رواية عشق الصقر الفصل الثاني 2 بقلم شيماء كمال
البارت 2♥️عشق الصقر
جهزت نغسي وخرجت الصالون
اول ما مصطفي شافني لون وشه اتغير ووقف من مكانه واتلبك
يسرا :اي يحبيبي هتفضل تبصلي كده(بتكلمه بالصيغه دي عشان خالتها ومامتها قاعدين
مصطفي بتوتر:هااا انا ... اتفضلى يعروستي اقعدي اقعدي
يسرا بمزح: معلشي ي ماما معلشي ي خالتو مصطفي خدني منكم الدقيقتين دول
والدة يسرا:هههههه ربنا يسعدكم يحبيبت قلبي يارب
والدة مصطفي بمزح: احنا نقوم مشي احسن بقى وخلاص هههههه
قعدنا شويه نضحك ونتكلم في القديم والجديد وفي وسط الكلام لقيت ماما جت قعدت جمبي كده وبتقول بصوت منخفض
والدة يسرا:يسرا يحبيتي هو في حاجه مزعلاكي ولا اي باين عليكي بتتصنعي الضحكه عشان مناخدش بالنا
يسرا بصوت منخفض:اي اللى بتقوليه ده ي ماما لا طبعا مغيش حاجه انا كويسه جدا
والدة يسرا:طيب يحبيبتي بس لو في حاجه متخبيش علياا
يسرا:حاضر يماما
واحنا بنتكلم مصطفي كان عينه عليه وكان متوتر اني اقولها على حاجه
_______________________
والدة مصطفي: نمشي احنا بقى ي حبايبي وخلوا بالكوا من بعض
والدة يسرا:ايوه احنا كده قعدنا كتير لازم نمشي وانت ي مصطفي يبني بالله عليك خلي بالك من يسرا ومتزعلهاش
مصطفي:طيب ي ماما ...وانتي يخالتوو اي اللى بتقوليه ده يسراا دي في عيني طبعا
يسرا في سرها:اه يكداب قال في عيني قال
طلعت قفلت باب الشقه وراهم ووانا داخله لقيت مصطفي بيشدني وبيقربني لي
يسرا:اي اللى انت بتعمله ده ابعد عني يمصطفي
مصطفي:انتي مراتي يختي
يسرا:اهو انت قولت اهو انا اختك اختك يمصطفي اتفضل ابعد عني
مصطفي:بس اي الحلاوه دي يبنت خالتي ده انا كنت هبقى سخيف اوووي لو متجوزتكيش
يسرا:حاولت ابعد عنه وبعدت وجريت على الاوضه
مصطفي:هههههه مكسوفه مني ولا اي زوجتي العسليه
دخلت الاوضه وانا نبضات قلبي سريعه قعدت على السرير وبكلم نفسي ..هو الواد ده مجنون ولا انا اللى مجنونه مش كان لسه بيقول انه مجبور على الجوازه دي ولا هو غير رايه اكيد انا مش هخليك تقرب مني ولا تعاملني كزوجه ليك عشان انا مريت بيومين زي الزفت لما قولتلى انك مش بتحبني بس مضطر انك تتجوزني اصبر علياا بس يابن خالتي افتكرت ان الظهر اذن وانا مصلتش قومت اتوضيت وجيت اصلى لقيته واقف في البلكونه وسرحان مع نفسه
يسرا:احمم
مصطفي:اي يعروسه عاوزه اي
يسرا:صليت الظهر ولا لسه
مصطفى:اوبااا نسيت معلش
يسرا:طب اتفضل اتوضى وصلي يلااا
مصطفي:عيوني يباشا 😂♥️
انا صليت في الاوضه وهو في الصاله.كل واحد لوحده
وانا بصلى وبسجد طولت في السجده كتير وقاعده ادعي ربنا انه يصلح حالى ويجبر بخاطرى ويهدي مصطفي ويبعد عنه اي شر (ايوه بدعليه رغم اللى قالهولي قبل الجواز عشان ده فعلا حبيبي ومش هحب حد زيه )
خلصت صلاه وطلعت الصاله اشوف مصطفي خلص صلاة ولا لسه
يسرا:حرما ي اخوياااا
مصطفي:جمعا ان شاء الله ي اخت يسراا
يسرا:هيهيهي ظريف ي اخ مصطفي عالعموم ربنا يتقبل .... بقولك اي بس بلاش تزعق فياا بالله عليك عشان انا مش ناقصه
مصطفي:قولي قولي
