رواية روح الزين قدري الفصل الاول
كان الوقت متاخر على الساعه 12 منتصف الليل
وكان فيه بنت بتجرى وشابين بيجروا وراها وهى خايفه ومش قادرة بس مينفعش تقف وبتحاول تاخد نغسها وهى بتجرى ومكمله جرى وفجاه ظهرت عربيه قدامها
البنت: اعاااااا
ووقعت فى الارض والشابين اول ما شافوها وقعت طلعوا يجروا
سليم وهو مش مستوعب اللى حصل: هو اى اللى حصل
السواق: باين خبطنا حد
سليم بزعيق: طيب انزل شوف حصل اى
السواق: حاضر يا بيه
ونزل السواق يشوف اى اللى حصل لقيها مرميه فى الارض فضل يفوق فيها
السواق: يا انسه... يا انسه... قومى الله يخليكي... قومى يا بنتى... يا انسه
سليم نزل من العربيه: بتعمل اى كل ده
السواق بخوف: يا بيه باين خبطنا الانسه وهى مش راضيه تفوق
سليم: طيب مستنى اى هاتها ناخدها على المستشفى بسرعه
السواق: حاضر يا بيه وشالها وحطها فى العربيه وطلعوا بيها على المستشفى
~~~~~~~~
فى المستشفى
سليم: ها يا دكتور فيها اى
الدكتور: مفيهاش حاجه هى كان مغمى عليها بس ودلوقتى فاقت
سليم:طيب ينفع ادخلها
الدكتور: ايوا اتفضل وكمان هى هتخرج
سليم: تمام شكرا يا دكتور
~~~~~~~
فى الاوضه
سليم:الدكتور قال انك كويسه مفكيش حاجه
روح: ايوا اصل العربيه مخبطتنيش بس انا اتخضيت فاغمى عليا
سليم: طيب ما هتروحي
روح: ها اه طبعا هروح
سليم: طيب تعالي اوصلك
روح: لا شكرا اتفضل انت وانا هروح لوحدي
سليم:يلا انا مش بعيد كلامى انا هسبقك
وخرج وسابها
روح: اى الراجل ده.. بس الحمدلله انه هيوصلنى عشان محدش يطلعلى تانى
وقامت روح خرجت من الاوضه
~~~~~~
طول الطريق كان الصمت هو سيد المكان لحد ما وصلت روح الشارع بتاعهم
روح: بس هنا عندك
روح لسليم: شكرا
سليم: العفو
ونزلت روح من العربيه والسواق مشى
~~~~~
فى بيت روح
دعاء: اخرتى كده ليه يا حبيبتى
روح: معلش يا ماما اصل كان فيه شغل كتير ولما خلصت وكنت جايه ملقتش مواصلات
دعاء: طيب وجيتى ازاى
روح: بكره هحيلك عشان تعبانه اوى وهموت وانام
دعاء: طيب ما هتاكلى
روح باست مامتها من خدها وقالت: لا تصبحي علي خير
دعاء: وانتى من اهله
««««««««««
دخلت روح اوضتها وكانت بتغير عشان تنام وهى بتقعد فى السرير وبتشد البطانيه عليها
روح:الحمدلله ان العربيه طلعت فى وشى الله اعلم كان ممكن عملوا فيا اى الحيـ وانات دول الحمدلله والشكر ليك يارب
ونامت
««««««««««««««
وياتى صباح اليوم التالي
دعاء: يلا يا روح قومى عشان متتاخريش على الشغل
روح بنوم: حاضر... ماشى
دعاء: قومى يا روح بدل ما تترفدى منه هو كمان
روح: قومت اهو صباح الخير
دعاء: صباح النور يلا قومى غيرى هدومك عقبال لما اجهز الفطار
روح: حاضر يا ماما
ودلفت روح الى المرحاض ادت روتينها اليومى ولبست ملابسها المكونه من بنطلون جينز اسود وتيشيرت اسود وچاكت ازرق
بالمرة نتعرف على روح
(روح عندها 23سنه بشرتها بيضه اوى وعينها سودا وشعرها بنى فاتح بنت بسيطه عايشه مع امها واخوها الصغير والداها اتوفى من خمس سنين وهى اللى بقت شايله الحمل من بعده وبدات تشتغل من بعد ما مات بس مش بتكمل فى الشغل 3شهور على بعض لانها بتترفد لأسباب بقى ملناش دعوه بيها) نرجع لقصتنا بقى
روح خلصت لبس وخرجت تفطر
وليد: صباح الخير يا روح
روح: صباح النور يا حبيبى
(وليد اخو روح عنده سبع سنين)
دعاء: ها بقى جيتى ازاى امبارح
روح سكتت وبتفكر بينها وبين نفسها تقولها اى
روح: ينهار مش فايت لو قولتلها اللى حصل هتخاف عليا ومش هنزل اشتغل تانى وكده مش هينفع عشان مش هنعرف نعيش
دعاء: روح... روح
روح: نعم
دعاء: بقولك جيتى ازاى امبارح
روح: فضلت ماشيه شويه وبعدين لقيت تاكسى ركبته وجيت
دعاء: روح بلاش كدب
روح بابتسامه: يا ماما يا حبيبتى هكدب عليكى ليه انا قولتلك اللى حصل ويلا بقى سلام عشان ماخرش
وقامت دخلت الاوضه تجيب فونها وشنطتها بس مكنتش لقياهم
روح: ماما امال فين شطنتى وتليفونى
دعاء: معرفش
روح: ازاى وافتكرت انها امبارح دخلت من غيرهم البيت
روح: ماما هو انا لما رجعت كنت لابسه الشنطة
دعاء:باين لا اصل مخدتش بالى
روح: طيب هاتى تليفونك دقيقه
دعاء: جوه فى الاوضه
روح دخلت اوضه مامتها وخدت الفون ورنت على فونها
روح بلهفه: الو لو سمحت التليفون ده بتاعى
الشخص:..........
ووو
يتبع....
بدل ماتدور وتبحث علي الروايات خليها علي تليفونك وحمل تطبيقنا
