Ads by Google X

القائمة الرئيسية

الصفحات

رواية روح الزين قدري الفصل العاشر 10 بقلم شهد الشيخ


رواية روح الزين قدري الفصل العاشر

ياتى اليوم التالى 

وكان زين قد استيقظ من النوم وهاتف لطفى واخبره بالذهاب الى المطار ومن ثم ذهب لكى يركض 

«««««««««««

فى مكان اول مرة نروحوا

ياسمين: صباح الخير يا ماما صباح الخير يا بابا

الاب والام: صباح النور 

عزه: اى اللى مصحيكى بدرى كده 

ياسمين: هنزل ادور على شغل 

جمال: طيب وصاحيه بدرى كده ليه

ياسمين: عشان افطر والحق اجهز 

جمال بحزن: ربنا يفتح فى وشك الابواب المقفوله ويرزقك والله يا بنتى مكنتش احب اشوفك متبهدله كده بس غصب عنى

ياسمين حضنته وقالت: ليه بقى هتزعلنى منك انت شيلتنى وانا صغيرة وجه الدور عليا اشيلك انت وماما وبعدين يا حج انا اشتكيتلك

عزه: ربنا يخليكى لينا ويباركلنا فيكى

ياسمين: ويخليكوا لي

(ياسمين. عندها  23 سنه قد روح يعنى بشرتها باللون الخمرى وعينها خضرا وشعرها بنى وعمرها ما اشتغلت دى اول مرة ليها عشان والدها عمل حادثه من شهر وهو دلوقتي قاعد على كرسى متحرك وخلال الشهر ده كانوا بيصرفوا من فلوس المكافاه اللى والدها خدها بس هى قررت تنزل تشتغل) 

««««««««««««««

فى شقه روح 


دعاء: روح قومى... يلا يا روح

روح بنوم: حاضر قايمه

دعاء: يبنتى انتى كل يوم لازم تغلبينى كده قومى يلا

روح قامت وقالت: ولا اغلبك ولا تغلبينى قومت اهو 

دعاء: طيب انا هخرج احط الفطار عقبال لما تخلصى 

روح: تمام

وقامت روح راحت الحمام 

««««««««««««

فى بيت زين

كان زين رجع من برا ودخل خد شاور ولبس ونزل يعمل فطار وقبل ما يدخل المطبخ جرس الباب رن وزين اتجه ناحيته وفتح الباب

غدير بفرحه: زين وحشتنى اوى 

وحضـ نته وباسـ ته من خده

زين:تعالى ادخلى 

دخلت غدير بشنطه سفرها وقالت

غدير: البيت زى مهو متغيرش

زين: عامله اى يا غدير

غدير: الحمدلله بخير وانت اخبارك اى

زين: بخير هدخل اعمل فطار هتاكلى معايا

غدير: ماشى بس هاجى اساعدك

ودخل زين وغدير يعملوا فطار سوا

«««««««««««««

روح خلصت فطار وخرجت راحت الشركه ووصلت طبعا قبل زين مهى خلاص اتعودت والبت مش ناقصه يعاقبها تاني 

فى شركه Ze

عدى: صباح الخير على اجمل روح

روح: صباح النور 

عدى:تعرفى احلى حاجه حصلت فى الشركه دى انك اشتغلتى فيها

روح: يا راجل 

عدى بضحك: اه والله زى ما بكلمك

روح ضحكت وقالت: طيب يا سيدى شكرا بس قولى اى اخبارك مع داليا

عدى: العادى مفيش جديد 

روح: يبنى اسمع منى وابعد عنها انت مش بتحبها وهى مش مناسبه ليك اصلا 

عدى ضيقه عينه وقال: رايك كده 

روح بضحك: طبعا

عدى بضحك: على بركه الله هروح اطلب ايدها 

روح ضحكت وعدى قال: هروح بقى اشوف شغلى سلام

روح: سلام

««««««««««««««

فى بيت زين

زين: انا همشى بقى عشان اتاخرت على الشغل ولو عوزتى حاجه كلمينى 

غدير: زين انا عايزة اجى معاك الشركه مش عايزة اقعد لوحدي 

زين: الشركه مكان للشغل يا غدير مش ملاهى 

غدير بدلع: عشان خاطرى يا زين خدنى معاك النهارده وبس

زين اتنهد وقال: غدير انتى لازم ترتاحى انتى لسه جايه من السفر

غدير: لا انا مش تعبانه يلا بقى وافق

زين: يلا طيب 

غدير ابتسمت وقـ بلت زين من خده

«««««««««««««««

فى شركه Ze 


زين كان داخل وغدير ماشيه معاه والكل باصصلهم وعمالين يتكلموا لحد ما وصلوا المكتب 

زين وهو ماشى: صباح الخير 

روح:صباح النور

روح وياترى مين دى كمان 

««««««««««««««

فى مكتب داليا 

مى فتحت  بسرعه الباب ودخلت

داليا بعصبيه: انتى ازاى تدخلى كده

مى: مش وقته عندى ليكى حتت خبر

داليا بفرحه: اى روح اترفدت

مى: ياريت ده لازقه 

داليا: امال فيه اى

مى: غدير وصلت ولسه داخله مع مستر زين المكتب

داليا بصدمه: اى ودى اى اللى جابها

مى: معرفش

داليا: طيب روحى انتى دلوقتى على مكتبك  

مى:حاضر 

وخرجت وداليا قامت خرجت بعدها 

«««««««««««

روح: انتى رايحه فين

داليا: وانتى مالك

روح: ده شغلى ومينفعش تدخلي الا لما ابلغه الاول

داليا بضيق: بلغيه انا مستنيه اهو 

وروح كلمت زين وقالها تدخلها 

روح بابتسامة صفرا: اتفضلى

داليا سابتها ومشيت وبعد ما خبطت وزين اذن ليها دخلت 

داليا بابتسامة:لما عرفت انك هنا مصدقتش خالص وقولت لازم اجى اتاكد وحشتيني اوى

غدير بابتسامة: وانتى كمان وحشتينى 

وحضنوا بعض 

داليا: مصر نورت بقالك كتير اوى منزلتيش 

غدير: ايوا فعلا بقالى سنتين مجتش مصر بس خلاص قررت المرة دى استقر فيها 

وبصت على زين اللى كان مركز فى شغله ورجعت بصت لداليا

داليا: انتى صفيتى كل حاجه هناك ونقلتى شغلك هنا

غدير: لا لسه شويه انا نزلت بس اجازة  ولو حصل اللى فى بالى ان شاء الله المرة جايه هنقل كل حاجه 

