Ads by Google X

رواية نبض الفؤاد الفصل العاشر 10 بقلم دعاء زينة

     


 رواية نبض الفؤاد الفصل العاشر

_فؤااااااااااااااااااد

/وكتاب الله المجيد شوفي وكتاب الله المجيد ما عملت حاجه وقطعتيلي الخلف، حد يصحي حد كده

_قوملي قوملي ده أنت يومك كوبيا

/ليه بس ي أم عيون لوبيا

_شكله كان ييضحكني أوي وهو متوتر وعمال يلف في السرير، وخصوصاً لما جه يقوم وكان هيقع فجيت الحقه رُحت واقعة أنا وهو، جينا نقوم وجه هو يتعدل عشان يقف ويقومني بص في عيني وي ريته ما بص ضعف موقفي ابن شجاير كوم النوتيلا ده بعيون اللي شبه البندق سرحت إن جيتوا للحق يعني، أصل مين يبقي قدامه الحلويات دي وميسرحش وخصوصاً لو حلاله بلاله كمان بقلم دعاء زينة

/لقيتها تاهت في عيوني وأنا كمان الصراحه يعني مش هكدب، توهت في ملامحها اللي بتخطفني بدون اي إرادة مني، ضربات قلبها كانت عالية بشكل اي حد يلاحظه، وعيونها كانت فيها لمعة مش بشوفهم غير أما أقرب أنا منها وده الشهادة لله يعني بيرضي غروري كراجل بشكل بيفرحني... في واحدة محترمة تفزع جوزها كده يوم صباحيته

_اللي مشحترم ده بيقرب مني وعيونه مفيش فيها اي أدب كنت هضعف الصراحه بس لاااااااااا مش أنا..... فؤاااااااااااااااااااااد صرخت في ودنه وزقته عني وقمت وقفت بسرعة بقلم دعاء زينة

/ربنا عالظالم لو عاوزة تتطرشيني عرفيني ي بنتي متخبيش عليا

_ايه ده

/فركت عيني ايه ده ي ستي صدعتيني

_بقي مش عارف ايه ده

/ورحمة سيدي الطربوشي ما أعرف ورقة ايه دي 

_لقيته كمل بدراما وهو بيشد القميص عليه أصل نسيت اقولكوا المشحترم ده مكنش لابس قميصه وكمل

/ورقة طلاقي طلقتيني ي نبض طب أروح فين بعد ما ضحكتي عليا واتغرغرتي بيا هااااا اروح فين

_اتعصبت أكتر فؤااااااااد مبهزرش بقلم دعاء زينة

/ي ستي ينعل فؤاد اللي مزعلك ده، وقمت وقفت لما حسيتها خلاص بجد هتضايق وقربت منها رجعت خصل شعرها وراء ودانها وطبعت بوسة علي خدها... حقك علي قلب فؤاد ي ستي بس والله أنا بجد مش عارف دي ورقة ايه عرفيني

_كان بيقول كلامه وهو مازال بيطبع بوسة وراء التانية علي كامل خدي لحد ما وصل لرقبتي.... طب أبعد عشااا عشاااان

/كملت وأنا علي وضعي رافض أبعد... عشان ايه ي نبضي اتكلمي الورقة دي فيها ايه

_اتكلم ازاي وهو قريب مني كده بس لساني مش مساعدني خالص قولت بتوهان... دي ورقة فيها درجاتك في تالتة إعدادي
لقيته اتصدم وصوته اتحشرج وبعد عني بتوتر واداني ضهره حاوط خصره بإيدي... فؤاااد ليه مقولتليش ليه

/أقولك ايه هو بس ي دكتورة هو في حد ما بعد ما شاب ودوه الكتاب

_لفيت ليه ووقفت علي مقدمة رجله وأنا بطبع بوسة بخفة علي خده.... أخرس هو مين ده اللي شاب أنا حبيبي لسه صغيره وسيد الناس كلهم وأنا فخورة بيه اوووي وبسعيه ومعاه في اي حاجه، كملت وأنا بطبع بوسة علي خده التاني... بس أوعا تكون عملت كده عشاني او يعني عشان وعيوني دمعت لما افتكرت إهانتي ليه وتجريحي في كرامته وهو مكنش يستاهل ده أبدا وبصيت في الأرض، رفع وشي ليه ومسح دموعي اللي خانتني ونزلت
بقلم دعاء زينة

