Ads by Google X

القائمة الرئيسية

الصفحات

رواية احببت خاطفي الفصل التاسع 9 والاخير بقلم رحمة محمد


  رواية احببت خاطفي الفصل التاسع  والاخير

الشخص 1 بضحك : هتبقا ليله فل متخافيش يقمر 
الشخص2 : محدش هيعرف يخدك مننا 
البنت بدموع : سبوني امشي الله يخليكوا 
وفجأه في عربيه خبطتهم من الجنب بيبصو عليها كان اياد
البنت اول ما شفتو حسة بالامان 
الشخص 1 : مين دا
ومشي اسرع بالعربيه بس اياد بقا اسرع منه وعدا العربيه بتاعتهم
الشخص 2 بضحك : كمل يبني شكله مجنون
ووقف اياد قدام عربيتهم لغايت ما وقفت العربيه
نزلو الشخصين من العربيه
الشخص 2 : يلا ي شاطر شيل عربيتك عيزين نعدي
اياد وقف قدام عربيتو ولابس النظاره وباصص ليهم بلامبالاه
الشخص1 : انت اطرش ولا اي شيل الزفته دي
اياد :_____
الشخص 2 اتعصب اوي وقرب من اياد ولسه هيضر"بو بالبو"كس اياد ضر"بو بالرجل في بط"نه وقعو علي الارض
الشخص 1 اتخض بس جري علي اياد ولسه هيضر"بو اياد بعد عن العربيه فجأه فاتخبط في العربيه
واياد لف وخبط دماغو في العربيه ووقع علي الارض
البنت لما شافتهم واقعين علي الارض نزلت من العربيه وجريت علي اياد حضنتو وعيطت 



اياد من كتر الصدمه وقف ومقدرش يتحرك ولا يتكلم
البنت بدموع : شكرا جدا ليك انت انقذت حياتي الناس دي كانت خطفاني بجد مش عارفه اقولك اي (حضنتو جامد وعيطت اكتر) شكرا
اياد رفع ايدو بتردد وحضنها : اهدي متخافيش انا معاكي اهدي
البنت عياطها زاد وبقا جسمها يترعش
اياد : متخافيش محدش هيقدر يعملك حاجه
فجأه البنت بطلت تعيط اياد بيبعدها عشان يشوفها لقاها اغمي عليها 
كانت ملامحها حلوه فضل لثواني سرحان فيها وبعدين فاق من شروده وشالها نيمها في العربيه وركب هو كمان ومشي

ادهم بتوتر : براحه ي ندي الاكل مش هيطير
ندي وهي بتاكل : بعوض عن العياط الي عيطته
ادهم بتوتر : ندي براحه عشان..
ولسه هيكمل كلامه ندي فضلت تكح جامد اكنها بتتخنق 
ادهم خاف عليها اوي وراح جبلها ميه : اشربي بسرعه 
ندي شربت : الحمدلله شكرا ي كبير 
ادهم بصدمه : يخربيتك انتي بلعتي 
ندي بستغراب : بلعت اي 
ادهم وهو بيدور في الأكل : ي مفجوعه اعمل اي دلوقتي 
ندي بستغراب اكتر : بلعت اي ي ادهم مش فاهمه 
ادهم براحه : لقيتو 
ندي : لقيت اي ي اخينا 
ادهم ببتسامه ومد ايدو ليها : دا
كان خاتم شكله حلو اووي 
ندي ببتسامه : الله حلو اوي 
ادهم بفرحه : بجد عجبك 




ندي : اووي بس انت اهبل حد يحط الخاتم في الأكل ايوااااااا قول كدا بقا انت عايز تخلص مني 
ادهم بضحك : قولت ابقا رومانسي بس فشلة بجداره 
ندي بضحك : يكفيك شرف المحاوله 
ادهم : تتجوزيني 
ندي بصدمه : اييي 
ادهم ببتسامه : تتجوزيني ي ندي 
وقام وقف ووقفها قدامه ونزل علي ركبته ورفع ايديوا الي فيها الخاتم ليها 
ادهم : موافقه تتجوزيني 
ندي ابتسمت بفرحه وهزت راسها بالايجاب وخدت الخاتم : موافقه 
ادهم قام وقف وشدها لحضنه : بحبك 
وقاطعهم دخول اياد وهو شايل البنت : استغفر الله العظيم جيت فوقت غير مناسب 
 ودخل بالبنت الاوضه 
ادهم بستغراب : مين دي 
اياد وهو بينيمها علي السرير : معرفش شوفتها في عربيه وكانت عايزه مساعده قالت انهم كانو خطفنها واغمي عليها 
ادهم بستغراب : وخايف انت لي هما كانو خطفنها هي ولا خطفينك 
ندي ضحكت جامد 
اياد : بس ي بت (وبص لادهم) وبس انت كمان ولا اقولكم برا يلا كلنا 
وطلعو كلهم من الاوضه 
ادهم : نعمل الفرح امتي بقا 
اياد بفرحه : بجد خلاص هتتجوز 
ادهم بص لندى ببتسامه : ايوا... بكرا كويس 
ندي واياد بصدمه : ايييي 
ادهم ببتسامه : كنت عارف انو مناسب جدا يلا ي اياد ورانا حاجات كتير (وبص لندي وغمز) فستانك في الاوضه يقلبي 
ومشي اياد وندي بصو لبعض بصدمه 
ندي : صحبك دا مجنون 
اياد : اتفق معاكى 
وسمعو صوت ادهم بينادي علي اياد وهو مشي 

بعد فتره طويله ادهم واياد رجعو ولقو ندي والبنت قعدين بيضحكوا بصوت عالي 
اياد ببتسامه : انتي صحيتي 
ندي : اسمها فرح طلعت دمها خفيف اوي ي اياد 
(فرح بنت كانت عايشه في دار الايتام لحد ما كبرت وخرجت كانت عايشه مع صحابها والشخصين دول شافوها وعجبتهم في ركبوها في العربيه غصب عنها واياد انقذها) 

عدا اليوم وجه وقت فرح ادهم وندي 
كانو بيرقصو مع بعض وادهم شالها ولف بيها بفرحه كبيره : بحبك ي كل حياتي 
ندي بكسوف : وانا كمان بحبك 
اياد كان قاعد مركز مع فرح اوي وقرب منها 
اياد : ترقصي معايا 
فرح ببتسامه : ماشي 
وقامت معاه
وكان يوم حلو عليهم اوي 

عدا سنه
ندي كانت جايه من برا هي وفرح وجريت علي ادهم حضنتو 
ندي بفرحه : انا حامل 
ادهم : بجد 
فرح ببتسامه : لسه جايين من عند الدكتور 
ادهم حضن ندي اوي وكان مبسوط جدا 
واياد قرب من فرح : طب اي مش هترضي عليا بقا 
فرح ضحكت : ماشي 
اياد : بحبك
فرح ببتسامه : بحبك 
اياد حضنها ولف بيها 
وتوته توته خلصت الحدوته 😂❤️
تمت

تعليقات