رواية انتي ملاكي الجزء الثاني الفصل الحادي عشر
هنا اقتربت اكثر وجلست على المكتب \لو مش فاضى افضيلى ولا انت مش حابب اننا نتكلم هنا انا معنديش مشكله مستعده اكون معاك فأى مكان
ادم قال بسخريه \ انا اصلا مش طايق ابص فى وشك
كريم \ هو مين سيادتك
هنا اتفزعت \ ايه ده بسم الله الرحمن الرحيم دول بيتطلعو امتى
كريم \ ايه شوفتى عفريت قدامك متقولى يا ادم مين المدام
هنا\انا انسه لسه مش متجوزه
ادم بغضب \ هنا ورحمة ابوكى ياشيخه امشى من قدامى لانى لما ابص فى وشك معدتى بتقلب اعوذ بالله يلا مع السلامه
هنا \ انا احلى منها بصلى يا ادم
ادم بسخريه \انتى احلى من ملاكى بتهرجى الفرق بينكم كبير انتى متجيش جمبها حاجه
هنا بحزن مصتطتنع \ بقى كده تزعلنى ماشى يا ادم انا ماشيه بس مصيرك يوم تجيلى
ادم بامر\ جنا حذرى الامن ان البنت ديه متهوبش نحية الشركة مفهوم
جنا \ امرك يافندم "لتخرج جنا "
كريم \ مين ديه وازاى تكلمك كده
ادم \ تخيل دية اخت ملك
كريم \ انت بتهرج صح
ادم \ لا بتكلم جد
كريم \ ازاى انا مش فاهم حاجه
ادم حكى له كل شىء
كريم بجديه \ حرص يا ادم البنت ديه ناويه على حاجه صدقيني
ادم \ انا عارف بس مش عارف اعمل ايه جدو متمسك بيهم هى المفروض اخت ملك وحقها انها تعيش معانا
كريم \ ربنا يستر , طيب انا هروح اشوف شغلى
خرج كريم ووقف ينظر لجنا
جنا بتوتر \ حضرتك عايز حاجه
كريم \ ممكن اعزمك على الغدء بعد الشغل
جنا \ ليه هو فى حاجه
كريم بابتسامه \ لا بس انا عايز اتكلم معاكى ينفع
جنا بابتسامه \ حاضر يافندم
كريم اقترب منها \ انا اسمى كريم
جنا بخجل \ مستر كريم
كريم وهو يقترب اكثر \ لا كريم وبس يلا قولى
جنا بخجل \ حاضر ياكريم
كريم بحب \ تصدقى اول مره اسمع اسمى بالرقه والجمال ده
لتضحك جناوتنظر له قليلا لتبسم وتجلس على مكتبها ليتطلع بها كريم بحب ثم تركها وذهب الى مكتبه
ادم كان جالس شارد الذهن يفكر فى تلك الفتاه "هنا" ماذا تنوى ان تفعل ب ملك فيتنهد بضيق وامسك مفاتيحه وهاتفه وخرج من مبنى الشركة وصعد الى سيارته وانطلق الى الجامعه
فى المساء باحدى المطاعم
كريم \ جنا انا عايز اعترفلك بحاجه مهمه
جنا بابتسامه \ خير استاذ كريم
كريم \ احنا قولنا ايه نشيل الالقاب كريم وبس
جنا \ اتفضل اتكلم يا كريم
كريم امسك يدها \ جنا انا بحبك كنت عايز اقولك من فتره طويله بس كنت خايف لحسن يكون حب من طرف واحد بس حسيت انه ممكن يكون من طرفين
جنا بخجل \ انت فجائتنى الصراحه
كريم \ تقبلى تتجوزي العبد لله
جنا بابتسامه \ الصراحه انا كمان معجبه بيك
كريم \ اعجاب بس ولا حب
جنا \ اكذب عليك لو قلت اعجاب بس . بس انا ..
كريم \ بس ايه كملى
جنا \ كنت دايما بفكر ان انا مجرد سكرتيره انما انت ....
