رواية الجميع مخدوع الفصل الرابع
#الجميع_مخدوع_4
بص ابراهيم لحمدي اللي قال بسرعة - كان لازم اعمل كدا لما عرفت إنها...
قطع كلامه وكلهم بصوله بشك، سكت لثواني قبل ما يكمل وهو بيبص بعيد عنهم - إنها حامل من حد تاني غيرَك.!!!!
فتحت سارة عينها بصدمة ووقفت بسرعة - اي.! انتوا كل واحد فيكم بيفتي على مزاجه.
مسكها إبراهيم من كتفها وثبتها بعد حالة هيسترية من الزعيق - يا سارة والله واثق فيكِ، والله متأكد إنك عمرك ما تعملي كِدا.
شدها من إيدها لبيتهم وبص لمامته وحمدي - تعالوا انتوا كمان.
بعد شوية وبعد ما كُل واحد حكى اللي عنده، بص إبراهيم لحمدي وقال بتريقة - يعني الهانم مراتك مفهمة امي إن سارة اللي عايزة تسقط، ومفهماك إنها حامل من حد غيري وكلكوا مفهمين سارة إني اللي عايز كِدا.!
صقف وهو بيبصله - لأ بجد أحييك على غبائك.
بص حمدي للأرض بإحراج وسناء اتنقلت وقعدت جنب سارة وأخذتها في حضنها، بعدت التانية عنها وقالت بعياط - ازاي صدقتي كدا.! ازاي صدقتي إني ممكن انزل حاجة كلنا نفسنا فيها.!
وقف حمدي وقال وهو خارج - انا رايح لروفيدة.
مسك إبراهيم ايد سارة وقال وهو بيضغط عليها - حمدي..
لف حمدي وهو كمل - لو حق مراتي مجاش بإيدك هجيبه بإيدي.
اتنهد حمدي وخرج وسناء قالت وهي بتبلع ريقها بقلق - هو .. هو أنتِ يعني نزلتي الطفل بجد..!
وقفت سارة وشدتها من إيدها الأوضة ووراهم ابراهيم، دخلوا الأوضة وهي شاورت على بقعة الدم وقالت ببرود - جوابي وصل صح.!
يتبع...♥️