Ads by Google X

القائمة الرئيسية

الصفحات

رواية حياة ظابطة الفصل السابع والعشرون 27 بقلم سما الحملاوي

 


 رواية حياة ظابطة الفصل السابع و العشرون 



وقفنا لما حياه دخلت الأوضة بتاعت عاصم وشافت فيها الورق الي صدمها..
....................♕
في بيت احمد الدمنهوري..
الساعه ٧بليل...
جه يامن عشان يقابل احمد ومراد...
يامن.... ازيك ياعمي ازيك يامراد
مراد... بخير يايامن انت عامل ايه 
احمد.... الحمدالله يابني وانت اخبارك
يامن.... الحمدالله يارب
يامن....احم انا يا عمي طالب ايد ساره زي ما قولت لحضرتك في الفون 
احمد....وانا يشرفني يابني
يامن... الشرف ليا يا عمي انا مهندس عندي ٢٤سنه عندي شركتي انا ووالدي بس انا الي ماسك فيها كل حاجه والحمدلله
احمد....ربنا يوفقك يابني
يامن.. عمي لو انسه ساره موافقه اجي بكره مع اهلي ونقرأ الفتحه 
احمد....ثواني نسألها ..ساره ساااره
ساره دخلت....ايوه يابابا 
احمد....انتي موافقه يابنتي على يامن
ساره بحرج....احم الي حضرتك تشوفه يابابا
مراد بضحك.... خلاص يبئا مش موافقين😂
يامن بضحك.....ايه ياعم انت في ايه😂
مراد.... مش هيا الي قالت الي نشوفوا😂
احمد بضحك.... بس ياقاطع اللحظات
مراد..... تسلم ياحج
احمد بأبتسامه....يبئا على خيرة الله يايامن
يامن بفرحه.....يبئا بكره اجيب اهلي ونقرأ الفاتحه والخطوبه وقت ما حضرتكم تحبوا 
ساره بأندافاع....لا قراية فاتحه بس خطوبه لما حياه ترجع بأذن الله معلش
يامن....زي ما تحبي 
احمد....يبئا زي ما اتفقنا بئا 
مراد.... وانا مش موافق بئا🙂
يامن... عمي مش عاوزه يحضر فرحي😂
احمد.... ولا انا😂
مراد.... انا ماشي عشان حاسس اني ماليش كلمه سيكا😂
يامن.... حاسس مش متأكد يعني😂
مراد بهمس.... لم الدور بدل ما ابوظ الجوازه بجد😂
يامن قام حضنه.... لا ياراجل دا انت الكل في الكل متقولش كدا 
احمد....من دلوقتي بيخوفك😂
وساره واقفه عماله تضحك... 
يامن....هستأذن انا بئا يا عمي
احمد.... ليه ماتقعد شويه يابني 
يامن....لا همشي انا دلوقتي سلام عليكم 
احمد وساره....وعليكم السلام
وخرج مراد يوصله للباب... 
ايه خرجت من جوا... 
ايه... ها خير