داليا:اه... طيب اى رايك تيجى نقعد فى مكتبى عشان متعطليش زين عن الشغل 

غدير:لا متخفيش مش عملاله قلق انا هفضل معاه

داليا بابتسامة: ماشى هروح انا مكتبى هشوفك تانى ماشى

غدير: ان شاء الله 

وخرجت داليا وفور خروجها تغيرت ملامحها الى غضب وقالت بخفوت: هى كانت نقصاكى مش عارفه انا اى اللى رجعك ومشيت راحت مكتبها 

«««««««««««««

روح كانت قاعده بتشتغل وعقلها بيفكر فى غدير وعايزة تعرف هى مين وجايه ليه هنا وقررت تعرف مين اللي جوه دى بنفسها فقامت راحت لوحداه فى الشركه معاهم

روح:بسمه 

بمسه: اى يا روح 

روح: تعرفى مين اللي كانت داخله مع مستر زين دى

بسمه: ايوا دى غدير 

روح: عرفتها انا كده مين غدير دى وتعرفه منين

بسمه: دى حبيبه مستر زين بس هى مش قاعده فى مصر وكان بقالها فتره طويله مش بتنزل مصر وباين انها لسه واصله النهارده

روح بحزن حاولت تخفيه: حبيبته!

بسمه: ايوا بس الغريبه اى اللى رجعها

روح:انتى مش بتقولى حبيبته يبقى اكيد راجعه عشانه

بسمه: يبنتى هى ومستر زين سابوا بعض من سنتين ومن ساعتها هى مجتش خالص وكلنا مستغربين هى ليه رجعت 

روح: افرضى رجعوا لبعض

بسمه: لا لو كان حصل كنا عرفنا مفيش حاجه بتستخبى هنا

روح:دلوقتي هنعرف اذا كان رجعوا ولا لسه منفصلين 

روح: فى سرها يارب يكونوا منفصلين

بسمه: بس انتى بتسالى ليه

روح: عشان اول مرة اشوفها وكنت عايزة اعرف هى مين اسيبك واروح اكمل شغل يا ساتر عليكى رغايه اوى

وسابتها ومشيت وسط صدمتها

««««««««««

فى مكتب روح

روح بفرحه: بتقول كانوا منفصلين يارب يكونوا لسه منغصلين.... روح اهدى كده واعقلى انتى مالك اصلا اذا كانوا منفصلين ولا لا خليكى فى الشغل اللى جايه تعمليه وبس

««««««««««««

فى مكتب زين


زين فى الفون


زين: ازيك يا مستر منصور

منصور: الحمدلله بخير انت اخبارك اى

زين: بخير ها اخترتوا مين

منصور:اخترنا شركه K&S شغلهم عجبنا اوى 

زين: تمام مغيش مشاكل

منصور: ان شاء الله نتقابل فى شغل قدام

زين: ان شاء الله مع السلامه 

فل وحط ايده على وشه 

غدير: مالك يا زين

زين: مفيش حاجه 

«««««««««««««

فى مكتب روح

عدى: روح بحق غدير جت؟ 

روح: ايوا جت واهى جوه مع الاستاذ 

عدى: استنى بس انتى تعرفيها منين

روح:من الكلام اللى فى الشركه انت عارفهم مش بيستروا ابدا 

عدى ضحك وقال: عندك حق

روح: انت جاى تسالنى وانت عارف انى معرفهاش طيب ازاى

عدى: مجاش فى بالى انك متعرفهاش غير لما قولتى انها جوه

روح: اممم طيب هتدخل ولا هتعمل اى

عدى: لا هروح مكتبى اصل بينى وبينك انا وغدير مش متفاهمين اوى

روح ضحكت وعدى قال: سلام يا قمر

(غدير عندها 28 سنه طويله وبيضه وعينها عسلى وشعرها بنى فاتح دكتورة وعندها مستشفى والدها اللى عملهالها وهى قاعده فى امريكا وكانت بتنزل مصر عشان زين بس من ساعه ما انغصلوا وهى منزلتش الا دلوقتي وهنعرف هى نزلت ليه بس قدام) 

««««««««««««««

ياتى الليل وجميع من بالشركه يذهب وغدير تذهب مع زين الى المنزل 


فى الطريق 


ياسمين:يلهوى رجلى هتموتنى وياريت جه بنتيجه كلهم دلوقتي بقوا مش عايزين موظفين 

وهى تقطع الطريق وتكلم فى نفسها

ياسمين: اعااااااا ووقعت فى الارض 

عدى فضل مصدوم لثوانى وبعدين فاق من صدمته ونزل يشوفها

عدى: يا انسه... يا انسه فوقى.. هى مش بترد ليه لاحسن تكون ماتت 

وحط ايده ناحيه مناخيرها لقيها بتنفس 

عدى زفر براحه وقال: الحمدلله لسه عايشه لما اخدها للمستشفى

وشالها حطها فى العربيه وراح المستشفى 

««««««««««««««

فى المستشفى 

عدى: ها يا دكتور حصلها اى

الدكتور: الحمدلله جت سليمه الخبطه مكنتش جامده بس حصلها شويه كدمات فى دراعها وراسها اتفحت بس خيطهالها 

