Ads by Google X

القائمة الرئيسية

الصفحات

رواية تاج الفهد الجزء الثاني الفصل الخامس 5بقلم مريم مصطفي

 

رواية تاج الفهد الجزء الثاني الفصل الخامس بقلم مريم مصطفي

تاج الفهد ج2♡
البارت الخامس... 

تاج: انا هتبنه البيبي ده
فهد بصدمه: تتبني اي ياتاج!! 
تاج: علشان خاطري يافهد 
فهد: لا مستحيل ياتاج صدقيني انا عندي امل اننا هنيجي ف يوم هنخلف 
تاج: وانا مش هتحمل ابقي مش ام لحد ماربنا يريد 
فهد: ياتاااااج افهمي مينفعش 
تاج وهي بتعيط وبتلف تقف ف وشه: بص عليه كده شوف قد اي جميل ويدخل القلب صدقني هتحبه 
فهد بهدوء: مش ع اكره او احبه مفيش طفل يتكره دول ملايكه الفكره اني عايز يوم مايكون عندي ابن يكون منك انتي تكوني انتي امه مش نتبنا ياتاج؟! 
تاج وهي بتحضن البيبي لحضنها اكتر: وانا مش هقدر اسيبه من اول ماخطيت خطوه جوا الاوضه دي وعيني مشفتش غيرو يافهد علشان خاطري نفذلي طلبي ده 
فهد: معنديش مانع اتكفل بي لحد مايكبر وادخله مدارس وجامعه واجوزه كمان بس وهو ف الملجأ. 

تاج كانت بتعيط بحر.قه كبيره وفهد بيحاول يهديها خدها منها البيبي وحطه ف سريره 

فهد بدموع: انتي بتعملي ف نفسك وفيا كده ليييي!! لي مصممه توج*عي قلبي عليكي ريحيني ياتاج وريحي نفسك وسيبي موضوع الخلفه ده لربنا. 

تاج بتعب: لو عايز تريحيني اعملي اللي قولتلك عليه.... 

تاج حطت ايده ع وشها وحست بدو.خه وهي بتتكلم ومره واحده اغمي عليه.. 

فهد: تاااااج 
مدير الملجأ دخل ع الصوت ومعاه ممرضه

عابد: كلمي الاسعاف فورا 
الممرضه: حالا يافندم
عابد: اهدا يافهد باشا الاسعاف زمانها ع وصول... شيل بس الهانم واتفضل ف مكتبي 

فهد بسرعه شال تاج وبص ع البيبي بحزن ومشي....

وصلوا المستشفي والدكتور بدا يكشف ع تاج
الدكتور: عندها انيه.ار عصب.ي ومن الواضح انها بتض.غط ع نفسها كتير ده غير ان جسمها ضع.يف ومش متحمل اي مجهود 
فهد بقلق: طيب هي هتفوق امته 
الدكتور: بليل ان شاءالله هتكون فاقت بس اتمني تبعد عن اي انفع.الات وتو.تر لان ده مش كويس ع صحتها 
فهد: اقدر ادخلها؟ 
الدكتور: اتفضل اكيد 

فهد ساب الدكتور ودخل عندها جاب كرسي وقعد جمبها وفضل باصص عليها بحز.ن وبيفكر هيعمل اي ف طلبها في تبني الطفل دخلت عليه سماح بسرعه وبق.لق

سماح: اي اللي حصل يافهد مالها تاج
فهد: اهدي ياامي هي بخير بس واخده مهدا ونايمه دلوقتي 
سماح: طب اي اللي حصل؟ 
فهد: اتفضلي معايا برا علشان نعرف نتكلم 
 
خدها فهد وطلعوا من الاوضه. 
فهد بتو.تر: بصي ياامي انا ف مشكله حاليا 
سماح: ف اي يافهد مشكله ايي؟! 
فهد: تاج عايزه تتبنا طفل ولما رف.ضت حصلها انه*يار عص*بي 
سماح:انا مقدره حالتها بس مش هينفع يافهد معني انك تتبني طفل يعني هيشيل اسمك هيكون الوريث الوحيد لعيله السيوفي وكلنا عارفين ان تاج متقدرش تخلف دلوقتي ولا بعدين لازم اللي يشيل اسمك يكون من صلبك ودمك غير كده لا 
فهد: عارف كل ده يا امي بس هعمل اي فهد مجرد اني رفض.ت تعب.ت اكتر
سماح: تخرج بالسلامه ومتشلش هم انا هتكلم معاها بنفسي

فهد سند راسه ع الحيطه وغمض عينه بت.عب. 

