رواية انتي ملاكي الجزء الثاني الفصل التاسع عشر
شذى وهى تغمز لسمر \ واخيرا جيه
سمر بعدم فهم \ هو مين
شذى \ العريس مش هو ده وليد بتاع زمان
سمر بخجل \ششش وطى صوتك
شذى \ انتى وقعه بقى وانا معرفش
سمر بضيق \ لا مفيش من الكلام ده انا كنت قدامه زمان لكنه مخدش باله منى ولما هو خد باله منى انا نسيته
شذى \ متاكده
سمر بتوتر \ شذى انتى هتحققى معايا
شذى \انا شايفه انه اعجب بيكى
سمر بسخريه \ والله اعجب بيه من اول اما شافنى
شذى \ مش انتى بتقولى انكم تعرفو بعض من زمان
سمر\ بس مكنش بيحبنى او مهتم بيا حتى, غيرى الموضوع انا مخنوقه اصلا مش فاهمه ايه الى جابه
ادم احتضن ملك وقال \ ملاكى انا عارف انى اتعصبت عليكى جامد بس والله كنت مضايق جدا
ملك \ انا زعلت منك اوى مكنتش متخيله انك تزعقلى كده
ادم قبل يدها \ والله بحبك ومش هعمل كده تانى بس انتى بلاش تستفزينى
ملك بابتسامه \ اذا كان كده فانا مسمحاك فجاءه وليد خطف يد ملك من ادم
وليد \ انتو قاعدين تحبو فى بعض وانا قاعد حاطط ايدى على خدى
ادم \ روح شوفلك حد يرقص معاك
وليد \انا عايز ملك عندك مانع
ادم \امشي يلا من هنا ملك ليا انا
ليطلق وليد ضحكه ليقول ادم بضيق \ انت بتضحك على ايه
وليد ضاحكا \فاكر زمان كنا كلنا بنتخانق على ملك علشان تلعب معانا
ادم ضاحكا \ اه وديما تخترنى انا ههههه وانت شكلك بيبقى وحش
وليد \ اخرص يلا ملك بتحبنى
ادم \ لا ملك كانت بتخترنى انا لانها بتحبنى اكتر منك
وليد بضيق \ ملك بتحبنى انا اكتر
ادم \ لا انا اكتر
وليد بغضب \لا بتحبنى انا اكثر
ملك بغضب \ بس هتفضحونا الله يخربيتكم الناس بتبص عليكم
وليد امسك يد ملك \ لوكة بتحبى مين اكثر
ملك نظرت لوالدتها لتراها تكاد تموت من الضحك
سمر نظرت لهم بعدم فهم هل
هما الاثنان يحبونها
ادم \ ملاكى حبيب قلبى من جوه انتى بتحبينى انا صح
ملك بابتسامه وامسكت وجنتيهم هما الاثنان وقالت \ انا بحبكم انتو الاثنين
هنا بغضب \ هو فى ايه ليه بيتخانقو عليها
عمرو \ انا مش فاهم حاجه
سمر اقتربت من ملك \ انتى كده زعلتى ادم
ملك بابتسامه \ ليه ماهو انا بحبهم هما الاثنين
سمر بغضب \ نعم ازاى يعنى هو مش انتى متجوزه ادم ازاى تحبى واحد غيره
ملك ضاحكه \احنا بنغير ولا ايه
سمر ابتلعت ريقها \ اغير من ايه مش فاهمه
ملك \ بصى ياستى هفهمك حاجه انا ووليد اخوات
سمر بعدم فهم \اخوات ازاى
ملك \عمتى لما ولدت وليد تعبت جدا واتحجزت فى المستشفى فتره طويله ومقدرتش ترضعه وماما كانت سعتها لسه والده احمد اخويا فاخدت وليد ورضعته وفضلت معاه لحد اما عمتو خرجت من المستشفى بس
سمر \اها فهمت يعنى وليد يعتبر اخوكى في الرضاعه
ملك بابتسامه \ بالظبط كده
وليد \ ملك انا همشى بقا ماشى
ملك\ ليه خليك معانا انا بقالى كتير مشوفتكش
وليد \ هنتقابل كتير انا مش هسافر تانى خلاص
وليد ل ادم \وانت لو عرفت انك زعلتها انا الى هزعلك فاهم
ادم احتضن ملك \انا عمروى مهزعلها تانى
وليد \ يلا سلام اروح بقى اسلم على امى انا جيت عليكم علطول
ادم \ سلملى عليها
وليد \يوصل يلا سلام
اصتدم وليد بسمر وهمس لها \ انا هشوفك قريب جدا ياقمر
ابتعد وليد عنها وهو يبتسم ورحل
سمر ابتسمت والتفتت لتنظر له
سمر \ لا اعقلى يا سمر ده متجوز
ملك اقتربت منها وهمست قائله \طلق مراته وجاى مصر ومش هيسافر تانى وبيدور على عروسه
سمر بخجل \ على فكره انتى رخمه انا هروح اشوف كريم
ملك ضاحكه \ عليا انا
ادم رن هاتفه فخرج من القاعه ورد قائلا \ ها ايه الاخبار
...\ ادم بيه ممكن اعرف اسمه بالكامل
ادم بتنهيده \ اسمه سالم ابراهيم
......\ انا عايز اعرف اسمه بالكامل
ادم \ سالم ابراهيم ......