احمد... بكره هيجوا يقرأو فاتحه ولما حياه ترجع هنعمل خطوبه ان شاء الله 
ايه حضنت ساره... مبارك عليكي ياروح ماما
ساره.... الله يبارك فيكي ياحبيبتي
دخل مراد... 
مراد بحب اخوي.... روح قلبي انا الف مبروك ياحبيبتي ربنا يتمملك على خير 
ساره وهي بتحضنه... حبيبي الله يبارك فيك عقبالك 
خرجت نعمه وخرج ياسين وجيسيكا وبركولها وقعدوا سوا يتكلموا.... 
..................................... ♕
عند حياه.... 
حياه بصدمه وعياط.... لا لا لا اكيد مش حقيقي احمااااد يعني ايه يعني اخويا مات مقتول على ايد الكلال دول يارب ازاي انا لازم افهم بس بس انا مينفعش اوقف اي حاجه دلوقتي عشان متقفش 
اهدي ياحياه اهدي وكملي المهمه للأخر وفكري كويس وهتقضى عليهم وبعدها تفهمي 
بس بس اخويا وصلهم ازاااي يارببب صبرنييي 
هديت شويه وبدأت تكمل تدوير... 
شوفت ورق تبع المافيا بتاع امريكا صورتهم وبعدها لقيت ورق لصفقة بود*ره الهير*و*ين صورته وصورت ورق احمد اخوها وهتاخد كل الورق دا قبل المهمه بتاعت عاصم الي كمان اسبوع بالظبط ظبطت كل خاجه وقفلت الاوضه وراحت على الكاميرا الي موجها ناحيه الاوصة من برا ورجعتها طبيعي وخرج خالص وقفلت وراها.... 
نزلت تحت ودخلت تصلي وتدعي ربنا يوفقها.... 
وبعدها خرجت وبعتت رساله لحمزه.. 
..................................... ♕
في بيت يوسف الهواري... 
في مكتب يوسف... 
يوسف....حياه قالتلك حاجه تاني 
حمزه.... لا لسه يابابا 
قطع كلامها وصول رساله على فون حمزه...
حمزه....ثواني يابابا هرد على رساله من حياه 
فتح حمزه رساله حياه كان فيها... 
(حمزه باشا انا لقيت ورق مهم جدا وصورته بس مش هقدر ابعته تمام ومعلش ارجوك خلي مراد يحذر ياسين من جيسيكا عشان هي معاهم في كل حاجه) 
حمزه رد عليها وقال... 
(.حاضر هقوله)
ردت عليه حياه...
(واه المهمه هتخلص كمان اسبوع بأذن الله) 
رد حمزه.... 
(بأذن الله بالمناسبة يامن اتقدم لساره)
ردت حياه.. 
(بتهزر صح)  
رد حمزه... 
(والله ما بهزر بجد) 
ردت حياه.... 
(طيب خلي مراد يكلمني)
رد حمزه... 
(حاضر خدي بالك من نفسك ربنا معاكي) 
ردت حياه.... 
( يارب شكرا ليك) 
قفلوا سوا... 
يوسف.... ها بتقولك ايه
حمزه.... بتقولي انها شافت ورق مهم صورته بس بتقول انها مش هتقدر توريهولي 
يوسف.... تمام انا بثق في البنت دي اوي
حمزه.... ليه دا حتى احنا منعرفهاش غير من كام شهر 
يوسف.... بس شجاعه وعندها ثقه في نفسها وكمان اخت التعلب واحمد 
حمزه بأبتسامه....تمام ياباشا 
يوسف.... يلا نخرج نقعد برا معاهم
خرجوا يقعدوا معاهم... 
حمزه راح جمب نورا ويوسف جمب حنان... 
حنان.... ايه ياحمزه هتقعد النهاردة هنا ولا هترجع
حمزه.... لا ياحبيبتي هرجع واجي الخميس بأذن الله 
يوسف.... لا ياحمزه اقعد النهاردة 
حمزه.... ليه يابابا خير 
يوسف.... مافيش خليك النهاردة وارجع بكره
حمزه....خلاص ماشي 
نورا.... هييييه 😂
حمزه بضحك.... انتي عبيطه ياحبيبتي😂
نورا.... تصدق انا غلطانه اني فرحانه انك هتقعد معانا انهاردة 
حمزه.... ماشي ياستي 
نورا .... الا قولي حياه مش بتكلمك 
حمزه .... لا بتكلمني عشان المهمه  
نورا....سلملي عليها كتير 
حمزه.... حاضر هقولها 
وقعدوا يتكلموا سوا كلهم.... 
.................................................♕
في فيلا احمد الهواري... 
دخل عليهم مراد وهو بيغني وبيقول... 
مراد بغنى.... ضحكت يعني قلبها مال وخلاص الفرق مابنا اتشال يلا قلبي روحلها يلا 
يونس بضحك.... عم الرومانسييي😂
عائشه.... ايوه بئا الي هيبئا عريسسس 😂
مراد....اسكتوا انا دلوقتي في حالة حب 
يونس بمرح....لا كدا دخلنا على الاستاذه اليسا😂
عائشه.... سيبوا يايونس الواد بئا رومانسي😂
مراد.... تصدقوا انتو عيال قفيله فين بابا وماما 
يونس....بيحبوا في بعض جوا اقصد بيتكلموا جوا في المطبخ😂😂
مراد بخبث.... الاه دا احنا نخش نشوف بئا ورايا ياشباب 
عائشه بضحكه شر.... يلا يابرنس
عند ايمان واحمد....
احمد....ايه ياجميل انت يا صغنن
ايمان.... ياراجل اسكت صغنن ايه عيالنا على وش جواز 
احمد.... احنا لسه صغيرين على رأي عمرو دياب انا مهما كبرت صغير😂😂
ايمان.... ماشي ياصغير
احمد... اساعدك ياقلب.. 
 قطع كلامه دخول عليهم مراد الاول
مراد....خياااااانه اللحقوا ياعيااال ابوكوا بيحب في امكوا 
دخل يونس.... ااااه قلبييي ابويا واميي في المطبخ سوا لااا
دخلت عائشه.... لاااا ياليت ما رأيت هذا اقول ايه للناس ايه رأي عيون البوتجاز في الموقف دا 
مراد.....لازم تصلح غلطتك دي يابابا وتتجوز ماما 
يونس... ايوه لازم 
عائشه.... مكنش يومك يا ماما لااااا 
احمد.... لا والله 
ايمان.... اتفضحنا ياحج
احمد.... انت هتعومي على عومهم وانتو هعد ٣لو شوف حد قدامي هوريكوا 
مراد.... مش هنمشي 🙂
احمد.... ١... ٢... ٣ طااايب 
وهوبا مسك المعلقه الخشب وجري وراهم.... 
يونس.... اهدا بس ياحج 
عائشه.... يابابا دا انا حبيبتك عيوشه 
مراد.... اهدا بس يابابا لاااا 
وطلعوا جريوا... 
ايمان.... خلاص ياحمد سيب العيال😂
احمد.... والله ابدا
يونس.... اسمع كلام ماما يا حج
مراد بتمثيل.... يونس عائشه 
يونس بخضه تمثيليه.... مراد مالك في اييه 
عائشه بتمثيل.... اخويا لااا
مراد.... اه هيغموا عليا لا هموت عاوزه اشوف ساره قبل ما اموتتت
يونس.... لااا اخويا يابن ابويا وامي قوم هجوزك ساره قوم 
عائشه.... استناااا لاااا يامراااد
مراد.... لا خلاص مش قادر استحمل اكتر 
ايمان.... ابنييي







