رواية تزوجت صعيدي الفصل السابع
اذكروووا الله💚🌿
#الحلقة 7
للأسف بشمهندس أحمد ماستحملش العملية
زينب اغمى عليها والممرضه جرت عليه واخدتها اوضة
بعد فترة من الوقت زينب فاقت افتكرت اللى حصل ودخلت فى نوبة عياط هستيرى والدكتور دخل عندها
ارجوكى اهدى
احمد مات
مين قال كده
انت
انا ماكملتش كلامى انتى صرختى قبل مااكمل
زينب بأمل تقصد ايه انه عايش
ايوه
طيب والعمليه
قلبه وقف فى العمليه وعملناله إنعاش لكن مااقدرناش نكمل هيفضل تحت الملاحظة لحد حالته ماتستقر وهنحدد ميعاد تانى للعملية
المهم انه بخير
الحمد لله تقدرى تشوفيه لكن بلاش اى مجهود او انفعال ومايتكلمش كتير
حاضر وذهبت لغرفة أحمد للاطمئنان عليه
***********أميرة اميرة جمال ***********
نزلت نور وملك على الغداء وكان الكل مستنيهم ماعدا الجدة فاطمة اللى كانت بتشرف على الأكل وهو بيجهز على السفرة
الجد:تعالو ياحبايبى اقعدوا هنا
نور وملك قعدوا فى صمت
الجد :مالك يانور يا بتى
مافيش ياجدو كويسه
لا فيه قولى
ملك متدخلة شافت كابوس بس فقامت قلقانه
الجد:ماتقلقيش خير بإذن الله ممكن من تغيير المكان بس
نور:ممكن فعلا
الجدة دخلت ووقفت بزهول اول ماشافت نور وقربت منها بحذر ووجهت لها الكلام نور انتى لسه عايشة
نور بصتلها بزهول وهى مش فاهمة حاجه
الجد:مالك يافاطنة فيكى ايه وتعرفى نور منين
فاطمة:مرات حسن ولدى
الجد:لا يافاطنة دى نور بنت بشمهندس أحمد صديق أحمد ولدك
فاطمة:سبحان الله يخلق من الشبه أربعين
الجد :وانتى شوفيها فين يافاطنة
فاطمة:عارفه ياحاج انك كنت غضبان على حسن بس كان نفسي اشوفه واطمن عليه ولو مرة وشوفته هو ونور مرته الله يرحمهم
الجد:الله يرحمهم واتنهد بحزن
فاطمة:مسامحنى ياحاج
الجد:بنظرة حب مازعلش منك واصل يافاطنة
فاطمة:اتكسفت
نور وملك بيتابعوا الموقف بفرحة من نظرات الحب بين الجد والجدة
سليم بمرح:الله الله انا بقول نقوم نمشى علشان مانبقاش عزول
الجد:بمرح اتحشم ياسليم
حاضر ياجدو الله يسهلك
الجد :اتجدعن انت كمان علشان يسهلك زيى
سليم:بضحك انا عارف انا اللى جبته لنفسي وضحكوا جميعا
دخل عليهم آدم علشان يكمل المرح
انا جيييييت
الجد بمرح اهو المزعج وصل
كلهم ضحكوا على فكاهة الجد
آدم سابهم كلهم وقرب من ملك اخبارك ايه ياملوكة
ملك باحراج الحمد لله
آدم :هتتبسطى هنا اووى
ملك اتكسفت وبصت للارض
الجد هى هتتبسط اكتر لما تتلم وتقعد مكانك
ضحكوا جميعا حتى نزلت سارة
فاطمة قامت هصبلكم الشوربة
سارة بسرعه ارتاحى ياجدتى انا اللى هصبها وبدأت توزع عليهم جميعا حتى وصلت لنور وما ان اقتربت من نور حتى صرخت نور بشدة وقام الجميع بفزع
يتبع........
بدل ماتدور وتبحث علي الروايات خليها علي تليفونك وحمل تطبيقنا
