 |
رواية عادات وتقاليد رمضان (كامله جميع الفصول) بقلم دعاء حجاج |
_يا نايم وحد الدايم قوموا لسحوركم اجا رمضان يزوركم
تلك الجمله قالها المسحراتي وهو بيدق على طبله
قامت من النوم وفتحت الشباك وقالت: معتز معتز
معتز بكسل: ماما انا عايز انام
شدت البطانيه وقالت: قوم يا كسلان
معتز قام فعلا وقال بكسل: هي الساعه كام وفين هدير
_بقا حد يتخانق مع مراته وداخل عليا رمضان يا معتز
معتز بعصبية: ده مجنونه قال اي عايزه فانوس رمضان هو انا فاضي يا ماما للهبل ده
شدته من ايده وقالت: طب ادخل اغسل وشك عشان نلحق نتسحر قبل الفجر
قام فعلا ليدخل الحمام ويغسل وشه
_هدير
طلعت من المطبخ وقالت: نعم يا ماما
_السحور جاهز يا حبيبتي
هزت رأسها وقالت بابتسامه: كل حاجه جاهزه يا ست الكل
خدتها في حضنها وباستها على رأسها وقالت: بنتي حبيبتى
معتز طلع من الحمام وكان حاطط منشفه على رأسه وقال: كفايه محن الفجر هيإذن
هدير بصت لمعتز بغيظ وهو قعد على الكرسي وقال: مالك يا عبيطه
نفخت وخدت بعضها ودخلت المطبخ
نوال والده معتز قعدت جنبه وقالت: مش عيب كده قوم صالح مراتك احنا داخلين على شهر مفترج
_انا عملت اي عشان اصالحها واحده بتقولى انا عايزه فانوس
_طب ما تجبلها فانوس
_هو هبل وخلاص
_معتز (قالت اسمه بغضب شديد اللهجة)
خد نفس عميق وقال: حاضر يا ماما حاضر
ابتسمت وقالت: قوم يلا
رفع حاجب وقال: دلوقتى
_اه دلوقتى
معتز قام فعلا ليدخل المطبخ ويقول وهو حاطط ايدو على فمه: احم
هدير انتفضت وقالت بعصبية: مش تكح يا متخلف
_انا قولت احم على فكره وبعدين في واحده تقول لجوزها متخلف واحنا داخلين على شهر مفترج
_وفي واحد يقول لمراته بطلى هبل وجنان
_اه ما حضرتك عايزاه فانوس هو انتى صغيره عشان تقولى عايزه فانوس
_اه عايزه فانوس وانت مالك
_ الكلام ده خلى لابننا لما يجى
حطت الاكل على الصينيه وقالت: قران الفجر اشتغل مش عارف تقول أنا اسف
طلعت وهى متعصبه منه وهو قال: هو احنا كده اتصالحنا ولا اتخانقنا تانى
حطت الأكل على السفره وقالت: ماما نورا صحت
_اه يا قلبي في الحمام
بعد شويه العائله كلها قعدت فهى عائله بتتكون من معتز وهدير دول متجوزين ونوال والده معتز ونورا اخت معتز
_هدير هاتى خياره من عندك
لم ترد عليا ومعتز بص لنوال وقال: شايفه يا ماما
_معتز فين فانوس رمضان (قالتها نورا اخت معتز)
عمل سندوتش جبنه وقال: بالهنا والشفا عن اذنكم
_رايح فين بس
زق الباب برجله ودخل
نوال بعصبية: مالك يا نورا طب ما تقولى لخطيبك عايزاه فانوس
نورا بعصبية أيضا: هو انا عارفه اكلموا من اخويا ما انتى عارفه بيقولى كلمى مره واحده في اليوم وتكون ربع ساعه بس
_اصلا بيغار عليكى وبعدين اخوكى وخايف عليكى
قامت وقالت بعصبية: ينهار أبيض ده ابن خالى قبل ما يكون خطيبي افهموا بقا
هدير ونوال قعدوا يضحكوا فهذا حال هذه العائله كل يوم
بعد مرور عشر دقائق تقريباً
