رواية طلقني شكرا الفصل الثالث 3 بقلم صغيرة الكتاب
_ : هو إنت مش بتخوني ليه ؟!
= : نعم يا عينيا ؟!
_ : ما سمعتش ولا ما فهمتش ؟!
= : غالبا الاتنين
_ : يبني كلامي واضح انت مش بتخوني لييييه ؟!
= : معلش يعني بس اعذريني ف السؤال .. هو انتي هـ*بلة؟! دماغك طقت على المسا ؟! يعني مفيش نكد برضو بتجري وراه ؟!
_ : انت مكبر الموضوع يا علولتي ، فيها ايه لما تخـ*وني يعني وأقفشك و أعمل معاك مشكلة طويلة عريييضة وتوصل للطلاق وف الأخر و إحنا عند المأذون تقولي أنا بحبك ومش ها اطلقك وتسيبني وتمشي زي عمر وسلمى كده انت زوج غير صالح على فكره ، مش مخليني حتى أتخانق معاك عشان الحاجات التافهه ، ده انت حتى زميلاتك في الشغل مش بتتعامل معاهم
= : طب يعني هو انتي خلاص مبقتيش حباني فقولتي تدوري على حجه تسيبيني بيها ؟!
_ : لولتييي .. انت عارف إني بحبك صح ، علي كان مركز في الفون وقال وهو سرحان
= : ممممم ، رودي ضغطت على سنانها وابتسمت بغيظ و مسكت الفون بتاعها وكتبت و بعدها بكام ثانية وصلت رسالة لـ علي خلت الفون يوقع من ايده ، علي كان بيتنفض حرفيا ، كان عمال بيبص حواليه وهو متوتر ، وللأسف رودي ما عرفتش تمسك نفسها من الضحك لدرجة إنها وقعت في الأرض وهي بتضحك ، علي بصلها وهو مش فاهم أي حاجه ، وبعد ما رودي هديت شوية قالتله و هي بتحاول تكتم ضحكها
رودي : البنت اللي انت بتحبها وعمال تبعتلها في ورود وقلوب حمراء دي أنا يا حبيبي ، علي كان مبرق وباصصلها بذهول وقال
علي : إزاي ؟!
رودي : بسيطه .. حسيت إنك بدأت تمل مني قومت فاتحه أكونت قديم مكنتش بفتحه خالص وكلمتك منه ، وأهو تخوني معايا أحسن ما تخوني مع غيري ، مكنتش ناوية أفضح الحدوته دي دلوقت بس اضطريت للأسف وبعتلك من الأكونت القديم وقولتلك ركز مع مراتك وهي بتكلمك 😂😂 ، علي من كتر الصدمة بقا مش عارف يضحك ولا عارف يودي وشه فين منها ، وبعد ما بدأ يستوعب الموضوع كله على بعضه لف السبع لفات ورا رودي في الشقة
#يتبع....
لمتابعة باقي الرواية زوروا قناتنا علي التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
