 |
رواية حبيبة ابوها الفصل الأول |
👑👑#البارت_الاول👑👑
#بقلم_الكاتب ✍️🖋️ Mohamed Youssef Sultan
عمرو قالي اني والده الله يرحمه كان بيحبهم كلهم وكان
بيدلعه هو بحكم أنه اخر العنقود وجوز اخواته الاتنين وهو
عايش وكان شايله فلوس في البنك ليه علشان تساعده في
جوازه وقعد يشكرلي فيه وفي حنينه كتير ..وقال اني مامته
بتفرق في المعاملة بينه وبين أخوه الكبير وأنها قاسية جدا
معاه وشاف غباء وقسوة منها اكتر بعد ما باباه مات وأنهم
مش عايشين مع بعض بسبب المشاكل الي بينهم وكمان
مقاطع اخواته بسببها أنهم بيقفو معاها وبيجوو ديما في
صفها وقال كمان انهم كدبو وقالو اني الفلوس الي في البنك
بتاعتهم كلهم وقسموها وعليهم كلهم واخد نصيبه فيها
وأنه كان بيشتغل وبيكافح علشان يكمل تعليمه واني ربنا
كرمه واشتري عربية من شغله ومش ناقصه حاجه
قولتله حاول تاخد رضها وتسايسها هما ليهم حق علينا أننا
نستحملهم ونصبر عليهم قالي صدقيني كل ده انا عارفه
كويس وجربت كتير هي وخده مني موقف وانا كمان
ومرتاحين كده
علي قد ما أنا زعلانه اوي أنه مقاطع مامته وعلاقته ب
اخواته مش كويسة علي قد ما فرحانه وانا بكلمه وهو بيدفع
عن نفسه وبيحاول يفهمني ويشرحلي ويقربني ليه فرحانه
كمان أنه فتحلي قلبه وحكالي بصراحة ومخباش عني حاجه
حب يسمع ردي لما شافني سكت قالي خلاص انا مش
مستعجل ومش هزعل مهما كان قرارك قفلت معاه ونمت
وصحيت لبست ورحت الشركة قعدت علي مكتبي وشغلت
الكمبيوتر لقيته دخل عليا قالي صباح النور يانور
قولتله صباح الخير قالي اني في حاجات ع الكمبيوتر بتاعي
عايز ينقلها ع الفلاشة علشان محتاجها في شغله
قمت من المكتب خالص وقولتله اتفضل
قالي خليكي زاي ما انتي قولتله لا علشان تكون علي رحتك
قعد يحمل الحاجه ويقولي نمتي امتي قولتله بعد ما فقلنا
قالي يابخته سالته ليه قالي علشان قعدت لحد الفجر بفكر
فيكي ومخدش رحتي في النوم اتكسفت وبصيت علي شاشة
الكمبيوتر قولتله مش خلاص ولا ايه
