رواية انتي ملاكي الجزء الثاني الفصل الثالث عشر
صرخت ملك \ الحقونى
لحسن الحظ كان ادم مزال على الخط عندما سمع صراخها
ادم بخوف \ الو ملك انتى سمعانى ملك ردى
قاد السياره بسرعه واوقفها امام المنزل ودلف بسرعه الى المنزل ابراهيم وليلى استغربو ركض ادم فذهبو خلفه
ادم دلف الى حمام السباحه ليرى ملك تغرق فقفز بسرعه وامسك بها وخرج وضعها على الارض
ادم بقلق \ ملك انتى كويسه ملك
ليلى بصرخه \ ملك ايه الى حصلها يا ادم
ابراهيم \ يارب استر
ساره اتت على الصراخ \ فى ايه .....ملك مالها
ادم جثى على قدميه ومال على ملك وعمل لها تنفس صناعى ولكنها لا تستجيب
ادم \ ملك فوقى بقا علشان خاطرى
فجاءه ملك فتحت عبناها وبدءت فى استعاد وعيها وعندما رات ادم امامها احتضنته وظلت تبكى
ادم تنفس الصعداء عندما رآي ملك فتحت عيناها
ليلى براحه \ الحمد الله
ابراهيم بغضب \ ممكن افهم انتى ازاى نزلتى البسين وانتى مبتعرفيش تعومى
ملك بدموع \ انا كنت بكلم ادم وفجأه حسيت بأيد بتزقنى
ادم بصدمه \ انتى بتقولى ايه
ابراهيم \ ومين ده مشفتيش وشه
ملك \ لا للاسف
ادم \ ممكن تكون هنا
ابراهيم \ ايه التخاريف ديه ازاى هنا هتحاول تقتل اختها
ادم لنفسه \ هى وصلت لكده مستحيل مش هسمحلهم يئذوها
ملك \ لا يا ادم مش هنا
ادم \ وانتى عرفتى ازاى مش قولتى مشوفتيش الى زقك
ملك \ كانت ايدين قويه ايدين راجل يا ادم
ادم تنهد وقال\ طيب يلا علشان متبرديش
ادم حملها وصعد الى غرفتهم وانزلها وساعدها على تغير ملابسها
ملك بخوف \ ادم عايزه اروح للدكتوره انا خايفه ابنى يكون حصله حاجه
ادم \ حاضر ياحبيبتى اغير هدومى بس وبعدين نروح
فى احدى العيادات نسا
الطبيبه \ لا متقلقيش الحمد الله الطفل بصحه كويسه
ملك براحه \ الحمد الله
الطبيبه \ انتى لازم تاخدى بالك من نفسك وانتظمى على العلاج
ملك \ طيب انا كنت عايزه اعرف نوع الجنين
ادم اقترب منها \بس انا مش عايز اعرف الى ربنا رايده هيكون
الطبيبه \ ان شاء الله وكمان مش هيبان دلوقتى انتى لسه فى الاول
فى مكان اخر
مرفت بضحكه خبيثه \ وحشتنى والله
.......\ ايه الاخبار موصلوش لحاجه
مرفت \ ملك هى العائق الى قدامنا
......ليخرج سيجاره \ انا شايف اننا نعيد حساباتنا انا عايز ايه وانتى عايزه ايه من
العيله ديه
مرفت \ انا عايزه الفلوس مش اكتر
......\ وانا عايز الشركه ..."ويبتسم " وليلى
مرفت اتغاظت من كلامه ولكن قالت \ المهم هنعمل ايه ادم مش سهل
..........| هنقتل ملك ساعتها هنا تتدخل وتحاول تبلفه بس ازاى هنقتلها من غير
غير ميشكو فينا
مرفت \ عمروو قالى على خطه وممكن تعجبك
.........ضاحكا \عمروو طيب ياستى قولى بس يارب متبقاش زى خططه الغبيه
مرفت \ متخافش انا مرتبه الموضوع كويس يوميين وهتسمع اخبار حلوه
....