عدى: طيب ممكن ادخل اشوفها

الدكتور: اه ممكن بس حضرتك مش هتعمل محضر فى اللى خبطها

عدى بتوتر: ل لا اصل انا مشوفتش رقم العربيه والحمدلله انها بخير

الدكتور: تمام بعد اذنك 

عدى: اتفضل 

الدكتور مشى وعدى دخلها لقيها نايمه راح ناحيه السرير وقف جنبه وفضل باصص عليها وسرح فى ملامحها وفاق على صوتها وهى بتتاوه

ياسمين: اه.. اه دماغى.. انا فين

عدى: انتى فى المستشفى حمدلله على سلامتك

ياسمين:انت مين 

عدى باحراج: احم انا اللى خبطتك

ياسمين بغضب: اه يا ابن المؤ*ذيه وليك عين تقف قدامي دانا هوديك فى ستين داهيـ ه يا بوليس

عدى حط ايده على بوقها 

وقال

عدى: اسكتى يخـ ربيتك وبعدين ده جزاتى انى مرضتش اسيبك مرميه وجبتك المستشفى 

ياسمين كانت بتحاول تتكلم بس مش عارفه عشان ايد عدى وعدى لما خد باله شال ايده بسرعه

ياسمين بعصبيه: اه مهو ده اللى كان ناقص تسبنى سا"يحه فى د"مى وتهرب دانا هوديك فى ستين داهـ يه هعمل فيك محضر وهرفع عليك قضيه

عدى بمقاطعه: اى كل ده ليه بدل ما تحمدى ربك ان محصلكيش حاجه وبعدين الدكتور قال ان الخبطه مكانتش جامده يبقى لازمته اى ده كله

ياسمين: امال  راسى بتوجعنى ليه والكدمات اللى فى دراعى دى شايف ولا اجبلك نضاره انا مستحيل اتنازل عن حقى 

عدى: طيب اهدى بس يا انسه وانا هعملك اللى انتى عايزاه بس بلاش البوليس 

ياسمين: ابدا عشان تاخد بالك بعد كده من الطريق 

عدى بعصبيه: على فكره بقى انتى اللى كنتى ماشيه مش واخده بالك من الطريق يعنى ده غلطك انتى 

ياسمين شهقت وقالت: وكمان بتكدب يعنى غلطان وكنتى هتموتنى وبتكدب هى عربيتك مقويه قلبك كده ومخلياك تمشى تدوس الناس وتكدب 

عدى بصدمه: ا انتى بتقولى اى

ياسمين: اللى سمعته يا كداب 

عدى اتنهد وقال: انتى عايزة اى دلوقتي 

ياسمين: احبسك

عدى: بصى شيلى من دماغك الفكره دى واطلبى اى حاجه تانيه وانا هعملهالك

ياسمين سكتت شويه وبعدين قالت: انت شغال اى

عدى: عارفه شركه Ze للازياء

ياسمين: ايوا طبعا 

عدى: صاحب الشركه يبقى صاحبي وانا شغال معاه يعنى تقدرى تقولى مدير للشركه معاه 

ياسمين: حلو انا عايزة اشتغل 

عدى: نعم

ياسمين: اللى سمعته

عدى كان لسه هيتكلم بس افتكر انهم عايزين موظف خدمه 

عدى: موافق بس هتشتغلى موظفه خدمه

ياسمين: ودى بتعمل اى

عدى: بتقدم الشاى والقهوه وبتعمل كل اللى بيطلب منها 

ياسمين: مفيش غير الوظيفه دى

عدى: للاسف مفيش غيرها

ياسمين: وانا موافقه هاجى امتى

عدى: بكره الساعه تمنيه 

ياسمين: ماشى يلا بقى نمشى وهتوصلنى

عدى:نعم وده ليه

ياسمين: مش خبطتنى وانا دلوقتي تعبانه لازم بقى تستحمل غلطتك 

عدى بخفوت طلعتلى منين دى بس

ياسمين: بتقول اى

عدى زفر وقال: موافق يلا

ياسمين: يلا

«««««««««««

فى بيت زين


زين قام وقال: انا هطلع انام عايزة حاجة 

غدير: ايوا خليك قاعد شويه كمان 

زين: مش هينفع يا غدير انا عندى شغل الصبح 

غدير: خلاص براحتك 

زين: تصبحى علي خير 

غدير: وانت من اهله

»»»»«««««««««««««

فى شقه روح 

وفى غرفه روح تحديدا

كانت روح بتتقلب على السرير ومش عارفه تنام 

روح: اوووف بقى اى الليله اللى مش فايته دى.... كل ده من تفكيرى لازم ارحم نفسى شويه انا مالى انا اذا كانت حبيبته ولا لا... ولا ممكن يكون لسه بيحبها ويرجعلها ولا لا.... اوووف انا كان مالى ومال الشغل...

