رواية انتي ملاكي الجزء الثاني الفصل الرابع والعشرون
هنا \ يعنى ايه
ملك \ يعنى اطلعى بره مكتبى
هنا رات الباب يفتح فنظرت لها \ لو فاكره انك هتفضلى عايشه تبقى بتحلمى المره الجايه هتأكد انك فعلا موتى
ملك \ ورينى شطارتك ده لو فضلتى انتى عايشه
هنا نظرت لها بخوف وركضت خارج الشركه وهى تعدى الطريق لم تشعر سوى بيد وضعت على فمها وجذبوها الى السياره
ملك ابتسمت براحه ليضحك كريم \والله برافو عليكم لعبتوها صح
ملك بابتسامه \ شكرا ياكريم
كريم \على ايه ادم زى اخويا ولما قالى على الموضوع اتبسطت اولا لانك عايشه ثانيا علشان اخلص من الى اسمها هنا
وليد \ملك انتى هنا
ملك اقتربت منه اما هو فاحتضنها \اه لو تعرفى كنت خايف عليكى قد اايه
كريم \بس انا عايز اعرف عايشه ازاى شذى وسمر قالولى انك كنتى بتنزفى وان وليد قال انك موتى
ملك \ احكيلك ايه الى حصل
فلاش باك
كان ادم منتظر امام غرفة العمليات وفجاءه خرج الطبيب وينظر ل ادم بحزن
ادم \ها هى عامله ايه
الطبيب \ .......
ادم بغضب \ اتكلم ملك مالها
الطبيب \ انا اسف بس نزفت كتير وقلبها وقف البقاء لله
ادم جن جنونه قام بلكم الطبيب وامسكه من ياقته \ مستحيل ملك وعدتنى انها مش هتسبنى فاهم
وليد سند على الحائط وظل يبكى اما شذى سقطت على الارض باكيه بشده وشهقاتها تكاد تقطع نفسها
اما ادم دلف الى غرفة العمليات ليرى معشوقته ممده على السرير فاقترب منها واحتضنها \ قومى علشان خاطرى ملك انا ازاى هعيش من غيرك انتى وعدتينى انك مش هتسبينى "ثم قال بغضب \ملك قومى بلاش تعملى فيا كده
الممرضه \ يا استاذ مينفعش كده
ادم \اسمعونى انتو هى عايشه صدقون بس هتقوم دلوقتى
ليصرخ ادم بكل قوه \ كفايه كده ياملك انتى عايشه"ليبكى وهو ممسك يدها " ملك متسبنيش
الطبيب \ ممكن تهدى وتطلع بره
فجاءه صرخت الممرضه \ الحق يادكتور قلبها رجع اشتغل تانى
اقترب منها الطبيب \ حاضرولى بسرعه حقنة .....
بعد مرور فتره قصيره التفت الطبيب اليه \ احنا محتاجين نقل دم بسرعه
وليد دلف الى الغرفه \ هى نفس فصيلة دمى
الطبيب \ طيب تعالى معايا
بعد قليل \ الحمد الله هى دلوقتى بقت كويسه محتاجه ترتاح شويه
وليد \ والجنين
الطبيب \ انا اسف بس الجنين نزل ربنا يعوض عليكم ان شاء الله
ادم بدموع \ مش مهم المهم انها عايشه
وليد \طيب انا هطلع اطمن الجماعه بره
ادم امسك يده بقوه \ لا يا وليد مش هتقول لحد
وليد \تقصد ايه
ادم \ اطلع قولهم ملك ماتت
وليد بصدمه \انت اتجننت يا ادم
ادم بخوف \ المرادى طلعت منها سليمه المره الجايه هيموتوها بجد
وليد \ ماشى يا ادم بس جدك لازم يعرف
ادم \ تبقى تقوله بعدين لازم يفتكرو انها ماتت علشان اعرف هما ناويين على ايه وليه كل ده حصل
عوده الى الحاضر
كريم \ الحمد الله انك كويسه
وليد \ ها هتروحى على البيت
ملك \ اكيد زمان دلوقتى ساره رجعت البيت واكيد شذى وسمر هناك
كريم \ اه صح سمر قالتلى انها هتروح لساره علشان ولدت
ملك غمزت لوليد \وانت اخبارك ايه
وليد نظر لكريم وقال بضيق \ يعنى تقدرى تقولى مفيش جديد
كريم ضاحكا \معلش يا وليد هى سمر كده عنيده شويه
ملك باستغراب\انت عارف
كريم بعدم فهم \ عارف ايه
ملك \ ان وليد بيحب سمر
كريم \ اها انا كان قصدى على ان لما وليد جيه اتقدملها وهى وفقت بس ...ليقاطعه وليد قائلا \بس مطلعه عينى مقولكيش
ملك \ المهم انها وافقت
وليد \انت لو عرفتى هى بتعمل فيا ايه دية مش مراعيه انى بغير عليها تقولى ده ابن عمى عادى اسلم عليه والمشكله ان نظراته لييها كلها اعجاب اقولها متكلمهوش تعند وتكلمه انا مش فاهم هى ليه بتعمل كده تصرفاتها كلها بتقول انها مش عايزانى طيب لو مش عايزانى كانت رفضتنى انما كده ده لعب عيال
كريم \ صدقنى انا كمان مش فاهم هى ليه بتتصرف كده صدقنى ديه مش اختى خالص
ملك ضاحكه\ هى بتعلمك الادب
وليد \ليه انا عملتلها ايه انا والله بحبها بستصرفاتها بدءت تخنقنى
ملك نظرت لكريم فانتبه كريم لنظرتها فقال \انتى عارفه حاجه صح
ملك \ مش مهم الكلام ده دلوقتى
وليد \انا هنزل ادور العربيه بس متتاخريش
وليد ابتعد وكادت ملك ترحل لكن اوقفها كريم \ ايه تعرفيه انا معرفهوش يا ملك
ملك ابتلعت ريقها \ ولا حاجه
كريم \سمر بتحب وليد صح بس الى عايز اعرفه اذا كانت بتحبه ليه بتعامله كده
ملك \ سمر كانت بتحب وليد من زمان لكنه مكنش واخد باله منها او مكنش بيفكر فى موضوع الحب والجواز والكلام ده بس لما ظهر تانى...
