رواية سجن الحب والظلام الفصل العاشر
في المشفي كان مروان علي اعصابه يقف خارج الغرفه ينتظر ان يعرف اي شيئ عنها حين خرج الطبيب و ملامح وجهه لا تبشر بالخير اطلاقا ..
نظر له الطبيب بضيق قبل ان يهتف :
_ احنا محتاجين نعملها منظار ، انت قولت هي بترجع دم و انا مقدرش احدد ده سببه ايه من الكشف المبدأي .. انما اغماءتها فبسبب انها فقدت كمية دم كبيرة
نظر له مروان بصدمة قبل ان يهتف بخوف :
_ طب هي هتبقي كويسة يعني ؟ .. اعمل اي حاجه يا دكتور بس تبقي كويسه
_ متقلقش هتكون بخير .. عن اذنك
ثم انصرف الطبيب يأمر الممرضين ان يقومو بتجهيز رهف من اجراء اجراء المنظار ... اخرجوها من غرفة الطوارئ يتجهون بها الي العمليات و هو يسير بجوارهم يراقبها بصمت ، دخلت العمليات و بقي هو خارجها ينظر للباب بالم
سقط علي احد المقاعد جالسا ينتظر الطبيب حتي ينهي فحصه لها .. بينما يشعر بالقلق و الخوف الشديد عليها .. استمع الي صوت رنين هاتفه فاخرجه ليجد ان يوسف المتصل .. اجابه هاتفا بضيق :
_ خير يا يوسف .. خير
_ أيهم باشا في الشركة و بيسأل علي حضرتك يا باشا .. بيقول راح البيت عند حضرتك و انت مش موجود و حاليا بيسأل عليك
_ عايز حاجه معينه ؟؟
_ لا معرفش يا باشا
فكر مروان في الامر قليلا قبل ان يهتف ليوسف :
_ طب خليه يستناني خمس دقايق و اكون عندكم .
ثم قرر الانصراف الي حين ينتهي الطبيب من اجراء المنظار لرهف
################
وصل مروان الي شركته .. نزل من سيارته متجها سريعا الي الاعلي .. وصل الي مكتبه فقابلته السكرتيره تهتف :
_ أيهم باشا مستني حضرتك جوا
_ تمام انا داخل
قالها و اتجه يدخل الي غرفه مكتبه .. ابتسم له ايهم ما ان ابصره ، نهض يحتضنه بحنان ابوي خالص يحبه مروان علي الرغم من كل شيئ .. احتضنه مروان بلهفه بينما هتف أيهم :
_ وحشتني اوووي يا مروان
_ و انت كمان يا عمو و الله .. تشرب ايه ؟؟
_ ياريت قهوة سادة
_ يوسف .. اتنين قهوة سادة يلا .
قالها لينصرف يوسف بتهذب بينما جلس مروان امام أيهم هاتفا :
_ خير يا عمو فيه حاجه حصلت و لا ايه ؟؟
_ لا ابدا روحت اطمن عليك في البيت قالولي مش موجود فجيت هنا .. عاوز اشوفك و نتكلم شوية
_ اكيد يا عمو اتفضل
دخل يوسف باكواب المشروب الساخن .. و انصرف بعدها بادب .. جلس أيهم ينظر لمروان قليلا قبل ان يهتف :
_ عنيك مخبية حاجه يا مروان
تنهد مروان بشدة فأيهم من رباه و يعرفه اكثر من اي احد .. نظر له مروان يبتسم بارهاق هاتفا :
_ ابدا يا عمو .. بس ادعيلي مكنش عملت غلطة اندم عليها عمري كله
_ معناه ايه الكلام ده ؟؟
_ و لا حاجه .. اتفضل اشرب القهوة
امسك أيهم الفنجان يحتسي القهوة الخاصه به قبل ان يهتف :
_ انت مبتسألش علي شمس ليه يا مروان .. شمس محتاجالك جدا
_ و الله يا عمو انا فعلا مشغول جدا .. بس وعد هفضي نفسي يوم و اجي اقضيه معاها
_ ايوه يا ابني هي ليها حق عليك .. و متنساش انها الوقتي ملهاش حد غيرك .
ابتسم له مروان بهدوء ثم انخطرو في الحديث فهم لاكثر من عام لم يرو بعضهم البعض ....
################
عند سليم ، جلس امام مساعده خليفه يسأله عن خطتهم القادمة لاذية مروان ، اخبره خليفة :
_ يا باشا هنزرع عنده خدامة تحطله سم في الاكل
_ طب كويس و يارب تعرف تخلصني منه المره دي
_ متقلقش يا باشا المرادي محكمه
_ يا خوفي من خططتك .. المهم اخلص منه
ابتسم خليفة بشر و هو يهتف :
_ متقلقش خالص يا باشا
################
بعد ساعة من الحديث بين أيهم و مروان .. استمع مروان لصوت هاتفه رفعه يجيب عليه و اذا به المشفي يخبرونه ان الطبيب انتهي من عملية المنظار لرهف .. استقام و قام معه أيهم .. نظر له مروان بحرج هاتفا :
_ معلش يا عمو بس محتاج امشي عندي معاد مستعجل
_ و لا يهمك يا ابني ربنا يوفقك .. يلا ننزل مع بعض
اماء له مروان بينما يسيران معا مغادران الشركة .. و لكن قبل ان يرحل مروان من مكتبه استأذن أيهم و تراجع الي يوسف يهمس له :
_ الفنجان الي أيهم شرب فيه انا عايزه زي ما هو .. متغسلهوش !