.....\ اطمن ادم بيه هو مكنش موجود فى الطياره ديه
ادم تنهد براحه \ الحمد الله
سامح \ اى خدمه تانى يا ادم بيه
ادم \عايزك تجمعلى معلومات عن صاحب شركة ..........واسمه نبيل السيوفى
سامح \ خلال يومين هتلاقى الورق على مكتبك فىه كل حاجه عنه
ادم \ تمام ........فجاءه شعر بيدان رقيقتان تحاوطه فابتسم واغلق الهاتف والتف لتقول \ممكن اعرف انت بتعمل ايه هنا
ادم ممازحا \ بدور على عروسه
ملك بغضب \ اعععع ادم انا هقتلك "لتركض ملك خلفه "
ادم ضاحكا \ يامجنونه اهدى انا بهرج معاكى
ملك \ ده مش تهريج ادم انت بتخوفنى
ادم اقترب منها \بخوفك من ايه
ملك بحزن \ انك تبعد عنى وتبطل تحبنى
ادم امسك وجنتايها\ انا مش بحبك لا ده انا بعشقك ازاى ابطل احبك ده مستحيل يحصل
ملك بابتسامه احتضنته بقوه \بحبك اوى
ادم ابتعد عنها \انا بقى الى خايف يجى يوم وتبطلى تحبينى وتحبيه"ويضع يده على بطنها "اكثر منى
ملك ضاحكه \مستحيل انت حبيبى وروحى وهو ابنى وحبيبى كمان هحبكم قد بعض
ادم \لا تحبينى انا اكتر شويه صغيرين
ملك \ تعلقت برقبته \ انا هفضل احبك لحد اما الموت
ادم شعر بغضب يكره سماع تلك الكلمه \ ملك بلاش تقولى كده علشان خاطرى
ملك ابتسمت له وتشبثت فى يده ودلفو سويا الى القاعه
هنا نظرت لهم بحقد \ هما مش كانو متخانقين ايه لحقو يتصالحو هى ملك عملاله عمل
عمروو \ انا مش فاهم بجد بعد كل الى عملناه وهما بردو مع بعض واضح ان مفيش امل
هنا بغيظ واضح\ مش قولتلك سحراله
عمروو لنفسه \ للاسف هما عيزينك عايش ولكنى بتمنى اخلص عليك لكن هخليك تتحسر على ملك
.....
