Ads by Google X

رواية عشق اللؤلؤ الفصل الثالث عشر 13بقلم الاء

 

رواية عشق اللؤلؤ الفصل الثالث عشر بقلم الاء

تفاعل يا بنااااات 
روايه.. عشق اللؤلؤ ♥️
الجزء التالت عشر
في الشركه
أسر بجديه / المفروض نروح دهب عشان نشرف على المشروع الجديد
كريم / انا كلمت صاحب الأرض عرفته اننا هنأجلها شويه اهو بالمره اخد ملك وماما معانا
أسر / خلاص ماشي انا هخلص شغل وهروح على الاء هتيجي معايا
كريم / هتروح ل الاء ليه
أسر / انت مش عارف اني متابع حوار راجح ده
كريم / امال انت ليه مهتم بالموضوع ده اوي
أسر / حسام بيه كان ليه الفضل عليا اني اشتغل هنا يا كريم وانا مش قليل الاصل عشان انسى اللي عمله معايا
كريم / قصدك اي يا أسر
أسر / مش قصدي حاجه يا صاحبي انا هروح اخلص شغلي
كريم بهدوء / لما تيجي تروح ل الاء ابقا عدي عليا
أسر / ليه







كريم / عايز اروح اعتزر ليها
أسر / حاضر يا كريم
طلع أسر على شغله

عند الاء 
خديجه / يلا كل واحده فيكو شاطره كده تيجي تساعدني في الأكل 
الاء وسلمي بصو لبعض بصدمه 
الاء بتمثيل/ ااااه حسه أن الدنيا بتلف بيااا لااا مش قادره مش قادره 
وجرت الاء على اوضتها 
سلمي / الحقيني يا ماما شكل ضغطي واطي خااالص ساعدوني اروح الاوضه اااه 
وفي لمح البصر كانت جرت سلمي على الاوضه بردو 
حسام وخديجه بصو لبعض بصدمه 
حسام بصدمه / هو اي إللي حصل ده 
خديجه / يلهواتاااي انا شكل ضغطي عالي فجاءه ودوني على اوضتي اااه 
ودخلت خديجه الاوضه قبل ما تقفل الباب 
خديجه / ابقا أعمل الاكل انت يا حج 
حسام بصدمه / اي العيله المجنونه دي 

في نفس اليوم بليل 
سلمي / النهارده كان يوم جميل جدا والاكل كان تحفه 
خديجه / انا اللي عملت الاكل 
الاء / لا انا اللي عملت الاكل 
سلمي / لا انا اللي عملت الاكل 
حسام / بسسسس انا اللي عملت الاكل 
كلهم فضلو يضحكو اليوم كله مخلاش من الضحك والهزار والهروب من الطبيخ 
قاطع كلامهم خبط على الباب 
جت الاء تقوم عشان تفتح 
سلمي / لا خليكي هفتح انا 
فتحت سلمي وكان أسر وكريم 
سلمي بحرج / اتفضلو 
دخل أسر وكريم الصالون وكان حسام أقل ما يقال عنه مش طايق كريم وكان باين عليه 
الاء اول ما شافت كريم خافت وقربت من أسر 
الاء بهمس / هو اي النظام يا شقيق اي إللي جاب ابو لهب معاك 
أسر / اسكتي الله يخربيتك ده جاي يعتزر منك 
الاء / احلف طب اي اسامحه ولا اتقل شويه 
أسر بخبث / انا بقول تتقلي شويه 
كريم ببرود / مش كفايه كلام ولا اي 
خديجه بابتسامه / تشربو اي يا جماعه 
أسر / ممكن قهوه ساده 
كريم / وانا قهوه ساده بردو 
سلمي / خليكي انتي يا ماما وانا هعملها 
خديجه بحب / ماشي يا حبيبتي 
قامت سلمي عشان تعملهم القهوه 
كريم بهدوء / اخبارك اي يا حسام بيه 
حسام بدون نفس / انا كويس يا بشمهندس كريم 
قام حسام من مكانه 
حسام / معلش يا جماعه ورايه مكالمه مهمه البيت بيتكم
أسر وكريم / اتفضل 
كريم حس انه ضيف تقيل عليهم بقا مش عارف اذا كان يقوم يروح ولا يقوم يراضي حسام هو مكنش يقصد اللي عمله بس هو متهور جداا ومكنش يقصد أن كل ده يحصل 
قاطع تفكيره دخول سلمي عليهم بالقهوه 
سلمي / اتفضلو 
كريم وأسر اخدو القهوه وشربو في وقت واحد وفجاءه الاتنين فضلو يكحو جامد 
خديجه بخضه / يلهوي خد يابني مايه اهي 
أسر وهو ما زال بيكح / القهوه دي فيها أي حادقه جداا 
خديجه / يلهوي انت حطيتي من أنهى علبه يا بنتي 
سلمي / من العلبه البنى 
خديجه بضحك / ده الملح يا حبيبتي 
سلمي بكسوف / اسفه جدا والله لسه معرفش الأماكن 
كريم بهدوء رغم أنه نفسه يقوم يموتها 
كريم / لا عادي ولا يهمك حصل خير 
سلمي بحرج / خلاص ثواني وهعملكو قهوه تانيه 
أسر بتسرع / لااااا والنبي خلاص كفايه 
الكل ضحك عليه وسلمى كانت محرجه جداااا
الاء بضحك / احنا بنتنا شاطره جداا في المطبخ اي رايك يا شقيق في القهوه ام ملح 😂
أسر بمرح / دي حلوه جدا جدا 
كريم بهدوء / ممكن يا مدام خديجه تندهي ل حسام بيه عايزه في موضوع مهم
خديجه بابتسامه / اتفضل معايا يا بشمهندس كريم 
خديجه اخدت كريم عندك حسام 
الاء / بقولك يا شقيق هو أبو لهب ديمان مكشر كده مش بيضحك هو خايف على سنانه يعني 
أسر بضحك/ يخربيتك يا الاء انت فظيعه انت مستحملاها ازاي يا سلمى 
سلمي بضحك / اتعودت بقاا 
الاء بمرح / خياااااانه 

حسام كان قاعد في البلكونه بيفتكر اليوم اللي اطرد فيه من كريم 
انا اسفه يا حسام بيه 
انتبه حسام لمصدر الصوت واتصدم 

اقدر اقولكو أن الروايه هتحلو بس اصبروو 😂
نصيحه..
لو انت متعود تكلم حد كل يوم وتهزر معاه وتوده وتسأل عليه ويجي يوم معملتش كده اللي قدامك ده هيحس بتغير هيعرف ان فيك حاجه عشان ببساطه هو متعود انك ديمان بتسأل عليه ف اللي قصدي من كل ده انك متقولش فلان ده مش بيكلمني يبقا انا مش هكلمه لاء هي مش بتتحسب كده ابدا لو فلان ده مكلمكش ادخل انت وكلامه عشان لما تغيب يدخل هو ويكلمك ويطمن عليك ويودك ♥️

بقلمي الاء عوض


بدل ماتدور وتبحث علي الروايات خليها علي تليفونك وحمل تطبيقنا

تحميل تطبيق سكيرهوم
تعليقات



حجم الخط
+
16
-
تباعد السطور
+
2
-