كريم بضيق\ غبيه لو فضلت تعامل وليد كده وليد هيسيبها وساعتها هتندم لان مفيش حد يستحمل كده
ملك \قولتلها كده وانه مش ذنبه انه مشفهاش قبل كده و ماخدش باله منها لكن رجع ولما شفها اعجب بيها وحبها يبقى خلاص تنسى الى حصل زمان
كريم \ملك انا عايز اطمن عليها عايز اشوفها متجوزه انتى عارفه انها الى اتبقتلى وانى بقيت بالنسبالها الاب والام والاخ بس نفسى افرح بيها ووليد انسان محترم وبيعمل اعتبار لصديقه وجيه علطول طلبها منى
ملك \اما اشوفها هعدلها دماغها
كريم ضاحكا \ديه لو موقعتش من طولها لما تشوفك محدش يعرف انك عايشه
ملك \ربنا يستر
وقفت سيارة امام منزل ابراهيم ركض رجلان ممسكون اسلحه وفتحو الباب نزلت ملك ووليد
ملك \هو ايه الى بيحصل
وليد \ ادم بيامنك انتى عارفه هو بيخاف عليكى قد ايه
دلفو الى الداخل ليسمعو سمر
سمر \ حلو اوى ياساره ربنا يخليهولك
دلف ملك بابتسامه وعندما رائها جدها قال بسعاده \ ملك
ركضت ملك اليه واحتضنته بقوه وظلت تبكى
ليلى \بنتى وحشتينى ياعمروى تعالى فى حضن امك
ملك نظرت لها بدموع وركضت لها وارتمت باحضانها\ وحشانى اوى يا ماما
التفت الجميع سمر وشذى صدمو تماما ظل يبحلقو فيها لا يصدقون فالتفت سمر لساره \ مين ديه يا ساره
ساره وهى تضع الطفل على يد حسام \ بصو انا اسفه انا مكنتش اعرف غير من قريب لما تعبت اضطر حسام يقولى
شذى \يعنى ايه مش فاهمه
ملك ابتسمت واقتربت منهم \ وحشتونى بجد
شذى دمعت عيناها ونهضت \ ملك انتى بجد عايشه
ملك هزت رأسها بايجاب فركضت سمر وشذى اليها واحتضنوها
ملك \ بس ياعيال بلاش عياط بقا انا كويسه والله
سمر \ انا مش مصدقه انتى عايشه
ابتسم وليد\ اهدو فى ايه هتفطسوها
سمر بغضب \يعنى انت عارف ومتقوليش
وليد نظر لها \سر مكنش ينفع اتكلم
سمر \ انت بارد انا مش عارفه بتجيب البرود ده منين
وليد بغضب \ سمر اتكلمى عدل
ملك \بس بقا انتو الاثنين
وليد بضيق \ملك انا هطلع اريح شويه
ملك \هو انت قاعد هنا
وليد \طول ما ادم مش هنا لازم اكون معاكى
ملك \ ربنا يخليك ليا يا ليدو
وليد \ وميحرمنيش منك ياقلب ليدو
سمر بغضب \ لا والله اشمعنى هى بتكلمها حلو وانا بتكلمنى ولا كانك مش طايقنى
وليد \الى يعاملنى حلو اعملو حلو والى يعاملنى بغباء هعملو بغباء "ابتعد وليد وجلس على الاريكه بغضب
سمر \ شايفه عجبك كده
ملك \ ايه الى حصلك ياسمر سمر بتصرفاتك ديه وليد هيسيبك وساعتها هتندمى
سمر بدموع \والله غصب عنى كل اما افتكر الى حصل زمان بيتقلب حالى
ملك \ سمر لو مش بتحبيه سيبيه يمكن يلاقى الى تفهمه وتقدره
سمر بغضب \اسيب مين ومين ديه الى هتقدروه انتى بتهرجى ياملك
شذى \اسكتى بقى ياسمر .."نظرت لملك"ملك عايز اعرف انتى كنتى فين كل ده
ابراهيم \ايوه يابنتى كنتى فين ادم مقلش اى حاجه وكل اما اسئله يقول بكره تعرفو
ملك نظرة لوالدتها \ وانتى يا ماما عايز تعرفى
ليلى \ اكيد ياقلب امك
