رواية حلمي الفصل الثامن
منار بخضه : مين حضرتك وعايز ايه
شخص : انا منير ساكن هنا فالشقه اللي جنبك هو استاذ نادر موجود
منار : لا مش موجود
منير : طب عن اذن حضرتك واسف على الازعاج
منار : لا ولا ازعاج ولا حاجه مع السلامة وقفلت الباب ودخلت تكمل رسم
بعد شويه نادر وصل المستشفى ودخل سأل على رقم اوضه مامت رانيا
نادر ل طارق : ايه حصل ايه هي كويسه
طارق : الدكتور قال ان السكر كان عالي عليها
نارد : ورانيا فين
طارف : جوا في الاوضه معاها
نادر : طيب انا داخل ليهم
طارق : ماشي تعال
نادر ل مامت رانيا : ايه يا فوز يا قمر كدا تخضيني عليكي
فوزيه مامت رانيا بحب : انا بقيت كويسه الحمد لله يا حبيبي
نادر وباس ايديها : حمد الله على السلامتك ربنا يخليكي لينا يا ست الكل
راينا بتريقه : معلش لو سمحت ماما تعبانه ممنوع الاقتراب
نادر بضحك : الاه روني انتي هنا
رانيا بغيظ : لا هناك يا ظريف
نادر بتريقه : طب لما تجي من هناك ابقى عرفيني
طارق بزعيق : باااااااس منك لها ايه في ايه رواعوا ان فوز تعبانه خليوا عندكوا دم
رانيا بضحك : الدم خلصان عندنا
نادر بضحك : معاك انت تدينا حبه
طارق بغيظ : دمك وقف انتي وهي
نادر بضحك : وقف ولا مشي
رانيا بضحك : لا راكب مكرباص وعلى جنب يسطااا
مامت رانيا ضحكت عليهم التلاته
طارق بحب : حمد الله على السلامتك يا احلى فوز
فوزيه : الله يسلمك يا حبيبي
منار بضحك : طب يلا بقا من غير مطرود كدا برا انت وهو
نادر : مش مطرود
طارق : ولا انا مطرود
رانيا : وجودكوا غير مرغوب بيه هنا يلا برا
نادر بغيظ : قد كلامك دا
رانيا : اها
نادر بخبث : طب لينا شركه تلمنا بقا يا روني
رانيا بضحك : لا لا احنا اسفين يا صلاح
نادر وطارق ضحكوا
نادر ل فوزيه : حيث كدا بقا يا فوز حمد الله على السلامتك وهابقي اعدى اطمن عليكي
فوزيه : الله يسلمك يا حبيبي متتعبش نفسك انا بقيت كويسه
نادر بحب : ولا تعب ولا حاجه يست الكل
طارق ل رانيا : هروح اوصل نادر واجي
رانيا : ماشي
خرج طارق ونادر
نادر : انا رايح الشركه اخلص شوية أوراق كدا وعندي مشوار وهابقي اعدي عليكوا
طارق : مشوار ايه دا
نادر : هابقى اقولك بعدين يلا سلام
طارق : سلام
مشي نادر من المستشفى ورجع طارق ل رانيا وماماتها
في الجامعه عند ملك ويامن ونور
خرجت ملك ونور من المحاضره
يأمن : ايه خلصتوا
ملك : اها دي اخر محاضره
يأمن : طيب انا لسه عندي محاضره تانيه
نور : طب ماشي يا حبيبي احنا هانقعد في الكافتيريا نستناك
يأمن : اشطا يلا نتقابل بعد المحاضره عشان هاتجي معايا
نور ب استغراب : اجي معاك فين
يأمن : مفاجأه سلام
ملك : سلام
نور ل ملك : مفاجأه ايه دي
ملك بضحك : لا مفاجأه ولا حاجه يا ستي دا نادر دبسو في حوار كدا وانتي هتروحي معاه
نور : حوار ايه
