Ads by Google X

القائمة الرئيسية

الصفحات

رواية روح الزين قدري الفصل الرابع 4 بقلم شهد الشيخ


 رواية روح الزين قدري الفصل الرابع 

ياتى اليوم التالي وروح اتصلت بخيرى لكى يحضر لها المال وبالفعل روح انتظرت بالاسفل واحضر لها شخص ما المبلغ المطلوب واخذت منه المال وتوجهت لشقه فوزى

روح:نكتب العقد ويتسجل وتستلم الفلوس 
فوزى: هو انتى مفكره انى هاكل عليكى الفلوس وع العموم يا ست انا موافق 
روح: طيب يلا بينا 
فوزى: دلوقتي! 
روح: ايوا عشان اخلص من الموضوع ده
فوزى: ماشى يا بنتى يلا بينا 
روح: يلا 

وذهبت روح الى شقتها لكى تترك المال ولحسن الحظ كانت والدتها بالمطبخ ومن ثم ذهبت مع فوزى لكى تكتب عقد البيع والشراء واخبرهم المحامى بانه سيذهب غدا يسجل العقد ومن ثم عادوا الى المنزل مرة اخرى

روح: زى ما قولتلك يا عمو فوزى هتاخد الفلوس بعد التسجيل
فوزى: ماشى يا بنتى وانا موافق 
ومن ثم صعدت روح الى شقتها




دعاء:ادام جيتى بدرى يبقى لقيتى شغل مش كده 
روح:ايوا لقيت الحمدلله 
دعاء: الحمدلله قوليلى هتشتغلى فين وهتشتغلى اى
روح: قدمت ع وظيفه سكرتيرة فى شركه للازياء وهروح اقابلهم بكره 
دعاء بفرحه: الف مبروك يا حبيبتى 
روح بضحك: ادعى بس اتقبل فيه
دعاء: ان شاء الله هتتقبلى فيه انا قلبى بيقول كده 
روح:يارب اه صحيح هو وليد لسه مجاش من المدرسه
دعاء: جه ودخل ينام شويه
روح: ماشى
«««««««»»«««««
ليلا فى فيلا خيرى

مروه:خيرى يبقى ابعتلى الموديلات الجديده لحد دلوقتي انت مبعتهاش 
خيرى:ماشى يا حبيبتى هبعتها
(مروه مرات خيرى 38 سنه طبعا مهوسه بالموضه ومش هيكون ليها دور كبير معانا) 
سليم: خيرى كنت عايزك
خيرى: طيب تعال ورايا ع المكتب
سليم: ماشى
»»»««««««««««
فى المكتب

خيرى: ها كنت عايز اى
سليم: السكرتيرة اترفدت النهارده لازم نكلم روح عشان تروح بكره 
خيرى بابتسامه خبث: باين الحكايه هتكون سهله كل حاجه جايه فى صالحنا
سليم: عندك حق 
خيرى: كلم روح قولها تروح الشركه بكره ومعاها Cv بتاعها وتلبس كويس دى شركه ازياء يعني اهم حاجه المظهر
سليم: حاضر حاجه تانى
خيرى: اه وقولها على المحلات اللى تبع شركه Zeعشان تشترى منها اللبس
سليم: طيب وليه متشتريش من عندنا احنا
خيرى:اعمل اللي بقولك عليه وخلاص 
سليم: تمام 
«««««««««««««
فى بيت روح 
فى اوضه روح تحديدا

روح:ماشى خلاص بس هنزل بكره اجيب اللبس عشان الوقت اتاخر
سليم: ماشى بس تروحي بلبس كويس ده اهم حاجه 
روح بضيق: حاضر حاجه تانيه
سليم: لا سلام
روح: سلام
وقفلت مع سليم وحطت الفون على الكمودينو اللى جنب السرير وحطت راسها على المخده 

روح:يارب الموضوع ده يعدى على خير ويخلص فى لمح البصر 




««««««««««««««
ياتى صباح جديد 
وكانت روح صحيت من النوم قامت لبست هدومها اللى كانت جيبه بنى جلد لحد الركبه وبلوزة بيضه بكوم وسابت شعرها ع ضهرها وخرجت عشان تفطر

دعاء:ماشاء الله ربنا يحفظك يا حبيبتى 
روح: ربنا يخليكى ليا
وقعدت روح فطرت وخرجت نزلت ركبت تاكسى وقالتله على عنوان الشركه وراحت 
««««««««««««
قدام الشركه

روح بانبهار: اى الشركه دى كلها دى اكبر من شركه خيرى وسليم انا ممكن اتوه فيها 

روح:لو سمحت هو مكتب مدير الشركه فين
الامن: فى الدور الاخير
روح بخفوت: ينهار اسـ ود هو انا كل يوم هطلع لحد الدور الاخير ده لو اتقبلت يعني 
الامن: بتقولي حاجه يا انسه
روح:لا شكرا ليك

وخدت نفس عميق ودخلت الشركه ووقفت قدام الاسانسير مستنياه ينزل لان الاتنين كانوا فوق ودخل زين وقف جنبها وكان بيتكلم فى الفون 
عدى:ايوا نزل من الصبح ودلوقتى هتلاقي الناس بدات تيجى 
زين:تمام اقفل طالع اهو 
عدى: ماشى سلام
والاسانسير نزل ودخلت روح ومعاها زين ده 
««««««««««««
طول ما كانت واقفه فضلت تدندن عشان تشغل نفسها 