فى الليل
بغرفة ادم وملك
اقترب ادم من ملك واحتضنها \ متخافيش انا معاكى
ملك بابتسامه \ طول مانت معايا انا مش خايفه
ادم وهو يداعب وجهها \ والله بحبك ياحلو انت
ملك \ ممم ادم نفسى فى مانجه
ادم بعدم فهم \ مانجه
ملك \ ايوه انا بتوحم نفسى فى مانجه
ادم ضاحكا \ ماشى ياعم هجبلك مانجه علشان الواد ميزعلش
ملك \ هو انت نفسك تطلع بنت ولا ولد
ادم \ الى يجيبه ربنا كله كويس المهم يطلعو شبهك
ملك \ربنا يخليك ليا وميحرمنيش منك ابدا
ادم \ ولا يحرمك منى يا قلبي
فجاءه رنا هاتف ملك
ملك \ الو ياشذى مالك يابنتى طيب اهدى انا جايه متخافيش
ادم \ شذى مالها
ملك بضيق \ ابوها عايز يجوزها للابن عمها
ادم \ هى مش المفروض انها مخطوبه
ملك بتنهيده \ عمروو مش فاكر انه خطبها اصلا
ادم بتفكير \طيب هتعملى ايه
ملك \ هخليه يأجل الموضوع شويه وربنا يستر
ادم \ انا جاى معاكى
فى منزل شذى
عاصم \ ملك انا وفقت انها تتخطب للى اسمه عمروو لكن انا كل اما اسئل عليه تقولى مسافر
ادم \بس مش معناها انك تجبر بنتك انها تتجوز واحد مبتحبهوش
فاطمه \ والله يابنى قولتله الكلام ده بس مبيسمعليش
عاصم \ بص يابنى ابن اخويا كان طالبها من زمان بس انا قولتله لا واديتها فرصه تختار وفى الاخر اختارت غلط يبقى اختارلها انا الصح
شذى بدموع \ والله يابابا انا بعتبره اخويا يعنى ينفع اتجوز اخويا
عاصم \ اسمعينى يابنتى علشان مبقاش ظالمك انتو هتتخطبو شهر شهرين تتفاهمى معاه وتكونى نسيتى البنى ادم ده الى اسمه عمروو اظن كده عدانى العيب
شذى مسحت دموعها \ طيب بعد شهرين وقولتلك انى رفضاه هتعمل ايه
عاصم \ هجوزهولك غصب ماهو الواد ميتعيبش على الاقل احسن من الى اسمه عمروو
ملك \ خلاص ياشذى شهرين شهرين
شذى \ حاضر
فاطمه مسدة على شعر بنتها بحنان \ ربنا يهديكى يا بنتى
فى غرفة هنا
عمروو \ اوف انا زهقت بجد
هنا \ ادم مش بيسيب ملك وبعد الى حصل اتاكد اننا عايزين نخلص منها
عمروو \ طيب هنعمل ايه
هنا\ بص انا هحاول مع ادم تانى ونشوف ايه ممكن يحصل
عمروو ابتسم بخبث \ انا عندى فكره
هنا \ ايه هى قول
عمروو \ ملك هى الى هتطلب الطلاق من ادم
هنا \ قولى هنعمل كده ازاى
عمروو \ بصى يا ستى ..................
فى اليوم التالى
ادم جالس بمكتبه فى المنزل كان امامه بعض الاوراق ينظر لها باهتمام حتى شعر بان هناك شخص ينظر له فرفع نظره له بعدها تافف \ خير عايزه ايه
هنا اقتربت منه كانت ملابسها فاضحه نوعا ما وجلست على المكتب
ادم نظر لها بلا مبلاه \ متهيالى سئلتك عايزه ايه
هنا \ اصلك وحشتنى بقالك فتره مش معبرنى
ادم بغضب \هنا لمى نفسك ولو فكره ان باسلوبك ده هتخلينى ابصلك او اغير فكرتى عنك تبقى غلطانه انتى بغبائك اسبتيلى ان فكرتى عنك كانت صح وانك وحده و.......
هنا نهضت من على المكتب بغضب \ لا يا ادم انا بس بحبك وعايزاك تبصلى انا انا عايزه اعرف ملك عاملالك ايه علشان تتعلق بيها بالشكل ده
ادم \ لانها انظف منك ملامحها بريئه ومن جوه طيبه جدا عمرو مطلع منها كلمه وحشه وبتتكسف منى رغم انى جوزها انما انتى معندكيش حياء الفرق بينكم كبير مستحيل تكونى زيها
هنا نظرت له ووضعت يدها على وجه وقالت بخبث\ الفرق انى بحبك اكتر منها هى بتخدعك صدقنى
ادم ابعد يدها بقوه \ انا مسمحلكيش تتكلمى عنها كده
هنا استمعت لصوت الباب فابتسمت وارتمت باحضان ادم لينصدم ادم ورفع عيناه ليرى ملك تنظر له بصدمه
ملك
ملك فتحت باب مكتب ادم لترى ملك ذالك المشهد لتنظر ل ادم بصدمه لتنسال الدموع على وجنتيها
هنا \ امم خلاص يا ادم نتكلم بعدين ياقلبى باى
ملك نظرت لهم بعدها وركضت الى غرفتها تبكى
يتبع....
بدل ماتدور وتبحث علي الروايات خليها علي تليفونك وحمل تطبيقنا