الحلقه الثانية والعشرون
بعد مرور يومان ملك كانت تريد ان تقول ل ادم امر ما ولكنها شعرت بخوف لانها تعلم انه سيرفض وفجاءه فتح باب الغرفه ودلف ادم يبدو مجهدا فاقتربت منه \ حبيبى ماله
ادم \ ابدا كان ورايا شغل كتير المهم انتى عامله ايه
ملك \ انا كويسه ياحبيبى
ادم \ طيب انا هدخل اخد شاور
دلف ادم الى الحمام وبعد مرور نصف ساعه خرج ادم وهو ينشف شعره
ملك \ صحيح يا ادم انتو مش محتجين موظفين عندكم فى الشركه
ادم التفت لها \ لا بس بتسالى ليه
ملك بتوتر \ ولا حاجه مجرد سؤال
ادم \ ملك عايزه ايه
ملك \ مش عايزه حاجه
ادم باستغراب \ طيب "جلس ادم على السرير ومدد ونظر لها ليراها تتحدث مع نفسها فابتسم \ تعالى ياملك قوليلى مالك ايه الى شاغل بالك
ملك \ ماهو انا لو قولتلك انت هتتعصب
ادم اعتدل فى جلسته ونظر لها باهتمام \ وياترى ايه هو الى هيعصبنى
ملك \ بص الصراحه انا عايزه اشتغل
ادم نظر لها فتوترت ولكنها فوجئت به يضحك
ملك \ انت بتضخك ليه
ادم \ بضحك عليكى كل الخوف ده علشان عايزه تشتغلى
ملك بسعاده \يعنى انت موافق
ادم \ لا طبعا
ملك اتغاظت\ انت بارد يا ادم بجد
ادم بابتسامه \ممكن تهدى واسمعينى انا عايز اعرف ايه الى طلعها فى دماغك فجاءه
ملك \ معرفش كل الى اعرف انى نفس اشتغل
ادم \ ماشى ياملك نفسك تشتغلى يبقى هو يوم واحد
ملك \ ولو عجبك شغلى هتخلينى اشتغل علطول
ادم \اسف لا مش هقبل انتى عارفه انا فى شركتى فى رجاله قد ايه ولو كل واحد فيهم بصلك اوحتى كلمك انا ممكن اعمل ايه
ملك بعدم فهم\ هتعمل ايه
ادم \ هرفضهم واحتمال اقتلهم
ملك فتحت فمها بصدمه وذهول وقالت \ تقتلهم انت مجنون
ادم ضاحكا \والله العظيم عسل
ملك لوت شفتايها وقالت \ ادم انا عايزه اشتغل مليش دعوه
ادم بتنهيده \يعنى انا اما صدقت انك خلصتى الكليه تطلعيلى بام الشغل ملك انا مبستحملش حد يبصلك او يضايقك حتى وخلاص بقى انا عايز انام
ملك بحزن مصتنع \ شكرا يا ادم انا اسفه عطلتك عن النوم
نهض ادم بضيق \ تعالى يا ملك
ملك نظرة له \عايز ايه
ادم \بقولك قربى هو انا هكلك
ملك اقتربت منه \اهو قول عايز ايه
ادم \قربى كمان
ملك بشك \ انت عايز ايه
ادم \ اقولك خلاص هروح هخلى هنا هى الى تقرب
ملك ركضت اليه \ هنا مين ده انا كنت خلصت عليك وعليها
ابتسم ادم \ شوفتى انتى قولتى ايه انا بقى اعمل ايه انا بغير عليكى مش حابب حد يبصلك او يكلمك او يسلم علييكى لو اشتغلتى معايا انا مش هشوف شغلى عينى هتبقى عليكى
ملك \ خلاص اشتغل فى اى شركه تانيه
ليقول ادم بغضب \لا والله ونا ازاى اضمن ان محدش هيبصلك ملك الغى الفكره من دماغك
ملك بغضب \بس انا متعلمتش علشان فى اخر اقعد فى البيت
ادم \ ملك متنسيش انك حامل وانا هخاف عليكى بانك تتحركى كتير اما تولدى ان شاء الله نبقى نتفاهم
ملك \ خلاص انا موافقه على اليوم
ادم \ ماشى يا ملك ممكن تقربى
ملك قربت منه ليحملها بسرعه ويضعها بجانبه عى السرير
ملك بصراخ \ يامجنون
ادم اقترب منها \مجنون بيكى اعمل ايه
ملك \ ادم لما اولد هشتغل
ادم نظر لها بعدها اقترب منها \ ممكن تسكتى وتنامى