عقلها: حبتيه يا روح

قلبها: لا طبعا 

عقلها: انتى بتضحكى على مين بالظبط

قلبها: يمكن يكون اعجاب بس حب لا لا اكيد لا

روح:اتخـ دمى بقى عندك شغل بكره

ونامت روح 

»»«««««««««««««

عند عدى وياسمين 

ياسمين: بس هنا 

عدى: بيتك فى انهى شارع فيهم

ياسمين: فى الشارع ده 

وشاورت على شارع فى الجنب من ناحيتها

عدى: تمام عايزة حاجة تانى

ياسمين: لا شكرا سلام 

ونزلت وعدى مشى

«»««««««««««««

فى بيت ياسمين 

ياسمين: السلام عليكم 

جمال وعزه: وعليكم السلام ورحمة وبركاته 

جمال بقلق: اخرتى كده ليه يا بنتى 

ياسمين:اصل مكنتش لاقيه شغل بس الحمدلله لقيت

عزه: يلهوى اى ده يا ياسمين مالك دراعك 

ياسمين: لا دى حادثه خفيفه الحمدلله انها جت ع قد كده 

جمال بخوف: حادثه اى

ياسمين: واحد خبطنى وودانى المستشفى وهتشغل عنده بس 

عزه: مين ابن المؤ"ذيه ده وبعدين انتى وافقتى بدل ما توديه فى ستين داهيه رايحه تشتغلى عنده افرضى كان بعد الشر حصلك حاجه كان هينفعك الشغل بتاعه 

ياسمين: والحمدلله محصلش وبعدين انا تعبت من اللف طول اليوم وملقتش شغل وربنا حطه فى طريقى عشان يكون سبب شغلى 

جمال بحزن: انا اسف يا بنتى

ياسمين: قولتلك يا حج الف مرة بلاش الكلام ده والله بيزعلنى

جمال:وانا ميرضنيش زعلك 

عزه: هتشتغلى اى يا ياسمين وفين

ياسمين: شركه لازياء الموضه هشتغل موظفه خدمه هساعد يعنى كل اللى هناك واعمل اللى يقوله عليه

عزه: ربنا يعينك 

ياسمين: يارب

««««««««««««««««

تانى يوم فى شركه Ze

روح:وفيه عشاء عمل مع شركه.........*فى مطعم.........  *

زين: تمام روحى بقى شوفى شغلك

«««««««««««««

سعاد: مستر عدى موصى عليكى يعنى حضرتك اتقبلتى اصلا 

ياسمين بفرحه: شكرا اقدر ابدا شغل امتى

سعاد: من دلوقتي لو تحبى

ياسمين: احب طبعا بس ممكن تفهمينى اعمل اى

سعاد:تمام تعالى معايا 

««««««««««

سعاد: وده بقى يا ستى اخر مكان ده مكتب مستر زين وروح السكرتيرة بتاعته

ياسمين باستغراب: هما الاتنين قاعدين فى مكتب واحد؟! 

سعاد: لا انتى تدخلى من الباب ده هيدخلك على مكتب روح وجوه هتلاقى باب مكتب مستر زين

ياسمين بتفهم: اه فهمت

سعاد: كويس يلا بقى روحى شوفى شغلك

ياسمين: حاضر

وبعد عدت ساعات 

عدى فى الفون: ياسمين هاتيلى قهوة 

ياسمين: ثوانى وهتكون عند حضرتك

وبعد دقايق دخلت ياسمين بالقهوة

ياسمين: اتفضل

عدى: شكرا 

ياسمين: عايز حاجه تاني 

عدى: اللى يشوفك دلوقتي ميشوفكيش امبارح وانتى بتزعقى

ياسمين: اصل ده مكان شغلى مينفعش اعمل فيه غلط بس والله لو حد هنا فكر يرخم عليا هزعله اوى

عدى بضحك:ايوا هى دى ياسمين اللى قابلتها

ياسمين ابتسمت وقالت: بعد اذنك وسابته وخرجت

عدى فضل قاعد سرحان فى ضحكتها وقد اى هى جميله 

««««««««««««

ليلا فى مطعم........*

زين:بس الكلام ده مش عاجبنى

محمود: طيب حضرتك عايز اى

زين كان هيتكلم بس لفت انتباهه بصت واحد قاعد معاهم لروح 

زين:هو الاستاذ بيبص على اى

خالد باحراج: ولا حاجه 

زين: طيب ياريت تركز معانا شويه 

وقعدوا يتكلموا فى الشغل وهو واخد باله من عيون خالد اللى منزلتش من على روح 


زين بضيق:روح اخرجى استنى برا فى العربيه

روح: ليه فى حاجه 

زين بكز على سنانه: اخرجى وانتى ساكته

روح: حاضر

 وقامت تخرج بس وقفها خالد

خالد: انسه روح 

روح: نعم

خالد: حضرتك مش مرتبطه مش كده برضو 

زين بغيظ: وانت مالك مرتبطه ولا لا

خالد باحراج: انا بسال بس اصل مش شايف دبله فى ايدها وكنت بفكر اننا نتعرف 

زين بكز على سنانه: روح مش بتتعرف وبعدين مش عيب اللى بتقوله ده

خالد: مش قصدى حاجه وحشه والله انا كنت بفكر نتعرف عشان اخبطها اصل بصراحه هى عجبتنى اوى

زين مقدرش يستحمل اكتر من كده 

قام ومسك ايد روح وقال

زين: الاجتماع اتلغى ولما تبقوا تشغلوا ناس معاكوا محترمين يبقى كلمونى

وخدها وخرجوا ركبوا العربيه ومشيوا 

«««««««««

فى العربيه

روح: مستر زين حضرتك كويس

زين: ايوا يا روح كويس

روح سكتت ومنطقتش بكلمه تانى 

»««««««««««««

فى بيت زين 

زين كان جاى رايح فى الاوضه بتاعته بغيظ وغضب

زين: قال يتعرف عليها ولا كمان عجبته 

وكور ايده وخبطها فى الحيطه بغضب

«««««««««««

فى الشركه تانى يوم 

زين: روح احجزى اوضتين فى فندق.......* اللى فى الغردقه ليا ولداليا عشان رايحين نحضر المؤتمر 