احمد.... خلصتوا تمثيل بردوا مش هسيبكوا 
طلع يجري وراهم وهما يجروا... 
لحد ما وقعوا على الارض... 
مراد بنفس متقطع.... لا خلاص مش قادر تعبت
يونس بتعب.... وانا 
عائشه.... عطشاااانه 
احمد.... هديتوا الي جابونييي 
ايمان....بس بئا قولي عملت ايه يا مراد 
مراد.... ان شاء الله هنروح نقرأ فاتحه وهاخدكوا معايا بئا
احمد.... بأذن الله 
ايمان....يلا نقوم نتعشى 
هما... يلا 
وقاموا... 
............................................ ♕📜
عند حياه في شقه عاصم... 
حياه.... ياااا يا ساره معقوله كبرتي كدا واتقدملك عرسان حبيبتي ربنا يكملك على خير 
وقعدت تفتكر ذكرياتها مع احمد اخوها ومراد وساره.... 
( ملاحظه.. احمد ومراد تؤام وقولت كدا في البارت ٣ او الرابع مش فاكره بالظبط ) 
 فلاش باك من ١٤سنه... 
كان مراد واحمد ١٤سنه وحياه ٧ وساره ٤
احمد..... اااه ياني على الدروس وسنينها
مراد.... تعبت من اعدادي وكرهتهاااا
حياه.... احمد احمد 
احمد.... نعم ياحبيبتي 
حياه.... عاوزه اخرج 
احمد.... عيوني هخرجك بس كدا خشي اللبسي 
دخلت جري تلبس... 
مراد.... هتخرجها بجد 
احمد... عمري وعدتها بحاجه وخلفت هتيجي 
مراد.... لا ياعم انا داخل انام 
احمد... اشطا
دخل يلبس وخرج حياه... 
وهما راجعين... 
حياه.... احمد انا بحبك اوي 
احمد.... وانا اكتر يا حبيبتي 
ورجعوا.... 
عدت الايام وجه يوم تاني... 
ساره وحياه بيلعبوا مع الجيران في الشارع.... 
حد من العيال الي قد احمد ومراد ضرب الكوره في ساره ووقعها وقعدت تعيط.... 








حياه.... ايه الي عملته دا افرض اتعورت 
الولد.... بس يابت انتي 
حياه.... بت اما تبتك 
زقها الولد وقاال.... روحي اللعبي بعيد ياشاطره
حياه وقعت جامد وعيطت... 
وساره جريت تقول لمراد واحمد كان جاي وشاف حياه بتعيط جري عليها... 
احمد.... حياه مالك اهدي فيكي ايه قوليلي 
حياه بعياط... ال الولد دا دا ضر ضرب الكوره في ساره وقولت قولتلوا افرض كانت اتعورت زقني وقعني في الارض وتعورت 
راح احمد للولد وضربه بالبوكس.... اختي خط احمر انت فاااااهم 
الولد بوجع.... انا اسف ياحمد 
جه مراد.... في ايه ياحمد
احمد.... خلاص مافيش خد ساره وروح وانا هاخد حياه 
وخد حياه وطهرلها الجرح في صيدليه ورجع... 

اند فلاش باك... 
فلاش باك من ٦سنين... 
احمد ومراد ٢٢ حياه ١٥ ساره١٢
حياه.... احمد توعدني تفضل جنبي انا بحبك اوي انت مش مجرد اخ ليا 
احمد حضنها.... حاضر ياروحي اوعدك انا بحبك اكتر انتي عارفه كدا 
اند فلاش باك... 
فلاش باك من ٥سنين 
قبل ما يسافر... 
حياه بعياط.... ارجوك متمشيش 
احمد.... ياحياتي انتي عارفه اني هرجع تاني صدقيني 
حياه.... ارجوك خليك معانا 
احمد.... وعد مش هسيبك انا عمر خونت في وعد 
حياه.... لا بس انت قولت دي مهمه صعبه 
احمد خدها في حضنه.... خلاص ياحياه متوجعيش قلبي انتي عارفه انك غاليه عليا قد ايه وهرجعلك والله 
حياه.... بحبك اوي 
احمد.... انا اكتر
يوم ما وصلنا خبر وفاته.. 
حياه بأنهيار.... لاااااا لا متقولوش كدا هو لسه عايش سيبوني احمد موجود لسه 
احماااااااااد ارجعلي تااااني روحي وجعاااني في بعدك 
لاااا انت صاحبي مش اخويااا انت نص قلبي التاني ارجعلييي ياحته منيييي 
وعدتني ترجع ليه خالفت بالوعد اول مره تخلف بوعدك ليااا 
ارجوك ارجع ليه مشيت قولتلك متمشيش 
اند فلاش باك 







حياه.... وبردوا مرجعتش يا نور عيوني وحشتني اوي يا حته من قلبي ربنا يرحمك ويسكنك في الجنه 
«الموت هو الضيف الوحيد الذي لا يستأذن عند دخوله اللهم ارحم جميع امواتنا المسلمين واحسن ختامتنا» 
بتمر ٣ايام ويجي يوم الخمس وهو يوم تقديم 
يامن لسارت بيتقدملها وبيقرأو الفاتحه ووبيرجعوا.... 
بتمر الايام الباقيه على انتهاء المهمه ويبئا فاضل يوم.... 
عائشه وادهم بئوا اصحاب مقربين من بعض 
ياسين ووالدته نقلوا شقتهم ومعاهم جيسيكا
ساره ويامن حياتهم ماشيه تمام
في شقه عاصم حياه بتكلم حمزه في الفون... 
حياه.... خلاص المهمه هتنتهي بكره وكل التفاصيل هبعتها في مسدج 
حمزه.... بأذن الله ياحياه 
فجأة بيدخل عليها حد.... 
###... بتكلمي ميين
صدمههههه
.............................................. #


