رواية عشق المراد الفصل الثاني عشر 12 بقلم نورا رمضان
عشق المراد
البارت الثاني عشر
في يوم جديد صحيت عشق لاقت مراد حاضنها جامد كأنها
هتهرب منه عشق سرحت في ملامح مراد مراد وسيم جدا
عشق :رغم كل الظروف الصعبه اللي عديت بيها بس انت
كملت وفضلت واقف صامد زي الأسد انا هحاول اعوضك
عن التعب اللي انت شوفته في حياتك انا اه تعبت كتير في حياتي بس انت تعبت اكتر واستحملت فوق طاقتك أنت جميل جدا وانا مش وحش لا هما اللي وحشين اللي يكرهك في نفسك ويدمرلك ثقتك وطموحك وشغفك واللي يتخلي عنك يبقا بيكر*هك كان لازم تبعد عنهم بس انت كنت بتعافر
عشان متخسرهمش انت جميل جدا وحطت أيدها علي شعره
مراد فتح عينه بسرعه : والله مفيش جميل غيرك يقمر انت
عشق اتخضت واتكسفت :انت صاحي وعملت نفسك نايم يمراد بتضحك عليا
مراد :انا صاحي من بدري
عشق :طب مصحتنيش ليه بدل متقعد لوحدك
مراد :مكنش ينفع اصحيكي لاني كنت ببص عليكي وانتي نايمه عامله زي الملاك يروحي
عشق حطت أيدها علي جبهته :اي ده انت مش سخن انت مالك انهارده يبني
مراد :اههههههه يعني انا عمال اقولك كلام رومانسي وفي الاخر تقوليلي انت مش سخن وتقوليلي يبني
عشق :لا ما انا مش متعوده عليك كده
مراد :لا اتعودي يروحي واه بمناسبه اللي حصل امبارح ارجوكي متقوليش لحد حاجه من اللي انا قولتهالك
عشق :انا مبعملش كده لان دي حاجه تخصنا احنا الاتنين بس
مراد::ماشي يقلبي يلا نلبس وننزل نفطر
عشق :حاضر بس ينفع نروح الملاهي
مراد حاول يستوعب اللي بتقوله :نعم انا مراد محمد سليمان اروح الملاهي يبت
عشق :ومالها ياض الملاهي
مراد :بتاعت الاطفال يطفله
عشق :علفكره مش كاتبين يافطه أنها للاطفال وارجوك وديني
مراد بقله حيله :حاضر يستي
عشق :وطلب تاني
مراد :قولي
عشق :أننا نلبس زي بعض انا هنقيلك تلبس اي
مراد :ماشي يحياتي
واختارت نفس الالوان اللي هتلبسها عشق يلبسها مراد
لبسوا ونزلوا فطروا وراحوا الملاهي
مراد:هتركبي اي
عشق :شاورت علي لعبه
مراد :ماشي كل واحد يختار لعبه
وراحوا ركبوا اللعبه
مراد :هنركب دي وشاور علي اللعبه اللي بتبقي زي كراسي وبتطلع فوق وتنزل تحت مره واحده وتروح شمال ويمين
عشق خافت :لا دي وحشه
مراد :لا مش وحشه ولا انتي خايفه
عشق بخوف بتحاول تداريه :لا مش هخاف من لعبه
وراحوا ركبوا واللعبه بدأت وطلعت فوق بسرعه جدا
وعشق فضلت تصوت وتزعق لمراد عشان ينزلوا ومراد فطس من الضحك علي شكل عشق كل لما اللعبه تتحرك تصوت وتحضن في مراد اكتر
(حقك والله يعشق انا ركبتها وكنت هموت والراجل اللي منه لله اقولو عايزه انزل واصوت وهو يعلي السرعه اكتر الاهي تنشك في حواجبك 😂🥲)
اللعبه وقفت ونزلوا
مراد وهو بيقلد عشق :لا مش هخاف من لعبه
عشق ضربته في كتفه :بس يرخم انت كنت عايز تموت*ني
مراد :وانا مالي يلمبي انتي اللي وافقتي وطلاما انتي بتخافي اوي كده وافقتي ليه
عشق :لا مش بخاف بس عشان اول مره اركبها
مراد :طب اختاري نلعب اي بس ونبي مش لعبه للاطفال
عشق :نينيني هندخل بيت الرعب
مراد :انتي اللي قولتي ودخلوا
عشق ماسكه في كتف مراد
مراد بضحك:خايفه ليه
عشق :مش خايفه
كل لما حاجه تطلعلهم في اللعبه عشق تصوت وتحضن في مراد لغايت مخرجو
مراد:خوافه اوي
عشق :بس ياض يلا ناكل
مراد :احنا لسه فاطرين
عشق :احسدني بقي انا جعانه
مراد :طيب يلا وراحوا كلوا
مراد :يلا نروح نعمل شوبينج عشان في حاجات عايز اشتريها
عشق :تمم
وراحوا المول
ومراد اشتري حاجات ليه وهدايا
وخد عشق لمحل ملابس واختارلها كذا طقم وهيا دخلت تقيسهم وتوريلوا
عشق بزهق:يووه انا زهقت كل لما اقيس حاجه متعجبكش
مراد :مخلينك حلوه اوي وانا مش عايز حد يبص علي حاجه بتاعتي
عشق بفرحه من كلامه :حاضر هقيس الباقي واوريهولك
دخلت تقيس
فيي مصر
عند سليمان بيكلم حد في الفون
سليمان بفرحه ودموع :انت بتكلم جد يعني عشق تبقي*****
الشخص :اه يسليمان بيه نتيجه التحاليل ظهرت وكانت ايجابيه
سليمان بفرحه :ماشي يبني ابعتلي التحاليل دي على البيت
الشخص:حاضر وقفل
سليمان : الحمدلله انا لازم اقول لعشق واعوضها عن الذل والحرمان من الحنيه بس لما ترجع عشان اقدر اخدها في حضني لاني عارف انها هتنهار وراح علي الشركه
يا تري التحاليل فيها اي ؟
عند ملك كانت مروحه من الجامعه
شاب :اي القمر ده
ملك نفخت بضيق
الشاب :تعالي يعسل وهدلع*ك اوي وراح يمسك أيدها
ملك بزعيق : ولاا اتلم ياض انا سكتلك عشان مش عايزه اتخانق مع حد بس هتظيط فيها هقل*ع اللي في رجلي واديك بيها
الشاب راح يمسكها وكان معاه سكين*ه حاده*:طب انا هوريكي هعمل اي
ملك صوتت والناس اتلمت وضربوا الواد والبوليس جد اخده واخد ملك عشان تقول اي اللي حصل
في القسم
ملك كانت قاعده في مكتب الظابط
الباب انفتح ودخل الظابط
ملك بصدمه :هو انت
يا تري ملك شافت مين ؟
عند عشق خلصوا ومراد اشترالها اللبس قاسته وهو قالها عليهم لا
عشق :ليه جبتهم مش هما مش عاجبينك
مراد:مين قال انهم مش عاجبني دول حلوين اوي عليكي بس هتلبسيهم في البيت انا بس اللي اشوفهم وانتي لبساهم
عشق بفرحه لغيرته عليها :ماشي
وهما ماشيين لقوا بنت جت حضنت مراد
البنت :وحشتني اوي يمراد بقالي كتير مشوفتكش
عشق بغيظ *****
يا تري مين البنت دي
#عشق_المراد
#عشق_المراد_بقلمي_نورا_رمضان
لمتابعة باقى الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
