رواية مصيبة سكنت قلبي الفصل الرابع
#البارت4❤ (لو لقيت تفاعل حلو هنزل بارت تاني بليل )
وانا بتكلم معاه جات رساله من الرقم بتاع الصبح فتحتها
*ماشي اقفلي في وشي ومترديش عليا حلو انا هعرف اخليكي تندمي علي اللي عملتيه ده
اتوترت اووي ويوسف خد بالو
يوسف : ملك في حاجه
_ها لاء دي رساله عاديه
يوسف : متاكده
(انا محتاره اوووي اقوله ولا لاء الوقت مش مناسب بس مش قادره استني قررت اني اقوله )
يوسف : ملك سرحتي فين
_لاء ابدا بس كنت عايزه اقولك علي حاجه كده
يوسف : طب انتي متوتره ليه اهدي وقولي الانتي عايزاه
_ بصراحه انا كنت.... (البنات طلعو )
ساره : ي عررررريس ايدك علي 130جنيه
يوسف : انتو جبتو ب 130😳
ريم : ابن اللذينه مكنش راضي ب 120جبناه ب130 بالعافيه
يوسف : ازاي من580 تجبيه ب130
ميرا : شكلهم بيضحكو عليك كتير ي يوسف
يوسف : دانا كده حياتي كلها بيضحكو عليا 😂 طب هتجيبو اي تاني
ريم : لاء احنا كده جبنا كل حاجه
يوسف : تمام تعالو بقي نتعشي
(جبنا ماما وطلعنا رحنا المطعم وكلهم قعدو علي تربيزه وانا ويوسف قعدنا لوحدنا )
يوسف : كنتي بتقولي اي
_لاء خلاص بقي يبقي اقولك بعدين
يوسف : طب متقولي دلوقتي
_لاء وانا باكل مبعرفش اتكلم بكون مركزه في الاكل وانا جعانه اووي
يوسف : اهاا لاء خدي راحتك 😂
_يوسف بقولك اي انا مش بحب اكل بالشوكه والسكينه مش باخد راحتي انا هاكل بايدي بلا برستيج بلا بتاع
يوسف : شوفي طول منتي معايا متحاوليش تعملي حاجه عشان برستيج ولا تتصنعي باي حاجه خدي راحتك وعيشي علي طبيعتك
_ شالله يخليك طب تعالي مكاني وانا هقعد مكانك
يوسف : ليه
_ البت ريم زغرتلي بعينها لما شافتني باكل بايدي
يوسف : ههههههه ليه كده
_ اصل هما قبل متاجي قعدو يقولولي خليكي شيك وكيوت ومتتصرفيش بجنان خليكي عاقلة وكده ولما تاكلي خلي فيه برستيج والكلام ده
يوسف : ههههههههه تصدقي خت بالي لما كنتي بتتكلمي مع الراجل بتاع الكوتشات وهي قالتك بت خليكي كيوت
_اه تعالي بقاا مكاني خليني اكل
(وبدلنا الاماكن )
_عندي استفسار
يوسف : استفسري (بقلمي/ اميره رمضان )
قولت بكسوف _ انت كنت بتحبني بجد من زمان
يوسف بابتسامه: شوفي انا بحبك من لما كنتي في ثانوي
_ بتهزر 😳
يوسف : والله بتكلم بجد انا بحبك من حوالي 6سنين
_ينهار ابيض كل الفتره دي طب وكنت ساكت ازاي
يوسف : كنت خايف لتروحي لحد غيري بس انا وقتها مكنتش جاهز اني حتي اشيل مسؤليه نفسي ازاي هاجي اتقدملك اهلك اكيد هيرفضوني فكنت علطول بدعي لربنا انك تكوني من نصيبي ولما خلصت الكليه وعملنا الشركه دي انا واصحابي وسددنا كل الفلوس الكانت علينا للبنك بدانا نعلي في شغلنا ونكسب وبنيت نفسي جيتلك علطول
_دانت صبور اوووي ي جدع لو انا مكانك مكنتش استحملت اصبر كل ده
يوسف : بس الحمد لله ربنا استجاب
_تعرف انا كنت بسأل نفسي كتير ازاي وافقت علي الجواز رغم اني كنت رافضه تماما الجواز وكمان لو هتجوز مش هيبقي جواز صالونات لكن فجاء لقيت بابا بيقولي جيلك عريس كنت اول مره متعصبش عليهم واوفق اني اشوفك لدرجه ان ماما فكرتني كنت اعرفك قبل كده واصحابي كانو مستغربين معقوله وافقتي علي الجواز وكمان صالونات
بس لما شفتك بصراحه في حاجه شديني ليك مش عارفه ليه حسيت اني فرحانه ووافقت عليك
يوسف : واوعدك اني هعمل كل اللي اقدر عليه عشان اخليكي مبسوطه ديما انا موصلتلكيش بساهل فاكيد مش هفرط فيكي بساهل
(كلامه كان رافعني لسابع سما فرحانه بطريقه متتوصفش بس كان ضميري بيأنبني اني مخبيه عليه موضوع محمود )
_انا مش عارفه اقولك اي كلامك حلو اووي
يوسف : والله مش كلام ده حقيقه
_ يعني مهما أعمل عمرك ماهتفرط فيا
يوسف : طول منتي مخلصه ليا عمري مهزعلك
فجاء لقيتني بقوله
_اي اكتر حاجه ممكن تخليك تزعل مني اوي تفرط فيا
يوسف : انا عمري مهفرط فيكي بس اكتر حاجه بكرها ممكن تخليني أتحول لشخص تاني في غضبي هي الكذب بكره الكذب اووووووووي