#حياه_ظابطه♡•♕
#البارت_«٢٧»♡••
وقفنا لما حد دخل على حياه وقالها بتكلمي مين... 
علياء.... بتكلمي مين 
حياه بتوتر ونزلت الفون بسرعه.... لا دا حد اتصل غلط 
علياء.... طيب تعالي يلا نفطر عاصم مشي 
حياه.... طيب يلا 
وراحوا يفطروا.... 
بعدها طلعت حياه على فوق تشوف اي ورق جديد... 
صفقة بيع البنات من سن١٠ل١٨سنه ل الاماكن اللي*ليه.... 
حياه بصدمه.... ينهار اسود حتى الاطفال الله يخ*رب بيتكوا ربنا ينتقم منكم يارب.
صورته وخرجت.... 
بعتت لحمزه رساله فيها... 
«متقلقش داده علياء الي دخلت سألت وقولتلها حد  اتصل غلط وهي معلقتش» 
وقامت تجهز كل حاجه عشان فاضل ساعات على المهمه دي.... 
‌........................................... 
في فيلا احمد الهواري... 
يامن... ماما انا رايح لساره انهاردة
ايمان.... ماشي ياحبيبي
يونس نزل من فوق....ماما انا ماشي رايح شقة حمزه عشان بكره هنقبض عليهم
ايمان.... ربنا ينصركم على الاعداء يارب ويوفقكم 
يامن.... ربنا معاك ياحبيبي 
نزلت من فوق عائشه بدموع.... يونس 
وجريت عليه حضنته.. 
يونس.... ايه ياروحي انا جاي بكره 
عائشه بعياط.... انا خايفه عليك 
يونس.... متقلقيش ياقلبي بكره راجع والله 
عائشه.... ربنا معاك يارب 
وهما خارجين يوصلوا يونس للباب قابل احمد راجع من الشركه... 
احمد.... هتمشي دلوقتي 
يونس.... اه بأذن الله تعالى 
احمد.... ربنا ينصركم على الاعداء يارب ويوفقكم وترجعوا بالسلامه ان شاء الله 
يونس...امين يارب 
ومشيوا وراح يامن يركب العربيه ويونس جمبه عشان مش هيركب عربيته... 
يونس.... يامن اسمعني 
يامن بأنتباه... ايوه 
يونس.... لو يعني لقدر الله مرجعتش خد بالك من عائشه وخد بالك من بابا وماما 
يامن.... ايه الي بتقولو ده هي اول مهمه ليك 
يونس.... ياحبيبي مش اول مهمه بس انا معرفش هرجع ولا لا وانا شغلتي خطر والمهمه دي خطر يا يامن 
 يامن بعدم انتباه للطريق.... يا يونس متقولش كدا ارجوك 
يونس.... يايامن اسمعني ب حاااااسب
‌.......................................... 
في فيلا يوسف الهواري... 
نورا.... ماما انا راحه اجيب حاجات 
حنان... ماشي ياحبيبتي 
قطع كلامهم دخول حمزه... 
حمزه.... سلام عليكم 
حنان ونورا.... وعليكم السلام 
حمزه.... عاملين ايه 
حنان ونورا.... الحمد لله تمام وانت
حمزه.... بخير الحمد للله 
حمزه.... احم انا رايح المهمه بكره 
حنان بخوف.... بجد؟؟؟ 
حمزه.... اه بأذن الله تعالى 
نورا.... ربنا معاك انا واثقه فيك وفي حياه ويونس 
حمزه.... ناقص مراد😂😂ربنا يخليكي ياحبيبتي
حنان.... ربنا معاك ياحبيبي وينصركم وترجعوا بالسلامه 
حمزه.... يارب 
دخل يوسف... 
يوسف.... اهلا ياحمزه يلا يابطل جهز نفسك وعلى اتصال بيا لحد طلوع المهمه
حمزه.... ماشي يابابا انا ماشي بئا 
كلهم.... ربنا يوفقك يارب 
خرج وخرجت نورا هي كمان كل واحد ركب عربيته ومشي... 
‌..................................... 
في بيت احمد الدمنهوري.... 
مراد.... بابا انا همشي هروح شقة حمزه عشان المهمه بكره 
احمد.... ربنا معاك يابني ومع اختك يارب 
ايه.... هتبئوا بخير بأذن الله 
مراد.... امين يارب العالمين 
ساره خرجت بأنهيار.... ارجوك متروحش 
مراد....ياساره ياحبيبتي راجع ليكي تاني 
ساره.... لا ارجوك خليك 
