 |
رواية جنون قراء(كامله جميع الفصول) |
: اهدي يا بنتي ايه ده مكنتش كلمه.
: بس يا علياء ده هيشوه سمعتي.
علياء: وانت مالك بيه.
: مهو بما انه منشوري الناس هتفتكروا بيعاكسني.
علياء: والله يا شمس معاك حق يمكن بيعاكسك انت.
شمس: عليييياء أنا غلطانه اني بحكيلك امشي.
علياء: مش انت طلبتيني وعايزة تروحي تشتري روايات.
شمس: اه صح يلا.
............................
علياء: شمس ركزي معايا اختاري يلا.
شمس: مهو القمر اللي واقف هناك ده اخد عقلي.
علياء: انت كده بتشوهي سمعة المكتبه.
شمس: والمكتبه مالها بيا.
علياء: مهو بما انك بتعاكسيه في المكتبه الناس هتفتكر انك بتعاكسي المكتبه.
شمس: بايخة واصلاً دي ملهاش علاقه بدي.
علياء: طيب يلا.
شمس اخترت كام روايه اللي هي من كل نوع روايه.
علياء: والله عم محمد صعبان عليا.
شمس: ليه.
علياء: اصلك خلصتي فلوسه علي الروايات.
شمس: مهو انت ملكيش دخل وبابا راضي.
علياء: طيب يلا يا أختي.
شمس راحت دفعت الحساب ومسكت الكتب لعلياء وطلعوا.
علياء خبطت في شاب والكتب وقعت منها.
: أنا آسف خالص.
علياء وهي بتلم الكتب: ولا يهمك.
شمس صفرت: واو قصة حب بتبدأي قدام عنيا.
علياء اتكسفت من كلام شمس والشاب مكنش فاهم حاجة.
علياء مسكت الكتب كويس وشدت شمس وراها.
شمس: اوعي كده.
علياء: يا بت المجانين ايه اللي بتقوليه ده.
شمس: في ايه يا لولو ده أنا بدي رأيي بس.
علياء: محدش طلبه.
شمس: براحتك بس عليا ان ما اتقبلتوا تاني.
علياء: امشي ربنا يصبرني.
...................................
: ايه يا محمود اتأخرت ليه.
محمود: لأ يا عم ده في اتنين ربنا يكملهم عقلهم خبطوا فيا.
: وقصة الحب بدأت مع انهي.
محمود: لأ يا ظريف انا خبط في وحده والتانيه قالت كلمتك دي.
: الله مين عاشقة الروايات دي.
محمود: تهدي يا زين واختار اللي انت جاي علشانه.
زين اختار زي شمس ودفع الحساب ومشي.
محمود: اركب يا خوي.
زين: يلا بسرعه لأني متشوق لقرائتهم.
محمود: غي راجل يقرأ روايات.
زين: مش أنا بقرأ.
محمود: بس مين قال انك راجل.
زين: محممممممممود والله لو قلت كلمه تاني لهوريك وشي التاني.
محمود: عارفه ده مش هتعملي جو الروايات ده انت.
زين: اه امشي يا محمود.
محمود مشي بالعربيه وفي الطريق كان في شويه شباب بيحاولوا يتعدوا علي بنتين.
زين: استني يا محمود.
محمود وقف وزين نزل.
زين راح عند البنات وضرب الشباب اللي كانوا ملمومين حواليهم.
: شكراً يا قمر.
زين: قمر أنا اسمي زين.
: لأ اصل انت شبه واحد صحبي اسمه قمر.
محمود: انتوا.
شمس: مش قلتلك هتتقابلوا تاني.
علياء قرصت شمس من دراعها.
شمس: ااااه.
زين: مالك.
علياء: مفيهاش حاجة دي شمس بتحب تستهبل.
شمس بخفوت: ماشي يا علياء الكلب.
علياء: علي العموم شكرا خالص يا أستاذ زين وآسفة بالنيابه عن شمس.
زين: لأ عادي بس انتوا تعرفوا محمود منين.
محمود: يلا يا زين ابقي اقلك بعدين.
زين: دقيقة يا محمود نوصلهم.
علياء: لأ شكراً.
زين: بس لأحسن يحصل.....
شمس: بس احنا اوصلنا.
زين ومحمود مشيوا وشمس ضربت علياء علي كتفها وجريت علي العمارة وركبت شقتها.
علياء: طيب خدي رواياتك.... اقلك جزاء ليك هيفضلوا معايا انهاردة.
شمس جريت لتحت تاني.
شمس: علياء هاتي الروايات.
: تؤ مش هتاخديهم وسلام.
علياء ركبت شقتها اللي قصاد شقه شمس.
تاني يوم............
شمس بتخبط علي باب شقة علياء وبتفتحلها ام علياء.
شمس: طنط هي فين علياء.
: ايه علياء ليها ساعة رايحه الكليه.
شمس: ماشي يا علياء زفت.
ونزلت بسرعه اخدت تاكسي وراحت الكليه.
أول ما دخلت لقيت حد بيتخانق.
شمس: ايه دي علياء يلهوي بتتخانق مع مين.
زين: اهلا بالتانيه اختك مسكت في اخويا ومش هيسيبوا بعض غير ميتين.
شمس: ايه ده هما بيتخانقوا تصدق طمنتني.
زين باستغراب: وده يطمن.
شمس: اه هي دلوقتي هتضربه بالقلم.
وفي نفس اللحظة علياء بتضرب محمود بالقلم.
زين: وهو يتوعدلها.
محمود لعلياء: حساب القلم ده غالي.
شمس وزين: ويتجوزها ويعذبها.
محمود وعلياء كل واحد اخد صاحبه ومشي.
#جنون_قراء.
اسكريبت.