روح بحزن: تمام 

وكانت خارجه وقفها صوت زين


زين: مالك يا روح

روح: مالى! مفيش حاجه 

زين: اصل حسيت انك زعلانه 

روح: لا انا كويسه بعد اذنك 

زين: تمام اتفضلى

«««««««««««««««

فى مكتب روح

روح بغيظ: ااااه بقى هيسافر هو وداليا هيقعدوا يومين لوحدهم هناك

ياسمين: الشاى بتاعك يروح

روح وهى مكشرة: شكرا يا ياسمين 

ياسمين: مالك

روح :مغيش  

ياسمين: متخفيش يروح واعتبرينى زى اختك 

روح بغيظ: مستر زين هيسافر هو وداليا الغردقه لوحدهم

ياسمين: هيسافروا ليه

روح: هيحضروا مؤتمر هناك 

ياسمين: طيب فين المشكله 

روح:داليا  بتحب مستر زين وبتحاول تبعد عنه اى واحده عشان يبقى ليها ودى فرصه حلوة اوى ليها انها تسافر معاه يومين لوحدهم

ياسمين بعدم فهم: معلش برضو فين المشكله عشان مش فاهمه؟ 

روح بغيظ: المشكله انها هتروح معاه والله اعلم ممكن تعمل اى وتستغل الفرصه دى ازاى 

ياسمين ضيقت عينها وقالت: وانتى مالك بيهم ولا يمكن غيرانه عليه

روح بغضب: اغير عليه ليه وبعدين مين ده عشان اغير عليه ده واحد ميتعاشرش اصلا وبعدين انا غلطانه عشان حكتلك امشى يلا

ياسمين وهى بتضحك: خلاص خلاص متزعليش مش غيرانه 

روح: خلاص امشى بقى

ياسمين: استنى بس انتى عايزة داليا متروحش مع زين 

روح: ايوا 

ياسمين ابتسمت وقالت:لا واضح

روح: هو اى 

ياسمين: متخديش فى بالك المهم اى رأيك تروحي انتى

روح: ده ازاى

ياسمين:اممم هروح اشوف شغلى دلوقتي وهغكر هنعمل اى وهقولك

روح: طيب متاخريش عليا عشان دول هيمشوا بكره 

ياسمين: متقلقيش مش هتروح يلا بقى سلام

روح: سلام 

«««««««««««««

كانت ياسمين فى الارشيف بتنظم الملفات بتاعت الشركه 

عدى:ياسمين عايز ملف صفقه.....*

ياسمين: حاضر ثوانى وجبته ومدت ايدها تدهوله وهو بياخده ايده لمست ايدها ف ياسمين اتوترت وشدت ايدها بسرعه

عدى: مالك

ياسمين بتوتر: م مفيش حاجه 

عدى: تمام سلام 

وخرج 

ياسمين: مالى اتوترت كده ليه 

وبعد وقت من العمل 

«««««««««««

فى مكتب روح

غدير: زين جوا

روح: ايوا يا فندم 

غدير: ماشى 

وكانت داخله بس روح وقفتها

روح:انتى رايحه فين استنى لما اقوله الاول افرضى مشغول

غدير بصتلها من تحت لفوق وقالت: نعم! واى يعنى ادخله وهو مشغول 

روح بابتسامة صفرا: مينفعش اصل مستر زين مبيحبش حد يدخل عليه وهو مشغول بيتعصب وانا خايفه عليكي 

غدير: تمام قوليله 

روح: طيب ثوانى 

روح كلمت زين وقالها تدخلها

غدير: زين وحشتني اوى

زين:خير جايه ليه

غدير بمياعه: اخص عليك يا زين بقولك وحشتنى تقولى جايه ليه

زين: غدير انا مش فاضي انا عندى شغل كتير

غدير زفرت وقالت: جيت اشوفك يا زين وبصراحه قعدت البيت رخـ مه

زين: اخرجى روحى اى حته

غدير: مانا جتلك اهو

زين: ده مكان شغل مينفعش كل شويه تيجى

غدير: هو انت مش عايز تشوفنى ولا اى يا زين

زين زفر بقوه وقال: مش كده يا غدير بس بجد انا مش فاضي عندى شغل عايز اخلصه النهارده 

غدير:اشمعنا النهارده 

زين: عشان مسافر بكره 

غدير باستغراب: مسافر فين ومقولتليش ليه 

زين: واقولك ليه وبعدين انتى كنتى كده كده هتعرفى لانك عايشه معايا

غدير: طيب رايح فين وليه

زين: رايح الغردقه فيه مؤتمر هناك رايح احضره

غدير: طيب اجى معاك 

زين: انا رايح لشغل

غدير: هروح معاك وصدقنى مش هعطلك عن الشغل بس عشان مفضلش قاعده فى البيت لوحدي ولا اكون لوحدي هنا

زين: ماشى يا غدير

غدير: طيب اسيبك بقى عشان معطلكش اكتر من كده 

زين: ماشى 

غدير قامت وقالت: باى

زين: باى

«««««««««««««««

وبعد نص ساعه

فى مكتب روح

طق طق

روح: ادخل

ياسمين: لقيتها يا روح

روح باستغراب: هى اى! 

