Ads by Google X

القائمة الرئيسية

الصفحات

اسكريبت الجنة تستاهل بقلم هند

اسكريبت الجنة تستاهل بقلم هند

 اسكريبت الجنة تستاهل بقلم هند


#اسكربت

#الجنه_تستاهل 

:هند هو انتي عمرك ما اضايقتي من كلام الناس ؟يعني انا مش قصدي حاجه والله بس يعني عايزه اعرف احساسك عمرك ما فكرتي إنك ترجعي تلبسي بناطيل تاني وتخلعي النقاب ؟


:شوفتي المباراة الأخيرة بتاعت مصر والسنغال ياسمر ؟ 


سمر:ايوه دا انا زعلت اوي على اللي حصل 


هند:بصراحه انا مشوفتهاش لأني مش بفهم في الكورة بس لما سمعت اللي حصل اتضايقت افتكرت وانا في تالته اعدادي كان محمد صلاح كنت كل ما امشي في حته اسمعه اسمه وحب الناس ليه عارفه دا كله ليه ؟ عشان كان يكسب المباريات ويكسب مصر ودلوقتي لما خسر الناس فضلت تشتمه وتيجي عليه هو كان بإيده يفوز ومافازش؟ لا طبعاً أنا اللي عاوزه اوصلهولك إن كلام الناس عمره ما هيفدني الناس يوم عليكي ويوم معاكي وانتي مش هتدخلي الجنه بكلام الناس ياسمر هضايق من كلام الناس ليه وانا عارفه  إنه دايم لفترة من عمري بعد كدا هرجع مكاني تاني برحمة ربنا وكرمه الجنه هضيع دنيتي اللي أنا جايه ليها عشان ادفع تمن الجنه ليه ؟ واضيع آخرتي بسبب كلام الناس اللي مش هيفدني بأي حاجه ؟ البنت لو لبست ضيق الناس تقول ما اتربتش واهلها اكيد مش كويسين ولو لبست الزي الشرعي الخمار أو النقاب تبقى كبيرة في السنه ووووو كلام كتير مش عاوزه اقوله   

وبعدين اضايق ليه مانا بلبس بناطيل وتشيرتات وكل اللي نفسي فيه؟بيتي انا حره فيه بلبس اللي انا عاوزاه هو انا بلبس بناطيل ليا ولا للناس ؟ احنا كبنات اه بنحب البناطيل في بنات محترمه كتير لابسه بناطيل لأنها بتحبها وانا مش معترضه بس ليه البسه في الشارع ليه اخلي اي حد يشوف تفاصيل جسمي اللي ربنا أمرني بإخفائها لما انا ممكن البس اللي انا عاوزاه في بيتي  وهبقى راضيه ربي وديني لما البس اللي أمرني بيه عارفه ياسمر 




سمر: اي ؟


:كل ما اشوف بنت ماشيه على الموضه وبتحب تلبس على الموضه طرح بلوزات انا بيصعبوا عليا والله نفسي اقولهم ليه بتعملوا  زي آدم وحواء الشيطان زينله إن الشجرة حلوة وخلاه يقرب منها كلنا نعرف قصة آدم عليه السلام بس هل احنا بنتعظ ؟لا طب ربنا عاقب سيدنا آدم بنزوله الأرض طب احنا هنتعاقب بأي واحنا اصلنا في الأرض انتي متخيله إنه ممكن يكون عقابك النار ؟


سمر:بس ربنا غفور رحيم ياهند 


هند:غفور رحيم إنه يغفرلك كل ما تتوبي وتعرفي غلطك وترجعيله وتلجئيله لما تعرفي إن البناطيل حرام وتغيري لبسك هيغفرلك لما تغلطي وتندمي هيغفرلك هيغفرلك ازاي وانتي أصلا مطلبتيش المغفرة ولا معترفه بغلطك؟ هيغفرلك لما تجاهدي نفسك وتكوني عاوزه تلبسي اللي يرضيه وبتحاولي في نفسك إنما هيغفرلك ازاي لما تكوني مقتنعه إن الحرام صح وبتقاوحي؟ طب تفكتري اللي دخل النار دخل ليه ؟ ما ربنا غفور رحيم عشان أصروا على الغلط لحد موتهم أصروا إن الحلال حرام وحللوا الحرام أصروا إنهم صح ونسيوا إنه في رب كريم انتي متخيله إن في بنات لحد دلوقتي بتنكر حقيقة إن الخمار فرض ؟ انا بجد بنصدم كل مره طب هما مش لابسينه ماشي مفيش حاجه بس ينكروا إنه هو الصح ؟


سمر:يلا بينا بقى قومي البسي بسرعه


هند:ليه ؟رايحين فين دا انا نسيت حتى اجبلك عصير 


سمر:مش بكرا رمضان يابنتشي مش انتي قولتيلي انا هبقى انزل معاكي نشتري فساتين واللبس الواسع


هند:انا مش فاهمه حاجه مش انتي يابنتي قولتي إنك مش هتلبسي فساتين وهتكتفي بالجيب والبناطيل الواسعه؟ لو قصدك تشتري ليا فأنا مش عاوزه أنا عندي كتير 


سمر:دا كان زمان ياماما لما كنت أخاف من كلام الناس وهيقولوا أي على لبسي دلوقتي أنا عاوزه ارضي ربي عاوز عاوزه ادخل الجنه برحمة وكرم ربنا هيفيدني بأي كلام الناس مش دا كلامك يلا بقى ياعسل ولا هترجعي في كلااامك 


هند بدموع فرح:بجد ياسمر بجد أخيرا بعد محاولات كتير بحاول اقنعك فيها اقتنعتي كدا ؟


سمر:مش عارفه ياهند بجد مش عارفه ليه المره دي كلامك لمس قلبي جامد حاسه إن ربنا بيحبني لدرجة إنه بعتلي صحبه زيك كل ما احاول اقع تقف جنبي تفوقني تعرفي إني قبل ما اجيلك شوفت بنطلون جينز بس ضيق وعجبني وكنت هنزل اشتريه بعد ما امشي من عندك بس انا بحمد ربنا كل يوم على صحبه زيك حضن كبير بقاااااا


قامت هند بدموع فرح واحتضنت سمر حضن تعبر فيه عن مدى سعادتها بقرار صديقتها 


علمتني سورة_الكهف :

( و لا تعدُ عيناك عنهم تريد زينة الحياة الدنيا )

الصديق الصالح من إذا صاحبته

تعلقتَ بالآخرة.


#hend

بعتذر لو في أخطاء إملائية او في الكلام ومن رأى خطأ منكم فليصححه لي فأنا لا أكتب إلا ما يمليه عليّ قلبي💚💚

تعليقات