجته واولاده)
(سناء ام البطله 47 سنه طيبه وحنونه تحب اولادها وتخاف عليهم وتعشق زوجها ورفيق دربها ربة منزل)
في احد المناطق الشعبيه في بيوت القاهره تشرق الشمس بصباح يوم الجمعة والكل يعرف يوم الجمعه عند المصريين ايه مختلفة عن الأيام الأخرى حيث أنه يوم مميز عند المسلمين فهو يوم فيه عادات مصرية متوارثة اعتاد المسلمين على فعلها قبل الصلاة وبعدها، فأصبح يوم مميز وله روحانيات خاصة عند كل أسرة مسلمة
في بيت متكون من اربع افراد
ليس متدينين لكن يعرفون الحرام من الحلال ولا يسيبوا فرض من الصلاه
الام تتوجه الى غرفه ابنتها لكي تيقظها حتى تساعدها في المنزل الام تفتح نوافذ الغرفه
الام سناء: يلا يا أسيل قومي ساعه دخله على عشرة ابوكي وعبد الرحمن نزله يجيبوا الفطار
اسيل بنوم: سيبيني شويه كمان يا ماما
سناء: يا حبيبتي قومي ساعديني وصلي ونامي تاني
اسيل: حاضر يا ماما
سناء: حضر لك الخير يا رب
اسيل بابتسامه وقبلت يديها: صباح الخير يا ست الكل
سناء بحنان: حبيبتي صباح الفل ايه النوم ده كله
اسيل: اصل صليت الفجر وقعدت اراجع ورده تسميع لحد الساعه 8 وصليت الضحى ونمت وكفايه بقى كلام عشان بابا و عبد الرحمن زمانهم جايين يلا
سناء: يلا بس خدي الدواه بتاعك الاول
اسيل بتنهيده: حاضر يا ماما
«سبحان الله وبحمده سبحان الله العظيم«
نتوجه إلي بيت ثاني وفي نفس المنطقه
منزل يتكون من ثلاث افراد منزل متدين وملتزم بالتعليمات الدينيه
الام فاطمه: بلال يا بلال
بلال بنوم: امممم
فاطمه: يلا يا حبيبي قوم عشان تفطر وتنزل الجامع مع ابوك
بلال: حاضر يا ماما
فاطمه بحنان: صباح الخير يا قلب امك
بلال بابتسامه وقبل يديها: صباح العسل على احلى ام في الدنيا كلها
فاطمه بابتسامه: طب يلا يا حبيبي ساعدني عشان اخلص ترويق وانزل للبنات اسمع لهم
بلال: حاضر يا ماما اهو قمت
فاطمه: ايوه كده يلا واغسل وشك وتعال ساعدني
بلال: حاضر ويتوجه الى الحمام
خارج الغرفه
فاطمه: صباح الخير يا حاج
عم محمد: صباح النور يا فطوم
سناء: على طول كسفني كده
عم محمد: هههههههه امال فين بلال
بلال: اهو ويقبل يديه: صباح الخير يا ابي
عم محمد: صباح النور يا حبيبي يلا يا ام بلال حضري الفطار متاخر على المسجد
فاطمه حاضر
«اللهم صل وسلم وبارك على سيدنا محمد»
عوده إلى منزل اسيل
الباب بيخبط
اسيل: ايوه مين
عبد الرحمن من خلف الباب: هو في حد بيجي لكم افتحي يا اختي
اسيل بضحك: جبت البضاعه معك ولا لا
عبد الرحمن: جبت يا اخره صبري
تفتح اسيل الباب وتتعلق في رقبه عبد الرحمن: حبيبي حبيبي يا بودي
عبد الرحمن: اوعي يا بت كده هتموتني
الاب احمد: هو حبيبك وانا ايه بقى يا استاذه
اسيل تحضنه: انت الخير والبركه وكل دنيتي بس انت مش بترضى تجيب لي الشوكولاته