/دكتورتي متحطش عينها في الأرض أبدا مهما حصل ولا رأسها تفكر تنزلها، رأسك دي عاوزاها دائماً فوق وعيونك متنزلش غير للي خلقها، أما بقي بالنسبة للي أنا عملته فأنا عملته عشان أنا عاوز كده عاوز أكمل تعليمي اللي  أبويا الله يرحمه حرمني منه، عشان قيمة الإنسان بشكل عام في تعليمه وشهادته،  وعشان كمان اليق بيكي وأشرفك

_حطيت إيدي علي بقه أنت تشرف اي حد وأنا اللي أتشرف أني في حياتي راجل زيك ي فؤاد، ومدام أنت عاوز كده فأنا معاك وهساعدك كمان

/والماجستير

_ميجراش حاجه يتأجل

/لا ي نبض حياتك متتأجلش عشان اي حد حتي لو كان أنا سامعة

_سامعة وأنا أدها ومالكش دعوة اتوكل علي الله وقول ي رب

/طب بقولك ايه ما تيجي اقولك كلمة سر كده بيني وبينك عشان الحيطان متسمعش

_ولسه يعيني بيقرب مني وراح جرس الباب رن اتخض وخدني في حضني كنا هنقع لقيته بيلعن في سره

/دي مبقتش عيشة دي

_عشان نواياك مكنتش محترمة ي أكتر إنسان مشحترم بحبه أنا، وضحكت وروحت أفتح الباب، كانوا أهلنا سلمنا وخلصنا ومشيوا وتاني يوم روحنا سحبنا الملف بتاعه عشان نقدمه في الثانوي ويكون منازل...
بقلم دعاء زينة
★*********★
/بتمر الأيام يوم في التاني ويشهد وربنا مكنش فيه ألطف من كده أيام بتمر، عمرها ما قصرت معايا ولا عجزت في مساعدتي وقت ما أحتاجها، وبيتها وشغلها حقيقي أنا معايا سوبر ومان وأجمل سوبر ومان في الدنيا

_دايما يقولي سوبر ومان وهو ميعرفش أني كده وقادرة أتحمل واستحمل اي حاجه عشان هو في حياته بيهون عليا كل مر، عمري ما أنسي ساعة ما الدكتورة قطعلي رسالة الماجستير في نصها وخلاني رجعت أبدا من الأول ويوم ما خلاص كنت هيأس وهوقف كل حاجه

/نبض مفيش حاجه هتقف

_كنت بعيط بشدة اووي وفيه كمية قهر في قلبي من تصرف الدكتور معاياا... ده هيخليني أبدا من الأول أنا مش هعمل كده ي فؤاد وتولع الرسالة أصلا أنا تعبت

/خلاص ي ستي يبقي الأولي اني أنا اللي أوقف أنا شغالك معايا مزاكرة ليا، ومساعدتك ليا في الفرن ايام امتحاناتي، وشغلك وغير كل ده أنا وبيتك فأنا أولي أني أوقف ي نبض

_عياطي زاد من هول الحنية ومسكت وشه لااا ي فؤاااد أنت خلاص قطعت شوط كبير ودلوقتي بقيت في تانية وكلها السنة الجاية وتدخل الجامعة لاااا مش هقبل أنك تتضيع حلمك
خدني في حضني وهو بيلمي شعري وبيطبطب عليا بهدوء

/وأنا مش هقبل مستقبلك يضيع علشاني ي نبض يبقي لاااا لو عاوزاني أكمل يبقي تجمدي كده وأنا في ضهرك 

_دعمه ليا قواني واداني الطاقة ارجع أكمل وأبدا من جديد وأصلح الأخطاء اللي كانت عندي، إن كان فيه هيرو في قصتنا دي فهو بلا اي شك او منازع
بقلم دعاء زينة
★*********★
/وصلت سنة تالتة أخيرا
في يوم خلصت شغل الفرن وطلعت عشان أزاكر واقدار اواكب السرعة اللي بتحصل حواليا مع النظام الفاشل اللي العيال فيه كان الله في عونهم والله...
بزاكر النصوص..
يبختك ي عم خليل أنت، متفرد بصبابتك متفرد بكأبتك متفرد بعنائك، وأنا هموت وانفرد ب نبضي والله