_نظر له يوسف بتعجب هاتفا :
_ حاضر يا باشا
ثم اسرع مروان يلحق بأيهم بينما عقله لا يكف عن التفكير في رهف
##################
دخل الي المشفي سريعا سأل عن غرفتها فدلته موظفه الاستقبال عليها .. اسرع يتجه الي الطبيب اولا بعد ان سأل عن مكتبه ،، طرق الباب و دخل يسأله بلهفه :
_ طمني يا دكتور .. ايه المشكله عند رهف ؟ هتكون كويسه و لا لا ؟؟
_ اهدي يا باشمهندس .. هي عندها ضرر في الجزء العلوي من المعدة ، علشان كده كانت بترجع دم .. احنا نقلنالها دم مكان الي فقدته
_ طب و العلاج ؟؟ .. هتحتاج عمليات او حاجه ؟؟
_ لا الموضوع باذن الله بسيط مش محتاج عمليات ، احنا هنمشي علي كورس علاج و ان شاء الله تتحسن .. بس مش هتعرف تاكل او تشرب اي حاجه هنمشيها علي المحاليل في فترة العلاج
_ مفيش مشكلة .. هتفضل في المستشفي كتير ؟؟
_ لو حضرتك عايز تخليها علشان تضمن متابعتنا ليها فبراحتك .. و لو عايز تنقلها للبيت و تجيب ممرضه تتابعها براحتك بردو .. بس كورس العلاج بتاعها محتاج متابعه
_ خلاص ماشي .. فين العلاج بتاعها ده ؟؟
_ اتفضل
قالها و هو يعطيه عدة اوراق مطوية ، فتحهم مروان ينظر فيهم بصدمة هاتفا :
_ كل ده علاج ؟؟
_ يا مروان بيه ضرر المعدة مش سهل ، و لو متعالجش صح هيعمل مشاكل كتير بعد كده
_ مفيش مشكلة يا دكتور .. بعد اذنك
ثم تركه و خرج من المكتب .. اتجه الي الغرفة التي تمكث فيها رهف .. شعر بالخوف و هو يفتح الباب يدخل اليها ، كانت الممرضه معها تضع لها محلولا ما بينما هي نائمة كالملاك لا تشعر باي شيئ حولها
تنحنحت الممرضه و اكملت عملها و انصرفت ، بينما هو تقدم منها يشعر بالالم الشديدو الحزن لما وصل اليه حالها ، و خصوصا انه سبب ما هي فيه الان
اقترب منها يتابع تفاصل وجهها المرهقه قبل ان ينحني يقبل جبينها بحنان و رقه .. ابتعد يسحب مقعدا جالسا بجوار فراشها .. امسك بكف يدها الذي يحمل ابرة المحلول ،، رفعه الي فمه يقبله بألم هامسا لها بحزن و اسف :
_ انا اسف يا رهف و الله .. مكنتش اعرف اني هأذيكي اوي كده .. انا اسف
ثم اقترب منها ينظر الي تفاصيل وجهها بحنان و رقه و لكن فجأة وجدها تفتح عيناها تنظر له بشيئ من الكره و الغضب ، قبل ان تنزع يدها من يده بعنف و تدير وجهها للناحية الاخري
شعر بالالم و نهض يدير وجهها اليه هاتفا بحزن :
_ رهف اسمعيني ... انا اسف و الله انا ......
قاطعته هي بغضب بينما تهمس بألم و ارهاق :
_ انا بكرهك .. انت السبب في كل الي انا حسيت بيه من وجع و ذل ... انا عمري ما هسامحك !
شعر بالالم الشديد و كلماتها تطعنه بخنجر في صدره .. نظر لها بألم هاتفا :
_ بس اسمعيني .. و الله مكنت اعرف انك هتتأذي اوي كده
ابسمت ساخره قبل ان تهتف له بألم :
_ و انت من امتي بتراعي حد اصلا .. دخلت بيتك يومين طلعتني منه علي المستشفي
كاد ان يتحدث و لكنها ضغطت زر الجرس بجوار الفراش تستدعي ممرضه .. اتت لها الممرضة سريعا تهمس بحبور :
_ حمدلله علي سلامتك .. ان شاء الله هتنتظمي علي كورس العلاج و تبقي زي الفل
نظرت لها رهف بابتسامه متألمة قبل ان تهتف :
_ هو انا ينفع اشرب .. انا عطشانة اوي
_ ايوه مسموحلك تشربي .. ثانية هجيبلك ماية
اتجهت تحضر كوب ماء ثم عادت به اليها ، سكبت لها القليل و ساعدتها لترتشفه .. بينما يقف مروان بعيدا يراقبهما .. انتهت من شرب المياة و اعطت الممرضة الكوب .. تأكدت الممرضه من سلامتها ، و عدلت لها الفراش قبل ان تأخذ الكوب و المياة و تغادر
اسرع مروان خلف الممرضه بعد ان خرج من الغرفه يهتف لها :
_ استني استني معلش .. ممكن تديني الكوباية و الماية اشرب .. او خليهم معانا جوا
_ مفيش مشكلة اتفضل
اخذ منها الكأس وانصرفت ثم ما لبث ان رفع هاتفه يهاتف يوسف هاتفا له :
_ تجيب فنجان القهوة الي أيهم شرب فيه النهاردة و تجيلي علي المستشفي
و بالفعل دقائق و كان يوسف يقف امامه يحمل فنجان أيهم .. نظر له مروان برضا قبل ان يعطيه الكأس الذي شربت منه رهف هاتفا له :
_ تطلع بالكوبايتين علي معمل التحليل .. عايز تحليل DNA للعاب أيهم و رهف !!
ثم ابتسم بهدوء و عاد الي رهف التي يقسم انه لن يتركها في حالة غضبها و حزنها بتلك الطريقه
يتبع....
بدل ماتدور وتبحث علي الروايات خليها علي تليفونك وحمل تطبيقنا
