رواية ريم والحب الفصل العاشر 10 والاخير بقلم منصور سيد
الجزء العاشر والاخير قصة (ريم والحب)
كل ده وسلوى واقفه فى ذهول وبدون ما تنطق اي كلمه
ومره واحده وقعت سلوى على الأرض جرى سيف عليها وحاول يفوقها ولكن دون فائده شالها وجرى بيها على أقرب مستشفى وريم شالت حازم ونزله كان حسام عمها نايم جوه مع احمد قلق وصحي من الأصوات وخرج يشوف فى ايه وجد ريم خارجه وشايله طفل على ايدها فبيقول ليها في ايه ياريم ومين اللى معاكى ده ورايحه على فين لوحت بايدها بعدم اعتنى وسابته ومشيت فضل ينده على سلوى وسيف ولما موجدش حد فى الشقه حاول يتصل عليهم لقى تلفوناتهم نسينها فى الشقه نزل وراء ريم وفضل ينظر يمين وشمال وجدها فى اخر الشارع راح ورائها لحد ما وصل ليها ووقفها ايه ياريم مالك رايحه على فين كده ومين الولد اللى معاكى ده وبيبص على الولد لقاه حازم راح شايله ياحبيبي يا ابنى وجدتيه فين ياريم الحمدلله انه عايش وانتى وخداه ورايحه فين ومصحتنيش ليه تفرحينى ان حازم رجع
ريم بتريقه:بجد تفرح كأنك ماتعرفش هو كان فين ومين اللى كان وراء اختفائه ومش بعيد تكون كنتوا متفقين
حسام عمها:بص فى الأرض مش قادر يتكلم هيقول ليها ايهكنت عارف بس سكت
ريم:انا مش مصدقه ان عم يعمل كده فى ابن اخوه هى دي الوصيه اللى والدى وصيهالك تضحى بيه عشان شوية فلوس على الله تكونوا شبعوا بس انا مش هسكت وحق اخويا هرجعه وهنتقم من كل اللى حاول يضره لولا ان ربنا حماه منهم ومن جبروتهم
حسام:انا مش هنكر انى عرفت بس صدقينى انا عرفت بعد ما بلغونا انه مات وكان كلامى مش هيرجعه كان بس هيخرب البيت ويوقعنا كلنا فى بعض صدقينى ياريم
ريم:وازاى رضيت ان زوجتك تموت ابن اخوك اللى سابه أمانه بين ايديك وتسكت وما تبلغش عنها عشان تاخد جزائها
حسام:فكرت فى كده والله ياريم بس هى هددني تقول انى كنت متفق معاها وكنا هنسيب احمد وسيف لمين طب سيف ممكن يعتمد على نفسه إنما احمد مين هيرعاه لو اتسجنا وانا قولت اجوزك لسيف والفلوس كلها كانت هتكون ليكى انتى وسيف وكانها رجعتلك تانى وانا مستعد ارجع كل مليم اخدته
ريم:وياترى بقى سيف هو كمان كان يعرف واتزوجنى عشان صعبانه عليه ولا عشان لو امه انكشفت يأثر عليه انى مبلغش عنها
حسام عمها:لا ياريم سيف ماكنش يعرف اى حاجه عن الموضوع ده خالص صدقينى
ريم:على العموم يعرف مايعرفش انا خلاص طلبت منه الطلاق كده كده ما بقاش ينفع اعيش معاكوا تانى
حسام عمها:لا ياريم سيف بيحبك ارجعى يابنتى وعيشي مع زوجك وانا هشوف شقه ليكم بعيد عننا هو سيف فين وسابك ازاى تمشي انا موجدتوش فى البيت
ريم:مراتك اتقهرت لما عرفت ان ربنا نصر حازم عليها ونجاه من كيدها وطمعها ومكرها وقعت من طولها اخدها وجرى على المستشفى هيا لسه شافت حاجه انا لازم اخد حق اخويا وكل العذاب وحرقت قلبى اللى شوفتها انا وهو
حسام :تعالى ياريم معايا اخوكى والحمدلله ورجعلك واى حاجه انتى عاوزاها هتتنفذ واى حق ليكى انتى واخوكى هيرجعلكم ويابخت من قدر وعفى ما تحرميش سيف من امه انا عارف انك مش هتقدرى تنسي اللى سلوى عملته فى اخوكى بس لو حبستى سلوى سيف مش هينسهالك غصب عنه لان دى امه وصدقينى سيف بيحبك ما تخسريش حبه ليكى هو ده اللى هيدوم ليكى احنا مهما طال بينا العمر مش قاعدين ليكم ارجعى الشقه خلينى اروح اشوف سلوى مالها اسمعى كلامى ومش هتندمى ما تعمليش زيها وتملى قلبك بالحقد والكراهية ويبقى كل اللى أمام عينك الانتقام وبس وتخسري كل حاجه بعد كده
