 |
رواية عشق المراد الفصل الرابع عشر بقلم ملك عبد المنعم#بقلم_ملك_عبدالمنعم #عشق_المراد #بقلم_ملك_عبدالمنعم البارت الرابع عشر نزلت ملك...................... و بعد وقت سمع مراد صوت صريخها قائلا / مراااد نزل إليها مسرعا.. و وجد....؟ وجد ملك ماسكه يديها و تبكي ذهب إليه مسرعا/ فى ايه يا ملك مالها ايدك ملك بطفولة و هى تبكي/ السكينه عورتها بص امسك مراد بيدها و اخذها و اجلسها على الكرسي مراد/خليكي هنا هجيب حاجه و اجي ذهب مراد و جاب معه شنطة الاسعافات الاوليه و ذهب إليها و بدأ بتطهير الجرح لها و وضع الشاش الطبي على الجرح و امسك بيديها و طبع قبله فى باطن يدها مراد/ لسه بتوجعك ملك بدموع حركت رأسها نفيا مراد/ خلاص بقي متعيطيش مبحبش اشوف دموعك مسحت دموعها بكف يدها مثل الاطفال/حاضر و رن جرس المنزل مراد/ ثواني اشوف مين و اجيلك ذهب مراد لباب المنزل و فتح المنزل و تفاجأ ب مراد بعصبية/انت بتعمل ايه هنا جاسر و هو يبعد مراد عن باب المنزل و يدخل بغرور جاسر/ طب مش تقولي اتفضل الاول مراد/اخرج بره يا جاسر جاسر/أنا جاي اقولك كلمتين الشحنه الجديدة هتبقي اخر الاسبوع و انت عارف المكان مراد/ قولت اللى عندك اخرج بقي جاسر و هو يلتفت و ينظر بعينه فى الفيلا/اومال هي فين يعنى مش شيفها مراد و فقد عصبيته/ والله العظيم يا جاسر لو مخرجتش حالا لأكون قتلك جاسر و هو يتحرك ناحيه الباب/خلاص أنا ماشي بس متنساش ميعاد الشحنه و خرج من المنزل مسح مراد بيده على وجهه بغضب و سمع صوت شهقات هذه الصغيرة فذهب إليه وجدها تبكي مثل الاطفال و جسدها يرتعش و بينما هى اول ما رأت مراد جريت إليه تختبئ بين أحضانه و هي تبكي مراد و هو يمسح على شعرها/ فى ايه بس بتعيطى ليه ملك /مش عايزه اشوفه تاني يا مراد عشان خاطري مش عايزه اشوفه تاني مراد و هو يمسك وجهها بين يديه و يمسح دموعها/اول و اخر مره اوعدك مش هخليكي تشوفيه تاني لغاية ما يحصل اللى فى بالي و وقتها مش هتشوفيه للأبد و بعدين مش أنا قولتلك متخفيش من حاجه و انا معاكي فحركت رأسها بمعني اه فأخذها مراد بين أحضانه مره اخرى و هو يمسد على شعرها/ خلاص يا حبيبتي اهدي اوعدك والله اللى حصل ده مش هيحصل تاني و خلاص هانت و كل حاجه هتنتهي قريب اوى ملك / أنا عايزة اشوف سيف مراد بحنان/حاضر يا حبيبتي بس ينفع مش دلوقتي يومين و هخليكي تشوفيه ملك / ماشيي مراد بمرح / أنا جعان ملك / و انا كمان اوعي بقي اعمل الفطار مراد/اطلعي فوق انتي و انا هتصرف احسن تعوريي ايدك التانيه ملك بطفولة / لا متخفش هخليي باليي كويس مراد/ يا بنتيي اطلعي فوق و انا هعمل الاكل و اجيلك ملك / لا بردك مراد/ طب خليكي هنا بس مش هتعملي حاجه ملك/لا هعمل اوعي بقيي مراد بقلة حيلة/ صبرني يارب وقفت ملك تحضر الفطار مكان آخر.......... شخص 1/ عرفت المكان فين بالضبط شخص2/ على ساحل البحر الأحمر شخص 1/ ماشي لو عرفت