Ads by Google X

القائمة الرئيسية

الصفحات

رواية اخد الحق حرفه الفصل الثاني2 بقلم هند حمدي

 

رواية اخد الحق حرفه الفصل الثاني بقلم هند حمدي

يا قووم التفاعل واقع خالص لو مش عجباكم نوقفها وخلاص والنشر لو حبين نكملها هيبقي يوم ويوم 
اخد الحق حرفه 

الجزء التاني 

انتي مفكره دموع التماسيح دي هتخيل عليا يابت 

  بتسفري ولدي بعد سبوع من چوازكم يا جادره محدش طلعها فدماغه غيرك يابت 
  ‏ ‏
  ‏ ‏چبتي لحالك واستحملي بجي يا ضي عيني اللي هيچرالك
  ‏ 
انيسه
  تعالي يا بهيه وجربوا نحيتي واني كنت خايفه جوي وكنت ببعد عنيهم بس هما جرروا انهم يكسروني وينتجموا مني علي سفر مجاهد وراحوا 

مجربين مني وكل واحده منيهم مسكتني من يد بجيت اعافر علي جد ماجدر وكنت هموت من الخوف لاني معرفاش هما ناوينلي علي ايه 

بس هما كانوا جواي واتمكنوا مني ومسكوني

وجامت حماتي مجربه ومسكه هدومي من فوج وجطعتها وعرتني جدامهم عشان تذلني وتبجي عيني مكسوره جدامها 

ولجتها بتضحك وتجولي خلي منظرك ده جدام عينك دايما عشان تعرفي اني ممكن اعمل فيكي ايه ويبجي درس ليكي لو فكرتي ترفعي راسك جدامي 

ومنظرك جدامي اجده يخليكي تفكري بدل المرة الف لو عرضتيني يابت 

ولجتها بتشاور علي رچليها وبتجولي 

ودلوك شايفه مداسي ده تعالي جلعهولي وحطي علي راسك من فوج عشان تبجي عرفه مكانتك اهنه تحت مداسي وبس  

بجيت اداري چسمي بيدي جدامهم واني جواي جهر وذل 

 واجولها حرام عليكي داني مرت ولدك يعني شرفه وعرضه و كاف بتك ليه تعملي معاي اجده مخيفاش من هيبه ربنا اتجي الله فالضعيف 

بقلمي #هند حمدي
الجروب الاصلي هندايه بس حكايه 

راحت بصالي بجبروت وجالت اللي زيك لو معرفتش مجامها من اولها هتتفرعن وتفتكر حالها وحده وبجت ست الدار وليها جيمه اني بوعيكي اومال مفكراني چوزتك لولدي ليه ماني كنت اجدر اچيب اچمل بت فالبلد واحسنهم حسب ونسب اني اخترتك عشان عرفه ان لا ليكي ضهر ولا سند يعني اني چيباكي اهنه عشان تبجي كاف المداس اللي هتشلي علي راسك ده
 
ويلا بلا حديت فاضي نفذي اللي جمرتك به جوام

وجعدت وحطت رچل علي رچل 

افتكرت كلمه امي الله يرحمها لما جالتلي لو ضعفتي جدام الظالم هتخلي يستجوي عليكي اكتر خليكي شديده واجفي جصاده

استجمعت شجعتي وجولتلها لا مهعملش اجده حتي لو انطبجت السما علي الارض لا عاش ولا كان اللي يحط مداسه علي راسي 

لجتها جامت وكان شيطان لبسها وعنيها طج من الشرار خفت من منظرها جوي ولجتها بتصرخ وتجول بت يا بهيه اچري هاتيلي المجص جوام 

اترعشت وبجيت اجول هي هتعمل ايه استر يارب داللي كنا بنسمعوا عنيها ميچيش فالحجيجه حاچه 

وراحت واخده المجص من بتها وبصتلي وجالت 

اني يابت ميتجليش لا 

هعرفك كلمه لا دي تمنها ايه وجربت مني واني علي الارض وكنت بترعش من خوفي وعملت اللي عمري ما اتخيلتوا ومسكت شعري وجصتوا

ورمتوا جدامي وراحت دايسه عليه برچليها وجالت اهي راسك كلها بجت علي الارض وتحت رچلي 