احمد: عشان ما تتعبيش يا حبيبتي خائف عليكي
اسيل بهزار: ما تخافش ياحجوج بنتك بطل
عبد الرحمن: طب يلا يا اختي على المطبخ عشان جعان يلاااا
أسيل: البضاعه الاول يا برنس
عبد الرحمن بحنان: تاكلي و تاخدي الدواه واديكي الشوكولاته بتاعتك تمام
اسيل بتزمر مثل الاطفال: حاضر
«استغفرك ربي واتوب اليك»
بلال وعم محمد في الطريق الى المسجد
بلال: ممكن يا بابا انا اقول خطبه الجمعه النهارده
عم محمد: طبعا يا حبيبي
بلال: تسلم لي يا بابا
_____________
في منزل عم احمد
احمد: يلا يا عبد الرحمن اتاخرنا
عبد الرحمن: يلا يا بابا اي يا اسيل مش هتيجي
اسيل: لا هاصلي هنا مع ماما عشان رجلها وجعاها
عبد الرحمن: ماشي يا حبيبتي سلام
ويبدا بلال في خطبه الجمعه
بسم الله الرحمن الرحيم
إِنَّ الْحَمْدَ لِلَّهِ، نَحْمَدُهُ وَنَسْتَعِينُهُ ونستغفره، ونعوذ بالله من شرور أنفسنا، ومن سيئات أعمالنا، مَنْ يَهْدِهِ اللَّهُ فَلَا مُضِلَّ لَهُ، وَمَنْ يُضْلِلْ فَلَا هَادِيَ لَهُ، وَأَشْهَدُ أَنْ لَا إِلَهَ إِلَّا اللَّهُ وَحْدَهُ لَا شَرِيكَ لَهُ، وَأَنَّ مُحَمَّدًا عَبْدُهُ وَرَسُولُهُ
اسيل: ايه ده مش عم محمد مش سامعه وفجاه يوقفها صوت بلال
«ربنا خلقنا ليه»
سؤال بيتكرر كتير في عقل كل واحد فينا هو ربنا خلقني ليه؟
بقيت كل ما أسأل حد احنا ليه ربنا خلقنا يقولي عشان نعبده أقوله يعني ربنا محتاج عبادتنا دي في حاجه يقولي لاطبعا مش محتاج عبادتنا دي أساساً بقوله الله!!؟؟طب ليه ربنا خلقنا نعمل حاجه هو سبحانه وتعالى مش محتاجها أساساً بلاقي
ساعتها الرد على طول قول أعوذ بالله من الشيطان الرجيم انت هتكفر ولا ايه؟؟ماتفكرش التفكير ده خالص قولت ماشي إذا كان هو ده الحل حاضر مش هفكر واعوذ بالله من الشيطان الرجيم والدنيا فعلاً شغلتني ونسيتى ومبقاش عندي وقت أساسا افكر في الموضوع ده بس بعد فتره لقيت نفسي عامل زى اللى بيحفر حفره هو مش عارفه هو بيحفرها ليه اديني لقيت الناس بيتحفر فبحفر معاهم طب يا ابن مش تفهم انت بتحفر ليه لا والله انا بحفر لدرجه اني مش فاضيه اعرف انا بحفر ليه ومع الوقت بقيت مرعوب أن يمكن اكون بحفر غلط اصلا مش يمكن الصح اني ما احفرش حسيت ان يوم القيامة هقف مع الناس اللي ربنا هيسالهم انتم ازاي حاجه شغلتكم عن أن انتو تعرفوني ﴿ حَتَّىٰ إِذَا جَاءُوا قَالَ أَكَذَّبْتُم بِآيَاتِي وَلَمْ تُحِيطُوا بِهَا عِلْمًا أَمَّاذَا كُنتُمْ تَعْمَلُونَ﴾ اكذبتم بأياتي ولم تحيطوا بها علما انت ازاي عشت ومت بدون ما تعرف حكمة ربنا وحتى مقرتش لآيات عشان تحاول تعرفها ام ماذا كنتم تعلمون امال انت كنت تعمل ايه؟؟وساعتهاالرد فعلا هيكون محبط جدا ووقع القول عليهم بما ظلموا فهم لا ينطقون مفيش رد أصل هترود تقول ايه لا انا عن نفسي قررت اني لازم افهم هعيش حياتي كلها وأنا بحول اوصل لربنا ولحد دلوقتي وصلت لجزء مهم جدا من الاجابه انا لاقيت أن أول حد سال السؤال بتاعي ده هما الملائكه قبل حتى ما يكون في بشر
