اسكريبت رمضاني جميل
كنت طالعه لصحبتي و انا بطبل علي الباب _ جاري يا جاري يا حته سكره
فتحلي جوزها فا لويت بوزي و انا بتجاوزه _ اوعي كده مراتك فين يا سااااره
خرجت من المطبخ و هي بتمسح ايدها _ صوتك عالي لي يا بت ، انت متنح لي كده يا معتز اقفل الباب وراك يا حبيبي .
قفل الباب و هو بيبص لصاحبتها بذهول _ دخلت البيت منغير ما تستأذن اصلا
قربت من ساره و انا بحضنها و هي بتقول _ خديجه تيجي في الوقت الي تحبه يا معتز دي اختي
طلعتلو لساني بطفوله فا ضحك و هو بيضرب كفوفو ببعض _ ربنا يهديكي يا خديجه .
سابنا لوحدنا فا حضنت ساره جامد _ يا اخي واحشني خالص مختفي لي و لا الأفندي هيخدك مني يا استاذه
لعبت في خدودي بمرح _ لا طبعا بس انتي عارفه شغل البيت و رمضان بكره بقا و كل سنه و نتي طيبه يا جميله
بعدت عنها و انا بديها بوكس بسعاده _ بمناسبة رمضان و كده خدي دي هديه بسيطه و كل سنه و انتي طيبه يا سرسور
ضحكت بسعاده و هي بتاخدني بالحضن _ الله يا حبيبي و نتي طيبه ، تعبتي نفسك يا ديجه
_ لا تعب ولا حاجه و بعدين انا عندي كام ديجه يعني
وطيت علي بطنها و انا بضحك _ يارب الاستاذ الي جوه يكون سعيد هو و مامتو
ضحكت علي جملتي _ لا متقلقيش مبسوطين جدا .
_ بما انك مبسوطه و كده اعتقي الغلبان الي جوه ده مش كل شوبه تنكدي عليه يا بنتي حرام عليكي ، و لا اي راي الاستاذ الي جوه
طلع من الاوضه و هو بيمثل الزعل _ شوفتي يا ديجه مطلعه عيني والله ، بس كلو يهون عشان الاستاذ الجوه
شاورت علي نفسها ببرائه _ كده يا معتز انا بنكد عليك يا حبيبي ، مكنش العشم ياولا
ضحكت و انا بقول _ بمناسبه كده انا عازمه نفسي بكره علي الفطار عندكو مانع ؟
ضحك معتز _ لا طبعا ازاي دا بيتك يا ديجه
* مدفع الإفطار ، اضرب *
_ طيب يا جماعه صوما مقبولا و إفطارا شهيا
_ اهدي يا ماما سمي الله و كلي الاكل مش هيطير
بصيت لساره و انا بقول بقمصه _ قولي لاخوكي يخرس خالص لو سمحتي!!
_ ايده ايده شوف شوف مين النكدي هنا
شاورت علي نفسي ببرائه _ ظالمني انا انكد علي زوجي قره عيني عيييب
شاورت بالسكينه عليه و انا بقول بتحذير _ انا بنكد عليك يا احمد ؟!
حط المعلقه في بقو _ لا طبعا انت مفيش أطيب منك في الكون ده يا خديجه
ابتسمت بنصر و انا بقول _ مش بقولكو مظلومه
خلصنا فطار و خلصنا الي ورانا كلو و قعدنا كلنا نتفرج علي التلفزيون بصيت علي اللمه الي احنا فيها ، مفيش احسن من كده اعتقد ، عيله هاديه ، زوج صالح ، اخ بيحبك و بيخاف عليك ، صديق شايل معاك الهم و دايما في ضهرك .
ابتسمت بسعاده و انا بمسك ايد احمد جوزي _ ربنا ما يحرمنا من لمتنا دي ابدا يا ولاد .
شاور علي نفسو بزعل _ مفيش كلمه حلوه لقرمط الغلبان ده طيب ؟
ابتسمت ابتسامه واسعه وانا بتبت في ايدو و بقول بهمس _ لا طبعا ازاي ، دنا ملقتش ونس للعمر احسن منك يا حبيبي ♡
الخلاصه ، لمه عيلتك حواليك في الأجواء السعيده دي احسن شي في حياه الإنسان ، احمد ربنا علي كل كبيره صغيره في حياتك ، ناس تانيه نفسها في لحظه تقعد في اللمه دي ، عيشو اللحظه كأنها آخر لحظه ليكو مع بعض ، و سيبو الزعل علي جنب عشان مش هيفيد بحاجه يا جميل ♡