رواية عشق الفجر الفصل الثاني بقلم فاطمه اشرفشكرا جدااا على التفاعل القمر دا شجعتونى اكتبلكم البارت دلوقت أتمنى البارت دا يجيب تفاعل أعلى من الأول أتمنى لكم قرائه ممتعه 😊💜💜 و صحيح لقيت بطلة الرواية بتاعتنا Ana Gogo 😂❤❤ عشق الفجر ''💗 البارت التانى وقفنا المرة الى فاتت لما نزلت مع معاذ بيه و لقيت فى أسطول من الحرس و عربية فخمة جداا ركبت معاه وطول الطريق ساكتين محدش فينا اتكلم لحد م وصلنا معاذ : انزلى نزلت من العربية لقيت قصر كبير اوى اقل ما يقال عنه حلم كنت مبهورة جداا بشكل الفيلا معاذ بستهزاء : اى عجبك اووى كدا اكيد اول مرة تشوفى مكان زى دا فجر بإعجاب : اه جميل جداا معاذ : طب هنفضل واقفين كدا كتير ادخلى
دخلنا الفيلا و شكلها من جوا احلى كتير معاذ بصوت جهورى : ي دادااااا داداااا فاطمة فينك دادا فاطمة بطيبة : أهلا ي معاذ بيه محتاج حاجة معاذ بهدوء : اى معاذ بيه دى ي دادا هوا أنا مش زى ابنك ولا اى دادا فاطمة بحنيه : اكيد ي حبيبى زى ابنى معاذ بمرح : طب اى مش هتغدينا ولا اى النهاردة ( طبعا هوا نسى الغلبانة الى واقفة وراة دى 😂 ) فجر كانت معجبة بشخصيته و مستغربه فى نفس الوقت هوا ازاى أتحول من شخص جامد و صارم للشخص الحنين إلى واقف قدامها دلوقت دادا فاطمة : من عيونى ي حبيبى بس قولى الاول مين القمر إلى وراك دى معاذ بصلها : دى فجر مراتى ي دادا دادا فاطمة بصدمة : مراتك ازاى و امتى معاذ : دا موضوع كبير ي دادا وانا تعبان دلوقت لما أرتاح ابقى احكيلك دادا فاطمة بحنيه : طب روح ي حبيبى خد شاور عقبال م أحضر الاكل معاذ بتعب : حاضر ي دادا لف نظرة لفجر و قال : يلا ي فجر فجر طلعت معاه من غير ولا كلمه فوق فى جناح معاذ دخلت فجر الأوضة و كانت عبارة عن اوضه واسعه اووى و شكلها جميل جداا كلها بالون الأسود و منظمة و فخمه جداا معاذ : عجبتك
فجر لفتله و قالت بدون مقدمات : عملت كدا لى معاذ بعدم فهم : عملت اى مش فاهم فجر بستهزاء : لا أنت فاهمنى و اوى كمان معاذ : مش قادر اتكلم دلوقت خالص و سابها و دخل الحمام فجر واقفة فى الأوضة متعصبة من برودة أعصابه فضلت تتفرج على الاوضة و تلف فيها لحد م لقت مكتبه صغيره كدا فى الأوضة منظمه و شكلها جميل جداا راحت عندها و قعدت تقراء فى الكتب و تقلب فيهم و كانت مبسوطة اووى معاذ خرج من غير م هيا تحس و فضل يبصلها كتير و يتأمل ملامحها وقد اى هيا جميلة جداا بس الحزن باين فى عيونها و دا شده اكتر انه يسمع قصتها معاذ بعد م فاق من شرودة : احم بتحبى الكتب فجر انتبهت ليه : اه جداا بس سكتت بحزن و بصت للأرض معاذ بستغراب : بس اى كملى فجر : مكنتش بعرف اجيب كتب ولا اقراء اى حاجة فى البيت معاذ : لى مش انتى بتحبى القرائه فجر بحزن : مرات ابويا مكنتش بتخلينى اقراء اى حاجة خالص معاذ : انتى فى سنه كام ي فجر فجر بحزن : المفروض ابقى فى تانيه ثانوى معاذ : المفروض لى انتى مش فى تانيه ثانوى يعنى ولا اى فجر بحزن : لاء مرات ابويا طلعتنى من المدرسة و مكملتش تعليم معاذ : ازاى دا و ابوكى فين من دا كله فجر بستهزاء : هه بابا هوا الى قالها تخلينى اسيب التعليم اصلا معاذ بصدمة : ازاى دا فجر بتذكر : بس أنت مقولتليش اتجوزتنى لى و امتى وازاى عاوزة اعرف كل حاجة معاذ بتنهيدة : هحكيلك وو ''' دا بارت كدا على السريع عشان فرحتونى بس هحاول اخلى البارت الجاى أطول ان شاء الله ♥ بقلمى fatma as heat 💗''
|