وليد اقترب منها ليستمع لها
ملك سردت لهم اين كانت
فلاش باك
تم نقل ملك الى غرفه عاديه وعندما علمت بان الجنين نزل انهارت فدلف ادم الى غرفتها راها تبكى فاقترب منها وجلس بجانبها فارتمت هى باحضانه وقالت بدموع \ ابنى يا ادم رجعلى ابنى
ادم \شش خلاص متعيطيش بكره ربنا يرزقنا وبدل العيل هنجيب دسته بس المهم انك كويسه
ملك \ ليه عملو فيا كده انا مئزتش حد ليه بيكرهونى
ادم \ خلاص علشان خاطرى بلاش تعيطى واوعدك انى هجبلك حقك
ملك \ انا عايزه اشوف ماما
ادم \ حاضر بس نامى دلوقتى
مر يومان
بالسياره
ملك \ احنا هنروح فين
ادم بابتسامه \ انتى طلبتى اننا نبعد وانا بحققلك طلبك
ملك \ايوه يعنى هنروح فين
ادم \هنروح الاول مشوار سوى
"ادم اخرج علبة عصير واعطاها لملك وارتشفت منها بعد قليل كانت ملك نائمه تماما
ادم نظر لها \سامحينى ياملك بس لازم تبعدى مش هستحمل انك تروحى منى
مرت ساعات
فتحت عيناها بهدوء لترى عينان تنظر لها باهتمام
فانتفضت من على السرير \ انا فين وانت مين
.....ليضحك \ بصى كويس يمكن دقنى طولت شويه
... دعكت عيناها ونظرت له لتقفز من مكانها \ مش معقول عمو
.....\ وحشتينى يابنت اخويا
لترتمى بحضنه \ وحشتنى اوى انت ليه غبت عليا
ليبتسم \ ظروف المهم انتى كويسه
ملك\ امال ادم فين قالى هنروح مشوار بعدها مصحتش غير دلوقتى ممكن حد
يفهمنى انا فين وجدو وحشنى اوى
ليقوم من مكانه \ انتى فى اسكندريه
لتتقول بخوف \ عمو سالم ارجوك قولى فين ادم
ليقول سالم \ ادم بيحميكى انتى متعرفيش ادم ازاى كان هيتجنن عليكى وقرر انه يجيبك هنا
ملك بغضب \انا مش فاهمه حاجه
سالم \ ملك انتى دلوقتى بالنسابلهم ميته يعنى مش موجوده اصلا
ملك \ ازاى جدو هيزعل انا مش هستحمل انا لازم اروحلهم
سالم \ متقلقيش مامتك وجدك عارفين لكن الباقى كله فاكرك مايته
ملك بدموع \ فين ادم سابنى ليه
سالم \ ادم بيحاول يعرف هما ليه عملو كده ومين وراهم
دلف شخص \ سالم بيه الفطار جاهز
سالم \ يلا يالوكة علشان تفطرى
ملك بحزن \ حاضر
جلست ملك كانت تفكر فى ادم وتفكر هل ستظل هنا فتنهدت بضيق وامسكت المعلقه وتناولت الطعام
بعد الفطار
رن هاتف سالم فاجاب قائلا \ الو يا ادم اخبارك ايه
ملك خطفت الهاتف من يده \ ادم ممكن اعرف ايه الى انت عاملته ده
ادم ضاحكا \اهدى بس
ملك \ادم تعالى حالا
ادم بضيق \ مش هقدر ياحبيبتى اسمعينى ياملك انا عارف انك مضايقه بس اوعدك ان كل شىء هيرجع زى ما كان وانتى هترجعى بس مش دلوقتى خالص
ملك \ لا يا ادم انا هرجع انا مقدرش اقعد بعيد عن ماما وجدو
سالم \ يعنى انا مش عجبك
ادم بابتسامه \ معنى كده انتى مشوفتيش المفجاءه الى عملهالك
ملك \ مفجاءه ايه انا مش عايزه مفجأة انا عايزاك انت ادم علشان خاطرى تعالى
تفتكرو ايه هى المفجاءه يلا كله يتوقع كده ايه هى المفجاءه الى يقصدها ادم
يتبع....
بدل ماتدور وتبحث علي الروايات خليها علي تليفونك وحمل تطبيقنا
