رواية ريم والحب الفصل الثالث 3 بقلم منصور سيد
الجزء الثالث قصة (ريم والحب)
حسام:ايه ياسلوى اللى جه فى بالك غيرك كده
سلوى:يعنى ولا عاجب كده ولا عاجب كده
حسام:لا بس فى حاجه فى بالك انا متأكد ايه هيا
سلوى بصوت منخفض:انت عاوز تجوزها ابننا مش كده
حسام:ياريت بس طبعا لو سيف حب كده
سلوى:انا عاوزه كده برضو بس مع تعديل صغير بدل سيف هيبقى احمد
حسام:انتى بتقولى ايه وهى هترضى بكده اكيد لا طبعا
سلوى:مش لازم ترضى انت ولى أمرها وهى يا اما ترضخ وتوافق يا اما هنرميها فى الشارع هى واخوها
حسام:معقوله ياسلوى اللى بتقوليه ده حرام عليكى هنزوجها غصب عنها ولابنك المعاق
سلوى :وايه الحرام فى كده احنا هنجوزها ونسترها واسكت بقى عشان سيف جى
سيف دخل عليهم ايه ياماما فين الفطار
حاضر ياسيف هدخل اهو وكانت ريم واخوها خارجين وراء سيف
سلوى:تعالى معايا ياريم ندخل نجهز ليهم الفطار واعملي حسابك دى اخر مره هدخل معاكى بعد كده انتى اللى هتبقي مسؤله عن المطبخ والشقه المفروض ان بقى عندى بنت ولا ايه
ريم بصت لسيف وعمها
سيف:اه صحيح بقى ليكى بنت بس طبعا ايدك معاها ياماما احنا ما نقدرش نستغنى عن عمايل ايدك ومعلش صبرك عليها شويه ياماما دا انا خرجتها من الغرفه بالعافيه دى كانت قاعده تبكى هى واخوها وماصدقت سمعت كلامى وخرجت تفطر معايا
وبص لريم ادخلى ياريم اقفى مع ماما واتعلمي منها أصول المطبخ
ريم:حاضر بس انا كنت عاوزه اروح الشقه اللى كنا قاعدين فيها عشان اجيب حاجتى انا واخويا
سيف:خلاص انا بعد ما ارجع من الكليه هخدك ونروح نجيب حاجتكم
حسام والده:بقولك ياسيف ابقى دور فى الشقه وانتم هناك على اى أوراق ممكن نحتاجها عشان نطلع اعلان وراثه وقرار وصايه ونعرف كده يمكن يكون فى حسابات فى البنك بأسم ابوهم او امهم او اى حاجه تفيدنا
سيف :ان شاء الله يابابا
دخلت ريم وزوجة عمها المطبخ جهزوا الفطار سيف دخل جاب احمد عشان يفطروه معاهم وبعد مافطروا قام سيف وراح على كليته وحسام اخد احمد ابنه ودخلوا غرفته
سلوى:قومى ياريم عشان نروق الشقه
ريم عاوزه تقول ليها أنها تعبانه وان حزنها على والدتها ووالدها مخليها مش قادره تعمل حاجه بس مش قادره تقولها حطت وشها فى الأرض وسكتت
وبدأت ريم فى شغل البيت وزوجة عمها وقفه معاها وبتكلمها على احمد وكانها بتمهد لخطتها
سلوى:تعرفى احمد ابنى ده طيب جدا وهو صحيح مولود عقله تعبان شويه بس دا ذكى اوى وحنين يابخت اللى هتكون من نصيبه هيكون طيب وحنين معاها وهى اللى هتمشي على هواها بدل شباب اليومين دول اللى بيتعصب ويتحكم فى الوحده وعاوز يستعبدها
ريم بصت ليها مستغربه كلامها عاوزه تقولها انتى مصدقه كلامك ده وايه مناسبة كلامك ده بس ما حبتش تكسفها فقالت اه هو فعلا طيب وغلبان ربنا يكرمه ويشفيه هو واحده اللى قادر على كل شيء
