رواية عشقت فهد الصعيد الفصل الثالث والعشرون
صعد فهد إلي الجناح وأنصدم من شكل ضحي
فهد بلهفه : ضحي حبيبتي مالك فيكي إيه
كانت ضحي وشها باين عليه التعب الشديد وعرق نازل من وشها من كتر الألم إلي في ضهرها
ضحي بتعب : مافيش يا فهد بس نسيت أخد العلاج
فهد بغضب : و إزاي تنسي تاخدي العلاج يا ضحي فين هو
قام فهد وراح جاب العلاج لي ضحي واخدته
فهد بضيق : أحسن دلوقتي
ضحي بدموع وتعب : أيوه شكرا هاقوم أخد شور
فهد : تمام أتفضلي
دلفت ضحي إلي الحمام وهيا في قمه التعب
''في شرفه الجناح''
كان فهد يجري مكالمه و هو يشعر بي الضيق
فهد : أيوه يا أحمد عايزك تأخر الحجز لي بعد العيد بي يومين
أحمد : في حاجه يا مستر فهد
فهد بضيق : لا مافيش بس جد حاجه عندي
أحمد : تمام يا مستر فهد ها اخر الحجز و هبعتوا لي حضرتك
فهد : تمام سلام
قفل فهد مع أحمد و فضل شارد شويه لحد ما حس بي شئ خلفه ألتفت لي ضحي كانت في قمه الجمال و شعرها كان شكله جميل أوي و هو بيطير مع الهوا و كانت لابسه قميص نوم أبيض و عليه الروب بتاعه كانت في قمه الاثاره
ضحي بحب : مالك يا حبيبي
فهد و هو بيشدها لي حضنه : ضحي إنتي عامله إيه
ضحي بتوتر : إيه معجبكش ولا إيه
فهد بحب : ياروحي دا جنان عليكي بجد
ضحي بفرحه : اممم طب فهد أنا كنت عايزه أقدم الورق بتاعي في الجامعه
فهد : ما تقلقيش ياروحي انا مجهز لي كل حاجه صحيح إنتي مالك النهارده حاسك تعبانه
ضحي بتوتر وتعب : لا مافيش بس أحنا النهارده لفينا النهارده في المول كتير فا كنت تعبانه و كمان منمتش كويس
فهد بخبث : أه منا عارف صحيح تعالي كنت عايزك في كلمه سر
ضحي بخجل وتعب : فهد بس أنا النها
ولم تكمل ضحي الكلمه و كان فهد حملها و أتجه لي الداخل
'' في الصباح ''
أستيقظت ضحي علي صوت خبط علي الباب، قامت لبست روب و فتحت الباب
ضحي بنوم و تعب : إنتي حيوانه يا شيماء في حد بيخبط علي الصبح كده
شيماء بضحك : صبح صح النوم يا عروسه دا أحنا الظهر
ضحي بصدمه : الظهر إزاي ''ولفت تشوف فهد مالقتوش'' فهد فين
شيماء : فهد ليه ساعتين نازل يا عروسه و إنتي كنتي في سابع نومه يلا انا و نور جايين عشان نلبس فساتين الحنه عندك
ضحي بنوم : تمام هاخد شور تكوني جيتي إنتي ونور و جبتي الفساتين
شيماء : تمام
قفلت ضحي مع شيماء و راحت تاخد شور
'' في جناح شيماء ''
شيماء : يلا يانور إنتي فين
نور : أنا جيت يلا عشان بنات عمك جم و الحنانه جت ومستنيا تحت
شيماء : تمام بس أحنا هننزل نهيص معاهم تحت و بعد كده هنلع جناحي عشان الحنانه ترسم لينا الحنه
نور : تمام أنا أصلا كنت هقول كده بس في حد جي و مكناش متوقعين إن يجي
شيماء بتوتر : مين
نور : عبير بنت عمتك حنان
شيماء : نهار أسود إيه إلي جبها دي