تعالى يالا يا بنتى ربنا يهديكى ارجعى الشقه ولما ارجع من المستشفى هقعد معاكى واللى انتى عاوزاه هعمله وهو لسه بيكمل كلامه لقى رقم غريب بيتصل بيه فتح لقاه سيف قال له ايه ياسيف انت فين قال سيف انا فى المستشفى اللى قريبه تعالا بسرعه ماما جالها جالطه وبيسعفوها جوه وانا خايف اوى عليها
حسام:بتقول جالطه استر يارب انا جيلك حالا
يالا ياريم ارجعى يابنتى اما اروح اشوف المصيبه دى ربنا يستر
ريم رجعت معاه وكأنها بتدى نفسها فرصه تفكر تعمل ايه الوضع اتغير دلوقتى ماحدش عارف هتقوم من الجلطه دى ولا لا
حسام سبها ترجع وراح هو على المستشفى بسرعه
طلعت ريم الشقه ودخلت غرفتها وقعدت على السرير واخدت حازم فى حضنها وفضلت تفكر اعمل ايه ابلغ واسجن ام سيف واخسر سيف اللى بحبه وبيحبنى والا اسامح واسكت واخليهم يرجعوا كل حاجه اخدوها وامشي فى إعادة أوراقه اننا وجدنا كان تايه فى الشوارع واخد سيف ونعيش بعيد عنهم ما انا برضوا ماليش حد ولو خسرت سيف هفضل لوحدى وكمان أسمى مطلقه وفضلت تفكر لحد ما نامت سيف رجع من المستشفى على الشقه عشان والده قال له روح اطمن على اخوك احمد ليكون صحى وابقى هاته معاك وحاول تكلم ريم وتهديها وانا هقعد مع والدتك دخل سيف الشقه وجد احمد اخوه صحى وقاعد فى الصاله مالهى فى العاب زى الأطفال نده على ريم لما ما اسمعش ليها صوت هى وحازم ودخل فتح الغرفه بتاعت ريم وجدها نايمه وحازم فى حضنها دخل وقعد على السرير خلفها وفضل يملس على شعرها ريم حست بأيده صحيت وسندت رأسها على خلفية السرير دون أن تتكلم
سيف:انا عارف ياريم ان الموضوع كان صدمه عليكى وانك اتعذبتى كتير بسبب اللى والدتى عملته وان حازم اتبهدل واتعذب وشاف كتير بس وصدقينى انا كمان انصدمت لما عرفت من الشخص اللى وجدت حازم عنده انى والدتى كانت وراء موضوع اختفاء حازم بس انا عاوزك تحمدى ربنا انه حفظه ليكى ورجعه ليكى على خير ووالدى قال لى كل حاجه هترجع ليهم واللى ريم هتطلبه هيعمله انا عاوزك تسامحى امى انتى ما تعرفيش أيه اللى حصل ليها وكأن ربنا بيعاقبها على اللى عملته امى الدكتور قال لى والدتك اتصابت بجلطه أدت إلى شلل نصفى امل الشفاء منه قليل
وخلص سيف كلامه وفضل يبكى على حال امه عشان خاطرى ياريم سمحيها كفايه اللى جرالها
ريم ساكته وما بتردش وكأن رغم اللى حصل لسلوى مش قادره تنسى ليها اللى عملته ومش قادره تقول له انها سامحتها
سيف لما فقد الأمل فى ان ريم تسامح امه قام وقال ليها على العموم انا هاخد احمد وهروح ليهم المستشفى وهسيبك تفكري
واللى هتقرريه لما ارجع هنفذه ليكى حتى لو قررتى تسبينى انا مش هجبرك على العيشه معايا بس كل اللى هقوله ليكى قبل ما امشي انى بحبك وما اقدرش استغنى عنك بس برضو ما قدرش انك تعيشي معايا وانتى مغصوبه ومش طايقانى انا واهلى
