رواية عشقت مجنونة الفصل الاول
**بوووووم
جريت الام علي المطبخ بعد ما سمعت صوت الانفجار دا ولقت المطبخ بيطلع دخانه كتير
الام بخوف : اسماء حبيبتي
حاولت تدخل الطبخ بس مكنتش شايفه حاجه من الدخانه
الام بصوت عالي : اسماااء
خرجت بنت من المطبخ وشها كلو اسود من الدخانه وشعرها واقف وعماله تكح جامد
الام بخضه : بسم الله الرحمن الرحيم انصرف انصرف
اسماء وهي بتكح : شوفتي عفريت
الام : انتي كنتي بتعملي اي في المطبخ
اسماء كحت : شوفت اكلة علي النت وكنت بجربها
الام جزت علي سنانها : انا مش قولتلك متدخليش المطبخ دا تاني
اسماء راحت فتحت الشباك وواحده من الجيران كانت واقفه في البلكونه الي قدامها شافتها صوتت : عاااااااااا
واغمي عليها علطول
اسماء جريت علي مامتها ومامتها مكنتش قادره تتكلم من كتر الضحك
اسماء بستغراب : هو شكلي مالو في اي
الام بضحك : ادخلي شوفي في المرايا ولاخر مره بقولك ملكيش دعوه بالمطبخ
اسماء مشيت من قدامها : انا غلطانه اني كنت عايزه اعملك مفاجاه وابسطك بدل ما انتي بتدعي عليا كل يوم(وبصت لشكلها في المرايا) عاااااا
وجريت علي مامتها : عفريت عفريت جاني جني زي فواز الحقونااااااي
مامتها فضلت تضحك : ي بنت الم*جنونه
اسماء بخوف :والله شوفتو انتي مش مصدقاني تعالي اوريكي
ومسكتها من ايديها وراحت بخوف تقف قدام المرايا
الام : عرفتي مين العفريت يختي
اسماء كانت مخبيه وشها : شوفتي عشان تبقي تصدقيني
الام شدت ايديها من علي وشها : ي بنت ال*هبله دا انتي هو دا وش ام*ك عفريت اي
اسماء بصت لشكلها بصدمه : ي قلب امي اي حصلي دا
الام : اغسلي وشك دا وتروحي تظبطي كل الي هببتي والا الشبشب هيشتغل
اسماء بخوف : شبشب لا ثواني ويكون المطبخ بيلمع
غسلت وشها بسرعه ودخلت المطبخ وفضلت تنضفه كتير كان حرفيا كلو اسود
اسماء بتعب : ي حجه هو انا مش بنتك برضو تعالي ساعديني
الام : ولا اعرفك
دخل الاب عليهم
اسماء : ي حاج تعالي شوف الوليه الي انت اتجوزتها دي
الاب دخل المطبخ : ليلتك سودا زي لون المطبخ اي الي حصل
اسماء : احممم انا كنت بس بحاول اعمل شويه اكل
الاب : كدا وبتعملي شويه اكل اومال لو كنتي بتولعي في البيت كنتي عملتي اي
الام : تعالي ي حاج تعالي سيبك منها دي مبتحسش ولا عندها د*م
اسماء : طب مش عامله حاجه
الام كانت مخليه الشبشب جنبها مسكتو ورمتو عليها جه في دماغها
اسماء مسكت دماغها : ااااه انتي متأكده انك ربت منزل ولا بطلت رمايه
الام : يلا بدل ما ارمي التانيه
اسماء بهمس : ربنا علي الظالم
الام بصوت عالي : بتقولي حاجه
اسماء : بقول ربنا يخليكي ليا ي مرات ابويا
بعد 3 ساعات اسماء اخيرا خلصت المطبخ وكانت تعبانه جدا دخلت خدت شور وطلعت نامت
وصحيت علي دوشه استغربت وطلعت عشان تشوف مين واتصدمت….
