 |
رواية ليله زفاف القمر الفصل السابع بقلم صاحبه السعاده#ليلة_زفاف_القمر البارت السابع بصي ياحلوه دخول ل هشام مش هتدخلي وطلعى بره قبل ما اضربك دلوقتي لأن صبرى له حدود شهد:انتى بتقولي ايه قمر :بقول ربنا يهديكى وياريت تتفضلى تمشى بقا -شهد لا مش همشى هو انتى مين يعنى هو انتى فاكره نفسك مراته بجد هو اصلا مش بيطيقك دا اتجوزك عشان.... وهنا طلع هشام علي صوتهم وزعيق شهد وقالها.... انت ايه جابك هنا شهد: بدلع.... جايه عشانك يا اتش هو انت لسه زعلان منى يا بيبي -هشام بغضب... إسمي الأستاذ هشام وحضرتك لازم تعرفى إن التعامل بينا ف حدود الشغل ف الشركه وبس فهما ولا لاء شهد بمسكنه بقا كدا يا اتش وانا اللى كنت جايه اصالحك لحد عندك قمر ف الوقت دا كانت خلاص جابت أخرها ومبقتش مستحملة فبصت ل هشام وقالت بعد إذنكم ودخلت أوضتها -اترمت على السرير وفضلت تبكى بوجع ومتعرفش هى ليه متضايقة كدا وايه اللى مخليها غيرانة عليه،،، بس ده حوزها بس هى من الأول عارفة إنه مش بيحبها وهى كمان مش بتحبه بس لأ الإحساس اللى جواها دا ايه معناه،،، دى كان هاين عليها تخبيه جواها ولا إنه يتكلم مع البت دى ولا مع مع اى بنت ،،،،، قمر فى بكاء شديد وحيرتها بتزيد ومش فاهمة ايه اللى جرالها ولما حست بتعب وإرهاق قامت اتوضت وجابت مصليتها وبدأت تصلى وبتبكى بشكل غريب ف السجود وبطول كمان تدعى ربنا انه يبرد قلبها 👈ايه قلبها يعنى قلب قمر دق👉 هشام برا بيتكلم مع شهد وكل محاولتها انها تراضيه فشلت بس هى مصرة انها مش تمشى الا لما تصالح هشام -شهد...ياهشام انت عارف لما بشرب مش بكون ف وعيي سامحنى بقا وحياتى يا إتش -هشام. انت ذودتيها وبتتعدى حدودك معايا انت نسيتى انا مين شكلك لسه شاربه -شهد....بدلع خلاص يا بيبي بقا وقربت منه وباسته وهو حاول يبعد عنها بس هى عرفت ازاى تتحكم فيه وقربته ليها بس هو أتمالك نفسه بعد عنها وقال طيب امشى ومتجيش هنا تانى ونتقابل بكرا ف الشركة -شهد حاضر بس خلاص بقا متزعلش وبعدين اجهز عشان محضرالك مفاجأة وباسته فى خده ومشيت هشام كان عايز يدخل يشوف قمر بس من جواه حاجة منعته ودخل الأوضة التانيه وفضل سرحان وبيقول لنفسه هو انتى ليه ياشهد مش زى قمر اشمعنا هى محدش يشوفها ولا يلمسها وانت الكل بيلمس،،،،، ياااه ياشهد لو تبقى زى قمر ياااه لو تغيرى من نفسك وتكونى كدا . قطع تفكيره رنة الفون وكانت سالى صباح الخير ياقلب ماما -صباحك ورد يا سوسو -طمنى عليك يا حبيبي عامل ايه قمر عامله ايه هشام بخير يا ماما الحمد لله سالي طيب يلا هاتها وتعالى احنا هنستناكم -هشام...... حاضر يا سوسو -قفلوا مع بعض وهشام كان متردد يروح عند قمر ولا لأ ،،،،، دقايق وراح خبط على الباب بس قمر مش ردت فدخل،،، قمر مكنتش بتصلي بس كانت لسه قاعدة مكانها وبتعيط جامد...قرب هشام منها ولما حست بوجوده مسحت دموعها وحاولت تتظاهر إن مفيش حاجه وبتهرب من عينيه وبتدراى -هشام قرب منها مسح عيونها ورفع وشها وقال. حقك عليا يا قمر أنا آسف متزعليش -قمر. على ايه محصلش حاجه احنا متفقين انى مدخلش فى حياتك هشام سامحيني يا قمر والله مكنتش اعرف انها ممكن تيجى هنا دى معانا ف الشركه -قمر قاطعته..... انت مش مضطر تبرر لى حاجه انت حر وانا مليش انى ادخل فى علاقاتك -هشام حس بعجز ومعرفش يرد عليها ولحظات وقالها طيب يلا اجهزى عشان ننزل نروح عند بابا قمر حاضر ثوانى بس -بعد شويه خرجت من أوضتها وكانت لابسة فستان أزرق واسع وعليه خمار ونقاب تركواز وكانت شبه الأميرات بكل تفاصيلها ماشاءالله عليها -هشام كان باصصلها ومتنح وشوية وقال.... وربنا انا قولت قمرى اللي بينور الدنيا كلها قمر بخجل فابتسمت وبعدها نزلوا وطول الطريق قمر سرحانة وصوت شهد وكلامها بيتردد جواها ومش عارفه تنسي نهائي -وصلوا الفيلا واستقبلتهم سالي بفرحة كبيرة ومكنش هناك غير عبدالرحمن وسالي ونور أخت هشام الأصغر منه واللى ف عمر قمر تقريبا بس مسافرتش معاهم لما راحوا البلد لانها مدمنه فسح وخروجات وطول الوقت سفر ورحلات -شوية ودخل سامى وقال.....كدا من غيرى ياسوسو -سالي.....أنا أقدر ياقلب سوسو اتأخرت ليه كدا يا واد انت لازم تتضرب يعنى عشان متتاخرش سامى واد تانى ياخلتو هو انتى هتحترمينى امتى بقا لم أخلف ولاد وبنات سالي دا بعينيك مهما تكبروا انت وهشام هتفضلوا ولادى وهنا ومن غير قصد سامى لمح قمر وهى رافعة النقاب ومش واخده بالها بتتكلم هى ونور وهشام وقف قدام قمر بغيرة وغضب معرفش يداريهم وقالها نزلى النقاب.... -قمر مكنتش عارفه ليه قالها كدا ولسه برضو ماخدتش بالها من وجود سامى لانها هى ونور كانوا ف زواية بعيد عن الكل مسافة جامدة ولسه قمر بتبص حواليها وعايزة تعرف قالها تنزله ليه وهشام مستناش وقرب منها هشام أنا مش قولت نزلى النقاب -قمر ايوا ليه يعنى فيه ايه -هشام راح قالها لسه بتسألى ليه ونزله هو -كل دا والكل بيتفرج عليهم بعدها هشام قرب من سامى اللى لسه ف ذهوله وقالوا.... لم نفسك وبعد عينك ولا فى حاجة سامى.لا ابدا يا إتش سلامتك بس جامدة ياض صاروخ وربنا هشام بغيرة.....بقولك تانى احترم نفسك سامى حاضر ياعم وسع كدا أما اسلم على مرات اخويا ازيك يا قمر عامله ايه ألف مبروك ومد ايده يسلم -قمر من بعيد.... الله يبارك فيك تسلم يارب وكانت هتمد ايدها وقالت انا اصلا لابسه جوانتى بس سابقها هشام ومد هو ايده وسلم على سامى وقاله: ايدك يا بابا لتوحشك 👈اووووووالغيره نار فى القلوب👉 |