ياسمين: فكره هتخلى ياسمين متسافرش معاه وساعتها مش هيلاقى غيرك قدامه فـ هياخدك معاه

روح: طيب قولى 

ياسمين: احنا نسرق الباسبور بتاعها عشان متعرفش تسافر

روح رفعت جابها وقالت:ودى هنعملها ازاى

ياسمين: مفكرتش فيها بصراحه

روح: خطه فاشله يا ياسمين

ياسمين: ليه دى حلوة 

روح: ادام مش هنعرف نجيبه يبقى فاشله 

ياسمين: مهى لو هتيجى بكره الشركه قبل ما تمشى ساعتها هنعرف ناخده

روح: مش هتيجي هيمشوا من بيوتهم

ياسمين: تيجى نروح ناخده من بيتها

روح باستغراب: ياسمين انتى كويسه

ياسمين: مش وقت هزارك خالص اى رأيك فى الفكره 

روح: مش بهزر انتى اللى كلامك مش منطقى خالص لو اتقفشنا هنروح فى داهـ يه

ياسمين: انا بحاول اساعدك بس انتى اللى مش عايزة تساعدى نفسك انتى حره بقى 

روح: مهو كلامك ممكن يودينا فى داهـــ يه 

ياسمين: متخفيش خلى قلبك جامد ونروح نجيبه ونخرج من غير ما تحس ولا مين شاف ولا مين درى 

روح بقلق: ماشى امرنا لله خلينى ماشيه وراكى

ياسمين: صدقينى مش هتندمى بس المهم انتى عارفه بيتها

روح: لا

ياسمين: طيب هنعمل اى دلوقتي 

روح: مش مشكله انا هسال عدى على بيتها 

ياسمين: ماشى خلاص بعد الشغل بقى نروح

روح: تمام

*عادى يا جماعه روح وياسمين تفكيرهم وروحهم زي بعض عشان كده اندمجوا مع بعض بسرعه رغم ان ياسمين ده تانى يوم ليها*

 

ياسمين مشيت راحت لشغلها وروح راحت مكتب عدى 

«««««««««

فى مكتب عدى

عدى: طيب وانتى عايزاه ليه

روح: اصل مستر زين كان عايزنى اروحلها البيت اوديلها ورق تبع الشغل

عدى:طيب مهى هنا اديلها الورق 

روح: لا اصل لسه مستر زين مخلصش الورق ده

عدى ضيق عينه وقال: ورق اى ده

روح بتوتر: و ورق.. ورق

عدى: عايزة تعرفى بيتها ليه وبلاش الكدب بتاعك يا روح 

روح بزعل مصطنع: اخص عليك يا دودى انا امتى كدبت عليك عشان تقول كده وبعدين انا لسه معرفش ورق اى اللى هوديه

عدى: يلهوي اللى يشوفك وانتى بتتكلمى يقول ملاك مش بتكدب ابدا روح فاكره انتى كام مرة كدبتى عليا

روح بابتسامة:مرة واحده 

عدى بصلها ورفع حاجبه

روح: اتنين

عدى فضل باصصلها

روح زفرت وقالت: اووف خلاص كذا مرة ومش فاكره من كترهم قولى بقى العنوان 

عدى بابتسامة: بشرط

روح:قول

عدى: اعرف ليه عايزة العنوان

روح: بصراحه كده عايزة اروح اخد الباسبور بتاعها عشان متسافرش مع مستر زين 

عدى عينه وسعت من الصدمه وقال:وكمان حراميه يا روح

روح مسكت الورق اللى ع المكتب ورمته بغيظ وقالت: عمرى ما كنت كده والله دى فكره ياسمين

عدى: البت دى هتوديكى فى داهيه والله 

روح: ملكش دعوه قول بقى 

عدى: طيب مش عايزاها تسافر ليه؟ 

روح: عشان اليومين دول تكون هنا وانت بقى تخرج معاها وتحاول تقرب منها

عدى: كدبك مش مقنع

روح: بجد

عدى: ايوا والله 

روح: مش عارفه يا عدى بس مش عايزاها تروح وخلاص

عدى: لا يا روح مينفعش اللى هتعمليه ده

روح: وحياتى عندك قول وهتكون اول واخر مرة صدقنى

عدى باستسلام: ماشى يا ستى

««««««««««««««««««

روح بفرحه: عرفت بيتها يا ياسمين

ياسمين بابتسامة: كده يبقى مش فاضل اننا ننفذ بعد الشغل هنروح 

روح: تمام 

«««««««««««««««

بعد الشغل عند بيت داليا 

كانت روح وياسمين دخلوا جنينه البيت لان البيت كان مكون من دورين وحواليه جنينه وسور صغير حوالين الجنينه وفتحه كبيره للدخول منها من غير باب 

روح بخوف: ياسمين بلاش يلا نمشي 

ياسمين: روح بلاش خوف بعد ما جينا لحد هنا تقولى نمشى

روح: يا بنتى اكيد داليا جوا ولو شافتنا هنروح فى داهــ يه وهنترفض من الشركه وهندخل السجن وساعتها امى واخويا مش هيلاقى اللي يصرف عليهم و

قاطعتها ياسمين: بااااس اى كل ده اصلا داليا مش جوا انا سمعتها وهى بتكلم مى وبتقولها انها هتروح بعد الشغل تجيب لبس عشان السفر 

روح: طيب الحمدلله بس قوليلى هندخل ازاى

ياسمين: تعالى ورايا

وراحت روح ورا ياسمين ووصلوا للباب وياسمين بصت لروح

روح: ها هنعمل اى

ياسمين: مش عارفه مفكرتش فيها 

روح: قولتلك من الاول خطه فاشله يلا نمشى

ياسمين: ابدا مش هنستسلم تعالى ورايا

وفضلوا يدوروا ع مكان يدخلوا منه لحد ما لقيوا شباك مفتوح حته بسيطه

روح: اى الغباء ده هى عايزة تتسرق

ياسمين: يا ماما فى الحته اللى زى دى مفيهاش حراميه مش زي عندنا يلا بينا ندخل

وياسمين رفعت الشباك هى وروح ودخلوا منه 

ياسمين: بصى يا روح البيت حلو ازاى

روح: شوفت يختى يلا عشان متجيش واحنا هنا

ياسمين: اكيد حاجتها فى اوضه النوم بينا على فوق 

روح: يلا

وطلعوا دخلوا الاوضه واول ما دخلوا فضلوا يدوروا لكن ملقيوش حاجه وكانوا خلاص هيفتحوا اخر مكان فى الدولاب سمعوا صوت على السلم