يسرا:انا عاوزه اعمل اكل عشان الغدا بس انت عارف اني مش بعرف اطبخ غير حاجات بسيطه كده
مصطفي: احم طب ما انا عارف انك مش بتعرفي تتطبخي ....هطلب دليفرى حااضر بس متاخديش عليهااا عشان مش هتحصل تاني
يسرا:اي ده بجد هتطلب دليفرى
مصطفي:ايوه في مشكله ولا اي
يسرا:لا لا متطلبش دليفرى خلاص بلاش اكل بره ده فاكر لما انت جبت اكل من بره البيت واتسممت واهلك لفوا عليك في المستشفيات
مصطفي:هههه وانتي وقتها كنتي خايفه علياا
يسرا:لا مكنتش خايفه عليك خالص على فكره
مصطفي: هحاول اصدق..بس هناكل اي بقى 🙄
يسرا:هجيب وصفه البيتزا من على النت وهعملها
مصطغي:ربنا يستر بس
دخلت المطبخ وماسكه الفون ادور على طريقه عمل البيتزا
بدأت اعمل فيها ووانا بعملها كنت عامله زي المجنونه في المطبخ يعتبر اول مره ادخل مطبخ واعمل حاجه اصلا 😔
____________
مصطفي:البت دي بقالها ساعه في المطبخ بتعمل في بيتزا لا مش معقول اما ادخل اشوفها كده لتكون نامت في المطبخ اه هي مجنونه وبتعملها 😂
___________________
مصطفي:ينهااار اسووح ومهبب اي يبنتي اللى عاملاه في المطبخ ده
يسرا ببراءه:وحيات امك ما تزعق انا هنضف ده كله بس لما اخلص
مصطفى بعصبيه:اي اللى انا عملته في نفسي ده متجوز واحده فاشله انا
يسرا وهي تبكي مثل الاطفال:كل العصبيه دي عشان المبطخ طيب ي مصطفي انا غلطانه اني حاولت اعمل حاجه حتى لو كانت بسيطه بدل ما تطلب دليفرى وتتسمم تاني
(مصطفي لما شافها بتعيط مسك ايديهااا وقالها خلاص تعالى ايدي بايدك نخلص الاكل اللى مش عاوز يخلص ده
يسرا:شدت أيدها وبتقوله اوعي ايدك انا مش عاوزه منك مساعده اتفضل اطلع برا انا اصلا خلصت
مصطفي:طب تصدقي انا غلطان طيب يختي انا سايبلك المطبخ وداخل على اوضة الاطفال اللى انا هفضل طول عمرى عايش فيها دي
مصطفي دخل الاوضه ويسرا وقفت تكلم نغسها وهي بتضحك..الواد ده مجنون بس عصبي وحنين اووي..اي اللى انا بقوله ده.ده مش بيحبني ولا بيطيقني وانا اقول عليه حنين لا لا انا اتجننت
________________
اخيرا خلصت البيتزا
مصطفي: اخيرا خلصتي
يسرا: اها اتفضل دوق بقى وقولي رايك
مصطفي:حاضر
يسرا:اي حلوه صح قول متتكسفش
مصطفي:لسه هدوق والله اصبرى
يسرا:هااااا خلص دوق بقى
مصطفي حاضر حاضر اصبرى يبنتي
مصطفي:تسلم ايدك جميله
يسرا:ان شالله يسترك هو انا بعمل حاجه وحشه اصلا...... بسم الله الرحمن الرحيم اما ادوق انا بقى
يسرا: اي ده يالهوي انت ازاي قاعد بتاكل منها وهي مالهاش طعم اصلا دي مش بيتزا خالص
مصطفي:بس عجبتني مالكيش دعوه سيبيني اكل بقى
يسرا:يبني انت بتاكلها غصب عنك ليه دي مش حلوه خالص
مصطفي:حتى لو مش حلوه هاكلها بردو هااا اي تاني
يسرا بتفكر وتقول في عقل بالها يالهوي ي يسراا اي اللى هببتيه ده دي منظر بيتزا اصلا ياريت بس بطنه متوجعهوش ...هو حر بقى هو اللى قاعد عامل نفسه الزوج اللى بيحب زوجته ويقول على عمايل ايديها حلوه وهي وحشه خالص
___________________
جايه اشيل الاطباق مكان الاكل لقيته...........
#تتبع
#شيماء كمال
لمتابعة باقى الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