مراد حضنها وسرح في الماضي... ياااا من ٥سنين نفس الموقف بس مع حياه واحمد ممكن فعلا انا مرجعش ويكون نفس نهايتي هي نهاية احمد يارب 
رجع تاني وقال.... ياساره ياحبيبتي بطلي عياط صلي وادعيلي بس 
ساره.... ربنا معاك يارب ويوفقك ويبارك فيك 
الباب خبط ودخل ياسين ونعمه وجيسيكا.... 
ياسين.... خلاص ماشي 
مراد.... اه ان شاء الله 
ياسين.... ربنا معاكي يارب وترجع انت وحياه بالسلامه
نعمه.... ربنا ينصركم يارب 
جيسيكا بكر*ه وغ*ل.... ترجع  بالسلامه
مراد.... امين يااارب 
ونزل.... 
ياسين.... يلا نطلع بئا احنا 
ايه.... متخليكم 
ياسين.... انا عن نفسي هطلع اعمل شوية حاجات وانزل تاني 
نعمه.... هطلع احضر الغدا وانزلك 
وطلعوا كلهم... 
‌..................................... 
عند يامن ويونس في العربيه... 
يونس.... حاااااسب 
يامن مركزش في الطريق وكان هيخبط في بنت واتخبطت خبطه بسيطه لأنو فرمل بسرعه...
وقف ونزلوا... 
يونس راح لها وقال.... يا انسه انتي كويسه احنا اسفين 
رفعت راسها... 
يونس.... ونس قومي انتي بخير 
ونس قامت وعدلت نفسها.... اه اه بخير ايدي بس اتعورت مافيش مشكله 
يامن جه...... ونس انتي بخير 
ونس.... اه بخير يابشمهندس يامن
يونس....تعالي نوصلك في طريقنا 
ونس.... لا شكرا شكرا 
يامن.... يابنتي تعالي 
ونس بكسوف.... حاضر 
وركبت ورا في الكنبه وهما ركبوا كمان... 
يامن.... بيتك فين ولا المكان الي رايحاه 
ونس....راحه البيت في####
يونس.... يلا اتحرك
بعد شويه... 
يونس.... بس يايامن اسمعني في الكلام دا ومتعارضش 
يامن.... يوووه هنعمل حادثه المرادي 
يونس.... يخربيتك.. يعني يا انسه ونس يرضيكي رايح مهمه بكره بقولوا خد بالك على نفسك وعلى اهلنا يقولي اسكت افرض يعني جرالي حاجه 
ونس بصدمه....لا لا متقولش كدا بعد الشر عليك بأذن ترجع بخير 
يامن غمز ليونس بطرف عينوا... 
يونس.... بأذن الله تسلمي 
بعد شويه وصلوا وبص على البيت كويس واتحركوا بالعربيه... 
يامن.... الصناره غمزت ولا ايه 
يونس بضحك... باين كدا😂
ضحكوا ووصلوا عند بيت حمزه ويامن اتحرك وراح لساره
........................................🥀
عند نورا في العربيه.... 
نورا كانت بتكلم ساره في الفون.... 
نورا.... ياسيدي ياسيدي الحب جاي انهاردة 
ساره.... ونبي يانورا انا زعلانه اوي ولا مرود ولا حياه هنا ربنا يرجعهم بالسلامه 
نورا.... يارب امين ويرجع حمزه ويونس بالسلامه يارب 
ساره.... يارب انتي فين كدا 
نورا.... نزلت اشتري حاجات وهدية لحياه عشان لما ترجع بالسلامه
ساره.... هتغلبني اهو😂
نورا.... ياستي😂
وفجأة نورا سكتت... 
ساره.... نورا في ايه سكتي ليه 
نورا.... معرفش في حاجه في العربيه بتعمل صوت شديد 
ساره.... طيب انزلي بسرعت من العربيه 
نورا.... حاضر
فجأة نور قوي ضرب والعربيه فلتت
 ااااااااااااااه
ساره..... نووووورا في ايه ردي عليااااا 
.................................. 
لسه البارت منتهاش فاضل التكمله تفاعل بئا عشان انزل البارت بليل انا كتباه وتفاعل عشان الروايه متوقفش يلا ياشباب شجعونييي... بحبكم♥.. 
#بخطي_سما_الحملاوي•♡•♡•♕.. 
༺༺༺༺༻༻༻༻
اقتباس من البارت الفيديو...! .... 
 ياترى دي اللحظات الاخيرة لحياه فعلا..؟ 
ياترى حياه انتقمت من عاصم فعلا...؟ 
هنعرف كل دا الحلقه بتاعت بكره بأذن الله تفاعل كتيير.... 
..... 
الفراق صعب اصعب شئ في الحياه هو الفراق.