ملك : سما يستي جايه من لندن النهارده ونادر طلب من يأمن هو اللي يروح يجبها من المطار
نور ب استغراب : مش المفروض نادر اللي يروح يقابلها
ملك : بيقول عنده شغل
نور ب ابتسامه : شغل برضو
ملك ب استغراب : ايه
نور : لا مفيش حاجه المهم هتقابلي دكتور حازم امتا
ملك : بعد المحاضره
نور : كويس انا هروح مع يأمن وانتي روحي قابليه وابقى احكيلي ايه الموضوع
ملك ب استكنار : تدفعي كام
نور : عادي مش عايزه اعرف كدا كدا هتقولي هتقولي لان ملكيش غيري
ملك : هنشوف
نور : هنشوف تعالي بقا نشرب حاجه
ملك : اها يلا
نروح بقا للبلد شويه عند جلال
جلال ل مجدي : ها عملت ايه في اللي قولتلك عليه
مجدي : حصل يا كبير فهمت الرجاله كل حاجه بس في حاجه
جلال بعصبيه : في ايه يا مجدي
مجدي : عم انس
جلال : ماله عم انس
مجدي : مش موجود فالبيت
جلال بتوتر : ازاي يعني مش موجود اومال راح فين
مجدي : معرفش بس سألنا اللي حواليه قالوا انه سافر القاهره عند اخته بس هيراجع تاني
جلال : طب كويس انه سافر من نفسه ولسه هيكمل كلامه سمع صوت جه من وراه
... : هو مين اللي سافر
جلال : بابا
كمال : مين اللي سافر يا جلال
جلال : حمد الله على السلامة حضرتك
كمال : الله يسلمك
جلال : مقولتش ليه حضرتك انك جاي النهاردة كنت بعت حد ليك المطار
كمال : الشغل اتاجل شويه قولت اجي اقعد معاكم كم يوم
جلال بتوتر : البيت نور بحضرتك
كمال : يعني مردتش على سؤالي مين سافر
جلال بتوتر : دا دا عم انس سافر لاخته اصل فرح بنتها وهو راح يحضر الفرح
كمال : اها ماشي
مجدي : حمد الله على السلامة يا كمال بيه
كمال : الله يسلمك يا مجدي
جلال : اتفضل حضرتك استريح
كمال : لا انا طالع اشوف منار
جلال بتوتر وتفكير : منار راحت مع عم انس
كمال ب استغراب : معقول دي منار مش بتحب الأفراح والحاجات دي
جلال بتوتر : ماهو عم انس كان حابب يخليها تغير جو ف قال ياخدها معاها وانا قولتلها روحي معاه
كمال : والفرح امتا ولا هايجوا امتا
جلال : لسه الأسبوع دا يعني كمان اسبوع وتكون هنا
كمال بتفكير : يعني مش هاشوفها
جلال بقلق : لا ممكن تجي قبل ما حضرتك تسافر
كمال ب استغراب : مالك مش على بعضك كدا ليه
جلال بتوتر : لا ابدا مفيش حاجه اطلع انت ارتاح من السفر
كمال : ماشي
جلال خد مجدي ودخلوا المكتب
جلال : لازم نتصرف يا مجدي ونلاقي منار باي شكل
مجدي : طب هنلاقيها فين احنا دورنا عليها فالبلد كلها
جلال : معرفش يا مجدي معرفش خد الرجاله ودوروا تاني لحد اما تلاقيها
مجدي : حاضر يا باشا
وسابه وخرج وجلال قعد على المكتب يفكر هي ممكن تكون فين جه في باله مكان ياترا جلال هيعرف هي فين والمكان اللي في باله صح
في القاهره
عند نادر بقا اللي خلص الشغل وخرج من الشركه ورح ل منار وخبط الباب
منار بتوتر وراحت تفتح الباب : مين
