رواية المؤنسات الغاليات (كامله جميع الفصول)بقلم بسمله جمال
بِقلمي
#بسملة_جمال
#المؤنسات_الغاليات
#البارت_الأول
نغم:ممكن تناوليني طبق المحشي الي هناك ده.. يأم البنات
قلتها بغل عبيطة فكرة كده انها بتكدني والله كل مرا بتقولي فيها كده برفع راسي وبحس بفخر
سما ببرود عشان تستفزها: من عيون أم البنات
خلصنا غدا وقومت شلت الأكل وغسلت المواعين وده طبعاً لأن شغل البيت كله عليا لأن الست هانم حامل
نغم برقة متصنعة عشان تغيظ سما: هتنام عندي انهاردة صح كده ينعومتي
نعيم بتوتر: بس انهاردة يوم سما
نغم: اصل انا عيزاك معايا انهاردة
نعيم بأهتزاز: ماشي
يعني ايه ماشي هو اي الي ماشي انهاردة يومي ده بقاله اسبوع بينام في اوضتها كل ميجي يومي تتموحن عليه عشان ينام عندها وانا لأ كده كتير والله انا قلبي وجعني لما سمعت موفقته على كلامها طب وانا؟، منا بردو مراته وليا حق عليه
سما:بس انهاردة دوري انت بقالك اسبوع بتنام في اوضتها هجرت اوضتي ولا اي؟
نعيم:لا يحبيبتي بس هي الحمل تعابها ولازم ابقي جمبها
سما:هتبقي جمبها تعملها اي يعني م لو احتاجت حاحة متبقي تندهلك او تنده حد من البنات
نغم:بناات هيهيهيهيههيهي
قاصدة تعمل كده عشان تفرسني بس والله بعينها
نعيم:خلاص بقي يحبيبتي
سما:لا مش خلاص انا بردو مراتك وليا حق عليك ده كده مش عدل
نعيم بزعيق:قولت خلاص يعني خلاص يسما اعمليلك قفلة بقي
نغم:يلا يا نعومي
خدته ودخلت الأوضة وهي قاصدة تفرسني وتبصلي بنظرات انتصار
دخلت اوضتي ورزعت الباب ورايا وقعدت اعيط كتير من كسرتي كسرني كتير اوي مرا لما اتجوز عليا والمرة التانية في كل مرا بينصرها فيها عليا انا بردو مراته وليا حق عليه
Flash back..
سما بعدم فهم:مين دي ينعيم
نعيم:مراتي
حسيت الدنيا لفت بيا جامد كلمته صدمتني عارفين لما تبقي من كتر الصدمة مش عارف تنطق او تتصرف مخي مش قادر يستوعب كلامة الي دخل زي السهم في قلبي يتجوز عليا ليه انا مستهبش منه كده يارب يكون بيكدب يارب
سما والدموع متجمعة في عنيها: بتهزر صح؟
نعيم:لا مبهزرش دي مراتي وهتعيش معانا هنا
سما: اتجوزت عليا!، طب ليه؟، اتجوزت عليا ليه عملتلك اي انت عشان تتجوز عليا؟،قصرت معاك في حاجة؟، ده انا كنت شيلاك في عيوني انت واهلك مفتكرش اني يوم أذيتك او أذنبت في حقك الذنب الي يخليك تتجوز عليا يبقي ليييه؟؟
نعيم:اتجوزتها عشان تجبلي الواد
سما بكسرة وصوتها بيعلي وهو مليان عياط وبتدربه على صدره: أنت أنسان متخلف والله قولتلك ميت مرا ربنا مش كتبلك تُرزق بولاد الموضوع ملهاش علاقة بيا ولا بيك لو ربنا رايد انك متخلفش ولد عمرك مهتخلف ولد دي ارادة ربنا ليه بتعمل فينا كده انا وبناتك
نعيم ببرود:يمكن مليش نصيب اخلف منك ولاد يمكن مع غيرك يبقي ليا نصيب وبعدين خلاص ده بقي امر واقع ولازم تتقبليه خصوصاً انها هتقعد معانا هنا
سما:بس انا مش عايزاها تعيش معانا هنا مش كفاية انك اتجوزت عليا كمان تعيش معايا
نعيم:مش بمزاجك ده بيت عيلة يحبيبتي اكيد مش هسيبه واروح اجيب شقة برا ده غير ان الشقة كبيرة وتساعي ويلا انزلي انتي والبنات باتو عند ماما انهاردة انا عريس وعايز اخد راحتي وبكرة تبقي توضبي الأوضة الذيادة لي نغم عشان هتبقى اوضتنا
سما بكسرة:ابقي خلي السنيورة هي الي توضبها
نديت على البنات عشان تحصلني ونزلت ورزعت الباب ورايا
نزلت وانا على اخري هنفجر من غضبي
سما بعياط وكسرة: ارتحتي اتمنى انك تكوني ارتحتي بعد مخلتيه اتجوز خلاص ليه مسبتنيش اعيش في هدوء فضلتي وراه لحد مأقنعيته بالجوازة التانية وانه هيجيب منها الولا انا مش فاهمه انا وبناتي عملنالك اي عشان تكرهينا بالشكل ده عملتلك اي عشان تخليه يكسرني كده ده انا قيدالك صوابعي العشرا شمع ارتحتيي خلاص
حماتها:انا مش بكرهك ولا انتي ولا البنات انا بس عايزة سعادة ابني
سما:تبني سعادة ابنك علي حساب كسرتي وتعستي انا وبناتي
حماتها:تقدري تقوليلي مين هيبقي سندك انتي وبناتك لما تعجزي أنتِ وهو تقدري تقوليلي مين هيبقي سند بناتك
سما: وأنتِ أيه الي مخليكي متأكدة أنه هيطلع أبن بار بينا ايه الي مخليكي متأكدة انه هيبقي سند ميمكن يطلع أبن عاق وممكن يبقى سبب تعاستنا انا وابوه هي مش قاعده في الحياة انك لازم تجيب ولد عشان يبقي سندك ممكن البنات يبقو سند اهلهم عادي لأن هي مش قاعدة، دلوقتي بقي الأخ بيأجر ناس يغتصبو*ه أخته عشان ياخد ورثها وأخ بيقتل أخته وغيره وغيره من النماذج الي بنشوفها هي مش قاعدة ومش كل الأخوات بيبقو سند، والله اعلم لو خلف ولد هيبقي سند لينا فعلاً او لأ وممكن لو اتجوز التانية والتالته والرابعة يجيب بنات ميمكن نصيبه في الدنيا يبقي خلفته بنات
حماتها:بعدد الشر تفي من بؤك ان شاء الله يجيب الواد
سما:حرام عليكي ليه بتكرهينا كده ده الرسول صلى الله عليه وسلم قال فينا المؤنسات الغاليات ليه بتكرهيهم
حماتها:قولتلك مش بكرهم انا عايزه يبقي ليهم ول ابوهم سند في الدنيا بكره تعرفي قيمة كلامي
سما: انا بناتي مربياهم على انهم يبقو سند لنفسهم مش مستنين حد يبقي سندهم، وأنتِ فكرك الي اتجوزها دي هتربي ابنها علي التقوي وبر الوالدين ههه بكرا نشوف هطلع نموذج عامل ازاي
Return back..