#حياه_ظابطه••♡
#تكمله_البارت_٢٧••♕
قبل البارت حابه اقول ان بجد التفاعل مش مشجعني خااالص.... لأن التفاعل قل خالص وشكرا... 
.............................................♕
وقفنا لما نورا العربيه لفت منها وفجأة في نور ضرب في وشها... 
نورا.... اااااااااه
ساره.... نورا في ايه ردي عليا
نزل شخص من العربيه الي قدامها بسرعه... 
الشاب بتوتر.... ياانسه انتي بخير 
نورا بدوخه.... م م مراد 
واغموا عليها... 
ساره على الفون.... يانورا طمنيني عليكي ارجوكي 
مراد شاف الفون ورد على ساره... ايوه ياساره انا مراد متقلقيش عليها الكاوتش لف منها بس واتخبطت خبطه بسيطه اطمني ومتقوليش حاجه لحد دلوقتي سلام 
وقفل قبل ما ترد... 
مراد بقلق.... نورا نورا فوقي 
مفاقتش ف شالها وحطها في عربيته ورجع قفل عربيتها وخد المفتاح واتحرك على اقرب مستشفى بسرعه
....................................... 🍂
في بيت احمد الدمنهوري... 
في اوضه ساره.... 
بعد ما قفلت مع مراد... 
ساره بأستغراب.... مراد؟؟؟  وهو ايه الي جابه معاها يمكن هو خبطها او هي خبطت في مش مهم هعرف لما اكلمها يارب تكون بخير
وقامت تجهز عشان يامن جاي... 
لبست بنطلون اسود وبلوزه سوده فيها خطين لونهم ابيض من الكتف وطرحه حمراء وحطت ميكب خفيف خالص وخرجت تشوف مامتها
ايه بحنان... زي القمر ياحبيبتي 
ساره.... حبيبتي ياماما 
احمد من الليفنج... سارههه سارهه
ساره راحت لوالدها....ايوه يابابا 
احمد بحب ابوي....تعالي ياحبيبتي 
ساره... ايوه ياحبيبي
احمد....هتكلم معاكي انتي ويامن في موضوع انهارده مهم
ساره بأستغراب.... خير يابابا 
احمد.... خير بأذن الله بس لما يامن يجي 
قطع كلامهم خبط على الباب... 
ساره قامت تفتح وكان يامن... 
يامن.... يامساء الجمال 
ساره بكسوف.... اتفضل يايامن
دخل يامن وقابلته ايه.... ازيك ياحبيبي 
يامن.... الحمدللله ياامي اخبار حضرتك ايه 
ايه.... بخير الحمدلله ليه تاعب نفسك يابني 
كان معاه شنطه فيها علبة جاتو وتانيه في علبه شيكولاته... 
يامن.... ولا تعب ولا حاجه ياحبيبتي 
ودخلوا الليفنج لأحمد... 
يامن... ازي حضرتك يا عمي 
احمد....  الحمدلله ازيك يابني اتفضل 
يامن.... بخير الحمدللله 
احمد.... طيب نسيبكم شويه سوا بئا
خرجوا وفضل يامن وساره والباب مفتوح... 
يامن.... احم عامله ايه ياساره
ساره بكسوف..... الحمدلله انت عامل ايه 
يامن.... بخير انا جبتلك هديه يارب تعجبك 
ساره....شكرا تسلملي يارب
يامن.... اتفضلي 
وطلع علبه قطيفه فيها خاتم فضه شيك جدا شبه الورده صورته تحت... 
ساره بفرحه.... الله دا حلو اوييي شكرا ليك 
يامن بحب.... عيونك الي حلوة دا اقل حاجه اقدر اجبهالك لحد ما نعمل خطوبه وننزل نجيب الشبكه
ساره بعقل.... صدقني الي فاكره قليل دا غالي عندي اوي انت لو جبتلي ورده تفرق معايا المهم انك فكرت فيا وصدقني بردو انا مش بيفرق معايا الشبكه ولا اي حاجه من دي 
يامن بسعاده... انا ديما بفكر فيكي ويارب ديما احاول اخليكي سعيده يلا اللبسي الخاتم عشان مينفعش امسك ايدك دلوقتي
ساره بفرحه....حاضر هات 
ولبسته وكان تحفه على ايدها.... 
يامن.... تحفه بجد 
ساره بسعاده.... مرسي... اه صح بابا عاوزنا في موضوع 
يامن.... خير موضوع ايه 
ساره.... معرفش هخليه يجي ونسأله
يامن.... تمام 
احمد جه وقعد معاها وايه بتحضر الغدا.... 
احمد.... انا كنت عاوز اتكلم في موضوع مهم معاكوا 
يامن وساره.... اتفضل 
احمد.... الجواز كمان ٢سنتين تكوني ياساره فاضل ليكي سنه وتتخرجي 
يامن.... وانا معنديش مشكله ولو حضرتك عاوزه تكمل عندي مافيش مشاكل 
ساره.... الي حضرتك عاوزه يابابا 
احمد.... يعني مافيش مشكله
ساره.... لا كدا افضل حتى 
احمد.... يبئا على خيرة الله 
دخلت ايه...الغدا جاهز يا ولاد يلا 
............................................. ♥
عند مراد.... 
راح ب نورا للمستشفى... 
مراد بقلق... بسرعهه دكتوررر
جه دكتور وخدها وراحو لأوضه الكشف... 
بعد شويه خرج الدكتور.... 
الدكتور.... متقلقش هي كويسه بس دماغها اتخبطت جامد ف سببت اغماء هي دلوقتي متعلق لها محلول اول ما يخلص تقدر تتدخلها وتخرج انهارده كمان 
مراد بهدوء.... الحمدلله تمام شكرا يادكتور 
الدكتور.... العفو دا واجبي
ومشي... 
فضل مراد قاعد برا لحد بعد شويه ما الدكتور دخل يشيل المحلول لنورا... 
جوه في الاوضه.... 
نورا فاقت وكانت بتقاوم اضاءة الضوء لحد ما فتحت عيونها... 
الدكتور دخل.... حمدللله على سلامتك حاسه ب ايه دلوقتي 
نورا بتعب.... صداع شديد في دماغي 
الدكتور.... بسبب الخبطه الف سلامه عليكي انا هكتب ليكي ادويه وهتبئي بخير بأذن الله تعالى 
نورا.... الله يسلمك يادكتور 
الدكتور.... ثانيه هنادي على جوزك لحسن قاعد قلقان عليكي جدا ربنا يخليكم لبعض 
نورا بأستغراب.... جوزي 
خرج الدكتور ينادي على مراد ودخل مراد... 
الدكتور.... اهو يا بني بخير اهي الحمدلله ربنا يخليكم لبعض انا كتبت شوية الادويه دي ياريت تاخدها بأنتظام في المواعيد دي اتفضل 
مراد.... تمام حاضر 
خرج الدكتور... 
نورا.... شكرا انك انقذتني 
