رواية ليس ذنبي الفصل الحادي عشر
عدت الايام ومحمد بقا متعلق ببنته جدا
ويمكن حب داليا بسببها وبقا مركز معاها اكتر من الشغل
وسَند كبر والنهارده اول يوم ليه في الجامعه في كليه الطب
ياسمين. سَند يلا اصحي هتتأخر علي المحاضره
سَند بنوم سيبيني انام ي ياسمين
ياسمين بزعيق قوم بقا غلبتني معاك
سَند صحي اهو قومت صباح الخير ي ياسمين
ياسمين بغيظ انا امك ي ولد اي ياسمين دي
سَند امي اي بس دانتي اصغر مني
حضريلي الفطار بقا ي ياسمين
مشيت ياسمين بغيظ وراحت تحضرله الفطار
ضحك سَند علي منظرها ودخل ياخد شاور عشان يلبس وينزل الجامعه
عند محمد
قاعدين علي السفره بيفطروا
النهارده اول يوم لسليا في المدرسه
محمد حبيبت بابي كبرت وبقت في اولي ثانوي
سيليا بأبتسامه جميله مش عارفه خايفه اوي
محمد خايفه لي يروحي بنتي الحلوه متخفش ابدا
سيليا عشان اول يوم دراسه وانا بتوتر بسرعه
محمد باس خدها اوعي تقولي كدا تاني بنوتي مبتخفش من حاجه
سيليا مبخفش وانت معايا يحبيبي
هي ماما فين؟
محمد ماما نايمه فوق محتاجه حاجه
سيليا بحزن لا كنت عاوزه اشوفها واوريها اللبس دا عليا بس خلاص
محمد قمر يروحي وانا هصورك وابقي وريها الصور وقعدوا يتكلموا
سيليا حنينه جدا وطيبه عكس داليا ومحمد خالص بس شخصيتها ضعيفه شويه
وداليا مبتهتمش بيها خالص ودا مأثر عليها
محمد وصل سيليا للمدرسه وراح الشركه
عند سَند حضر محاضره وخرج
راح يدور علي شغل لان ياسمين مكنتش راضيه يخليه يشتغل
راح من غير م تعرف
وصل مطعم وكلم صاحبه وحكاله ظروفه ووافق يشغله
سَند غير ياسمين خالص ملامحه جامده وميبنش حنين وصعب في التعامل
ولكنه من جواه حنين جدا
لكن من وقت ما ياسمين حكتله علي الي محمد عمله وهو اتحول وبقا كل هدفه ينتقم من محمد
رجع سند البيت وشاف ياسمين قاعده وباين علي ملامحها التعب
سند مالك ي ياسمين
ياسمين بأبتسامه مفيش حاجه ي حبيبي
هتتغدي؟
سند مالك ي ياسمين
ياسمين تعبانه شويه وهاخد العلاج واخف
سند لا انتي تعبانه من الزفت الشغل ومش هتروحيه تاني اصلا تعبك دا مبيبطلش يجيلك
من ١٨ سنه وانتي بتتعبي
انا السبب في كل دا عشان واحد ابن **** جابني علي الدنيا ورماني
انا بكرهه
ياسمين بخوف خلاص ي سند مفيش حاجه ي حبيبي
سند انا لقيت شغل وانتي مش هتشتغلي تاني
وسابها ومشي
........
يتبع.....