كريم ضاحكا \ هو فى حد لسه بيفكر كده اسمعينى جنا انا بحبك انتى انسانه محترمه ومثقفه وجاده جدا فى العمل لدرجة ان ادم رافض يستغنى عنك فى الشغل صدقينى احنا متسويين االمهم بقا انا عايز اطلب ايدك من الحج ابوكى حدديلى معاد علشان انا مستعجل
جنا \ حاضر هقوله واخليك تقابله
كريم \ بحبك
جنا بخجل \ وانا كمان
فى اليوم التالى ملك التفتت حولها ولم ترى ادم بجانبها فارتدت الروب ونزلت الى الاسفل تبحث عنه
وفجاءه سمعت صوت ضحك فالتفتت حول نفسها فهى تعرف صاحب هذا الصوت واقتربت من الفرانده لترى هنا فى احضان ادم لتتسمر امام ذالك المشهد ماذا تفعل لم تشعر بنفسها الا وهى تبكى وتصرخ
لتنتفض ملك من على السرير وتبكى ليفوق ادم والقى نظره عليها ليراها تبكى ليقوم مسرعا وامسك يدها \ ملك فى ايه مالك بتعيطى ليه
ملك بدموع \ ليه تعمل فيا كده انا عملتلك ايه
ادم بعدم فهم \ هو مين , انا عملت فيكى ايه
لتقول \ افشتك وانت بتحضنها مكنتش متخيله انك تعمل فيا كده
ادم رفع وجها له \ افتحى عنيكى ياملك
ملك فتحت عيناها لترى نفسها بغرفتها
لتنفس ادم بهدوء \ كنتى بتحلمى
ملك بغضب \ده كابوي مش حلم انا كنت هموتك انت وهى
ليضحك ادم \ ايه شوفتينى مع مين
ملك بغضب \ مش عايزه افتكر واسمعنى كويس انت حبيبى انا وبس فاهم
لقول بحب وهو يمسك بيدها \ وايه كمان
ملك \ وحياتى وعمروى كمان ادم خايفه لتبص للبت الى اسمها هنا
ليحتضنها ادم \ ربنا يخليكى ليا يا عمروى مستحيل ابص لاى واحده لانك "يشاور على قلبه " انتى جوه هنا
................
هنا \ انا عملت كل الى قولتيلى عليه مش عارفه اقربه منى
مرفت\ يبقى تحاولى تبعديهم عن بعض بصى هقولك تعملى ايه بالتفصيل
..................\ انا نفسى اخلص من ملك بجد مضايقانى وادم ده غريب مهما اعمل
مبياثرش فيه كانه عينه مش شايفه غير ملك
مرفت\ متخافيش مش هيقدر يهرب منك كتير لازم يوقع
تفتكرو هيعملو ايه هيقدرو على ادم الى عاش عمروه كله وهو بيحب ملك ؟؟ انتظرونى الحلقه القادمه
الحلقه الثالث عشر " مفجأءه "
اخر يوم فى الامتحانات
ملك ارتدت ملابسها وذهبت مع ساره وحسام وذهبو الى الجامعه
بعدها استيقظ ادم وذهب الى الشركه
فى الجامعه كانت شذى جالسه يبدو عليها الحزن
ملك \ ايه ياشذى قاعده لوحدك ليه
شذى \ كنت بفكر فى حاجه
لتجلس بجانبها ملك وساره وسمر
سمر \ اممم اكيد بتفكرى فى عمروو
شذى \ عمروو اتغير جدا مبقاش عمروو الى اعرفه مش عارفه ايه الى حصل
لتضحك ساره \ واضح قوى انك بتحبيه
سمر \ شذى بلاش تعملى فى نفسك كده لمجرد انه اتغيرت تصرفاته معاكى
ملك امسكت يدها \ شذى انا عارفه انك زعلانه منه وانا كمان لانه مقليش انه اخويا بس مهما كان هيفضل اخويا
شذى \ لا ياملك ده بيعاملنى على انه ميعرفنيش عمروو اتغير والمشكله دلوقتى انا عايزه اعرف انا مخطوبه ولا لا مبقتش عارفه ارد على بابا بأيه كل شويه يقولى خطيبك هيجى امتى ولو مجاش هيفسخ الخطوبه ويجوزنى لابن عمى وانتو عارفين انا مش بطيقو
ملك بابتسامه \ بكره الامور تتصلح ويرجع زى مكان
شذى \ تفتكرى