ف الشركه"
سليم: حضرتك خلصتي ولا لسه اعتقد ولادك محتاجينك 
سيا وهي بترجع شعرها لورا: اها خلصت كان ف شويه حاجات ف الحسابات براجع عليها علشان كده اتأخرت النهاردة بس
سليم: حساباب اي وانتي اي شغلك ف الحسابات من امته 
سيا: لا ده مش شغل انا كنت عايزه اتأكد حقي ماشي مظبوط زلا ولا ف لعب ف الحسابات 









سليم: انتي بتقولي اي ياسيا؟! ده فهد كل اول شهر بيبعتلك نصيبك وزيادة من ارباح الشركه 
سيا: والله انا مش بشحت ده حقي وبأكد عليه 
خدت شنطتها وعدت من جميه ومشيت وسليم لسه واقف مكانه بيبص لطيفها بحزن عليها فتح تلفونه واتصل ع فهد 

سليم بعصبيه:اختك ضا.عت دي مش سيا بتاعتي الحقيني يافهد قولي اعمل اي بدل ماتصرف انا بطريقتي واجيب البت بنت ال***تحت رجلي.. 
فهد قاطعه وهو بيتكلم بصوت مجهد:اهدا ومتعملش اي حاجه من غير ماترجعلي انت فاهم 
سليم: انت كويس صوتك ماله؟ 
فهد: انا كويس بس مشغول دلوقتي ركز معايا وملكش دعوه انا هتصرف 
سليم: هتعمل اي 
فهد: هقولك بعدين اقفل انت دلوقتي وحاول تكون قريب من سيا واتعامل معاها بلطف وامسك اعصا*بك مش عايز ته*ور
سليم بتنهيده: حاضر يافهد سلام.. 

قفل مع فهد وخرج برا الشركه علشان يلحق سيا ع القصر.. دخل لقيها شايله فهد وبتبوس في

سليم بنحنحه: وابو فهد ملوش نصيب ولا راحت عليه 
سيا بصتله ببرود: لما ابو فهد يفهم اني صح ويقف جمبي علشان اجيب حقي كامل من اخويا هيكون لي نصيب 
سليم: حقك محفوظ من يوم مافهد اخوكي مسك كل حاجه وعمره ماكل عليكي جنيه انتي اللي حالك اتغير زي مايكون حد بيلعب ف دماغك 
سيا حطت فهد ع الكرسي ووقفت قدام سليم: بس انا عايزه ورثي كله وانا هكبره بنفسي وانت كمان فضي الشركا مع فهد ونصيبي ع نصيبك ونفتح شركه لوحدنا 
سليم: لا انا ولا انتي هنفضي هناخد حاجه وهنفضل كلنا ايد واحده ف الشركه ومتنسيش يروح سليم ان ميراثي نصه لسه باسم ابويا وانا مليش غير 25ف الميه بس 
سيا قربت من سليم اكتر: بسطيه يا حبيبي لو انت طلبت من انكل نصار حقك كله هيدهولك ووقتها بقا نبدا بشركه انا وانت

سليم كان ابتدا يتع*صب من كلامها حط ايده ف وسطها وشدها ف حضنه
سليم: متخلنيش افقد اعصا*بي عليكي ياسيا انتي عارفة اني عمري ماهطلب من ابويا ورثي لان ده لحد دلوقتي حقه هو اللي كبر املاكه مش انا يعني من بكره لو طرد.ني برا القصر والشركه وكل حاجه مقدرش اقوله حاجه لان ده حقه 
سيا: طيب ياسليم براحتك بس لحد ماتفوق لنفسك بقا ملكش حق تقرب مني فاهم..
زقته بعيد عنها وطلعت اوضتها بعص.بيه 
سليم اتكلم بصوت عالي: لا يروح سليم ده بمزاجي مش بمزاجك 
سيا طلعت من اوضتها وبصتله من ع السلم وهي ماسكه هدومه كلها ورمتها عليه







سيا: يبقا نام ع اي كنبه ف القصر بقا او ف الجنينه يا حبيبي
سليم: انام ف الجنينه!! تمام جبتي لنفسك انا مش هبات ف القصر النهارده اقولك انا هروح اسهر بره ها وخليكي بقا كده لحد ماتتعدلي اوعي تفتكري انك بتلوي دراعي سلام يامداام سياااا 

خرج بره القصر بعصبيه وغيظ منها ومسك فونه رن ع رقم. 

سليم: اي ياميجو
ميجو: حبيبي اي اللي فكرك بيا 
سليم: فكك دلوقتي المهم شقه المهندسين فاضيه 
ميجو: هي فاضيه ومش فاضيه 
سليم: ماتنجز ياعم
ميجو: معايا حتتين كده 
سليم: حلو انا جاي ظبط الجو بقا لحد ماجيلك

قفل سليم وهو بيسوق عربيته: اما وريتك ياسيا... 