نادر : انا نادر
منار : اتفضل
نادر : ايه في ايه مالك خايفه كدا ليه
منار : اصل بعد ما انت نزلت من هنا جه واحد اسمه منير وبيقول انه ساكن فالشقه اللي جنبي دي وسأل عليك
نادر ب استغراب : ايوا منير دا جاري بس هو عارف اني مش عايش هنا وبعدين هو عرف ازاي ان في حد موجود فالشقه
منار بخوف : مش عارفه انا قولتله انك مش موجود
نادر قرب منها : طب متخافيش انا هابقى اشوف هو عايز ايه المهم دلوقتي ادخلي اجهزي عشان نخرج
منار : هنروح فين
نادر بحب : ها تعرفي بس يلا
منار بحب : ماشي
بعد شويه منار خلصت لابس وخرجت هي ونادر ومشيوا بالعربيه وبعد شويه كانوا وصلوا قدام معرض لوحات
منار ب استغراب : احنا هانعمل ايه هنا
نادر : طب انزلي بس الاول
منار : ماشي
ونزلوا من العربيه ودخلوا المعرض
شخص اول ما شاف نادر : نادر مش معقول فينك والله زمان يا نادر
نادر بحب : ازاي حضرتك يا دكتور الفن وحشني والله
الشخص : بقا كدا يا راجل مش تسأل عليا الفتره دي كلها
نادر : كنت مشغول شويه انت عارف بقا الشركه وكدا
الشخص بحب : ولا يهمك اتفضل اتفضل
نادر ب ابتسامه : اعرفك الأول دي منار او نقول بقا الفنانه منار ودا بقا يستي دكتور الرسم استاذ هادي
هادي بحب : اهلا وسهلا
منار : اهلا بحضرتك
هادي : اتفضلوا
نادر : بص بقا يا دكتور منار بتحب الرسم جدا وموهوبه فيه جدا ونفسها تحقق ذاتها وانا طبعا ملاقتش حد اناسب من حضرتك تقف جنبها وتساعدها في دا
منار قعده فرحانه جدا وانها بدأت تحطي اول خطوة عشان تحقيق حلمها
هادي بحب : طبعا اكيد بس الاول محتاج اشوف رسوماتها
منار بحب : انا رسمت حاجات بس هي مش موجود معايا دلوقتي
نادر : مش مشكله نبقى نجبهم المره الجايه
هادي بحب : ومره تانيه ليه انتي دلوقتي تقدر ترسمي
منار ب ابتسامه : هنا
هادي : اها
منار : اها طبعا اقدر
هادي : طب تعالي معايا
قامت منار ونادر ورحوا مع هادي اوضه مخصصه للرسم في المعرض
هادي : دي كل حاجه ممكن تحتاجيها للرسم ها يلا ابدأي
منار بصت ل نادر بتردد
نادر بصلها بحب : يلا روحي
راحت منار وقعدت على الكرسي قدام اللوحه اللي هترسمها ونادر وفادي واقفين مركزين معاها
وبعد شويه خلصت منار اللوحه وانبهر فادي من رسمها وانها فعلا موهوبه فالرسم
فادي : بجد حاجه جميله انتي موهوبه يا منار برافو عليكي
منار بفرحه : يعني هابقى رسامه مشهوره
نادر قرب منها : ومش بس كدا هاتبقي احلى رسامه فالعالم
فادي بحب : انتي رسمك جميل جدا بس عشان تبقى مشهوره محتاجه حبة حاجات كدا وانا هساعدك فيهم
منار بحب : انا بجد مش عارفه اشكرك ازاي
فادي : لا ابدا ولا شكر ولا حاجه وبعدين انتي موهوبه ودا شغلك انتي
نادر بحب : طيب يا دكتور تحب تبدأ معاها من امتا
فادي : من بكرا كويس
منار بفرحه : ماشي