خلي معاكي بجي عشان تفكري بدل المره الف جبل ما تجوليلي لا وتعصي امري 

وخدت بناتها ودخلت چوه واني كنت مزهوله و فضلت ابص علي شعري وممسدجاش اللي حصل ده عمري ما كنت اتخيل چبروتها يوصل معاي لجده

فتحي










يابا اني اتوحشت صبره جوي ولو مچتش معاي هروح لحالي وبعدين ميصحش اجده بجي من ساعه متتچوز منروحلهاش يابوي يجولوا ايه ماصدجوا خلصوا منيها وبعدين اني سمعت ان چوزها سافر

بقلمي هند حمدي
الجروب الاصلي هندايه بس حكايه

فتح الله 
والله عال كبرت وبجيت تجولي يصح وميصحش يا فتحي

نبويه

ولدك معاه حج يا فتح الله لازمآ نروحوا ونطمنوا علي بتنا 

وجالت فعجل بالها اما اروح واشوف معيشين الهانم كاف تلاجيها بتاكل احسن وكل وعايشه عيشه متحلمش بيها

وجالت اني هحضرلها زياره محندجه اجده عيب ندخل ويدنا فاضيه 

وبصوا فتحي وفتح الله لبعض واستغربوا منيها وجالوا اكيد فيه انا لحنانها ده 

انيسه 
مع امها واختها فالاوضه

براوه عليكي ياما انك عرفتيها جمتها وسطينا اهنه ووجفتيها عند حدها جبل ما تتملعن

كانت مفكره انها هتساوي رأسها براسنا وانك هتعدلها انها لعبت فدماغ مجاهد اخوي وخلتوا يسافر

ام مجاهد

انتي مفكره يا انيسه ان هي اللي خلت ولدي يسافر صوح دي لو عملت اجده اني كنت دفنتها بيدي 

ولدي ميخطيش خطوه الا باذني اني جولت اجده عشان اخدها حچه عشان اعمل معاها اللي عملتوا ده 

 لازمآ اكسر شوكتها من اولها عشان تفضل طوعي طول العمر ومتفكرش انها تجف جصادي ولا حتي تجولي لا وتعملي الف حساب البت اصغار وممكن الشيطان يلعب بعجلها وتفكر تنطحني فلازما اخليها طوع والا هتتملعن

بهيه

ياه ياما انتي جويه جوي وكل يوم بنتعلم منك كتير داني سدجت انها هي اللي خلت مجاهد يسافر وكنت عوزه اكولها بسناني انتي عرفه اني بحب مجاهد جد ايه تلاجبها دلوك مجطعه روحها من البكي

وفضلوا يضحكوا التلاته وزي ما بيجولوا الحيه هتخلف ايه غير عجارب 

طلعت اوضتي ودخلت بصيت لحالي فالمرايا وشفت حالي نفسي صعبت علي جوي وجولت الله يرحمك ياما بعدك ملجتش صدر حنين اترمي فيه

 يلعن ابو اللي يخليني اتحمل اجده اني هلم حچتي وارچع دار ابوي لحد ما مجاهد يرچع ويشفلي حل نار مرت ابوي ولا جنه العجربه دي 

وجبل ما اتحرك افتكرت كلام مجاهد ليا جبل مايسافر

مجاهد
بتبكي ليه يابت مانا جولتلك سنه واحده وراچع 
اسمعيني زين يا صبره اني عوزك تتحملي علي جد ما تجدري لحد السنه ما تعدي يعني مهما يعملوا استحملي وخليكي صبره عشان خاطري اني يا صبرتي

وافتكري ان امي شديده وطبعها صعب واني معوزش مشاكل بينكم واني غايب حاولي تكسبيها 

بعد ما افتكرت كلامه جعدت تاني وجولت لحالي لو اعرف ان هيچرالي اجده مكنتش سبتك تسافر ولو هكولها بدجه بس حاضر يا سيد الناس هستحمل واستني واني عرفه انك هتعوضني هستحمل واصبر لجل خاطرك انت بس يا جلبي 