فى مكان اخر كان يقف امام منزلها لا يعلم لما اتى هنا ولكنه اشتاق اليها فظل واقفا امام المنزل بعد قليل راها وهى خارجه فابتسم لانها لم تراه فظل خلفها ليرى اين هى ذاهبه ولكن لمحها وهى تتحدث الى شخص ما فاقترب منها وراءها تقف مع شاب يتحدث لها وتبدو انها متضايقه منه فقالت بغضب \ لو سمحت ممكن تبعد
.......\ ياسمر صدقينى انا بحبك وعايز اتجوزك
سمر بسخريه \ والله وابقى الزوجه الثانيه اسفه
...\اسمعينى بلاش تجوبينى دلوقتى كل الى عايزه هو انك تفكرى واوعدك انا
هشتريلك شقه لوحدك ومحدش هيقدر يزعلك بس انتى وفقي
ليتدخل ويقول بغضب \ مين سيادتك
سمر اتصدمت وظلت تتسأل كيف اتى الى هنا ولما ولكنهاقالت \ وانت مالك
لينظر لها واقترب منها لكنها توترت فابتعدت عنه فامسك يدها وقال لها \ حضرتك دية خطيبتى
......\ ازاى انا معرفش انها اتخطبت
ليقول وليد \ اديك عرفت
ليقول \ انا اسف يا استاذ عن اذنكم
سمر نظرت له \انت مالك وايه خطيبى ده
وليد بابتسامه جذابه \ انا خطيبك وكمان يومين هتكونى مراتى وانا بقى مقبلش ان مراتى تتكلم مع حد غريب
سمر \ انت مجنون اكيد
وليد \ لمى نفسك انا سكتلك كتير ومتنسيش انا هبقى جوزك فاحترمينى والا هتصرف تصرف مش هيعجبك
سمر بغضب \ انا بكرهك فاهم
وليد \ مش فارق معايا كفايه انى بحبك يلا اتفضلى على البيت ومفيش خروج غير لما تستأذنينى
سمر كادت تصرخ به ولكن نظر لها بحده وقال \احنا فى الشارع بلاش تلمى الناس علينا ويلا على البيت
سمر نظرت له كانت تفكر وبعدها ابتسمت وقالت \اسفه انا بحب شخص تانى وهو اتقدملى وانا وافقت عليه فياريت تشوف غيرى سلام
ليقول وليد بغضب \نعم بتحبى مين انسى انتى ليا ولو حد فكر يقربلك يبقى لعب فى عداد عمروه فاهمه
سمر اتصدمت ولكنها شعرت بفرحه داخلها هل يحبها حقا ولكنها تريد ان تزيقه من نفس الكاس الذى اذاقه لها من سنوات عندما تزوج ولم يعيرها اى اهتمام وهى كانت تحبه فنظرت له بسخريه \ ورينى شطارتك بس احب اقولك ان اخويا مش هيغصبنى اتجوز واحد بكرهه فاهم ""بعدها كادت ترحل ولكنها التفتت له ""وهبقى اعزمك على فرحى يا ابيه وليد عن اذنك
وليد نظر لها بغضب وتذكر عندما كانت صغيره وهو من طلب منها بأن تناديه هكذا
وليد \ ماشى يا سمر بس صدقينى هتكونى ليا برضاكى او غصب عنك وهتشوفى انا ممكن اعمل ايه
...................................
كانت ملك مجتمعه مع اصدقائها فى المنزل فقالت سمر بغضب
سمر \بصى انا لو شفته تانى هقتله ده انسان بارد
ملك ضاحكه \ اهدى يابنتى مش كده
سمر \ اهدى ايه انتى مشوفتيش اتكلم معايا ازاى لا وايه يقولى انا هبقى جوزك ولازم تحترمينى ده مجنون رسمى
ملك \بصى ياسمر انا عرفاه كويس وليد لو قالك انه بيحبك يبقى بجد بيحبك
شذى \سمر انتى بتحبيه صح ولا غلط
سمر بتوتر \ معرفش
ساره \لا لازم تعرفى لانه ممكن يتقدم لك وساعتها لو رفضتى عمروك مهتشوفيه تانى
ملك \لا يا ساره وليد لما بيحب بيتمسك بالى بيحبه حتى لو رفضت هيفضل وراها الا لو حس فعلا انك بتكرهيه
سمر \ انا عايزه اعلمه الادب
شذى بحزن \ اسمعينى كويس لو هو فعلا بيحبك انسى كل الى فات لانه مكنش بايده بلاش تضيعيه منك لانك بعد كده هتندمى لان قليل اوى انك تلاقى حد بيحبك ومتعلق بيكى
ملك لمست الحزن فى صوتها فقالت\ مالك يا شذى
شذى \ مفيش
ملك \لا فى ايه الى حصل اتكلمى
شذى بدموع \ بابا اتفق مع زين على ان كتب الكتاب يبقى الخميس الجاى