_دايما كده تفكيرك مشحترم

/أول ما سمعت صوتها فرحت فرحة عيل أمه دخلت عليه بعد ما غابت عنه طول النهار، قمت بسرعة حضنتها لدرجة رجليها مكنتش واصلة الأرض وهمست ليها... ووحشتيني

_وأنت كمان، بس يلا كمل مزاكرة علي ما أحضر الأكل

/طب ما تيجي أكلك أنتي.  بقلم دعاء زينة

_اتلم ي فؤش عندك امتحانات

/يادي فؤش وسنينه السوحه يانا ياما

_بعد ما دخلت المطبخ عيوني دمعت مسحت عيني كويس وحضرت الأكل وخرجت قعدت قدامه بدأ يأكل، وأنا سرحانة في الطبق قدامي، فوقت علي صوته

/هاااا ي نبضي مش بتاكلي ليه

_هااا لا بأكل اهو

/توهانها خضني ونبرة صوتها زعلت قلبي شدتها من علي كرسها قعدتها علي رجلي وفي حضني... الجميل زعلان من ايه

_مفيش

/علي فؤادك بردوة، كنت معيطة ليه ي نبض

_شحتفتي زادت وزي ما يكون كنت مستنياه يسألني

/هشش أهدي مالك وفي أيه

_أنا عارفة أنه مش وقته أكلمك وأنت مضغوط بس 

/تغور اي حاجه فداك ي نبض ايه حصل يخليكي تبكي مفيش حاجه تستاهل دمعة من عينيك والله

_فؤاد احنا بقالنا بتاع ٣ سنين مع بعض ومحصلش حمل ليه معقول يكون فيا حاجه أو تتجوز عليا

/ضحكت وربي ضحكت علي طفولتها... بقي بالله عليكي بعد ما حفيت عشان اتجوزك وشوفت النجوم في عز الضهر عشان تكوني في حضني بالشكل ده تفتكر كده او يخطر علي بالك أني ممكن أفكر في واحدة تانية يعني

_مش عارفة بس بقلم دعاء زينة

/بس ايه اتكلمي أرمي عليا ومتخافيش

_واحدة صاحبتي متجوزة عن حب وجوزها بعد ما عرف أنها مش هتخلف طلقها وراح اتجوز غيرها و

/هشش وهي اللي لفتت نظرك ل كده عشان خايفة عليكي وبتحبك مش كده

_هزيت رأسي ب اه

/يبقي عاوزة أقولك إن جوزها مكنش بيحبها أصلا ي نبض اللي بيحب مبيفكرش قي نواقص اللي بيحبه بالعكس بيقبلها ويتعايش بيها كمان وبيبقي شايفة مكملات فيه، لو كان ييحبها كان هيشتري خاطرها حتي لو عاوز يتجوز عشان يخلف كان فهمها وساب ليها حرية الإختيار إنما ده محبهاش أصلاً ي نبض، ولا هي بتحبك عشان لو بتحبك بجد مكنتش هتخوفك ولا تزرع الشك جواكي من ناحية جوزك ببساطة لأن مش كل الرجالة زي بعضها ولا ايه، وبعدين موضوع الخلفة ده بإيد ربنا وانا راضي وهستني قدره وهبته ليا في اي وقت بس وأنتي في حضني

_كلامه كالعادة مفشلش مرة أنه يريح قلبي، ويشفي جروحه، ويطيب بخاطري لفيت دراعي حوالين رقبته ودفنت وشي في التجويف بين رقبته وكتفه... بحبك

/لا حيث كده بقي أنفرد بيكي أنا بجد ويولع خليل مطران علي سنين كأبته السودة

_ضحكت وانفرد بيا اللي مشحترم بجد..😌😂
بقلم دعاء زينة
★********★
/جات فترة امتحاناتي كنت بنزل أفتح الفرن وكانت بتنزل ورايا بفطار ليا ولكل الرجالة اللي معايا وتقعد معايا في اوضة المكتب تزاكر ليا