وجومت اتسبحت ومبجتش عرفه دي ميه ولا دموعي اللي مغرجاني

 وخرچت لجيت شعري لستوا علي الفرشه بصتله بحصره وشيلت ضفيري فالدولاب عشان هيچي اليوم اللي هاخد حجي منيهم وطول ماهما جدامي هفضل فاكره اللي اتعمل فيا ومهنسهوش 

وفاجئه لجيت الباب اتفتح ودخلت بهيه من غير اذن وكانت بصالي وكتمه الضحك وجالت

امي بتجولك كفايه مرجعه واطلعي السطح هاتي الطير وادبحي وحضري الوكل عشان ابوي وچوز اختي زمانهم علي وصول

بصتلها واني حسه بنار چوايا وكان نفسي اجطعهم بسناني بس چيت علي حالي ومبينتش ضعفي وجله حيلتي وجولتلها حاضر من عيوني ام مجاهد تؤمر واني انفذ

بصتلي بغيظ لانها كانت متوجعه تلاجيني مفحومه من العياط بس لجتني صلبه حيلي وده اللي كان هيخليها تتچن وجررت اتعامل معاهم ببرود

وروحت چبت الطير ودبحته وطبخت وخلصت وبعدها روحت لحماتي وجولتلها اني خلصت الوكل عوزاني اعملك حاچه تاني وجتها

 لجينا الباب بيخبط وروحت افتح واتفاجئت ان ابوي ومرته وفتحي چم محستش بحالي وشديت فتحي لحضني وبجيت ابكي كاف لصغار وجولتله اجده يا فتحي متسالش علي كل ده

كيفك يا بوي وكيفك يامرت ابوي 

فتحي 
بخضه فين شعرك يا صبره مين عمل فيكي اجده اوعي تكون الحربايه حماتك والله اروح فيها فداهيه

شخط فيه وجولتله وطي حسك لتسمعك محدش عملي حاچه اني اللي جصيت شعري اجده من جهرتي علي سفر چوزي 

لما مجاهد سافر حسيت انه خد جلبي معا وجومت جصيت شعري ومرتحتش الا لما عملت اجده وجولت علي مايرچعلي هيكون كبر تاني 

هتعايج به لمين وچوزي مسافر يا فتحي

فتحي
 مكنش مسدجني لانه عارف اني كنت بحب شعري جوي
 ‏
 ‏ وجالي طب احلفي بالله وغلوتي عنديكي انك انتي اللي عملتي اجده 
 ‏
 ‏واهنه چت حماتي وجالتله چري ايه يا واد ما جلتلك هي اللي جصتوا عوزها تتعايج بشعرها لمين فغياب چوزها 
عاوز تركبنا العيبه ولا ايه وبعدين انت ايه اخششك فالمسائل اللي زي دي اظاهر يا فتح الله انك عرفت تربي

منورين يا چماعه والله ومكنلوش لزوم التعب ده انتوا چيبن چبنه وعسل چاين تزوروا عيانه ولا ايه اسمالله علي النسب ياما چاب الغراب 

لمؤاخذه مجدراش اجولكم اتفضلوا اصل ده وجت غدا ومحدش جال انكم چاين 

واحنا معملينش حسابنا علي ضيوف بس ميضرش اجعدوا اتغدوا معانا

نبويه لجوزها
باين بتك وجعت علي سنانها ومحدش سمي عليها يا فتح الله 

ام مجاهد
بتجولي ايه يا نبويه متسمعيني شكل صبره وحشاكي وعوزه تاخديها حداكم مش اجده وماله خديها

نبويه 
اتخضت وجالتلها ها اخدها لا لا ودي تجي هم بينا يا فتح الله نروحوا بالاذن 

بصيت لفتحي اللي كان ماسك فيدي كاف العيل اللي مشتاج لامه ومرديش يفوتها

 وجولتله ابجي تعالي يا فتحي شجر عليا معوزاش احس اني بجيت مجطوعه 

بصلي وعنيه مدمعه من عيوني يا صبره 
وجالي لا اله الا الله. بصتله وجولت محمدا رسول الله 

وعدي شهرين من وجتها وحماتي مبتتهدش ومبتبطلش طلبات واوامر واني بتعامل معاها ببرود وكل ما مجاهد يبعت مرسال انه طيب وبخير احس ان روحي بتتردلي 