روح: باين داليا رجعت هنعمل اى دلوقتي 

ياسمين: مش عارفه 

روح: يخربيتك قولتلك من الاول 

ياسمين: مش وقتك يا روح روح بصت ناحيه السرير وقالت

روح: تعالى نستخبى تحت السرير 

وراحوا استخبوا تحت السرير والباب اتفتح ودخلت داليا وفى ايدها شنط حطيتها على السرير وقالت بفرحه 

داليا: مش مصدقه بكره هسافر انا وزين لوحدنا بكره هيكون احلى يوم فى حياتى لازم بقى استغل السفريه دى واقرب منه اكتر عارفه انهم يومين بس.. بس فيهم هعمل اى حاجه عشان يكون قريب منى 

كل ده وياسمين وروح سامعين طبعا 

روح بغيظ فى سرها:كنت عارفه انك ناويه ع كده

ودخلت الحمام تاخد شاور وياسمين وروح اول ما سمعوا صوت المايه خرجوا من تحت السرير ونزلوا جرى وخرجوا مكان ما دخلوا عشان ميعملوش صوت لما يخرجوا من الباب 

««««««««««««

فى التاكسى 

ياسمين: الحمدلله عدت ع خير

روح بغيظ: بس برضو مجبناش الباسبور وكده هتسافر معاه 

ياسمين: طيب هنعمل اى حاولنا ومنفعش خلاص بقى 

روح بحزن: فعلا خلاص شكرا يا ياسمين انك ساعدتينى 

ياسمين:مفيش بينا شكر يا روح 

روح ابتسمت ليها وبس

««««««««««««««

تانى يوم فى شركه Ze


زين: صباح الخير 

روح بصدمه: انت بتعمل اى هنا

زين:انت! 

روح: قصدى حضرتك جيت ليه

زين: دى شركتى اجى وقت ما احب

روح:طبعا بس هو مش المفروض عندك طياره كمان ساعتين

زين: اصل ملخصتش شغل امبارح فقولت اجى اخلصه وامشى من هنا

روح: هى داليا جت هى كمان

زين: ايوا هى كمان جت تخلص شويه ورق محتاجه بس ليه فى حاجه 

روح بابتسامة: لا ابدا اتفضل

زين دخل وروح جريت ع ياسمين 

روح: ياسمين داليا جت ومستر زين قال هيمشوا من هنا واكيد داليا جايبه معاها حاجتها 

ياسمين بابتسامة: بتفكرى فى اللى بفكر فيه

روح بابتسامة: طبعا

ياسمين: طيب هنجيبوا ازاى

روح: هقولك

»«««««««««««««««

فى مكتب داليا

طق طق

داليا:ادخل

ياسمين: جبت لحضرتك القهوه بتاعتك

داليا: حطيها ع المكتب 

ياسمين وقفت جنبها وهى بتحطها هزت ايدها ووقعتها عليها

ياسمين شهقت

داليا بزعيق: انتى عاميه مش تفتحى

ياسمين: انا اسفه غصب عنى 

داليا بزعيق: اعمل اى باسفك ده 

ياسمين: تعالى طيب انضفه لحضرتك

داليا زقتها وقالت: اوعى غورى

وخرجت راحت الحمام 

ياسمين: لولا انى ممكن اترفد كنت عملت منك كفته

وخرجت وشاورت لروح وروح دخلت دورت فى الشنطه باعتها بتاعت الايد ولقيت الباسبور خدته وخرجت وكانت ياسمين واقفه برا بتراقب المكان اول ما خرجت مشيوا بسرعه

«««««««««««

فى الحمام

داليا: اووف اعمل اى دلوقتي ده باظ خالص... انا هخرج اجيب حاجه من الشنطه والبسها مقدميش حل غير ده 

وخرجت راحت جابت لبس من شنطه السفر ورجعت غيرت الفستان ولبست التاني وخرجت

««««««««««««

داليا: امسكى ده وديه الدراين كلين

ياسمين: حاضر 

وخدته ومشيت وداليا دخلت كملت شغل 

«««««««««««««

روح بابتسامة: و ادى الباسبور ورينى بقى هتسافرى ازاى 

بعد ساعه فى مكتب داليا 

زين:جاهزه يا داليا 

داليا: ايوا

زين: طيب اكدى ع حاجتك من هنا لتكوينى ناسيه حاجه عشان ميحلصش زى السفريه اللى فاتت لما نسيتي الباسبور ورجعتى انتى وعدى تدوروا عليه

داليا: تمام ثوانى

وفتحت الشنطه تاكد ع حاجتها ملقكيتش الباسبور اتصدمت وفضلت تدور وفضت الشنطه كلها ع المكتب 

زين: فيه اى

داليا: مش لاقيه الباسبور 

زين: طيب ما يمكن نستيه فى البيت زى المرة اللي فاتت 

داليا: لا انا متاكده انى حطيته هنا 

زين: طيب دروى براحه 

وفضلت تدرو وفتحت شنطه السفر برضو مش لاقياه 


زين: اخرنا يا داليا 

داليا: مانا مش لاقياه يا زين اعمل اى

زين زفر بضيق وقال: خلاص يا داليا اقعدى انتى بلاش تسافرى 

داليا: لا ازاى انا هروح البيت اشوفه ومش هاخر

زين:احنا اخرنا اصلا

داليا: معلش يا زين هروح لحد البيت هشوفه وهاجى بسرعه ويبقى نروح بالعربيه

زين مسح ع وشه بضيق وقال: روحى بسرعه 

خرجت داليا راحت البيت وزين رجع مكتبه

روح: مستر زين حضرتك رجعت ليه الطياره فاضل عليها نص ساعه 

زين: داليا مش لاقيه الباسبور بتاعها وراحت تشوفه فى البيت روح: طيب وهتروحوا ازاى دى الطياره خلاص مفاضلش عليها كتير

