رواية عشق المراد الفصل الخامس عشر 15 بقلم نورا رمضان
عشق المراد البارت الخامس عشر
عند ملك نزلت من بيتها بس اتصدمت لما لاقت اسد وساند علي عربيته
ملك مشيت بعيد عنه
اسد :بسسسس بسس يابت
ملك لفتله :عايز اي يرخم
اسد : يعني انا جاي المسافه دي كلها وفي الاخر تقوليلي يا رخم
ملك :انت جاي تعمل اي
اسد :جاي اوصلك الجامعه
ملك:وده بصفتك اي أن شاء الله
اسد :بصفتي ضابط وخايف حد يتعرضلك
ملك :اه يعني الظباط دلوقتي هما اللي بيوصلوا وياتري روحت لكام حد بيته واستنيته عشان توصله
اسد بغمزه:ليكي انتي بس
ملك اتوترت :لا شكرا انا هاخد مواصلات يلا هوينا
اسد :مش همشي يلا اركبي
ملك :مش هركب
اسد :مبحبش اكرر كلامي مرتين
ملك بزعيق :قولت مش هركب وشوف انت رايح فين وسابته وطلعت تجري
اسد بنرفزه وصوت عالي: والله لوريكي يا ملك وركب عربيته ومشي
اسد في نفسه :هو اي العبط اللي انا عملته ده بقولها تركب معايا واحنا مفيش بينا اي حاجه بس اعمل اي كانت نفسي اشوفها اتنهد بس ليه برضو عايز اشوفها ممكن اكون معجب بيها وبشجاعتها لا لا انا لازم أشيل الأفكار دي من دماغي فضل يفكر وهو سايق ووصل القسم ودخل
العسكري :اسد باشا اللواء محمود عايزك في مكتبه يباشا
اسد :طيب ياعسكري رايحله
راح عند اللواء محمود ودخل
اسد :طلبتني يفندم
اللواء محمود :اقعد يا اسد يا بني
قعد اسد
اسد :خير يافندم
اللواء محمود:في طلعه مهمه جدا ومفيش غيرك يقدر عليها
المهمة في سينا واختارتك لانك من أكفأ الظباط هنا
اسد :تمام يفندم الطلعه هتبقا امتي
اللواء محمود: هتبقي بعد يومين خد ده الملف وادرسه كويس
لان جالنا بلاغ أن في إرهابيي*ن هناك وهيفجرو اماكن كتير
اسد :أن شاء الله هبقي قدها يفندم
اللواء محمود:خد بالك من نفسك يا اسد انت زي ابني
اسد :وده شرف ليا قام وادي التحيه وخرج رجع مكتبه
اسد في نفسه:انا زعلان اوي اني مش هشوفها الكام يوم دول وكمل شغل وهو بيفكر في ملك
عند ملك ركبت وهي في طريقها للجامعه
ملك في نفسها:قال عايزني اركب معاه قال مفكرني زي البنات اللي يعرفهم النسوان*جي بس يخرب بيته قمر والا لما غمزلي
عيب يملك أي اللي بتقولي ده بس برضو قمر شكلي كده وقعت ومحدش سمي عليا بعد فتره وصلت الجامعه ودخلت هي وصحابها السيكشن
عند عشق صحيت من النوم وعنيها وارمه جدا من العياط
عشق :انا لازم انزل ادور على شغل وانسي مراد لبست ونزلت تدور علي شغل
عند اسد اتصدم لما لقا عشق سايبه الورقه
كانت كاتبه فيها الآتي
عشق :سامحني يا مراد اني مشيت لاني وعدتك اني مش هسيبك بس مقدرتش اقعد اكتر من كده انا لو كنت سيبتك تكمل اللي انت عايز تعمله كنت هبقي انا الخسرانه الوحيدة في العلاقه دي لانك متجوزني انتقام انت مبتحبنيش ويستحيل تحبني لأني اكتشفت اني متحبش انا كل اللي حبيتهم بعدو عني ماما بعدت عني وانت اهو هتبعد عني لانك متجوزني انتقام مش اكتر ومتستغربش اه انا حبيتك لا انا عشقتك بس كان لازم ابعد انت مكنتش هتبصلي فرق الطبقات بينا كبير انت من عيله غنيه وانا يعتبر مليش أهل
طلقني يمراد وعيش حياتك انت تستاهل كل خير انت شخص كويس واتجوز وابني اسره باي يمراد بحبك ❤️
مراد كان بيقرا كل ده وهو بيعيط
مراد :سيبتيني لييه انتي غبيه اوي غبيه انا عرف اني غلط لما حاولت اقرب منك انا زهقت مشيتي بعد ما اتعلقت بيكي اهههههه لييييييبييه انتي احسن انسانه في الدنيا واحده غيرك كانت سابتني لما تلاقي كل شويه بنت تطلعلها وتقولها انا اعرف جوزك انا اسف يعشق ارجعيلي انا اهلك يا حبيبتي وانا مش هبعد عنك انتي بتاعتي انا لازم الاقيكي انتي روحي ومفيش انسان يقدر يعيش من غير روحه ونزل يدور عليها
عشق لاقت شغل في كافيه واشتغلت اول يوم
#عشق_المراد
#عشق_المراد_بقلمي_نورا_رمضان
لمتابعة باقى الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