وقام وسابها وخرج عشان ياخد احمد ويرجع على المستشفى ولسه خارج من الباب سمع ريم بتقوله واخد احمد ليه ما انا موجوده سيبه ما تقلقش عليه وربنا يطمنك على امك لف سيف وبصلها بابتسامه ورجع واخدها فى حضنه
وقال ليها هو انا حبيتك وبموت فيكى كده من ايه ما من حنيتك دى وطيبة قلبك
وساب احمد معاها ونزل وراح على المستشفى
اول ما راح بابا الدكتور قال ايه
حسام:امك زى ما الدكتور قال حصلها شلل ومش هتقف على رجليها تانى
سيف فضل يبكى لي يا امى عملتى فينا وفيكم كده كان ايه لازمته كل ده ربنا يشفيكى ويسمحك وفضل يبكى
وتانى يوم اخدوها على كرسي متحرك ورجعوا بيها للبيت واول ما دخلوها الشقه كانت ريم موضبه الشقه ومجهزه اكل وواخده حازم واحمد حواليها وقاعده تأكلهم
سلوى بصت للمنظر ونظرت لقدمها العاجزه فضلت تبكي وفضلت تلف عجل الكرسي عشان تدخل غرفتها عشان مش طايقه ان ريم تشوفها وهى عاجزه ومش قادره ان عينها تيجى فى عينها دخلت غرفتها وقفلت الباب وفضلت تبكى بس بعد فتره قليله خرجت تانى وقربت من ريم بالكرسي وقالت ليها سامحينى ياريم تعالى ياحازم سامحنى يابنى انا مش عارفه انا ايه اللى كنت بعمله ده واديني ربنا جزانى سامحينى يابنتى عشان ضميرى وقلبى يستريح يمكن لما تسامحونى ربنا يغفرلى ووضعت وشها بين ايدها وفضلت تبكى وريم واقفه جنبها مش بترد عليها بس شويه وتعبت عليها راحت مدت ايدها على كتفها وقالت ليها انا مسمحاكى راحت سلوى ضمتها ليها وقالت ليها انت انسانه طيبه وجميله وانا الجشع والطمع كانوا عمينى وانا عمرى ما كنت هلاقى لسيف زوجه زيك والقلوب اتصافت وعملوا أوراق حازم وعاشوا كلهم مع بعض وريم هى اللى أصبحت المسؤله عن البيت وعن حازم واحمد وطبعا عن سيف كمان وبعد ما سيف اتخرج واشتغل حسام جمع سيف وريم وقال ليهم مش انا كنت وعادكم بفرح ليلة الدخله كبير انا بقى جالى مكافأه كبيره من الشغل وحجزت ليكم قاعه هتعجبكم جدا بعد اسبوعين وثلاث ايام عسل سيف قال له بضحك ثلاث ايام مش كتير هما مش المفروض ثلاثين يوم انا كده عرفت مستوى القاعه اللى حجزتها
حسام قال له بقى كده اعمل ايه على قد المكافأة احمد ربنا
سيف قال له انا بضحك معاك يابابا ربنا يخليك لينا
وجه يوم الفرح وهما فى وسط الفرح والغنى والرقص ميل سيف على ريم وقال ليها اخيرا هنكون مع بعض ويتقفل علينا مكان واحد
ريم قالت له يابنى ما احنا كده كده فى مكان واحد ايه الجديد
سيف لا بس المره دى غرفه واحده واوعدك اجبلك احلى شقه
ريم لسه هتقول له ما انا معايا نجيب شقه
سيف احنا اتكلمنا فى الموضوع ده قبل كده الشقه لازم انا اللى هجبها وبعدين مش هينفع نسيب أهلى لوحدهم وانتى عارفه ظروف ماما
ريم ياحبيبى اهلك هما أهلى وهيفضلوا فى عينيا انت وهم هما فى العين دى وانتى فى العين التانيه
سيف : طب حسبي حسبي
ريم: أحاسب ايه
سيف :حسبي اوعى تغمضي لقع من عينك
ريم: يا بايخ
سيف :بايخ بس بحبك وبموت فيكى ربنا يخليكى ليا
وراح سيف شددها وراح شايلها بين احضانه وفضل يلف بيها ويرقصوا.وانتهت قصتنا يارب تكون عجبتكم كل سنه وانتم جميعا بخير القاكم بعد رمضان ان شاء الله إياكم تنسونى .اشوف وشوكم بخير ومره تانيه كل سنه وانتم طيبين.سلام