سيا كانت قاعده ع السرير وهي بتسمع مكالمه سليم لانها مراقبه موبيله من غير مايعرف 

سيا: نهارك مش معدي معايا ياسليم شقه المهندسين تاااااني 

فونها رن وكانت عشق.. 
عشق: حبيبتي ياسيا مكلمتنيش النهارده لي مش قولتي هتحكيلي ع اول يوم ليكي ف الشركه
سيا: سبيني دلوقتي ياعشق علشان مش قادره اتكلم 
عشق بخبث: تؤتؤ ف اي مالك هو فهد ضيقك ف حاجه النهارده 
سيا: لا مش فهد ده الزفت اللي انا متجوزا
عشق: ده الموضوع شكله كبير اوي احكيلي يا حبيبتي انا اختك
سيا:الحيوان اتخا.نقت معاه علشان قولتله ياخد حقه من ابوه ساب البيت ومشي وكمان رايح يسهر مع شويه اشكال ملهمش لازمه 
عشق بخبث: طب وانتي هتعملي اي
سيا: هستنا لما يجي وهط.ربقها ع دماغه
عشق: تستني اي انت مش عارفه مكانه
سيا: اها عارفه 
عشق: خلاص قومي بسرعه روحيله واطلبي الطلاق كمان اللي زي ده انتي خسا.ره ف 
سيا: انتي عندك حق انا فعلا قاعده لي بصي اقفلي انا هروحله

عشق قفلت معاها وابتسمت بخبث: ولسه هخر.ب عليكي اكتر يابنت السيوفي. 

"عند فهد ف المستشفي "
تاج كانت بدات تفوق وسماح جمبها وفهد مع الدكتور برا 

سماح: حمدلله ع سلامتك يابنتي 
تاج بتعب: الله يسلم حضرتك.. فهد فين؟ 
سماح: برا يا حبيبتي بيتكلم مع الدكتور بس وجي

فهد دخل وهما بيتكلمه بص لتاج بحب:حمدلله ع سلامتك ياست الكل متقلقيش يا حبيبي الدكتور طميني وهتروحي بكره بيتك باالسلامه 
تاج:عايزه اخرج دلوقتي
فهد:مينفعش يابابا انتي لسه تعابنه 
تاج:انا عايزه ارتاح ف بيتي لو سمحت خرجني
سماح وهي بتهديها:اهدي بس يابنتي الدكتور قال بكره ان شاءالله
تاج:انا كويسه خرجوني لو سمحت
فهد:ارتاحي دلوقتي الدكتور مش هيوافق ع خروجك 
تاج:انت تقدر تخلي يخرجني 
فهد:هو انا ساحر ده دكتور وعارف مصلحتك فين لو خرجتي دلوقتي هتتعبي
تاج:فهد خرجني دلوقتي انا مش حابه اقعد هنا ريحيني بقا 
فهد:خلاص اهدي طيب انا هتكلم مع الدكتور وهحاول.. خليكي جمبها ياماما 
سماح: حاضر ياحبيبي 

فهد راح يكلم الدكتور لحد ماوافق انها تخرج ومعاها ممرضه ف القصر.. رن ع سماح تجهز تاج وهو فتح موبيله علشان يشوف هيخلص من مشكله عشق ازاي 

فهد: بقولك اي يابني الرقم اللي بعتهولك النهارده عايزك توصل لعنوانه بالتحديد ف اقرب وقت 
_:تحت امرك يافهد باشا 

فهد قفل معاه وهو بيتنهد بتع.ب من كميه المشا*كل اللي عليه خبط ع اوضه تاج ودخل لقيها خلصت سندها هو وسماح ومشيوا من المستشفي..

 دخلووا القصر وسماح طلعت مع تاج ع اوضتها وفهد دخل مكتبه يخلص ورق لشركه 

تاج وهي بتقعد ع السرير:فهد اكيد قال لحضرتك ع اللي انا عايزه اعمله
سماح:اها قالي بس ياتاج...
تاج بمقاطعه:عارفه ان حضرتك اكيد هترفضي بس انا بقا ميؤس من حالتي ومش هنضحك ع بعض انا مفيش فيا امل للخلفه ف نتبي الطفل ده مفيش غير الحل ده صدقيني 
سماح:لا ف حل 
تاج:اي هو؟!
سماح:فهد يتجوز
تاج: يتجوز!!!!

بقلم:مريم مصطفى الجلاب 
تاج_الفهد

عايزة تفاعل كويس بقييييييي 💖


تعليقات