نادر : شكرا يا دكتور تعبنك معانا
فادي : ولا تعب ولا حاجه مع السلامة
نادر : عن اذنك
خرج نادر ومنار وبعد م خرجوا من المعرض منار قربت من نادر وحضنته زاي الأطفال
نادر بضحك وطبطب عليها : اهدي يابنتي في ايه
منار بكسوف وبعدت عنه : احم اسفه بس من فرحتي ماخدتش بالي
نادر بضحك : متاخديش بالك بقا بعد كدا علطول
منار بغيظ : نعم
نادر بضحك : بهزر يخربيتك في ايه يلا اركبي
منار : اها بحسب
ركبوا العربيه ومشيوا
منار : ممكن اسالك سؤال
نادر بهزر : لا
منار ب ابتسامه : طيب انت كنت عارف منين اني عايز اشتغل وفي حاجه اللي بحبها كمان
نادر ضحك : ليه
منار بعدم فهم : ليه ايه
نادر : ليه سالت السؤال دا
منار : اصل دا الموضوع اللي كنت عايزه اكلمك فيه اني الاقي شغل يعني واشتغل
نادر بحب : انا عايزاك تحققي حلمك مش بس تشتغلي يعني انا بساعدك تعملي حاجه بتحبيها وتحققي ذاتك فيها وخصوصا انك موهوبه
منار بحب : طب ليه بتساعدني
نادر بضحك : مش عارف الصراحه بس اهو بساعدك ها بقا تحبي ناكل ايه
منار بتفكير : اممم ممكن سماك
نادر بضحك : واحلى مطعم سماك يلا بينا
منار بضحك : يلا بينا والحساب عندي
نادر بضحك : اذا كان كدا ماشي
منار ضحكت وبعد شويه كانوا وصلوا مطعم سماك على البحر ونادر طلب الاكل وقعدوا ياكلوا
فالجامعة بقا
خرجت ملك ونور من الكافتيريا وجه من وراهم دكتور حازم
د حازم : ملك
ملك : اهلا يا دكتور
نور : ازاي حضرتك يا دكتور
د حازم : ازيك انتي يا نور
نور : الحمد لله
د حازم ل ملك : ممكن نتكلم شويه
ملك : اها طبعا
نور : طيب انا هاروح انا اشوف يأمن
ملك : ماشي
نور : عن اذنكوا
د حازم : تحبي نتكلم فالجامعة ولا نروح مكان تاني
ملك : اها ماشي
د حازم : طب اتفضلي نروح مكان هادي شويه عن الجامعه
ملك : ماشي
خرجت ملك ودكتور حازم وركبوا عربيه دكتور حازم ومشيوا
نور وقفه مستنيه يأمن يخرج من المحاضره
يأمن جه من وراها : القمر وقف لواحده ليه
نور بخضه : خصتني يا اسمك ايه
يأمن بضحك : دا انتي تخضي يا حبيبتي
نور بغيظ : نعممممم
يأمن ب ابتسامه : ولا حاجه يا قلبي اومال فين موكا
نور : دكتور حازم كان عايزها وراحت تشوف عايزها ليه
يأمن ب استغراب : وعايز منها ايه دا
نور : انت بتفهم منين بقولك لسه راحه تشوف عايز منها ايه
يأمن بغيظ : ايه يابت ماتتعدلي كدا في ايه
نور بضحك : اني اسف
يأمن بضحك : خلاص سماح المرة دي المهم معاكي مفتاح عربيتها
نور : اها معايا اهو
يأمن بضيق : طب يلا نروح نجيب الاستاذ سما
نور بضحك : يلا
ركبت نور مع يأمن ورحوا المطار ل سما
بعد شويه وصلوا المطار والطياره وصلت القاهره ونزلت سما من الطياره وخرجت للمطار
يأمن وهو وقف مستني سما شاف شخص
يامن بصدمه : انت
#يتبع
بدل ماتدور وتبحث علي الروايات خليها علي تليفونك وحمل تطبيقنا