سمر \ قولى ان شاء الله
شذى بحب \ انا بحبه قوى بس حسيت بتغيره قلبه طيبته احساسه بقيت حاسه انه مش هو بقي مختلف في كل حاجه يلا ادينى صابره نشوف اخرتها ايه
ساره \ وانتى يا ملك انتى متغيره بقالك يومين فى ايه
ملك بضيق \تعبت خلاص هنا دية مش جيباها البر
سمر \ بس الغيره وحشه لان المفروض ان فى ثقه وانتى عارفه كويس ادم بيحبك قد ايه يعنى مفيش حد يقدر يخلى ادم يتهز غير ملك صح ولا غلط
ملك \ انا عارفه والله بس مش بايدى لما بتقرب منه ببقى عايزها اجرها من شعرها
ساره ضاحكه \ ومبتعمليش كده ليه
ملك بحزن \ لو عملت كده جدو يزعقلى بقى دايما فى صفها
شذى \ الصراحه انا مش مرتحالها
سمر \ انا مشوفتهاش علشان اقولك بس واضح انها مش كويسه من كلامك عليها
حسام \ ايه نوين تفضلو قاعدين الامتحان خلص من بدرى
ساره \ احنا هنقوم نروح
حسام بابتسامه \ لا تعالى معايا مشوار مهم عاملك مفجاءه
ساره \ بجد ايه هى
حسام \ لو عرفتيها مش هتبقى مفجاءه
سمر \ياسيدى ياسيدى
حسام ضاحكا \ بلاش قر انتى وهى
حسام وساره رحلو سويا ،ملك انتهزت الفرصه وذهبت الى الشركه ل ادم
فى الشركة
ادم وهو ينظر للوراق الموجوده امامه جنا دخلت وقالت له \ ادم بيه مدام ملك بره
ادم اشاح نظره عن الورق ونظر ل جنا \ ملك ، طيب دخليها علطول
لتدخل ملك بابتسامه \ مساء الفل على عيون حبيبى
ليقوم ادم ويقترب منها ويحتضنها \ مساء الورد والياسمين انا مش مصدق ملك هانم فى الشركة نورتى
ملك \ قولت افوت على حبيبى ونروح سوى
ادم جلس على المكتب \ طيب اقعدى عقبال اما اخلص شغل ونروح سوى
ملك جلست بجانبه وهى تتطلع عليه بحب
ليدلف كريم \ بقولك يا ادم فى ..."ليسكت عندما راى ملك "
كريم بابتسامه \ ازيك يا ملك عامله ايه
ملك \ كويسه الحمد الله
كريم \ نورتى الشركة
ملك بابتسامه \ الشركة منوره بيكم
ادم ينظر لكريم بغضب \ كنت عايز ايه يا كريم خلص مش وقت سلامات
كريم نظر له يعلم انه يغار عليها فابتسم \ كنت جايب الورق الى قولتلى عليه وكلامك كله صح الشركة ديه تبع واحد اسمه نبيل السيوفى وداخل بتقله فى المزاد ده
ادم بتنهيده \ طيب يا كريم سيب الورق هنا وروح شوف شغلك
كريم وضع الورق على المكتب وخرج
ملك \ ادم خلص بقا انا زهقت من القاعده
ادم نظر لها طويلا وقام \ طيب خلاص انا خلصت
فجاءه ملك شعرت بدوخه فوضعت يدها على راسهااصبحت الرويه مشوشه لتقع
ادم بقلق \ ملـــــــــــــــــــــك
ليركض عليها ادم \ ملك فوقى حبيتى ردى عليا
ادم بصراخ\ جنا جنا تعالى
دلفت جنا \ خير ادم ......."نظرت على الارض لترى ملك فقده الوعى
ادم حملها ووضعها على الاريكه وجلس بجانبها وامسك يدها برقه وقبلها \ملك فوقى بلاش تعملى فيا كده
جنا اقتربت منها \ ثوانى يا ادم بيه
جنا امسكت كوب ماء ورشت القليل على وجهها
لتفتح ملك عيناها بتعب وامسكت راسها \ هو ايه الى بيحصل
جنا \ الحمد الله انك فوقتى
ادم ااحتضنها\ حرام عليكى ياملك لو تعرفى خوفتينى قد ايه بس انا لازم اوديكى للدكتور علشان اطمن عليكى
جنا احرجت وخرجت من المكتب لتكمل عملها