ملك بصدمه \بس الشهرين لسه مخلصوش
شذي بحزن \ انا الى قولتله انى موافقه
ساره \ ليه عملتى كده
شذى بانهيار \لان مش هيفرق معايا فى حاجه عمروو هو هو الحب الصادق الى كان فى عيونه اختفى استنى ليه خلاص مبقاش فى اى حاجه تربطنى بيه كل حاجه طلعت تمثيل
ملك اقتربت منها واحتضنتها \اهدى كل شى هيكون بخير تفائلو بالخير تجدوه
سمر \معلش يا شذى اكيد ربنا رايد كده يمكن ابن عمك يطلع كويس
شذى مسحت دموعها \ انا قولت زيك بس للاسف الجوازه ديه علشان مصلحه مش اكثر هو نفسه قالى انه بيحب واحده تانيه
سمر \طيب قولى لباباكى انه مش بيحبك
شذى بسخريه \ بابا هيقولى حب ايه وهبل ايه مفيش حاجه اسمها حب والصراحه هو عنده حق مبقاش فى حب خلاص
ملك \بلاش تبقى متشائمه كده ان شاء الله خير
شذى \انا عايزه انساه بس مش قادره انا تعبانه يا ملك
ملك ربتت على كتفها \ انا عارفه انتى كنتى بتحبيه قد ايه
شذى ظلت تبكى فى احضان ملك سمر وساره شعرو بالحزن من اجلها فاقتربو منها واحتضنوها هما ايضا
فى احدى الايام ذهب ادم كالعاده الى العمل وترك ملك نائمه وعندما استيقظت نظرت الى الساعه رائتها الساعه 3 العصر فقامت بكسل ووضعت يدها على بطنها عندما شعرت بحركه وقالت \ صباح الخير شكلك جعان
فابتسمت و ارتدت بنطلون وسويت شيرت ونزلت الى الاسفل وهى على السلم شعرت بشىء غريب قليل جدا ان المنزل يكون هادئ ولا تسمع لصراخ ساره المستمر ولا صوت والدتها فنزلت الى الاسفل رائتهم جالسين على السفره فاقتربت منهم رائتهم نائمون استغربت جدا وكادت تتحرك حتى شعرت بحركه خلفها فالتفتت لترى ابشع وجه تريد ان تراه دب الخوف الى قلبها وتراجعت الى الخلف وقالت بصوت ضعيف \ انت عايز منى ايه
فى شركة ادم كان ادم جالس يباشر عمله كان مشغول بالورق الذى امامه فجاءه دلفت السكرتيره "سكرتيره جديده غير جنا "
السكرتيره \ ادم بيه فى واحده عايزه حاضرتك
ادم رفع نظره من على الورق ونظر لها \مين ديه
فدلفت مسرعه \انا يا ادم
ادم باستغراب \شذى انتى بتعملى ايه هنا
شذى \فى موضوع مهم لازم اكلمك فيه
ادم \طيب اقعدى "التفت للسكرتيره " اثنين عصير
شذى كانت ترتجف فنظر لها بقلق \ فى ايه يا شذى
شذى \ ادم امبارح بليل جالى اتصال غريب وانا مش برد على الارقام الغريبه فقفلت واتصل تانى وثالث وفجاءه لقيت فيديو اتبعتلى ولما فتحته اتصدمت
ادم باهتمام \فيديو ايه
شذى ببكاء \فيديو لعمرو وقايل فيه ان الرساله دية ليك
ادم \طيب ممكن تهدى وورينى الفديو
شذى اخرجت هاتفها بسرعه وفتحت الفديو لينظر باهتمام واتصدم من شكل عمروو كانت ملابسه مقطعه وهناك كدمات بجسده ولكن ركز ادم على مضمون الفديو
عمرو \ شذى انا بعت الفديو ده ليكى لانى مش حافظ غير رقمك اولا انا عايز اقولك انى والله بحبك ومستحيل اتخلى عنك ثقى فى ده" بعد كده قال " ادم اسمعنى ملك فى خطر انا عارف انك مستغرب بس الى لازم تعرفه ان الى موجدين فى البيت دول نصبين مش اخوات ملك والى مسمى نفسه عمروو ده مش انا ده مصطفى هما خطفونى ورمونى فى مخزن قديم عرفت اهرب منهم لكنهم مش هيسبونى لو مش مصدقنى يبقى اكيد هتصدق دوده
تفتكرو مين هو دوده وايه الى هيحصل لملك
يتبع....
بدل ماتدور وتبحث علي الروايات خليها علي تليفونك وحمل تطبيقنا