_الله اكبر الله اكبر (أذان الفجر)
نوال دخلت وقالت: يا تري نايم ولا صاحي عشان يصلى الفجر
معتز طلع من الحمام وقال: هروح اصلى الفجر محدش يطلع
_هنطلع نروح فين بس
_ماما مش هنعمل المائده زي كل سنه
بصت لتحت وقالت: نشوف رأيي معتز الاول
هدير حطت أيدها على كتفها وقالت: بابا الله يرحمه كان بيعمل كل سنه كده وبعدين ده واجب علينا صح ولا انا غلطانه
معتز نشف وشه بالمنشفه وقال: بتتكلموا في اي
_هدير بتقول لازم نعمل المائده يا معتز
معتز بص لهدير وقال بابتسامه: صحيح بابا مات بس العادات والتقاليد اللى اتعودنا عليها منه مماتتش
هدير ابتسمت وفجاه الابتسامه اختفت وقالت: معتز
_قلبه
_عايزه فانوس رمضان
نوال قعدت تضحك وقالت: انا رايحه اصلى الفجر عن اذنكم
دخل الاوضه وهى دخلت وراء وقالت: معتز عايزه فانوس رمضان
_هروح اصلى الفجر ونتكلم في الموضوع ده بعدين
_هو انت بخيل كده ليه
بصلها وقال: حاضر يا هدير حاضر ممكن تسبينى عشان الحق صلاه الفجر عشان عندي شغل الساعه ٧
_ماشي يا حبيبي
قال وهو ضاغط على سنانه: شكرا
في صباح اليوم التالى وأول يوم رمضان
_رمضان كريم كل سنه وانتوا طيبين
_الله أكرم
هدير وقفت في البلكونه وقالت: ماما ماما تعالى
نوال راحت لهدير وقالت: في اي
_معتز
بصت لقت معتز بيعلق الزينه مع الأطفال
ابتسمت وقالت: شبه ابوه بالظبط
هدير بحزن: الله يرحمه
معتز بص لهدير والابتسامه اترسمت على وشه
_مروحتش الشغل ليه
_هو في احلى من الشغل ده.
ابتسمت ومعتز بغيره: ادخلى جوا يا بابا
هدير اتعصبت اوى ومعتز بنفاذ صبر: ادخلى يلا
هدير دخلت وقالت: ماما هنعمل اي النهارده
_ماما انا عليا المحشي والكفته
بدأ يتكلموا ويتشاوروا في الأكل اللى هيعملوا للمائده
في المسجد
كان معتز بيصلى الظهر هو ومازن ابن خالو وخطيب اخته
انتهوا من الصلاه وطلعوا
_معتز ما تحن علينا شويه مينفعش كده
_احنا في رمضان ورمضان شهر العباده مش شهر محنك يا خفيف
_على اساس كنا واخدين راحتنا قبل رمضان
_اه واخد انت بتتكلم مع اختى ربع ساعه عارف يعنى اي ربع ساعه ممكن يحصل حاجات كتير اوى خلال الربع الساعه ده
_طب تصدق بقا ان الربع الساعه ده اختك بتقولى فيها عامل اي
معتز كتم ضحكته بالعافيه وقال: امال عايزها تقول اي
_بقالنا سنه مخطوبين ومش عارفه تقولى بحبك حتى
_استغفر الله العظيم احنا في رمضان امشي من قدامى
_هاجى افطر معاكم النهارده
معتز ببرود: لا
مازن بحزن: لا ليه والله ما هكلم نورا خالص بوعدك
_بهزر معاك تنور طبعا
_نص ساعه خلينا نتكلم نص ساعه على الاقل اختك تسال على خالها يا حرام مش بتلحق
معتز مكنش قادر يمسك نفسه وقال: خلاص نص ساعه
مازن باس معتز من خده ومعتز زقه وقال: اللهم انى صائم
_خلاص يا عم ده مكنتش بوسه يعنى
_اسكت بقا انا ماشي
_خدنى معاك
_هي فسحه امشي يلا
مازن بضيق: هاجى بليل
_ما قولنا تنور هي حكايه