ملك لتمسك يده\ لا يا حبيبى متقلقش هتلاقينى بس علشان ماكلتش من الصبح
ادم بغضب \ ايه ماكلتيش من صبحية ربنا انتى بتهرجى ياملك
ملك بخوف\ انا كان عندى امتحان فملحقتش اكل
ادم تنهد بضيق \ يلا تعالى هعزمك على الغده بس لو عرفت بعد كده انك مفطرتيش هزعلك فاهمه
ملك ابتسمت واقتربت منه وقبلت وجنتيه ليبتسم ادم \ اوعدينى انك مش هتعملى كده تانى
ملك بابتسامه \ اوعدك بس الاول ناكل علشان عصافير بطنى بتصوصو
ادم اقترب منها فابعدته ملك وقالت بخجل \ ادم احنا فى الشركه مينفعش كده
ادم بابتسامه\ انا بحب مجنونه والله
ملك بلوى شفتيها\ انا جعانه يا ادم مش وقت حب خالص
الفصل الرابع عشر
ادم بابتسامه\ انا بحب مجنونه والله
ملك بلوى شفتيها\ انا جعانه يا ادم مش وقت حب خالص
ادم نظر لها بغيظ \ قومى قومى انا غلطان
ادم ساعد ملك لتقف بعدها خرجو من الشركه وصعدو السياره ملك احتضنت يده وهو نظر لها بحب بعدها انطلق بالسياره
فى ماكن اخر
حسام \ خليكى مغمضه
ساره \ يلا بقا قولى احنا فين
حسام حملها على يده فلفت ساره يدها على عنقه وقالت \ انت بتعمل ايه نزلنى
حسام \ متخفيش انتى مش تقيله بالعكس انتى خف الريشه
دلفو الى داخل ذالك المكان كان الارض مفروشه ورود
حسام انزلها \ فتحى عينك
ساره فتحت عيناها ببطء لتنصدم المكان جميل جدا والورود متناثره على الارض وعلى الحائط كلمة احبك
ساره \ مش مصدقه انت عملت كل ده
حسام اقترب منها \ من 4 سنين زى النهارده كنت بعترفلك بانى حبيتك وكانت اجمل ذكره لينا فحبيت احتفل بيها بس معانا شخص تالت "حسام وضع يدها على بطنها "وهو ابننا
ساره دمعت عيناها وقالت \ انا بحبك اوى ياحسام
حسام مسح دموعها وقال \ وانا بعشقك يااحلى ساره انا عمروى مكنت سعيد غير لما انتى بقيتى معايا بتمنى انى افرحك واسعدك زى ماسعدتينى
ساره احتضنته بقوه \ ربنا يخليك ليا ياحبيبى
حسام \ يلا انتى مش جعانه
ساره اقتربت هى وحسام وجلسو على الطاوله بعدها اتى شاب كان يحمل الطعام ووضعه على الطاوله وابتسم \ اتمنى الاكل يعجبكم انا عملت كل الى طلبته ياحسام بيه
ساره بسعاده \ واو جمبرى انا بحبه اوى بجد شكرا ياحبيبى
حسام \ اهم حاجه انك تكونى مبسوطه
انتهو من الطعام حسام اخرج هديه ملفوفه بشكل جميل ووضعها على الطاوله
ساره انتبهت لها \ايه ده
حسام \ افتحيها يارب يعجبك زوقى
ساره فتحتها لترى علبه بها مفاتيح فقالت \اممم بس ديه مفاتيح
حسام \ بجد امم اكيد الراجل غيرها "ليضحك " انا عارف انها مفاتيح
ساره \ مفاتيح ايه ديه
حسام ضاحكا \انتى بجد مش عارفه ولا بتمثلى عليا
ساره بابتسامه \ عارفه بس حبه اتاكد
حسام \ مفاتيح عربيتك الجديده
ساره \ بس انا مش بعرف اسوق
حسام \ انا عارف ياحبيبتى ماهو انتى هتتعلمى السواقه
ساره بفرحه \ بجد انا مش مصدقه كنت دايما احلم ان يكون عندى عربيه واعرف اسوق واعمل بيب بيب
حسام بسخريه \ بيب بيب هو انتى ليه محسسانى انك بنت اختى
لتضحك ساره \ بهزر معاك ياحبيبى بس انا بخاف اسوق عربيه
حسام امسك يدها \ امال انا جنبك بعمل ايه ماهو انا الى هعلمك السواقه
