 |
رواية عشق الفجر الفصل الرابع بقلم فاطمه اشرفعشق الفجر 💗 البارت الرابع ''💗 وحشتونى اووى بالله 👀♥ اسفه جداا على التأخير معلش سامحونى 🥹🤎 فجر بصدمة : معقولة بابا يعمل فيا كدا و يبيعنى عشان الفلوس وانت اشتريتنى ي معاذ بيه معاذ : انا فى الأول كنت متجوزك تخليص حق لكن لما عرفت حكايتك وعرفت طريقة تعاملهم معاكى كنت عاوز انجدك منهم بأى طريقة وملقتش حل غير انى اتجوزك فجر بستهزاء : اذا كان أبويا باعنى هستنى اى من الغريب معاذ : مش كل الناس زى بعضيها وانا مش زى ابوكى و الايام هتبينلك دا فجر بهدوء : بس حضرتك مش مجبر انك تفضل متجوزنى معاذ : عندك حل تانى غير دا فجر بتفكير : حضرتك احنا ممكن نتطلق وانا هشتغل و اسد لحضرتك الفلوس الى بابا اخدها منك معاذ : طب و هتشتغلى اى ان شاء الله المبلغ كبير ومش هتقدرى تسديه فجر : هدور على شغل مرتبه حلو و هحاول اسدد المبلغ فى اسرع وقت ممكن معاذ : اي رأيك تشتغلى معايا فى شركتي فجر : هتشغلنى اى معاذ : السكرتيرة الشخصيه ليا و هتفضلى على زمتى فتره لحد م تقدرى تقفى على رجلك اتفقنا ؟ فجر : اتفقنا فجأه سمعو صوت دادة فاطمه بتنادى عليهم عشان الغدا معاذ : طب اى مش هناكل ولا اى فجر : اسبقنى وانا هحصلك نزل معاذ و فجر بدلت ملابسها لاسدال و حجاب و نزلت معاذ لما شافها كان مستغرب انها لابسة الحجاب بس مرضيش يعلق و سابها على راحتها " بقلمى فاطمه اشرف 🤎 " بعد م خلصو اكل فجر قالت لمعاذ فجر بتوتر : معاذ بيه ممكن اطلب من حضرتك طلب و أتمنى توافق معاذ بهدوء : مبدئيا انا جوزك يعنى قوليلى معاذ وبس اما فى الشركه ممكن تقوليلى مستر معاذ و اتفضلى يستى اطلبى الى انتى عوزاه فجر : حابة اكمل تعليمى و أتمنى انك مترفضش و متخفش مش هقصر فى شغلى يعنى هشتغل وانا بدرس بردو معاذ : هتعرفى توفقى بين الشغل و الدراسة ازاى كدا هيبقى تعب ليكى انك بتدرسى و تشتغلى فى نفس الوقت فجر : متقلقش هلتزم بشغلى ومش هقصر فيه معاذ : الشغل مش فارق معايا انا بتكلم عليكى انتى كدا مش هتعرفى تهتمى بالدراسة فجر : متقلقش هحاول أن شاء الله و هكون عند حسن ظنك معاذ : طب منا عندى فكرة احسن فجر : اى هيا ؟ معاذ : اى رأيك تروحى مدرستك الصبح و بعد دوام المدرسة تيجى شغلك منها هتبقى بتدرسى و تشتغلى فى نفس الوقت و عندك وقت بليل تذاكرى فيه فجر بفرحة : بجد يعنى انت موافق انى اكمل تعليمى معاذ فرح لفرحتها : اكيد طبعا اى الى هيخلينى أرفض فجر بسعادة : بجد شكرا اووى مش عارفة اوصفلك كم الفرحه إلى أنا حاسه بيها دا جميل عمرى م هنسهولك معاذ : وانت يستى عاوزك ترديلى الجميل ده فى انك تجتهدى و تطلعى من الاوائل فجر : اكيد و هكون عند حسن ظنك بيا معاذ : أتمنى عموما انا المفروض كنت ارجع شغلى بس خلاص هضحى باليوم ده عشانك 😂♥️ فجر فرحت من جواها بس مبينتش دا و اتكلمت بهدوء : مفيش داعى انك تعطل شغلك عشانى معاذ بمرح : يستى وانا مش عاوز اروح شغلى مش انتى الى