بس حماتي عشتها بالحكمه وبتعد كل حاچه وبتجفل علي الخزين وبطلع بيدها كل حاچه 

 منها لله بجت بتعدلي الجمه اللي باكلها وحكمت علي انزل من الفچريه ومطلعش الا علي النوم ورمت عليا حمل الدار كله 

وبتها وچوزها عباس بجوا يچوا كل يوم بس چوز بتها كل ما يشفني يجولي ربنا يصبرك علي الهم ده مجاهد غلط لما سابك ليهم









وبجي يجولي لو احتاجتي حاچه ابجي جوليلي طوالي واوعي تتكسفي مني اني مكان مجاهد بظبط 

بجيت اجول معجول يكون چوز انيسه بالاخلاج دي صحيح يمكن زي ما بيجولوا المخده مبتشلش اتنين حلوين 

وفيوم كانوا كلتهم دخلوا يناموا وانيسه وعباس كانوا بيتين عندينا وكنت بخلص الطلبات جبل ما انام زي كل ليله عشان اخف حمل تاني يوم لاني كنت حسه اني تعبانه وبجيت ادوخ ورچلي مشيلنيش

لجيت عباس داخل عندي المطبخ من غير ما حس اتخضيت وجولتله خير يسي عباس عايز حاچه 

بجي يبلع ريجوا ويبصلي من فوج لتحت ويجولي اصلي عشطان جوي وعايز ابل ريجي

حسيته انه مش مظبوط ولجيته بيبصلي بطريجه غريبه وجولتله طيب ما بعتش انيسه ليه تچبلك وجيت اخرچ لجيته بيجرب مني ووجف جدامي ويجولي 

ماهو اللي هيرويني لازما اچيبه بنفسي يابت انتي ايه صنم محساش بالنار اللي جايده فچتتي من يوم ماعيني وجعت عليكي واني مبنامش الليل وجرب مني وجالي انتي حتت ملبن وطريه كيف المهلبيه اني معرفش كاف المغفل مجاهد يسافر ويسبك اجده ده لو واخد واحده كاف انيسه حشفه ونشفه كان ولع فروحه 

كاف يسيبك وانتي بطايه اجده يابووي

فضلت اتلفت حوليا علي حاچه اهددوا بيها ولجيت الطاسه جدامي وجولتله ابعد. عني والا هعملك فضيحه 

ضحك وجالي الفضيحه دي هتبجي ليكي انتي لاني هجول انك بتتمسحي فيا ليكي مده وان ليكي تصرفات معاي مش مظبوطه بس كنت بكدب حالي وانك انتي اللي ندتيلي دلوك وجولتيلي انك ريداني ومجدراش علي بعادي

وانتي عرفه انهم هيسدجوني لان محدش بيحبك اهنه وشوفي هيعملوا فيكي ايه 

خليكي واعيه وطاوعيني واني همتعك يابت واحميكي منيهم تعالي بجي وشدني من يدي بس حصل اللي متوجعتوش 

ولهنا وقفت حكايتنا استنونا فالجزء التالت عشان نعرف هيحصل ايه عوزين توقعتكم

ياتري صبره هتعمل ايه مع عباس 

وهي هتقاوم ولا هتستسلملوا ممكن يكون حد دخل عليهم وفعلا هيتهمها فاخلاقها ويظلموها ويصدقوا 

ومجاهد هيصدقهم ولا هيحصل ايه وفعلا ممكن واحده تستحمل كل الظلم ده عشان خاطر جوزها 

استنونا عشان نعرف الاجابة ومتنسوش تدعمونا باحلي لايك منكم وكومنت علي القصه وبنفكركم ان اكتر صاحبه تفاعل وتوقعات صح هيكون اسمها من ضمن ابطال قصتنا الجديده

وبنقدم اعتذرنا لكل المتابعين لان الحكايه مكنتش فااسنبلاوين الاسم ذكر بالغلط 

هي تمت فالصعيد وتم اخفاء الاسم حفاظا علي صاحبه المشكله 

بحبكم يا احلي متابعين فالدنيا

 
 

 

 

 

  ‏

تعليقات