مراد.... على ايه دا واجبي المهم خدي بالك بعد كدا 
نورا..... حاضر
سكتوا شوية وقالت... 
نورا بضحك.... تصدق الدكتور كان فاكر انك جوزي😂
مراد بضحك... عشان كدا بيقول ربنا يخليكم لبعض 😂
نورا.... اه عاوزه اروح معلش
مراد.... قادره تروحي 
نورا.... اه قادره مافيش حاجه 
مراد.... طيب يلا 
وقامت بس كانت دايخه وكانت هتقع... 
سندها مراد بسرعه.... حاسبي 
نورا بدوخه.... اسفه دوخت شويه بس 
مراد... ولا يهمك امشي معايا 
وفضل سندها لبرا وركبها العربيه... 
مراد.... خليكي هنا هجيب الدوا واجيلك 
نورا بتعب.... لا شكرا هروح وابعت حد يجيبهولي 
مراد.... لا استني ثواني وهرجعلك 
وراح يجيب الدوا وجاب لها باتيه وعصير وجه...
مراد.... خدي الدوا اهو وكلي عشان تعرفي تتحركي 
نورا.... شكرا ليك جدا مش عارفه اقولك ايه بجد 
مراد.... العفو متقوليش حاجه كفايا انك تبئي بخير 
نورا بتردد... ممكن طلب اخير اروح اجيب فوني من العربيه واقفلها
مراد.... فونك معايا جبتهولك ومفتاح العربيه انا قفلتها اتفضلي
نورا.... بجد شكرا ليك جدا 
قطع كلامهم رنة فون مراد.... 
مراد.... ايوه ياحمزه
حمزه....ايوه يامراد اتأخرت ليه كدا 
مراد.... اصل وحكاله كل الي حصل 
حمزه بقلق.... طيب طيب هي كويسه دلوقتي بخير 
مراد.... اه هي تمام حتى خد كلمها 
حمزه.... ايوه يانورا انتي بخير ياحبيبتي تعبانه فيكي حاجه 
نورا.... لا انا بخير ياحبيبي والله لولا مراد بجد 
حمزه.... طيب اجيلك 
نورا.... لا يا حبيبي خليك في شغلك انا بخير بكره اطمن عليك 
حمزه... طيب ياحبيبتي خدي بالك من نفسك 
وقفلوا... 
مراد.... اتفضلي سجلي رقمك عشان لو احتاجتي حاجه ولا حاجه تكلميني انا زي حمزه 
نورا.... تمام ماشي 
وخدته وكتبت رقمها.... اتفضل 
اتصل بيها عشان يظهر رقمه عندها.. 
مراد....دا رقمي سجلي بئا
وصلها وخدت حاجتها ودخلت البيت.... 
ومراد اتحرك وطلع على بيت حمزه... 
........................................... 🍃
في فيلا احمد الهواري.... 
في اوضة عائشه... 
بتكلم على الواتساب مع ادهم... 
ادهم.... عامله ايه 
عائشه.... الحمد لله وانت 
ادهم....بخير 
عائشه.... انا مضايقه اوي 
شاف الرساله ولقته بيتصل بيها... 
عائشه... الو 
ادهم... الو مضايقه ليه يا عائشه 
عائشه بحزن.... انهاردة يونس رايح مهمه الفجر ومش بس كدا لا معاه حمزه كمان وانا خايفه عليهم اويي 
ادهم.... ربنا يرجعهم بالسلامه يارب ان شاء الله وانتي  متقلقيش كل حاجه هتبئا تمام 
عائشه.... خايفه اوي 
ادهم.... قومي صلي ركعتين ونامي شويه وكل حاجه هتبئا تمام متقلقيش بس انتي 
عائشه.... حاضر انت حقيقي ونعم الصديق شكرا 
ادهم.... دا واجبي ك صديق ليكي 
وقفلوا مع بعض وبعد شويه بعتلها رساله فيها... 
لا تقلقي كل شئ سيصبح بخير تيقني بالله يا صديقتي.. 
ابتسمت وردت عليه ب
شكرا لأنك صديقي 
وقفلت وقامت تصلي وتدعيلهم... 
............................................🌷
في فيلا يوسف الهواري... 
دخلت نورا الليفنج ليوسف وحنان... 
حنان بخضه.... بنتي حبيبتي فيكي ايه 
نورا.... انا بخير ياماما 
يوسف.... بخير ازاي اومال ايه الي في راسك دا وشكلك المتبهدل 
نورا.... اصل.###
وحكت كل خاجه حصلت.... 
حنان.... ياحبيبتي كويس انك بخير وصحة وسلامة دلوقتي 
يوسف....الف سلامه عليكي ياحبيبتي ابوكي مراد ولد جدع يعتمد عليه في كل حاجه 
حنان.... كتر خيروا يارب ويرجعهم بالسلامه
وكل دا ونورا سرحانه في كلمه الدكتور جوزك ربنا يخليهولك وطريقته معاها وكلام اهلها... 
فاقت على كلام يوسف..... 
يوسف.... قومي ياحبيبتي بدلي هدومك وناميلك شويه 
نورا.... حاضر يابابا 
حنان.... لحظه هاجي معاكي 
وطلعت معاها وبدلت هدومها وامها ساعدتها ونزلت تحت ونورا قعدت على السرير... 
نورا.... يارب ترجعي ياحياه انتي ومراد يونس وحمزه منصورين يارب العالمين اللهم اجبر بخاطرهم يارب ترجعوا بخير يارب ياحياه لأنك وحشتيني جدااا ربنا عالم قد ايه خايفه عليكي 
فضلت تدعي لهم لحد ما نامت من التعب.... 
.............................................. 💔
في شقه ياسين... 
جيسيكا....انا هقوم اخش اوضتي 
ياسين... تمام 
في اوضة جيسيكا.... 
جيسيكا... الو ياعمرو جبت الورق 
عمرو... اه معايا 
جيسيكا.... تمام قابلني انهاردة ٢الفجر في المخزن الي على الطريق الصحراوي هبعتلك اللوكيشن بظبط 
عمرو.... ماشي 
جيسيكا.... تعجبني كدا انت مننا
عمرو.... مش عاوز ابئا منكم انا عاوز تبعدو عني 
جيسيكا.... هفكر في الموضوع دا بعدين 
وقفلت معاه غايبه عن الي واقف يسمعها... 
ياسين.... يطلع هو عمرو وهو الي خد الورق بتاع الشركه ولا مين 
سكت لما سمعها بتقول.. 
جيسيكا..... ماشي ياسين بكره تشوف شر دارين والله لأوقعك واخليك تبوس ارجل الناس يسعدوك 
ياسين بصدمه.... انتي تعملي فيا كل دا والله لأوريكي يا بسخريه دارين 
وقرر انو يروح في الميعاد الي قالته ل عمرو... 
................................................🍂
في شقة حمزه.... 
الباب خبط راح حمزه يفتح....
حمزه... مراد ادخل
مراد دخل... 
حمزه... نورا عامله ايه
