رواية احببتة ولكن الجزء الثاني الفصل الاول
ادم بإستغراب : مالها مليكه !
الام : انت ناسى أنها مراتك
ادم بدهشه وضحكه سخريه : مرات مين
الام : ايوا ياادم انت اتجوزت مليكه واهو الورق إثبات على كلامى
ادم وهو مصدوم : امتى دا حصل وازاى امضتى موجوده
وعلى الجانب الآخر رحمه بصدمه اول ماعرفت أنه متجوز مليكه وأنه كدا بيضحك عليها ونزلت دمعه من عيونها بألم وسابتهم وطلعت تجرى
ادم بزعيق : رحمه حااااسبى
وفجأه وقعت رحمه فاقده للوعى بسبب عربيه خبطتها
ف المستشفى ادم شايل رحمه وبيجرى بيها : دكتور بسررررعه
ودخلت رحمه غرفه العمليات وتحت قلق وخوف ادم الكبير
ام ادم : انت مش هتتجوز البنت دى مليكه تبقى مراتك ومش هتتجوز غيرها
ادم بكل حده وعيونه احمرت من الغضب وبنظرة تحدى : مش هتجوز غير رحمه والورق اللى أنا ماضى عليه دا ومعرفش ازاى بلوه واشربو ميته
ام ادم : لو اتجوزت البت الجربوعه دى اعمل حسابك أنك ملكش اى حاجه فى الشركه ولا حتى اشوفك فى الفيلا تانى
ادم بعدم اهتمام : رحمه ضافرها بكل دا وقولى للست مليكه تنسى كل دا لان مستحيل احب حد غير رحمه
الام وهى سيباه وبتمشى وكلمة مجهول فى الموبايل : نفذ اللى قولتلك عليه فى اقرب وقت
ادم وهو قاعد مرعوب على رحمه واول ماشاف الدكتور خارج من غرفة العمليات جرى عليه : طمنى يادكتور
الدكتور : الخبطه اثرت على دراعها عملت كسور بس الحمد لله خرجت من مرحلة الخطر
ادم : ممكن ادخل اشوفها
الدكتور : اه تمام بس ياريت متطولش
دخل ادم ليها وهى أول ماشافته بعدت عيونها عنه وبصت فى الجهه التانيه
ادم بحزن : عامله ايه يارحمه انا كنت هموت من القلق عليكى
رحمه : لو سمحت مش عايزه اشوفك ولا اتكلم معاك
ادم : والله يارحمه معرفش اى حاجه عن موضوع الجواز دا انا متأكد انها خطه بس من امى ، وبص ليها وهو بيجذب وشها ناحيته : رحمه انا بحبك انتى بس والله ولو فكرت اتجوز يبقا ياانتى ياايما مفيش
رحمه بدموع : بعد ايه كل دا مانت خلاص اتجوزتها
ادم : يارحمه والله معرف حاجه عن الموضوع دا اكيد مكنتش فى وعيي .
بقلمى ندى محمد
رحمه : طب وكلام مامتك ، هى مبتحبنيش وهتمنع أننا نتجوز
بصلها ادم بمكر : يعنى موافقه نتجوز ها
رحمه بتوتر : لا عادى اصلا مش عايزه اتجوزك
بص ادم لعيونها وقال بحنان : بحبك يارحمه ومقدرش اعيش من غيرك ثم أكمل : واول ما اتطمن عليكى هروح انهى كل الكلام اللى بيقولوه دا
رحمه فضلت ساكته
ادم بأسلوب درامى: ياشيخه حبينى فى العلن بقا انا لست خطيئه
رحمه بصتله وفضلت تضحك
ادم بغمزه : والله كله يهون علشان اشوف الضحكه القمر دى
رغم هوسـي بالإتـزان إلا أن قلبي بكِ ميّال 🦋🖤
فى فيلا ادم
والده ادم تتحدث مع مجهول : اتصرف فى خلال يومين ، لو معملتش اللى اتفقنا عليه هوديك فى داهيه
المجهول : امرك ياهانم
فى المستشفى عند رحمه وادم
ادم وهو قاعد معاها وبيضحك وفجأه ركز فى عيونها : عيونك حلوه اوى
رحمه بغرور : عارفه ومش عيونى بس
ادم : طبعا ليكى حق تتنفخى كدا دا انا محدش قدر يوقعنى قبل كدا
رحمه : ووقعت ؟
ادم : وقعت بس بإمتياز وغمزلها
وفى وسط أحاديثهم فجأه دخل عليهم ....
#يتبع
بدل ماتدور وتبحث علي الروايات خليها علي تليفونك وحمل تطبيقنا