زين: لما اشوف الاول اى مشكله الباسبور دى وبعدين اشوف هنروح ازاى

وفجاه فون زين رن

زين: الو

غدير: اى يا زين انت فين كل ده الطياره فاضل عليها نص ساعه

زين: لا مش هقدر اجى دلوقتي هبعتلك عمو لطفى يجيبك من المطار ويروحك

غدير: ليه فيه اى انت مش هتسافر

زين: لا هسافر بس حصلت مشكله مع داليا هنحلها ونسافر ع طول

غدير: مشكله اى دى

زين: غدير مش وقتك سلام

وقفل المكالمه

روح: هى غدير رايحه معاكوا

زين بصلها ورفع حاجبه وقال: وده يخصك فى اى

روح باحراج: احم انا اسفه انى سالت 

زين: رايحه معانا يا روح

روح ببرود: ميخصنيش مكنتش مجبر تقولى

زين بصلها بغضب ودخل مكتبه

روح بابتسامة: لما نشوف بقى هتروحى ازاى يا داليا 

«««««««««««««««

عدت ساعه 

فى مكتب زين

زين: اى يا داليا لقيتيه

داليا بحزن: لا 

زين: خلاص مش مهم خليكى انتى 

داليا: مش هينفع تروح لوحدك

زين: انا هتصرف سلام 

وقفل قبل ما ترد عليه وخرج من مكتبه 

زين: روح شوفى اول طياره رايحه الغردقه هتطلع امتى

روح: حاضر

وبالفعل اتصلت بيهم وعرفت اول طياره هتقوم امتى

روح: هتقوم الساعه اربعه 

زين: حلو احجزلنا عليها تلاته

روح: هى استاذة داليا لقيت الباسبور

زين: لا ملقتهوش انتى اللى هتطلعى معايا مش عندك باسبور برضو

روح بابتسامة: ايوا عندى 

زين: طيب يلا احجزلنا عليها وروحى جهزى حاجتك وانا هتصرف عشان تسافرى معانا 

روح بفرحه وابتسامه: هوا

زين: طيب يلا عشان اوصلك

روح: بلاش تتعب نفسك انا هروح لوحدى

زين بحده: يلا يا روح

««««««««««««

روح نزلت مع زين ووصلها للبيت  وقالها انه هيستناها لحد ما تخلص بس متاخرش وروح طلعت 


روح: السلام عليكم 

دعاء: وعليكم السلام ورحمة الله وبركاته اى اللى جابك دلوقتي 

روح: رجعت اجهز هدومى عشان مسافره الغردقه  هحضر مؤتمر هناك مع مستر زين

(دعاء عارفه زين لان روح كانت بتحكلها عنه) 

دعاء: طيب هتقعدى قد اى هناك

روح: يومين بس هسافر النهاردة هاجى بعد بكره الصبخ

دعاء: طيب خلى بالك من نفسك يا روح

روح: حاضر هدخل بقى اجهز حاجتى عشان ماخرش

ودخلت اوضتها وجهزت وكانت خارجه بس وقفها رنين الفون


روح: اى يا ياسمين

ياسمين: انتى فين انا دخلتلك المكتب ملقتكيش روحتى فين

روح: اه معلش نسيت اكلمك اصل انا دلوقتي فى البيت بجهز شنطه سفرى عشان مسافره 

ياسمين بفرحه: يعنى نجحنا.. طيب هاتيلى بقى وانتى جايه اى هديه من هناك بس تكون حاجه شكلها حلو

روح: من عنيا سلام بقى عشان مستر زين تحت ومش عايزة اتاخر

ياسمين: ماشى سلام

وقفلت معاها 

ياسمين: والله البت دى عندها مشاعر من ناحيته

عدى: ياسمين

ياسمين لفت ليه:نعم

عدى:عملتوا اى امبارح

ياسمين: عملنا! قصدك اى

عدى: روح قالتلى ع كل حاجه فانجزى عملتوا اى وازاى دخلتوا وخدتوا الباسبور

ياسمين: اممم اى رايك توصلنى بعد الشغل واحكيلك

عدى بابتسامة: ماشى يا اخرة صبرى

ياسمين: اتغقنا اروح اشوف شغلى بقى وانت ع مكتبك يلا

««««««««««««««

فى بيت زين

زين: ادخلي 

غدير قامت وقالت باستغراب: اى ده اى اللى جاب دى هنا هى مش دى السكرتيرة بتاعتك يا زين

زين: ايوا وهى اللى هتسافر معايا عشان داليا ملقيتش الباسبور بتاعها 

غدير: اه تمام 

وراحت ناحيه زين وحطت ايدها وقالت بدلع

غدير : زين تحب اعمل حاجه تاكلها

زين نزل ايدها وقال: لا مش جعان وبص لروح وقال: ادخلى اقعدى يا روح 

روح دخلت وقعدت وغدير قعدت جنبها وزين خرج قعد فى الجنينه

روح:هو انتى دكتورة اى

غدير: دكتورة جراحه

روح ابتسمت وسكتت

غدير: وانتى خريجه اى

وبدوا يتكلموا ويضحكوا مع بعض وغدير بدات تحكى لروح هى رجعت ليه وانها لسه بتحب زين وكانوا بيحبوا بعض قد اى وروخ اتضايقت بس مبينتش ده 

وووووو

#يتبع

             الفصل الحادي عشر من هنا

للمتابعه باقي الروايات زوروا موقعنا على التليجرام من هنا        لقراءة جميع فصول الرواية كاملة من هنا

تعليقات