Ads by Google X

القائمة الرئيسية

الصفحات

رواية انا عاوزه ابيع دمى الفصل الخامس 5 بقلم تمر حنه

 

رواية انا عاوزه ابيع دمى الفصل الخامس بقلم تمر حنه

البارت 5

خلصنا وطلعنا وركبنا العربيه ومشينا وفجأه وبدون مقدمات لاقيته وقف العربيه وقال لي: هو ممكن نروح نتعشا في اي مكان!
بصتله بعدم فهم وقولت له: لا انا عندي كليه الصبح وبذاكر ومش هقدر اتأخر اكتر من كده لو سمحت ممكن تمشي!
بصلي وقال لي: تمام ماشي
مشينا وكان طول الطريق ساكت بس كان بيبصلي من وقت لتاني حاولت افهم نظراته ليا بس مفهمتهاش بعد شويه وصلنا وبردو فضل ساكت نزلت وفضل مراقبني بعنيه وبعد ما نزلت سابني ومشي ومستناش لما دخلت زي المره اللي فاتت
فضلت احلل نظراته ليا لكن بردو موصلتش لنتيجه…. دخلت وبعدين وصلت الاوضه لاقيت مريم صاحيه
مريم: حمدالله علي السلامه
قولت لها:الله يسلمك… ايه اللي مصحيكي ده كله!؟
قالت لي مفيش كنت بفكر
قولت لها:والجميل بيفكر فى ايه؟
قالت لي بكسوف: بصراحه انا بفكر في شخص كده معانا في الجامعه








قولت لها: اوبا شكلك وقعت يا جميل مين بقي اللي سارق النوم من عينك كده 

قالت لي: بصراحه انا معرفهوش ولا حتي اعرف اسمه بس هو امور اووي وانا بشوفه كل يوم وبصراحه نفسي ياخد باله مني او حتي يبصلي
 
وبعدين قالت لي بنبرة حزن: هو انا مش جميله يا شهد!
بصتلها بكل حب وقولت لها: حبيبتي انت زي القمر واهم حاجه لازم تبقي عارفه ده كويس ومتسأليش حد انت جميله ولا لا الجمال مش جمال شكل بس ولا لبس كل ده نظام غلاف ولو في يوم حبيتي شخص اوعي تحبيه لجماله او، ماله لأن كل ده ممكن يروح لكن الشخص وطبعه هو اللي بيفضل
صدقيني لو في يوم واحد حبك لشكلك او مظهرك او لبسك او او… الخ يبقي مبيحبكيش ولو وقعتي في يوم من الايام هيسيبك ولو شاف واحده احسن منك هيسيبك… متبصيش للغلاف بصي لمحتوي الكتاب المظاهر خداعة
قالت لي: بس انا بفكر فيه كتير اووي وبفرح لما بشوفه انا بستني اليوم يجي عشان اروح الجامعه عشان المحه ولو حتي من بعيد تفتكري ده حب!؟
قولت لها: ده مجرد اعجاب خارجي بس. طول ما انت متعرفيش الشخص وحبيتيه وانجزبتيه له يبقي مجرد اعجاب…. زي بظبط لما نكون بنشتري لبس وشوفنا فستان جميل متعلق وعجبنا وطلبنا من العميل ينزله ممكن لما نلبسه بقي منلاقيهوش علي مقاسنا وبتالي بنسيبه وبندور علي غيره مقاسنا حتي ممكن منلاقيش زيه في الجمال بس لو لقينا مقاسنا وارتاحنا فيه بنشوفه اجمل من التاني ميت مره… فهمتي قصدي ايه!
==ايوه
___طب قصدي ايه؟
=قصدك ان الواحد ما يكلش كتير عشان يعرف يلاقي مقاسه من اول مره وياخد الحاجه اللي بيحبها
قولت لها بضحك: والله
قالت لي: انا فاهمت قصدك والله انا بهزر يا رمضان انت مبتهزرش
قولت لها: لا ياختي بهزر ويلا قومي نامي عشان عندنا جامعة الصبح
قالت لي: حاضر.. تصبحي علي خير يا رفيقة الغرفة
 
_وانت من اهله يا سكر









في اليوم التالي
صحيت انا ومريم صلينا وفطرنا وحضرنا شنطنا ونزلنا الجامعة هي راحت قسمها وانا روحت قسمي حضرت محاضراتي وكان عندنا محاضره فاضيه طلعت قعدت في الكافتريا الخاصة بالجامعه بعد شويه لاقيت عمر داخل عليا
عمر: السلام عليكم ازيك يا قمر
قولت له بحده: وعليكم السلام ورحمة الله وبركاته
قال لي: انا عرفت انك سألتي عليا متشكر اووي لسؤالك
قولت له: لا العفو انا اللي متشكره
قال لي بنظره خبث: هو ممكن نبقي صحاب
قولت له بحده : بص يا استاذ عمر جميلك فوق راسي ده اولآ وانا مستعده اردهولك اي وقت يعني لو تطلب الامر….. لكن ثانيآ بقي وده الاهم انا ليا حدودي وياريت متتخطهاش مش عشان دافعت عني وكده تفتكر ان بالمشهد ده انت بقيت بطل في نظري وانا ملهوفه عليك ياريت تلزم حدودك تاني مره يا استاذ عمر
قالي بنبره هاديه: انا مقصدش حاجة انا بس شايفك لوحدك ومبتكلميش حد ف قولت انا زي اخوكي
قولت له: شكرا بس انا معنديش خوات ده غير انا لو عاوزه اكلم حد هروح اكلم انا اللي بحب اكون في حالي وعن اذنك عشان عندي محاضره دلوقت
وسبته ومشيت
 
عمر: يابت الكلب
جاله يوسف من وراه
وقال له باستهزاء: ايه يا معلم شكلها نفضتلك ولا ايه!
عمر: لا منفضتليش ولا حاجه ده بس عندها محاضره دلوقت
يوسف بخبث: يسطا متستعبطش انا سمعت كل حاجه انا كنت وراكم
عمر: يعني انت عاوز ايه دلوقت فكك مني ويلا قوم من هنا بقي
يوسف: يسطا متزعلش نفسك الموضوع مش مستاهل وبعدين نسيت اقول لك هند سافرت مع باباها ومش هتيجي غير علي الامتحانات
وقالت لي اقول لك عشان اتصلت بيك لاقت فونك مقفول
عمر: ماشي انا عاوز امشي دلوقت
يوسف: رايح فين
عمر: رايح في داهيه قال لها وهو ماشي
عند شهد
خلصت محاضراتي وكنت ماشيه رايحه الشركة وانا طالعه من السيكشن سمعت صوت حد بيتوجع والصوت كان جاي من علي السلم قربت ببطئ وسمعت الشخص بيتوجع اكتر والصوت بيزيد وبينادي علي حد يساعده
قربت اكتر واكتر وبعدين وصلت للصوت اتخضيت من اللي شوفته وحطيت ايدي علي بؤي من الصدمه
لاقيته بينزف ومضروب علي راسه والدم مغرق وجه رميت شنطتي وحاجتي ووطيت عليه بس لما قربت منه لاقيته ميييين
يوسف#


تعليقات