_اهاا فعلا الكذب وحش اووووي
طب الحمد لله انا خلصت
يوسف : وانا كمان
_هو انت كلت حاجه اصلاا
يوسف بحب : كفايه اني شايفك قدامي بتغنيني عن اي حاجه
اتكسفت اوووي
_احم انا رايحه اغسل ايدي
(دخلت الحمام وانا مكسوفه اوووي بس فرحانه اكتر ولسه بغسل ايدي وعينك متشوف الا النور اصحابي دخلو الحمام)
ميرا : منك لله يابعيده فضحتينا
_في اي
ساره : اي معندكمش اكل في بيتكم قاعده تطفحي زي المفجوعه
_طب منا كنت جعانه
ريم : هو ده القولنا عليه واكدت عليك تطفحي بالشوكه السكينه بتتنيلي تاكلي بايدك ليه
_منا قولتله مش بحب اكل بالشوكه والسكينه وهو قالي كلي براحتك
ميرا : ماهو شايف خرتيت قدامه بياكل هيقول اي يعني
ساره : منك لله منك لله ضيعتي كل الكلام اللي قولنا
_بت انتي وهي اطلعو من دماغي خلاص كلنا وخلصنا وعدت علي خير
ريم : خير ! بصي انا هسكت ومش هتكلم بس عشان مش وقته اطلعي ي هانم اقعدي معاه وياريت ترحمي ام البرستيج اللي بقا في الارض بسبب اعمالك
_هههههه حاضر
ميرا : كنتو بتتكلمو في اي
_يخربيت الفضول
ساره : طب هو قالك اي
_انتي مالك ي حشريه
بس تعرفو بيقولي حجزلي في بيوتي سنتر
ريم :ايواااا بقااااا ادخلي عليا بالتقيل
_بس انا قولتلو ليه بيوتي سنتر ام سماح قالت اي
ريم : يختااااااااااااااي
ميرا : اقولك ام سماح قالت اي ومتزعليش
_ههههههههه لاء مش عايزه اعرف
ساره : اطلعي ي ملك ليوسف ربنا يعينه علي المصيبه دي
(طلعنا كانو مستنينا يوسف حاسب وطلعنا نركب عشان نروح )
رنا : اي رايكم نركب في عربيه ويوسف وملك في عربيه تانيه
انا بصوت واطي : ياااااريت
ريم : اها ي سافله😂
ماما : لاء ي حبيبتي مينفعش الناس تقول اي
(طبعا ماما لو مقالتش كده متبقاش ماما )
ركبنا انا وماما ويوسف في عربيه والبنات في عربيه تانيه وروحنا واتكلمت مع البنات وحكتلهم اللي حصل ووصلنا لحل اني هقول ليوسف كل حاجه
عدي اليوم من غير اي جديد
__________________
يوم الخطوبه
في البيوتي سنتر
ريم : لوكااااااااااا
_ في ااااااااي يخربيتك هتقطعيلي الخلف
ريم : وبقيتي عروسه ي لوكااا وبقيتي عروسه لولولولووووووووووي
_ههههههه عقبالك ي قلباااااااي
ميرا : وانااااا
_عقبالكم كلكم يااارب
ريم : بقولك اي ي بت هو العريس ده مقطوع من شجره ولا اي امال فين اصحابه انا مشفتش حد فين الشباااااااااااب
_يخربيتك بس هتفضحينا متقلقيش جاين بليل انتي وشطارتك بقي متطلعيش من الخطوبه دي الا وانتي في ايدك عريس
ميرا : وانااااااا
ساره : بت هو انتي جايه عشان تقولي وانا وانا متخرسي بقي
ريم : بقولكم اي عنينا علي اصحاب العريس كل واحده تشقط واحد لازم نحصل ملك ونتخطب احنا كمان 😂
_ ههههه بظبط كده
هما هيشيلو الماسك ده ايمتي انا حاسه اني اتحنطت
ريم : لو سمحتي ي انسه
بت ي ملك هي البنت دي مش بترد عليا ليه
ساره : مقروفه منك
ريم : بقي كده ماااشي
بقولك اااااااي ي اوختشي تعالي شوفي العروسه واهتمي بيها شويه انتو هتخللوها ولا اي
(طبعا البنت كانت عايزه تبلع ريم بس الحمد لله اليوم عدي علي خير وخلصت الميكب وجهزت واصحابي كمان جهزو والعريس علي وصول )
كنا مشاغلين اغاني وقعدنا نرقص ونتصور وكنا مجانين
ساره : لولولولووووووووووووووي العريس وصاااااااال
_ بجد
اها العربيات جات تحت اهي
_شكلي حلو في حاجه بايظه
ميرا : زي القمر ي قلبي يخراشي هعيط والله
ريم : ده اي المحن ده
_بت انا متوتره اوووي
ريم : اهدي يمااا مالك هطلع اجبلك مايه واجي
ريم جابت المايه ولسه داخله هووووب حد خبطها بالغلط كبت المايه علي زين صاحب يوسف
زين:😳
ريم : انا اسفه والله مش قصدي هو المتخلف ده الخبطني
احمد : خبطك اي انتي الماشيه عاميه مش شايفه قدامك
ريم : نهااااااار الجابوك اسود انا عاميه 😳
بدل ماتدور وتبحث علي الروايات خليها علي تليفونك وحمل تطبيقنا