وبعد ما خلصوا توضيب الشقه وحضروا الغداء كان سيف رجع بعد ما اتغدا قال لريم يالا يريم نروح على شقتكم نجيب حاجتكم
وراحوا على الشقه وريم دخلت غرفتها ولمت ملابسها واحتياجاتها وكل متعلقاتها وبعد كده دخلت غرفة اخوها لمت ملابسه وسيف قال لريم والدك بيضع الاوراق الخاصه بيه فين فقالت فى غرفته ودخلوا يبحثوا عن اى أوراق هامه فى كل مكان وفعلا وجدوا أوراق مهمه اخدوها كلها ورجعوا واول ما سيف دخل الشقه حسام والده قال له ها ياسيف وجدت اى أوراق مهمه
سيف قال ايوه يابابا اهى بس لسه مقرانهاش كانت واقفه سلوه والدته مدت ايدها وأخذتها ودخلت هى وحسام بيها غرفتهم وريم دخلت بالشنط هى وسيف
بعد مادخلوا الغرفه
ريم فتحت الشنط وبدأت تخرج ملابسها من الشنطه عشان تضعها فى الدولاب بس الدولاب لسه فيه ملابس سيف
سيف قال ليها ثوانى ويكون الدولاب كله تحت امرك
شال ملابسه كلها وبدأ ينقلها للغرفة الأخرى وبدأت ريم تضع ملابسها فى الدولاب وسيف واقف
سيف:تعرفى أن ذوقك جميل اوى ياريم وفساتينك جميله زي صاحبتهم
ريم:ودى مجامله ولا معاكسه
سيف:وفى حد بيعاكس اخته
ريم:يعنى مجامله
سيف :ولا مجامله دى حقيقه انا داخل اذاكر هتعوزى حاجه
ريم :صحيح انا اعرف انك فى سنه ثالثه فى الكليه مش صح كده ولا انا فاكره غلط
سيف:لا فكره صح وانتى فى الصف الثانى الثانوى مش كده
ريم:كده فعلا يعنى كلها اربع سنين واحصلك
سيف:اه فعلا على اساس ان انا هفضل زى ما انا فى السنتين دول انا اروح اذاكر بقى يالا عاوزه حاجه
ريم:لا شكرا ياسيف
حسام بعد ما دخلوا ورينى الورق ده لما نشوف فى ايه سلوى استنى ما انا بشوف اهو
فتحت الاوراق وبصت فيها وهى بتقلب فيهم لقت كشف حساب بنك باسم والد ريم بمبلغ كبير وعقد ارض مساحتها كبيره فى مكان راقى كانوا ناوين يبنوا بيت من بابه بس لسه ماكملش عشان كده كانوا قاعدين فى ايجار مؤقت لحد ما يخلصوا البيت وينقلوا فيه
حسام :ماكلمنيش قبل كده عن اى حاجه من الحاجه دى
سلوى:هو انت فاكر الناس زيك على نيتهم لا ياحبيبي كله بيداري على حاجته
المهم طبعا احنا لينا فى الورث ده
حسام:لينا ازاى انتى ناسيه ان عندهم والد يبقى احنا مالناش اى حاجه فى الكلام ده كله
سلوى :يعنى المشكله فى حازم اخو ريم يعنى لو ما كنش موجود مش كنا شاركنا فى الميراث ده وحتى اللى هتخده ريم كان هيبقى بتاعنا لما تزوجها لابننا نشوف ليه صرفه
حسام:صرفه ازاى يعنى انتى مالك بقى كلامك غامض كده
سلوى :ولا غامض ولا حاجه انت اللى فهمك تقيل انا عارفه سي حازم ده مامتش مع ابوه وأمه فى الحادثه ليه ووفر علينا الصرفه اللى هنفكر له فيها
حسام:ياشيخه حرام عليكى دا عيل انتى ايه
انتى بينك اتجننتى انا هقوم انام احسن بدل الكلام الغريب اللى بسمعه منك ده وياريت تقومى تنامى انتى كمان بدل الهاوجس دى
سلوى اه هواجس بكره تشوف الهواجس دى
تابع