﴿وَإِذْ قَالَ رَبُّكَ لِلْمَلَائِكَةِ إِنِّي جَاعِلٌ فِي الْأَرْضِ خَلِيفَةً ۖ قَالُوا أَتَجْعَلُ فِيهَا مَن يُفْسِدُ فِيهَا وَيَسْفِكُ الدِّمَاءَ وَنَحْنُ نُسَبِّحُ بِحَمْدِكَ وَنُقَدِّسُ لَكَ ۖ قَالَ إِنِّي أَعْلَمُ مَا لَا تَعْلَمُونَ﴾"يعني قالوا يارب ما إحنا بنعبدك خلقت البشر ليه ، وكان الرد أغرب قال إني أعلم ما لا تعلمون . بعدها الله جل جلاله علم آدم أسماء كل شيء في الكون وسأل الملائكة اللي هما أعلم خلق الله عن أسماء الأشياء فلم يستطيعوا الإجابة وأمرهم بالسجود لآدم فسجدوا والموقف ده أخبرنا به الله فقال سبحانه وتعالى "وَعَلَّمَ آدَمَ الْأَسْمَاءَ كُلَّهَا ثُمَّ عَرَضَهُمْ عَلَى الْمَلَائِكَةِ فَقَالَ أَنبِئُونِي بِأَسْمَاءِ هَٰؤُلَاءِ إِن كُنتُمْ صَادِقِينَ قَالُوا سُبْحَانَكَ لَا عِلْمَ لَنَا إِلَّا مَا عَلَّمْتَنَا ۖ إِنَّكَ أَنتَ الْعَلِيمُ الْحَكِيمُ" طيب أمال ربنا خلقنا ليه ؟
السبب الأول: إن الله خلقنا لأننا معجزته الله أعطنا عقل له قدرات خارقة لمعرفة وإستيعاب معلومات وعلوم لم تعرفها الملائكة ولا الجن ولا أي مخلوقات قبلنا.
السبب الثاني: إن الله أعطانا قدرة علي المعصية وقدرة علي الطاعة وأعطانا حرية الأختيار بين الخير والشر .
السبب الثالث : إن ربنا خلقنا من غير ما نراه ولا نسمعه ومع ذلك بنعبده وبنخشاه وبنطيعه وبنحبه كل ده وإحنا منعرفوش.
السبب الرابع : حب الله لينا وإصطفاءه لينا كخلفاء بدليل لما آدم عصي الله هو اللي ناداه وتاب عليه وعلمه إزاي يستغفره وإنه يتوب عليه ؛ وإننا بنعصي ومازال بيتوب علينا وبيسامحنا.
السبب الخامس : وإن برغم وجود نفسنا الأمارة بالسوء والشيطان وأعوانه والشهوات والشبهات والإبتلاءات والفتن ، مازالنا بنعبد الله وبنحبه ، لدرجة إن الملائكة بتتعجب من عبادة بني آدم وبتستغفر للمؤمنين.
كلنا هنا عشان نوصل لربنا بس كل واحد فينا له لقطه بتخلي لوجوده هو تحديدا معنى وانا عن نفسى هاعيش حياتي وانا بادور على النقطه دي
وانتهت صلاه الجمعه
سناء: ما شاء الله الخطبه حلوه
اسيل: وصوته في القران كمان حلو ما شاء الله
عبد الرحمن وعم احمد رجعوا
اسيل: هو مين اللي خطب النهارده
عبد الرحمن: بلال ابن عمي محمد
اسيل: ابن المعلمه بتاعتي
عبد الرحمن: أيوه ماشاء الله خطبه حلوه
اسيل: جدا
#احببت إبن امام المسجد♡
#بقلم أيه عاطف♡
بدل ماتدور وتبحث علي الروايات خليها علي تليفونك وحمل تطبيقنا