اي معلومه تانيه بلغني و قول لمراد ينزل شغله عشان محدش يشك فى حاجة شخص 2/ حاضر ..................................... كانت واضعه رأسها على قدمه و هو يلعب بشعرها بحب قائلا / ايه اكتر حاجه نفسك فيها يلا ملاكي ملك و هى تنظر له / نفسي نخلص من المشاكل دي كلها و نعيش حياتنا طبيعية و نفسي اجيب منك عيال كتير و يبقو كلهم شبهك و نفسي نعيش فى سلام من غير خوف و قلق عايزه انام و انا مطمنه مراد/ و انتي مش مطمنه و انتي معايا اعتدلت ملك فى جلستها قائلا /لا مطمنه بس ببقى قلقانه خايفه عليك خايفه يحصلك حاجه خايفه من إلى بعد كده و عيونها لمعت بالدموع ثم أكملت حديثها/ و كل يوم خوفي بيزيد اكتر أنا بقيت بخاف من إلى حواليا بنام و انا خايفه أنا مكنتش بتمني اى حاجه غير اني اعيش مع اللى بحبه حياة سعيدة من غير خوف حياة طبيعية حياة تكون حلوه و نكون فرحانين و احنا مع بعض بس جرب كده انت فرحان بس خايف الفرحه مش هيبقى ليها لازمه طول ما انت خايف و انا على طول خايفه يا مراد سحبها مراد إليه اخذها بين أحضانه/ صدقيني كل ده مش بايدي والله ما بايدي لو بايدى كنت نهيته و مخلكيش تحسي بكده كنت خليتك مطمنه الظروف و المشاكل اللى اتحطينا فيها كانت اقوي مني و منك بس والله العظيم حقك هجبهولك و هنهي كل ده عشان مشوفش فى عيونك نظرة حزن واحده عشان تبقي مطمنه و انتي معايا عشان تنامي و انتي مطمنه عشان متخفيش قريب والله هانت هانت و هندمهم كلهم و هنعيش أنا و انتي لوحدينا هنعيش من غير قلق و مشاكل و هقولك كل حاجه عشان متبقيش خايفه بس مش دلوقتي و هخليكي اسعد واحده فى الدنيا وقتها بس يا ملك اكون استهلك فعلا ظلت ملك ساكته فقط تفكر في هذا السر الذي يخبيه مراد عليها رفع مراد وجهها إليه قائلا/ مالك يا حبيبتي مش بتردي ليه ملك/مفيش مراد/اومال ساكته ليه ابتعدت ملك عنه ملك/مفيش أنا كويسه بس دماغي مصدعه شويه و عايزه انام قالت حديثها و هى تقف متجها إلى السرير ظل مراد ينظر لها و ذهب إليها نائما بجانبها و احتضنها من ضهرها تنهدت ملك بصعوبه مراد/مش بعرف انام غير و انتي فى حضني و دفن وجهه فى عنقها و غاصو الاثنان فى نوم عميق ............................ يمر على ابطالنا تلات ايام دون إحداث مراد بيحاول يطمن ملك و ملك خوفها بيزيد كل يوم على مراد يوسف بيحاول يقرب من نور و نور بدأت تعجب بيه أما جاسر و الريس بيخططو ازاى يخلصوا من مراد يوم تسليم الشحنه و الشخص إلى عايز ملك و أملاكها بيخطط يتخلص من مراد بس بطريقته الخاصه أما ثريا فهي بتخطط تقتل ملك بس يا تري خططهم هتنجح .؟؟ ده اللى هنعرفه ...... ................................. فى فيلا مراد....................... كان يتحدث فى التليفون مراد/ روح انت و الرجاله و انا هاجي وراكم و كلم ياسر و عرفه اتنهد يوسف / اخيرا يا مراد هنرتاح من كل ده مراد/ هانت يا يوسف بس ابعت رجاله البلد يراقبه بيت بابا و خلى رجاله تحت بيت خطيبتك يوسف/ هما مالهم و مالها والله العظيم لو حصلها حاجه لاقتلهم بايدى مراد / مش هيحصل حاجه بس لزوم الامان يوسف/ ربنا يسترها أنا هقفل معاك و أعمل اللى اتفقنا عليه مراد/ ماشي جلست ملك أمامه ملك / كنت بتكلم مين مراد / شغل ملك / اوعي تكون التانيه يا مراد والله اقتلك وضع مراد يده الاتنين حوالين خصرها و حاصرها بين يده مراد بخبث/ و ليه متكونش التالته ملك / والله يا مراد اقتلك و اقتلها مراد/ مش هتقدري انتي بتخافي من الضلمه عايزه تقتلي مره واحده و بعدين ههون عليكي ملك / اه تهون عليا مراد/ طب بزمتك حد يبقى معاه القمر ده و يفكر يبص بره ملك / يعني انت فكرتتت مراد/ تؤتؤ عشان مفيش واحده تملي عيني غيرك انتي قلبي مدقش غير ليكي انتي و بس ملك /كل بعقلي حلاوه يلا مراد بخبث /طب ايه رأيك اكلك انتي ملك/ بس يا منحرف مراد/ ده انا غلبان خالص ملك / مش هتقولي ايه حكايه الشغل بتاعك ده مراد/ هقولك كل حاجه لما اجي عندى مشوار صغير هروحه و اجيلك و احكيلك كل حاجه ملك/وعد مراد/ وعد و اكمل حديثه مراد/ أنا هلبس دلوقتي و همشي اوعي تخرجي بره الاوضه مهما حصل ملك / فى ايه يا مراد متخوفنيش مراد بحنان/ مش بخوفك بس اقفلي باب الاوضه عليكي و لو حسيتي باي حركة رني عليا و قوليلى و اوعي تخرجي من الاوضه ملك / حاضر بس انت رايح فين مراد/ لما اجي هقولك كل حاجه و وقف مراد و ذهب يبدل ملابسه و بعد وقت ..... مراد/خلى بالك من نفسك و اعملى زى ما قولتلك ملك /حاضر و ذهب مراد ................................................... فى مكان آخر كان يقف أمام قوات كبيره من الجيش و الضباط قائلا / كلنا دلوقتي اكيد جاهزين مش عايز غلطه كل حاجه تمشيي زي ما احنا قايلين اي غلطه لحد منكو هو اللى هيدفع التمن و خلينا فاكرين أن احنا داخلين نحارب و العمليه دي اهم عمليه مش عايز غلطه واحده و ذهب ليتحدث في التليفون و عاد مره اخري قائلا / يلا اتفضلو هنتحرك دلوقتي .................................................. عند نور كانت تتحدث مع ملك فى التليفون نور/ والله يا بنتي مش بهزر فى رجاله كتير تحت البيت و اتنين واقفين قدام باب الشقه و لما جيت انزل منعوني و يوسف قالي دول حمايه ليكو ملك / الموضوع كده يقلق اوى و مراد بردك زود الحراسه على الفيلا و مشي و معرفش هييجي امتي و قالي مطلعش من باب الأوضه نور/ طب مسالتيهوش ليه ملك / قالي هيقولي بليل على كل حاجه أنا قلقانه اوى نور / اهدي بس و إنشاء الله خير روحي صليي و ادعي ربنا يحفظهم ملك / حاضر ياا نور ............................... على ساحل البحر الأحمر....... كان يقف جاسر بجانب الريس و معهم كثير من الرجال المصلحه بجميع الاسلحه الريس / اتفقت مع الرجاله هيعمله ايه جاسر بابتسامه خبيثه / كل حاجه زي ما احنا مخططين متقلقش بعد وقت وصل مراد و يوسف