بتعطلينى ولا حاجه مفيش الكلام دا فجر بسعادة عارمة : طب اى رأيك نقضى اليوم سوا بما انك مش راجع الشركه تانى معاذ : معنديش مانع بس هنعمل اى فجر : لا دى شغلتى انا معاذ بمرح : ربنا يستر 😂 فجر طلعت اوضتها غيرت لبسها لبيجامه بنص كم مريحه و فردت شعرها الغجرى الى وصل لأخر ضهرها و نزلت تحت عملت فشار و عصير و جابت مسلسل تركى ( العهد " هوا المسلسل رومانسى على اكشن على محاربة ارها*ب من الآخر تشكيلة غريبة بس انا بحبه اووى عشان كدا كتبت الاسم ملناش دعوة ب فجر و معاذ احنا المهم انا بحب اى 🙃😂😂 ) *نرجع لفجر بقى 😂* و راحت تخبط على معاذ فى المكتب عشان يحضرو ال مسلسل سوا معاذ كان قاعد فى المكتب بيشتغل عبالت م فجر تنزل بس فاجأة سمع صوت خبط على باب المكتب معاذ بهدوء : ادخل فجر : معاذ انا جبت مسلسل و عملت فشار عشان نقعد نحضره سوا يلا معاذ : كان منبهر بشكل فجر بداية من شعرها الغجرى و البيجامه الاطفالى الى هيا لبساها (نسيت اقولكم انها كانت لابسه بيجامه عليها صورة الدببه الثلاثه 😂) فجر : معاذ انت مش بترد عليا لى سرحت فى اى معاذ بنتباه : هاا لا انا معاكى اسبقينى وانا هعمل مكالمه و جاى وراكى فجر : تمام معاذ بعد م فجر خرجت : الوو فى الجهه الأخرى عابد : اى ي برووو فينك مش المفروض انك كنت راجع الشركه تانى ولا كنت بتسلكنى بس عشان تدبسنى انا فى الشغل و انت تخلع معاذ : اى براحه مسورة و انفتحت ادينى فرصة اتكلم كلمه واحدة حتى عشان افهمك عابد : ماشى يعم اتكلم اهو مستنيك تفهمنى معاذ بهدوء : مش هقدر اجى الشركه النهاردة امسك انت الشغل مكانى النهاردة ولما اجى بكرا ابقى افهمك كل حاجة عابد بتفهم : ماشى يصحبى وانا مستنيك بكرا ان شاء الله معاذ : أن شاء الله يلا سلام بقى عابد : سلااام ي ابو الصحاب استوووب بقى نعرفكم ب عابد ( عابد صديق معاذ المقرب و شريكه فى نفس الوقت عنده 27 سنة يعنى نفس سن معاذ شخص عادى جدااا بس على قدر من الجمال ) بعد م معاذ قفل مع عابد طلع برا لقى فجر بتتفرج على المسلسل ف قعد جمبها و قعد يتفرج معاها (نسيبهم فى الجو الرومانسى الجميل دا و نروح نشوف حد يعكنن عليهم 😂) فى الجهه الأخرى شخص مجهول : الوو ي هانم سيبيل : هااا وصلت لأى مجهول : حضرتك هوا دخل منطقه شعبيه و كان معاه حرس كتير و بعد حوالى نص ساعه طلع و كان معاه بنت سيبيل : معرفتش مين البنت دى مجهول : لما سألت عرفت انها مراته و أبوها بيشتغل عنده فى الشركه بس تقريبا رفده سيبيل : مراته كدا العب بدأ يحلو اووى مين البنت دى مجهول : كل الى انا اعرفه ي هانم قولتلك عليه سيبيل : عاوزاك تعرفلى كل حاجة عن البنت دى مجهول بطمع : تحت امرك ي هانم بس كدا الحساب هيتقل سيبيل : حسابك هيوصلك لما تخلص شغلك مجهول : ماشى ي هانم مع السلامه سيبيل بشر : وحياتك لأخد حقى و حق امى على كل الى ابوك عمله فينا بارت طويل اهو نكمل بكرا ان شاء الله بقلمى fatma ashraf |
تعليقات
إرسال تعليق