رواية ها النتيجه ظهرت (كامله جميع الفصول) بقلم ندي

ها النتيجه ظهرت 

_ايوا يلا تعالو نشوفها 

شباااب جبنا امتيااز ..ثوانى جنى فين 

جنى: انا اهو جبتو النتيجه ولا اى

_ اه بس فى حاجه غريبه 

جنى : فى اى يبنتى 

_ انتى جايبه مقبول 

جنى : اه ده مقلب بقا وكده لالا بايخه يا نور

نور : جنى م بهزر انتى جايبه مقبول 

ايه : خلاص اى يعنى مش نجحتى وخلاص 

جنى : والله نجحت وخلاص!!! اذا مكنتوش عارفين انو انا بتعب واذاكر عشان امتياز كل سنه وابقي معيده فجاه كده بقت خلاص عادى المهم انو نجحت 

ايه : انتى ال مكبره الحوار وم مستاهل مااحنا فى كلية طب اهو اى ال هيحصل لما تبقي معيده يعنى ولا لازم تبقي فزلوكه وخلاص 

نور: بصراحه يا جنى انا من راى ايه بردو 

جنى : ثوانى بس الامتحانات كلها انا كنت بغششكم ازاى انا ال جايبه مقبول وانتو امتياز 

ايه : ااه قولى بقا كده بتذلينا يعنى ولا اى 

جنى : بس انا مذلتكوش ولا حاجه انا فعلا مش عارفه ازاى 

نور : ارضي بال ربنا كتبه يا جنى واسكتى بقا متنكديش علينا 

جنى : هو فى اى انتو ليه بتتكلمو بقرف انتو عارفين كويس ال حصل ليه مش واقفين جنبى 

ايه : هنبدا بقا شغل الدراما انا ماشيه 

نور : انتى زودتيها اوى يا جنى سلام 

جنى بعدم فهم : زودت اى ودراما مين هو فى اى 

بعد ما مشوا قررت تروح للعميد تسالو ازاى جايبه مقبول وحتى م فى ماده واحده ده كل المواد بعد ما كانت بتبقي الاولى ع الدفعه كل سنه 

جنى : ممكن ادخل !!

العميد : اه طبعا يا جنى اتفضلى خير فى اى 

جنى : حضرتك عارف انو كل سنه بطلع الاولى ع الدفعه وده بفضل ربنا اكيد بس ال حصل السنه دى انو جايبه مقبول فى المواد كلها م فى ماده واحده حتى !!

العميد : اه واى المطلوب بردو 

جنى : ممكن بس حضرتك تراجع ورقي تانى لانو اكيد فى غلط 

العميد : اممم طب واى رايك لو قولتلك انو عندى حل يخليكى تطلعى الاولى دايما من غير تعب ولا مذاكره

جنى بقلق وعدم فهم : انا اسفه بس م فاهمه حضرتك 

قرب منها شويه وجنى بدات تخاف 

العميد : الكارت فيه عنوان الڤيله بتاعتى ورقمى واعتبرى نفسك لو جيتى يبقي كسبتى سنين حياتك الجايه كلها

جنى ضربته بالقلم وبدا صوتها يعلى : انت ازاى بالقرف ده مش عيب عليك سنك حتى 

العميد بعصبيه : انتى عارفه انتى عملتى اى 

انتى مديتى ايدك ع  ******وانا هعرفك قيمتك كويس زى ما عرفت العب بدرجاتك بردو 

جنى بصدمه : يعنى انت السبب فى كل ده 

العميد : بالظبط كده 

جنى : اناا انااا هعرف اخد حقي منك كويس جدااا و..وو هشتكيك كم..

العميد بضحك بصوت عالى : كملى كملى هتشتكى لمين 

جنى فعلا لقت انو مش هتعرف تعمل اى حاجه بس سمعت صوت ناس كتير برا 

جنى : انا هعرف كل ال برا ع حقيقتك الزباله دى 

العميد بصوت عالى وهو بيطلع برا : انتى ازاى تطلبى منى حاجه زى دى ازاى تطلبى منى تطلع الاولى ع الدفعه مقابل ****استغفر الله العظيم بنات مبتخافش من حد 

جنى بصدمه :اناا!!

العميد: اى يا انسه كمان هتبلى عليكى ولا اى 

جنى فضلت مصدومه شويه من ال عملو وسمعت الناس وهيا عماله تشكك فيها وال يقول انها عشان كده كانت بتطلع الاولى وال يبص لها بنظره مش كويسه والعميد دخل ولا كأنه عمل اى حاجه والكل مشي وهيا فضلت تعيط ...حست انو فى حد جنبها بصت لقته شاب طويل وبيديها منديل 

اتفضلى 

_جنى :شكرا مش عاوزه وسابته ومشيت 

_