_منوره بيك يا عز (معتز)
_متحولش يلا سلام
بقلمى دعآآء حجآآج-------------
بدأت تغرب الشمس وفاضل على المغرب خمس دقائق
جهزوا المائده والكل قعد ومعتز قال: رمضان كريم وكل سنه وانتم طيبين
الكل رد وقال: وانت طيب يا ابن طيب
معتز ابتسم وفجاه المغرب إذن
_صومآ مقبولاً وإفطارآ شهيآ
_اللهم لك صمت وعلى رزقك أفطرت وبك آمنت وعليك توكلت
وإليك أنبت ذهب الظمأ وابتلت العروق وثبت إلاجر إن شاء الله
بعد ما الكل قال كده بدأوا بعصير التمر
معتز ابتسم وقال: هروح أصلى المغرب الاول
بعد مرور عشر دقائق كده
عند هدير
_ماما هو معتز هيفطر تحت
_لا يا هدير قال هيفطر هنا
_وهيجى امتى
دخل وقال بابتسامه: السلام عليكم ورحمه الله وبركاته
هدير جرت عليا وقالت: فين الفانوس يا معتز
_افطر الاول مش هينفع كده
ابتسمت وقالت: صوما مقبولاً وإفطارا شهيا
_ايوه كده
_طب يلا
معتز دخل وقعد على الكرسي والكل قعد
_امال مازن فين
نورا باندفاع: اروح أنادي
معتز وهو ضاغط على سنانه: افطري وانتى ساكته
نورا بحزن: حاضر
_من غيري طب استنوا شويه
_تعالى يا خفيف
مازن كان رايح يقعد جنب نورا معتز مسك ايدو وقال: اقعد جنب عمتك يا حلو
قعد فعلا جنب نوال وقال بهمس: ابنك ده يا عمتى
نوال قعدت تضحك ومعتز بحده: قولت مليون مره ممنوع الكلام واحنا بناكل
الكل حط وشه في الطبق ومعتز بص عليهم وقال: مش للدرجه ده يعنى
بعد مرور ربع ساعه
نورا وهدير كانوا بيغسلوا المواعين وكانت كتير اوى
نوال دخلت وقالت: هدير اي اللى بتعملى ده وبعدين انتى حامل
_يا ماما متخافيش عليا انا بخير
_عمرك ما هتسمعى منى معتز معتز
معتز قام وقال: في اي يا ماما
_تعالى شوف مراتك مصممه تغسل المواعين
معتز مسك ايد هدير وقال: الدكتوره قالت اي
_بس
معتز قاطعها وقال: مش عايز نقاش ادخلى غيري هدومك
نورا بزعيق: وانا هغسل المواعين لوحدي مش عدل ده
_اجى اساعدك يا قلبي
معتز ضرب في مازن في بطنه وقال: ما تتلم والا
_خلاص خلاص كفايه شهر والله ما ناقص تأجيل اكتر من كده
معتز ابتسم وقال: شاطر
نوال ساعدت نورا في غسيل المواعين
بعد شويه العشاء إذن ليذهب معتز ومازن إلى المسجد
ونوال ونورا وهدير ووالده مازن واخته لبسوا كلهم إسدال وبداوا يصلوا جماعه
في تمام الساعه ١١ مساءا
معتز رجع البيت وهدير جرت عليا ومعتز بعصبية: اهدي اهدي مش هقولك كل شويه انتى حامل
هدير وهي بتاخد نفسها: فين الفانوس
معتز بص لتحت ثم بص لهدير وقال: مهم يعنى
هزت رأسها وقالت: اوي
معتز فتح الباب وقال: اي رايك
_رايي في اي
معتز بعد وهدير قالت: الله حلو اوى
(الفانوس كان كبير اوى وحرفيا كان شكله تحفه)
_ربنا يخليك ليا يا ابو آدم
رفع حاجب وقال: آدم مين
_ابننا يا حبيبي
خدها في حضنه وقال: ويخليكى ليا يا ام آدم
كان لازم انزل الاسكريبت ده في أول يوم في رمضان بس والله كان عندي ظروف
#اسكريبت_عادات_وتقاليد_رمضانيه
#بقلمى_دعآآء_حجآآج