_كنت بزاكرلك بردوة ي مشحترم

/😂😂خلاص أنا اللي كنت بزاكرلك ي ست😉
★*********★
_عملت ايه في الأمتحان

/عيب عليكي، نحتفل بقي

_حبيبي ده اول امتحان لسه فوق

/ضحكت وانا بشيلها وبدخل بيها الاوضة... والله ولو لازم أحتفل
بقلم دعاء زينة
★*********★
/نبض ي نبببببض خلصت أخيراً نحتفل بقي

_حبييي فوق أنت مزهقتش احتفالات ولا ايه

/الصراحه لاااا

_ضحكت علي اللي مشحترم حجي ده وخدني وخرجنا كلنا درة مشوي، وبعدين جبنا بطاطا، وفضلنا نتمشي لحد الساعة ما وصلت اتنين بالليل كنا بنهزر ونضحك، وحقيقي وجوده في حياتي ده أعظم إنتصار ليا حققته بعيدًا عن اي حاجه تانية

 _فؤاد عاوزة أكل رنجة

/بصيت في الساعة باستغراب... دلوقتي

_رديت عليه بدلع مش مقصود والله... ايوه دلوقتي ايه خسارة فيا

/طب ده وقت دلع طيب

_هتجيبلي رنجة ولا لا ي فؤش

/ي سنين فؤش اللي مش فايته هجبلك ي ست هجبلك
لحقت آخر محل بقالة قبل ما يقفل جبت ليها وجبت عيش كمان ورجعت ليها...
كلت كانت بتأكل بنهم وفرحة كبيرة زي العيل الصغير اللي كسب لعبة، كلت ورجعنا البيت
أخيراً خدتها في حضني ونمت...

وبعد شهر كان مناقشة الرسالة بتاعتها وطبعا كنت اول الحاضرين...
بقلم دعاء زينة









★**********★
/طلعت تناقش رسالتها وي سلام علي حلاوتها ولباقة كلامها تسحر بصيت علي لجنة التحكيم لقيتهم مركزين معاها وكذلك كل الناس اللي في القاعة، بقي كل دول مركزين معاها بتاع ايه بس ي ربي لو أقدر أحبسها جوايا محدش يشوفها، بس مينفعش، وخلصت الحمد لله ورسالتها اتقبلت بتقدير عام جيد جداً وقبل تنزل من عالمنصة...

 _معلش كنت محتاجه أقول كلمتين في حق اللي وصلني لهنا بعد ربنا وأهلي، وهو جوزي قرة عيني من الاخر يعني، وعاوزة أقوله أني بجد فخورة بيه لأبعد حد وزي ما شاركتوني فرحتي بنجاحي عاوزكوا كمان تشاركوني فرحتي بيه، حارب عشان يوصل لهنا، وأنا بوعده أني هفضل أحارب لأجله، فرحانة بيه وبسعيه وبأنه أجمل صاحب فرن عيش وقعني في غرامه...

/كلامها فرحني بشكل خلاني طاير ورجلي مش واصلة الأرض، جات عليا جري حضنتني واتشعلقت في رقبتي، ورفعتها لحضني.... مبااارك ي نن عين فؤاد
★********★
_وصلني البيت ومدنيش فرصة أكلمه، ونزل الحارة يبل شرباته ويوزعه بإيديه بمناسبة نجاحي، كان فرحان بيا أكتر مني، بس انا فرحتي لسه ناقصة ومستنية أطمن عليه هو كمان
جهزت البيت وحطيت إضاءة خفيفة، وزينته بالورد الابيض اللي شبه قلبه، وعملت الأكل اللي بيحبه صينية بطاطس بالفراخ وحضرت عصير الأناناس بالليمون اللي بيحبه، ولبست فستان توب لونه نبيتي غامق واصل لحد الركبة، وعليه چاكت طويل شبه الأتراك كده، وكمان سبت شعري مفرود زي ما بيحبه، دخل أخيراً البيت بعد ما عمل الواجب مع الكل...