و معهم ضعف الرجاله اللى مع الريس معهم كثير من الاسلحه نزل مراد من عربيته و خلفه يوسف الريس / مواعيدك دايما مضبوطه مراد/ مش محتاج طبعا اقول اني جاي مغصوب و أن دي هتكون اخر عمليه جاسر / لا متخفش هي اصلا هتكون اخر لحظه فى حياتك و رفعه رجالة جاسر السلاح على مراد و يوسف مراد بابتسامه/ مشكلتك يا جاسر انك فاكر نفسك انت بس اللى ذكي مع أنك اغبي واحد قابلته و فى لحظات كانو رجالة مراد موجهين الاسلحه عليهم و على رجالتهم و فى اقل من ثواني ابتدأ ضرب النار من الشرطة ياسر و هو يوجه السلاح على جاسر و الريس / والله و وقعت نزلة الاسلحه بتاعتكو بسرعه متحولوش الهروب المنطقة كلها متامنه جاسر / ايه اللى بيحصل ده الشحنات دي مش بتاعتنا دي بتاعت مراد مراد و هو يضحك بشدة و يقف جنب ياسر و يربط على كتفه / شحنات مين اللى بتاعتي أنا بريئ أنا واحد عادي مهمتي اني اسلمكو للحكومه و مهمتي خلصت ياسر / احمد يا احمد احمد / تحت امرك يا فندم ياسر / خدهم على البوكس يلا احتضن يوسف مراد يوسف/ اخيرا يا مراد اتنهد مراد / اخيرا يا صحبي دلوقتي الواحد ينام و هو مطمن ذهب ياسر إليهم ياسر/ شكرا يا مراد من غيرك مكنتاش قدرنا وصلنا ليهم و قبضنا عليهم أنا بقالي سنين بحاول اقبض عليهم بس للاسق خطتي كانت بتفشل ديما مراد/ العفو يا سعت الرائد مقدما إنشاء الله ياسر بابتسامه/كده دوركو خلص دلوقتي دورنا احنا بقي عن اذنكم و تركهمم مراد/ يلا بينا بقى احنا كمان نروح يوسف/ اه و نبي يلا و كل واحد ركب سيارته متجها لمنزله *********************** عند نور يوسف/ يا نور متخفيش كانت مشكله عندي فى الشغل و كنت قلقان عليكو فحطيت حراسه مش اكتر نور / يا يوسف دول كانو منعني انزل من البيت أنا و ماما يوسف/ معلش يا حبيبتي بس والله لزوم الامان و متخفيش المشكله اتحلت خلاص نور / طب انت كويس يوسف/ اه كويس الحمدلله و روحت البيت كمان نور / طب تصبح على خير يوسف/ و انتي من اهل الجنه يا حبيبتي ******************************* فى فيلا مراد........... دخل مراد غرفة و بمجرد ما حست ملك بخطوات رجله و هو يفتح الباب قفزت من على الكنبه مسرعا إليه احتضنها مراد بشدة و هو يرفعها لفوق و يدفن وجه فى عنقها ملك /اتاخرت ليه أنا كنت قلقانه عليك تحرك مراد اتجاه الكنبه و جلس عليها و اجلسها أمام و هو ماسك أيديها الاثنين مراد/ انتي كنتي عايزه تعرفي كل حاجه و جه الوقت إلى تعرفي فيه كل حاجه حركت ملك رأسها بخوف مراد/ من حوالي سنه كان فيه شغل بيني و بين جاسر كان شغل شركات و ورتوني فى تجارة المخدرات لقيت نفسي بين يوم وليلة مشترك معاهم فى حاجة زي كده و لما حاولت اهددهم اني هبلغ عنهم لقيتهم بيقلولى أن كل حاجه باسمي و ان لو بلغت أنا بس الى هشيل الليلة بقيت بكمل معاهم و يوسف كان معايا فى كل خطوة لغاية لما ظهرتي انتي خفت عليكي منهم عشان هما كانوا بيدورو على