نور : و أنا مالي بس إدعي متعملش مشاكل مع ضحي عشان متعلقهاش
هنا الباب أتفتح مره واحده
عبير بغيظ : مين دي إلي تعلقني هاا
شيماء بغيظ : مش فيه حاجه اسمها باب و إلي تعلقك دي ضحي فا أتقي شرها أحسنلك
عبير بغضب : هيا تقدر وبعدين فين فهد ها وحشني اوي
نور : ما تتلمي يا عبير تمام بدل و لله إنتي عارفه هقول لي مين
عبير بغضب : ولله تمام وهيا فين ست الحسن و الجمال
شيماء : إنتي مالك ها يلا إنزلي تحت نور يلا عشان ضحي دلوقتي مستنينا
نور بدلع : يلا يا روحي باي باي يا عبير
مشيو البنات و هما بيضحكوا و عبير كانت هتموت من الغيظ
عبير : ماشي يا ضحي و لله ما هخليكي تتهني بيه فهد دا بتاعي أنا
خرجت عبير و نزلت تحت عند الحريم وهيا في قمه الغضب
فخريه بضيق : مالك يا عبير
عبير بضيق : مافيش يا مرات عمي بعد أذنك
فخريه بهمس : واحده عقربه بصحيح
زينب : هيا مين
فخريه : خضتيني يا شيخه دي عبير
زينب : معاكي حق البت ملزقه كده و شوفتي عامله إيه في وشها كأنها حاطه جردلين بوهيه علي وشها
فخريه بضحك : يخربيتك يا زينب معاكي حق لا و إيه لازقه في فهد مش عارفه طالعه لي مين و لله دي حنان طيبه وغلبانه
زينب : معاكي حق ولله يلا ربنا يهديها تعالي نروح عند الضيوف
'' في جناح فهد ''
ضحي : وهيا بقا جايه عشان تاخد فهد مني طب وربنا منا سيباها بوذ البطه دي و لسه زي ماهيا عفشه و لا إيه
شيماء بضحك : لا لسه زي ما هيا بس هيا بقا بتخبي عفشتها بي كميه الميكب إلي بتحطها علي وشها بس شاطره أحنا عيزينك كده دايما و أحنا كمان عطناها كلمتين خليناها تشد في شعرها
نور : أيوه ياضحي عيزينك جامده كده
ضحي : أستنو بس عليا يلا عشان نلبس عشان منتأخرش
نور : طب دلوقتي انا معرفش إزاي نلبس الساري الهندي دا إزاي و بعدين نص بطني هتبقا بينا يا حلوه منك ليها كلهم بطنهم بينين
ضحي بضحك : بصي أنا بعرف إزاي بيتلبسو و عشان بطننا هتبقا باينه فا متخافيش مافيش اي راجل هيدخل هنا خالص غير ممكن جدي سالم أو محمد
شيماء : تمام يلا بينا
ضحي : لحظه هجيب الاكسسوارات الهنديه عشان نلبسها
بدأو البنات في التجهيز لي الحنه
'' بعد ساعه ''
كانت البنات جاهز وكانت في قمه الجمال كانت ضحي ترتدي ثوب بي اللون الأحمر و الذهبي مع حلي مناسب لي الثاري و ميكب خفيف يبرز ملامحها و فارده شعرها علي مصرعيه و هكذا بقيه البنات وكانت نور ترتدي ثوب بي اللون الأزرق و شيماء ثوب بي اللون الأخضر كانو في قمه الجمال و الاناقه
شيماء بحماس : واووو بجد الفساتين جامده قوي
ضحي بفرح : فعلا ادعولي بقا من غيري كونتوا ضعتوا
نور : طب يلا بينا بقا
ضحي : يلااا
•••••••••••••••••••••••••
بدل ماتدور وتبحث علي الروايات خليها علي تليفونك وحمل تطبيقنا