مراد... بخير الحمدلله ووصلتها للبيت 
يونس بأستغراب.... نورا ؟؟ نورا مالها 
مراد.... اصل ####
وحكاله على الي حصل... 
يونس بخضه.... طيب وهي كويسه 
مراد.... اه يابني كويسه 
يونس براحه.... الحمدللله 
حمزه.... طيب ياشباب خشوا حضروا نفسكم وحاجتكم عشان الساعه ٧ وفاضل كام ساعه الي عاوز ينام يخش عشان يكون فايق
مراد....عندك حاجه تتاكل قبل ما ننام 
حمزه.... اه يلا تعالوا ناكل 
قاموا ياكلوا وخلصوا وراحوا يصلوا ويدعوه... 
دخلو يرتاحوا شويه.... 
............................................... 🤏🏻🇪🇬
في شقة عاصم.... 
في اوضة حياه.... 
كانت بتمشي في الشقة وسمعت عاصم من المكتب بيقول... 
عاصم.... هنستلم ونديهم الفلوس الساعه ٢ الفجر ورا في المينا عند السفينه الي جايه من المانيا  وانا رايح دلوقتي للباشا ودارين هتخلص وتيجي علينا 
حياه بهمس..... مش هتلحق ياعاصم وهخلص عليك 
وراحت على اوضتها.... 
 تدعي وتصلي ربنا يوفقها في مهمتها... 
سمعت خبط على الباب بتاع اوضتها... 
لبست الطرحه وقامت تفتح.... 
عاصم.... تالين انا خارج ومش هاجي انهاردة هبات برا ومافيش امن على الباب اقفلي الباب كويس وخدي بالك من نفسك ومن داده علياء
حياه.... حاضر ياعاصم بيه 
خرج وهي دخلت اوضتها.... 
جهزت شنطتها وكل حاجتها وقامت جهزت البدله بتاعتها المكونه من بنطلون اسود جلد وتيشرت ب قم جلد بردو لازقين في بعض زي السلوبت وجهزت السلاح بتاعها والبوط الجلد الاسود والحزام الي هتحطه على وسطها عشان تحط فيه السلاح والجهاز بتاع الانذار الي بيبعت اشارة على مبنى المخابرات على طول لو داست على زر ارسال الاشاره ومتوصل بجهاز خاص ب حمزه جهزت حاجتها كلها وقعدت تدرب وتتمرن وبتدعي ربنا في سرها وقعدت ترتاح شويه... 
................................................ 🤌🏻🇪🇬
يامن وساره فضلوا قاعدين مع بعض لحد ما الساعه جت ١٠ويامن مشي وقعدت ساره مع اهلها يدعوه لخواتها بالنجاح في المهمه... 
ياسين فضل يفكر يعمل ايه في جيسيكا وموجوع من خيانتها ليه... 
عائشه قاعده متوتره وخايفه على يونس... 
ايمان قاعده تدعي لأبنها ولحمزه... 
نورا اتحسنت وقاعده تدعي ليهم كلهم... 
حنان قاعده تصلي وتدعي ليونس ومراد وحمزه وحياه... 
يوسف وحازم باشا في مبنى المخابرات... 
الوقت بيمر ببطئ شديد رحمه من الله تعالى على ابطالنا... 
................................................. 🌺
الساعة١٢... 
في بيت حمزه.... 
صحيوا الشباب كلها... 
حمزه بجديه....يلا نتمرن شويه
يونس مراد.....تمام يلا 
عملوا تمرينات شويه وراحوا يجهزوا... 
............................ ༺•༻
في شقة عاصم... 
عند حياه...
دخلت الاوضة السريه بتاعت عاصم وخدت الورق الي موجود كله بس ملقتش ورق صفقة الس*لاح ولا البنات الي هيخدوهم.... 
خلصت دخلت تلبس.... 
بعد ما خلصت لبس.... 
حياه بشر....ماشي يا عاصم هنشوف مين هينتصر 
خلصت خالص وجمعت كل حاجتها في شنطه وخرجت من الاوضة براحه... 
بعدها وقفت شويه تبص على داده علياء وقالت.... مالكيش ذنب في كل ده انتي ست طيبة هخلص المهمه دي واجيلك صدقيني 
رنت على حمزه.... 
حمزه.... الو ياحياه
حياه.... ايوه ياحمزه باشا 
حمزه.... جاهزة؟ 
حياه.... اه جاهزه 
حمزه.... انا جاي حالا 
حياه.... تمام 
وقفلت معاه.... 
............................................. 🍂
في الطريق عند حمزه ويونس ومراد... 
حمزه في الفون.... يوسف باشا جهز القوات هنروح الساعه ٢الفجر 
يوسف....تمام تعالو على المبنى الاول
وقفل معاهم... 
طلعوا على برج عاصم ونزلوا ياخدو حياه... 
مراد.... حياااه وحشتيني وحضنها جامد
حياه.... وانت اكتر 
يونس....يلا ياشباب
حمزه واقف يبصلها بخوف اوي... 
ركبوا العربيه واتحركوا... 
حياه بهدوء.... في واحده اسمها داده علياء فب بيت عاصم اول ما نرجع من المهمه بأذن الله نروح نجبها ملهاش اي علاقه بالمواضيع دي ست طيبة اوي
هما.... تمام نروح بعد المهمه بأذن الله 
حياه.... بس لو مرجعتش معاكم متنسوش تروحولها
حمزه بخضه.... متقوليش كدا هترجعي بأذن الله 
مراد.... بالله عليكي ياحياه متقولي كدا 
يونس.... هترجعي بأذن الله 
سمعت الكلام وسكتت بهدوء.. 
وصلوا عند مبنى المخابرات ونزلوا.... 
طلعوا ليوسف باشا وحازم باشا.... 
يونس.... اهلا بالأبطال
هما.... اهلا يافندم
حازم.... القوات جاهزه مع كل واحد فيكم ٢٠ واحد من القوات وحياه و٢٠واحد هيبئوا على المينا من برا  
يوسف.... واحنا هنبئا معاكوا ديما لو احتاجتوا قوات تاني 
هما... تمام يافندم
واستعدوا واتحركوا... 
.............................................. 🍃🇪🇬
عند ياسين.... 
جيسيكا في الاوضة....عمرو اتحرك دلوقتي انا جايه
ياسين سمعها ونزلت وهو نزل وراها بس المرادي مظهرش ليها وفضل ماشي وراها... 
.............................................༺♕༻
استوووووووووووووووووووووب... 
ياترى ايه الي هيحصل انتظروني... 
حقيقي ياجماعه لو مافيش تفاعل مش هقدر اكملها لأن كدا مش هيبئا في تشجيع ... 
#بخطي_سما_الحملاوي♥
#تفاااعل_ياشباب♥



     

تعليقات