/الله هو الجميل راضي عنا ولا ايه

_طول عمري راضية عنك بس أنت اللي مش واخد بالك

/الله صينية بطاطس كمان لا ده كده الرضا واصل منتهاه عندي ليكي حتة خبر

_فرحني
 بقلم دعاء زينة

/نجحت في الثانويه العامة 

_بجد أهو كده فرحتي كملت علي أخر ناقص فرحتك أنت بس اللي تكمل








/هو فيه بعد فرحة نجاحي بيكي خلاص مش عاوز حاجه تانية

_لفيت ليه... قلعني الچاكت

/الله ده إحتفال النهاردة هيبدء بدري ولا ايه، شلت الچاكت من عليها وجبت شعرها علي جنب ووطيت علي كتفها ابوسه لقيت جملة مرسومة بالحنة خلت عنيا برقت
We have a baby♥️🫂

لفتها ليا زي المجنون ده بجد، احلفي كده 

_وحياة فؤاد عند نبضه

/شوفتي كرم ربنا وهبته جات في وقتها وبدون مجهود منا كمان، ربنا بعته يكأفنا علي صبرنا خلي بالك، و

_وايه

/لا الجاي مينفعش يتقال ي نبض الفؤاد😉
بقلم دعاء زينة
★**********★
/بعد تسع شهور كنت داخل لجنة الأمتحان اه دخلت حقوق صحيح، ولسه بحط رجلي اللجنة التليفون رن رديت

_فؤااااااااااااااااااااااد الحقني بولد

/اييييه طيب طب جااااي جاي سلام

المراقب.. رايح فين امتحانك

/مش معلش أصل مراتي بتولد عن إذنك

المراقب وكل اللي في اللجنة قضوها ضحك عليا وعلي جناني ومنظري، خلاص كلها دقايق وهبقي أب....
★*********★
/جابت بنوتة زي القمر، وأصرت تسميها فؤادة اجيبها يمين اجيبها شمال فؤادة يعني فؤادة وقدام إصرارها قبلت حد يطول مراته تصر تسمي حتة منهم علي إسمه....
بعد مرور سنتين.....🦋

/ي نبض عشان خاطري مش عارف أزاكر وعندي امتحان الصبح تعالي خدي سليم شوية

_عنيا أنا جيت أهو هاتواا عنك

/عني ايه بقي الواد ده ينزل عند أمي هالحين

_وامتحانك

/ما يغور امتحاني الله الوكيل مش إلك حل ي  بنتي أنتي لو عاوزاني اشيل مش هتعملي كده

_عملت ايه

/هنزل الواد وأرجع اقولك

_اه من اللي مشحترم حبيب جلبي ده
★******★ بقلم دعاء زينة
بعد آخر سنة ليه في الجامعة روحنا أنا وفؤادة وسليم نحضر حفلة تخرجه، وقد كان حبييي أشطر كتكوت يتخرج أصلا...
خلصت الحفلة ورجعنا البيت....

/بقولك ايه

_اممم

/مش عاوزة تخاوي العيال دي

_أحترم نفسك عندك فرن هتصحي ليه بدري ولا أنت خدت عالدلع









/ولو لازم اخاوي العيال دي النهاردة 😂
بقلم دعاء زينة
★*******★
/نبض 

_عيون نبض أنت

/عمرك ندمتي علي جوازك مني

_ندمي الوحيد لو كنت سبتك ي أجمل صاحب فرن عيش أنا شوفته، ويلا نام عشان تصحي بدري الصبح

/خدتها في حضني وحطيت رأسي بهدوء علي رأسها وراحة عمري ماحسيت بيها غير وهي معايا، حاسس أني مالك العالم كله بين إيدي وجوه حضني...

وبس دي كانت حياتنا البسيطة اللي أتمني تكونوا أتعلمتوا منها حاجه، التعليم مهم بس الأهم من أنك تكون متعلم أن يكون عندك مبادئ وأخلاق
والحب حلو وحلوو اوي كمان بس الأحلي منه المودة اللي بتبقي ما بين الاتنين، وردود الأفعال في المواقف الصعبة
الخلفة نعمة ورزق وهبة من عند ربنا بيهبها للإنسان في اللي الوقت اللي شايف أنه مناسب أنهم يتحملوا مسئولية فرد تالت معاهم....

/بصيت ل نبض في  وهي في حضني وأنا بردد

""" أنتي الست اللي أنا بتمني تغلبني التجاعيد في وجوده وابقي معاها، وأحمي مقامها..
أنتي الست اللي أنا مش مكسوف أنحني أو أعيط قدامها...🫂""
★********★

بدل ماتدور وتبحث علي الروايات خليها علي تليفونك وحمل تطبيقنا

تحميل تطبيق سكيرهوم
تعليقات



حجم الخط
+
16
-
تباعد السطور
+
2
-