أي نقطة ضعف ليا لقيت نفسى بروح قسم الشرطة و حكيت لهم على كل حاجه من غير ما اخاف مكنتش خايف غير على حاجه واحده بس انتي كنت خايف ياذوكي و ده اللى حصل للاسف كنت روحت متأخر و بعدها ذاد انتقامي منهم و انهارده كان فيه عملية تهريب مخدرات بس بدل ما هما اللى كانو عايزين يخلصوا مني خلصت منهم كلهم و الشرطة قبضت عليهم كان مراد يتحدث و ملك دموعها تنزل بغزارة و هى تبكى بشدة مسك مراد وجهها بين يديه مراد/ خلاص يا ملك مبقاش فيه حاجه تخوفك تاني هتنامي و انتي مطمنه هنبدا حياتنا من جديد حياة سعيدة من غير مشاكل و لا خوف و لا قلق مسح دموعها بكف يده و مسك برأسها و وضعها على صدره و ظل يربط على ضهرها حتي غاصت فى النوم حملها بين يديه و وضعها على السرير و نام بجانبها و اخذها بين أحضانه و غاص هو الآخر فى نوم عميق......... ********************************* صباح يوم جديد ✨............ فى فيلا مراد............ استيقظ مراد أولا و وجد ملك نائمه على كتفه ظل ينظر لها و هو يرجع شعرها الى على وجهها للخلف حتي استيقظت مراد و هو يطبع قبلة على رأسها/ صباح الخير يا حبيبتي ملك / صباح النور مراد/ اكيد امبارح نمتي كويس اتنهدت ملك / اه الحمدلله مراد/انتي كويسه ملك / اه كويسه و وقفت ملك و اخذت ثيابها من الدولاب و دخلت الحمام بعد وقت........ كانت تقف أمام المرآة فذهب إليها مراد مراد/ انتي مضايقه مني فى حاجة ملك بابتسامه/ لا هضايق منك فى ايه يعني مراد/ حاسس طريقتك متغيره معايا ملك / لا طريقتي متغيرتش و أكملت حديثها/ هنزل احضر الفطار نزلت ملك بكل هدوء و تركته فى حالة استغراب و هو ماذال مستغرب طريقتها و تغيرها المفاجأة عكس ما كان يتوقعه قطع تفكيره صوت جرس المنزل ....... فتحت ملك باب المنزل ملك بهدوء/ مين حضرتك ثريا و هى تبعد ملك عن باب المنزل / انا اللى المفروض اسال السؤال ده ملك / استني هنا هي وكاله من غير بواب ده بيتي و انتي عايزه مين و ازاي تدخلي من غير ما اسمحلك ثريا و هي تنظر لملك/ و انا جايه لجوزي ملك و هي لا تستوعب حديثها/ جوز مين اكيد عنوانك غلط و نزل مراد فى هذه اللحظه و وقف بجانب ملك مراد بغضب شديد/ بتعملي ايه هنا و ايه اللى جابك انتي مش اخوكي اتحبس و خلصنا منه جايه تعملي ايه عايزه تحصليه ثريا/أنا جايه لجوزي جيالك يا حبيبي ايه قدرت تنسي اللى بينا مراد/ جوز مين انتي اتجننتي ثريا و هي تخرج صور و ورقة جواز عرفيه من شنطتها و تعطيهم لملك / لا متجننتش و لو انت بتحاول تكدب على السنيورة بتاعتك الصور بتاعتي أنا و انت اهي و دى ورقة الجواز العرفي و وجهت حديثها لملك / هو كان واخدك عشان خاطر ابوكي بس اظاهر عجبتيه و قال يلعب معاكي يومين و هيرميكي زي اللى قابلك ملك/..... كاااتتت نكمل البارت الجاى ♥️ #بقلم_ملك_عبدالمنعم #عشق_المراد اسفه على التاخير بس أنا تعبانه الفتره دي ياريت تدعولي ♥️.. |