زين: ممكن تسكتى عشان بتوتر
روح:انا لو فضلت ساكته ممكن يحصلى حاجه 
زين بسخريه:هتموتى يعني 
روح: بعد الشر عليا ان شاء الله انت
زين رفع حاجبه وقال: اتكلمى عدل
روح: لو كنت انت اتكلمت عدل كنت انا كمان هتكلم عدل 
زين: انا اتكلم براحتى انتى فاهمه
روح ببرود: وانا براحتى 
زين كز ع سنانه وفضل يبصلها بغضب وبعدين بص قدامه ورجعت روح تصفر
زين: يا بنتى اسكتى بقى انتى مش بتفهمي 
روح:وانت مالك يا اخى
زين بغضب:مش عايز اسمع صوت خليكى هاديه
روح: بص يا استاذ انا مش هقدر اقف ساكته لانى بخاف من الاماكن المغلقه الضيقه وانا بعمل كده عشان اشغل نغسى لحد ما نطلع
زين: وادام بتخافى ركبتى الاسانسير ليه
روح:مانا برضو مش هطلع الدور الاخير ع رجلى عشان جناب المدير عايز مكتبه يبقى هناك
زين: وانت طالعه للمدير ليه
روح: طالعه عشان اقدم على وظيفه السكرتيرة
زين بصلها من فوق لتحت ورجع بص قدامه
روح: انت بصتلى كده ليه
زين بغضب: بقولك اى انا مش عايز صوت ومش مشكلتى انك بتخافى ولحد ما نطلع مسمعش صوتك تمام 
روح بعصبيه: لا مش تمام انا اعمل اللى عايزاه اغنى اصفر اصوت براحتي ومش مشكلتى انك ركبت معايا مكنتش ضربتك على ايدك 
زين بعصبيه: انتى ازاى تكلمينى كده انتى عارفه انتى بتكلمى مين
روح ببرود: هتكون مين يعني 
زين: ا..... وقاطع كلامه وقوف الاسانسير 
روح بخوف: هو اى اللى حصل
 زين: باين انه اتعطل
روح بخوف: اى اتعطل وبدات تتنفس جامد وتقول: اعمل حاجه بسرعه انا مش هقدر افضل هنا كتير
زين: انتى بتعملى كده ليه 
روح وهى بتنفس بصوت عالي: قولتلك بخاف من الاماكن المغلقه الضيقه اللى زي دى وخوفى بيخلينى اتوهم انى مش قادرة اتنفس وبتخنق وبحس انى هموت
زين بقلق:طيب ثوانى انا هتصرف
طلع زين الفون ورن على عدى

زين: عدى الاسانسير الاول اتعطل بيا شوفه بسرعه 
عدى: حاضر ثوانى
زين: تمام وقفل الفون
وبص ع روح لقيها حاطه ايدها على وشها وبتترعش وبتتنفس بسرعه وبصوت عالى 

زين:انتى كويسه
روح: لا مش كويسه خالص
وعينها بدات تدمع 
زين: اى ده انتى بتعيطى اهدى انا كلمتهم ودلوقتى هيشتغل
روح بعياط: مش قادرة حاسه اني مش عارفه اتنف..... وداخت ووقعت مغمى عليها فى حضن زين وزين شم ريحه شعرها اللى عجبته وغمض عينه وخد نفس طويل وبعدين ادرك الوضع اللى هو فيه فتح عينه وقال

زين بخوف: يا انسه.. يا انسه قومى الله يخربيتك طلعتيلى منين بس 
وفضل يفوق فيها لكن لا حياه لمن تنادى وفجاه الاسانسير رجع اشتغل وطلع بيهم وزين شال روح وخرج بيها من الاسانسير لقى عدى مستنيه 

عدى باستغراب: مين دى
زين وهو ماشى بيها رايح لمكتبه قال بضيق: قدرى هات يا عدى الحاجه اللى جوا الاسانسير 
ودخل بيها مكتبه حطها على الكنبه اللى فى مكتبه
زين: هات مايه بسرعه يا عدى
 عدى: حاضر
وجاب كوبايه مايه وادهاله
عدى: امسك
زين: هات وخدها وفضل يرش بايده على وش روح وهى بدات تفوق

روح: انا فين
زين بضيق: فى مكتبى 
عدى: انتى كويسه يا انسه
روح وهى بتتعدل: ايوا كويسه
عدى: انتى اسمك اى 
روح بابتسامة: روح
عدى بابتسامة: اسمك حلو
روح بخجل: شكرا 
زين: اجبلكوا ليمون بالمرة
عدى باحراج: احم احم
روح: وانتى يلا قومى انتى مش جايه تقدمى ع الشغل
روح: ايوا فين حاجاتى
عدى: اتفضلى اهم
روح بابتسامة: شكرا
عدى: العفو
زين: يلا يا عدى على مكتبك وانتى تعالى اقعدى على المكتب عشان اشوف هتنفعى ولا لا
روح بصدمه:............. 
ووووو
#يتبع                                                                                        الفصل الخامس من هنا

تعليقات