رواية الجميع مخدوع الفصل الاول
- يلا يا سارة.! هما 3 نطات واللي في بطنك ينزل يا حبيبتي.
مِسكت إيدها وقال برجاء وهي بتنزل من فوق السرير وبتعيط - يا روفيدة بالله عليكِ اقفى معايا.! والنبي خليني أكلم إبراهيم، أنا واثقة إنه عمره مَـ يقول كِدا.!
- يا سارة أنتِ عايزة تلبسيني مصيبة.! حمدي جوزي قالك إن إبراهيم اللي قال خليها تنزل اللي في بطنها، نعمل إي يعني إحنا.!
- طب حماتي.! عايزة أشوفها بالله عليكِ يا روفيدة، أنتِ مِش حاسة باللي أنا فيه.!
صوت خبط على الباب جذب انتباهم وصوت راجل بيقول بعصبية - مَـ تنجزي بقى.!
عيطت سارة بحرقة أكتر وهي بتقول بصوت عالي - مِش هعمل كِدا.! مِش ... هعمل ... كِدا، افهموني بقى حرام عليكم.!
دخل عليهم حمدي وقال وهو بيقرب منها بعصبية - أنا ماسك نفسي عنك بالعافية يابت أنتِ بالمصيبة اللي عـ....
زعقت روفيدة بسرعة وهي بتمسك ايده - حمدي..!!
بصت لسارة ورجعت بصتله وهي بتبلع ريقها - تعالى معايا برة ثواني.
طلعوا الاتنين وهي جرت على الباب قفلته جامد، قعدت وراه وهي حاطة إيدها على بطنها وبتعيط وهي بتفتكر اللي حصل.
كانت سارة بترن على إبراهيم جوزها بفرحة لما سألتها روفيدة بإستغراب - مالك ياستِ..! خير اللهم اجعله خير.!
نزلت التلفون من على ودنها بفرحة - بُصي يا روفيدة أنا كنت مقررة اقول لإبراهيم الأول بس مِش مشكلة...
حطت إيدها على بطنها وكمِلت - أنا حامل.
- حامل..! مبروك يا قلبي يا ألف نهار أبيض.
مفتش وقت الا ولقت حمدي "جوز روفيدة" و"اخو إبراهيم" داخل عليها بيزعق - اللي في بطنك دا لازم ينزل، دلوقتي سامعة.!
- أنت بتقول اي يا حمدي.! وازاي تدخل كدا..! لو سمحت اطلع برة عشان لو إبراهيم عرف مِش هيحصل كويس.
ادخلت روفيدة - إبراهيم اللي طلب من حمدي يقولك كدا يا سارة.
شدتها من إيدها للأوضة ولفت لحمدي - هاخدها الأوضة.
ودار بينهم الحوار الأول، عدا فترة وسمعت صوت خبط الباب فتحت وشاورت على بقعة دم في الأرض وهي - تمام كِدا.!!
يتبع...♥️
بدل ماتدور وتبحث علي الروايات خليها علي تليفونك وحمل تطبيقنا