ساره \ تمام ضمنا ان احنا هنرشق فى الحيط
حسام ضاحكا \ يخربيتك ايه نرشق ديه على فكره انا بعرف اسوق كويس
ساره \ عليا انا ده انت عربيتك اتدشدشت بسبب كل شويه تدخل فى حيطه
حسام \ اعمل ايه ماهو الحيطه هى الى بتقف قدامى كل اما اجى احود القيها نطت فى وشى وكمان ياحبيبتى انا غيرتها جبت واحده احدث
ساره كتمت ضحكتها \ هى الى بتطلع قدامك ازاى ياحبيبى متقول حاجه معقوله ليه مش عايز تعترف انك مش بتعرف تسوق
حسام اخد المفاتيح من يدها \ خلاص انسى مفيش عربيات
ساره \ ده انت اكتر واحد بيعرف يسوق بتسوق وانت مغمض كمان يلا بقا هات المفاتيح
حسام ابتسم \ والنعمه عسل هو فى كده
فى الليل
ابراهيم بقلق \ هى ملك وادم اتاخرو ليه
حسام \ متفقلقش ياجدو انا كلمت ادم قالى انه على وصول
ساره بتعب \انا هطلع اريح شويه
حسام امسك يدها \ مالك ياحبيبتى انتى تعبانه
ليلى بابتسامه \ متقلقش ده طبيعى فى اول شهور الحمل
حسام \ طيب ياجدو انا هطلع ساره
عمرو خرج من غرفته \ انا خارج
ابراهيم \رايح فين
ليلى \ اجهزلك الغدا ياعمرو
عمرو \ لا شكرا انا مطلبتش منك حاجه ومحدش ليه دخل انا رايح فين وجاى منين الا انت طبعا ياجدو
ليلى \ عن اذنك ياعمى انا هطلع انام "صعدت الى غرفتها"
ابراهيم \ اتكلم بطريقه افضل من كده مبتعرفش تتكلم يبقى تخرص
عمرو \ طيب ياجدو انا هخرج مع صحابى احتمال اتاخر شويه
ابراهيم \ اعمل الى انت عايزه
وقفت السياره ادم نظر لملك ليراها نائمه نزل من السياره وفتح الباب لملك ثم حملها لتلف يدها على عنقه تلقائيا ليبتسم لها ثم اغلق الباب ودخل الى المنزل
ابراهيم نهض بسرعه وقال بخوف \ ملك مالها
ادم \ متخافش ياجدو هي بس نامت فى الطريق وشكلها تعبانه شويه
ابراهيم \طيب طلعها وتعالى احكيلى
ادم \ حاضر
صعد ادم الى غرفته ووضع ملك على السرير واقترب منها \ لوكة حبيبتى انت حاسه ب ابه دلوقتى
ملك بنعاس \ انا كويسه ياحبيبى
ادم \ طيب ساعدينى علشان اغيرلك هدومك
ملك فتحت عيناها بتثاقل \ نعم لا شكرا اخرج انت
ادم اطلق ضحكه \ يا هبله انا جوزك
ملك قامت بكسل \ ادم سبنى عايزه انام
ادم بابتسامه \ طيب ياعمرى تصبحى على خير
ادم غير ملابسه ونزل جلس مع ابراهيم وحكى له عن ملك عندما فقدت الوعى
ابراهيم \ مروحتوش للدكتور ليه
ادم \ قولتلها قالتلى لا انا كويسه
ابراهيم \ ربنا يستر طيب انا هطلع انام
ادم دخل مكتبه وفتح حقيبته واخرج ملفات وجلس يعمل وفجاءه دق باب المكتب لتدخل هنا
ادم بتافف \ عايزه حاجه
هنا اقتربت من ادم ووضعت يدها على وجه \ ادم انا بحبك اوى ليه مش حاسس بيا
ليبعد يدها بقسوه \ لمى نفسك ياهنا والى بتفكرى فيه ابعد من الخيال ادم سالم مفيش فى قلبه غير واحده بس ومستحيل يحب غيرها
هنا بعضب \ ليه ايه الحلو فيها انا بحبك يا ادم صدقنى ملك متستهلكش هى عامله فيها القطه المغمضه بتلعب عليك وبتخونك
الحلقه طويله جدا ياريت تكون عجبتكم تفتكرو رد فعل ادم هيكون ايه هيشك فى ملك ولا لا هنعرف الحلقه الجايه
يتبع....
بدل ماتدور وتبحث علي الروايات خليها علي تليفونك وحمل تطبيقنا
